Тренерот на Барселона, Чави Хрнандез, призна дека неговиот тим имал многу потешкотии против Ајнтрахт на првиот меѓусебен натпревар во четвртфиналето на Лигата на Европа. Натпреварот во Германија заврши 1:1, а поранешниот играч од средниот ред ги пофали домаќините.

„Се соочивме со тежок и физички многу силен противник. Не знаевме како да ги спречиме. Моравме да играме поцврсто за да се справиме. Дополнително, теренот не беше во многу добра состојба. Создадовме помалку ситуации од вообичаено, но задоволни сме од резултатот. Вообичаено, тимот што ќе ја совлада иницијативата има повеќе шанси за гол, но тоа денеска не беше случај. Ајнтрахт правеше ѓаволски контранапади и ние навистина не знаевме како да им се спротивставиме“, изјави тренерот на Каталонците.

Челниците на Париз Сен Жермен, се истрајни во нивната желба да го задржат Килијан Мбапе во клубот. За таа цел тие се подготвени да одвојат неверојатна сума пари за 23-годишниот Французин.

Добро информирани новинарски извори тврдат дека популарните „Светци“ нудат неверојатни 150 милиони евра за нов двегодишен договор на Мбапе. Напаѓачот и репрезентативец на Франција е во преговори со неговиот актуелен клуб но и со Реал Мадрид, и многу брзо ќе мора да донесе одлука бидејќи неговиот сегашен договор истекува на крајот од сезоната.

Мбапе на 27 првенствени натпревари сезонава има постигнато 17 гола и 13 асистенции.

Антонио Конте неодамна имаше состанок со претседателот на Тотенхем, Даниел Леви и му беа ветени неколку засилувања на лето.

Најголема желба на Конте е дефанзивецот на Интер, Бастони, бидејќи сака да ја засили одбраната. Бастони има договор до 2024 година, но е еден од најмалку платените фудбалери во тимот, а нема најави за продолжување на соработката.

Тотенхем му нуди четиригодишен договор и плата од 6,5 милиони евра, а е спремен да понуди 50 милиони евра за неговиот потпис.

Баерн Минхен се договори со играчот за врска на Ајакс, Рајан Гравенберх, пренесува „Билд“.

Гравенберх ги договори личните услови со Баварците и сака да се пресели  на „Алијанц Арена“, па сега останува уште двата клуба да се договорат за обештетувањето. Ајакс за 19-годишниот плејмејкер бара 35 милиони евра, додека Баерн понуди 25 милиони со вклучени бонуси за неговиот потпис.

Гравенберх има договоро со Ајакс до 2023 година и нема намера да ја продолжи соработката, па холандскиот клуб мора да го продаде на лето.

Академија Пандев не ја прифати оставката на тренерот Ѓорѓе Стојчев.

Откако „пандевци“ не победија на последните два натпревари со Скопје и Борец, против Скопје беа и поразени Ѓорѓе Стојчев ја презема одговорноста и си поднесе оставка од местото прв тренер.

Сепак, денес од клубот соопштија дека неговата оставка не е прифатена и тој ќе остане да го води тимот.

„На денешниот состанок на Управниот одбор на клубот беше разгледена понудената оставка од страна на Шефот на стручниот штаб на сениорскиот тим – Ѓорге Стојчев. Сакаме да ја информираме јавноста дека понудената оставка НЕ Е ПРИФАТЕНА. Управниот Одбор, сите вработени, како и сите кои на било каков начин се поврзани со клубот целосно ја даваат поддршката на тренерот Ѓорге Стојчев, а убедени сме дека резултатската криза ќе се надмине веќе во наредните натпревари. Решението за назначување на Стојчев за тренер на сенирскиот тим не е случајно и го сметаме за најважна алка во градењето на тимот во иднина“, соопштија од Академија Пандев.

Познатиот новинар Фабрицио Романо тврди дека Ливерпул е подготвен да потпише договор со офанзивниот играч на Фулам,Фабио Карваљо.

Двата клуба наводно постигнаа договор за сума од 5 милиони фунти плус уште 2,7 милиони како бонуси . Овој трансфер требаше да се реализира уште во јануари, кога во последните часови од зимскиот преоден рок Ливерпул се обиде да го ангажира Португалецот, но немаше доволно време да се комплетира истиот.

Во трансферот се вклучени многу бонуси за фудбалскиот клуб Фулам, кој ќе добие 20% од евентуална наредна продажба на Карваљо. Договорот на младиот играч со клубот од „Енфилд“ќе биде до 2027 година.

Манчестер Сити ќе му оддаде посебна почит на својот најдобар стрелец на сите времиња Серхио Агуеро. Популарните „граѓани“ ќе ја откријат неговата статуа на стадионот „Етихад“ за да ја одбележат 10-годишнината од неговиот гол, со кој заврши 44-годишното чекање на титулата во Премиер лигата. 

 На тој натпревар Сити преку пресврт го победи Квинс Парк Ренџерс со 3-2 во последното коло од сезоната 2011-12, а Агуеро беше стрелец на голот за победа.

Агуеро за десет години во Манчестер Сити постигна 260 гола на 390 натпревари, освои пет титули во Премиер лигата, еден ФА Куп и шест Лига купови. Статуата на Агуеро ќе биде откриена на 13 мај.

Раководството на Барселона му понуди на Роберт Левандовски тригодишен договор со плата од 8 милиони евра по сезона плус бонуси. Ова го изјави новинарот од програмата „Ел Чирингито“ Хозе Алварез.

Според него, на овој начин Каталонците ја задоволуваат желбата на 33-годишниот Полјак за рокот на договорот.

Асот на Баерн (Минхен) има договор со својот сегашен клуб на уште 12 месеци, а од „Алијанц Арената“ моментално му нудат продолжување на само една година. Сепак, Лева сака подолг договор и нов предизвик.

Барселона е подготвена да му ја исполни желбата за рокот на договорот, но му нуди помала плата од сегашната која моментално изнесува околу 12 милиони евра нето.

Агентот на напаѓачот Пини Захави веќе почна со овие услови и сега го чека одговорот на Левандовски од „Камп Ноу“. Ел Чирингито тврди дека самиот фудбалер е задоволен од оваа понуда, но Баерн подготвува нова понуда до Левандовски за да го убеди повторно да потпише.

Некои од највлијателните спортски медиуми од Англија, пренесуваат дека Тренерот на Ајакс, Ерик тен Хаг, по завршувањето на сезоната ќе го преземе Манчестер Јунајтед.

Според пишувањата на медиумите, раководството на „црвените ѓаволи“ се одлучиле за ангажман на  холандскиот стручњак. Неговата кандидатура била одобрена од извршниот директор на клубот Ричард Арнолд и сопственикот Џоел Глејзер, кои веруваат дека Тен Хаг е вистинскиот избор за нов тренер на „црвените ѓаволи“.

На чело на Манчестер Јунајтед моментално е 63-годишниот Германец Ралф Рангник. Тој ја презеде функцијата на 3 декември 2021 година и беше назначен за привремен менаџер.По завршувањето на сезоната тој ќе заземе позиција во структурите на Манчестер Јунајтед.

Некои од англиските медиуми пренесуваат дека играчот на Барселона, Мемфис Депај може да го напушти Камп Ноу една година пред истекот на неговиот актуелен договор со клубот.

Според информациите, интерес има од Арсенал, кој има потреба од фудбалер во нападот по разделбата со Пјер-Емерик Обамејанг, кој замина во Барса.

Евертон е исто така заинтересиран за холандскиот инернационалец доколку екипата обезбеди опстанок во Премиер лигата и во наредната сезона.

Њукасл Јунајтед е третиот клуб од Премиер лигата кој го „прати“ Депај, и може да си дозволи да испрати повисока финансиска понуда за негов ангажман.