Фудбалскиот сојуз на Русија (РФС) ја повлече жалбата на одлуката на ФИФА за забрана за учество на „Зборнаја“ на меѓународни натпреварувања, со што практично го прифати исклучувањето од Светското првенство во 2022 година, соопшти Судот за спортска арбитража (ЦАС).

Во соопштението ЦАС истакна дека постапката наскоро ќе биде затворена. На крајот на февруари ФИФА ја суспендираше Русија на неодредено време од сите натпреварувања, а сето тоа поради војната со Украина.

Русите тогаш најавија жалба, но сега се повлекоа и ја прифатија конечната одлука.

Сепак, Русија ја продолжува акцијата против Европската фудбалска федерација (УЕФА) и се уште се надева дека ќе и дозволи на женската репрезентација да учествува на Европското првенство летово во Англија, кое ќе се игра од 6 до 31 јуни.

Ѕвездата на Манчестер Јунајтед – Кристијано Роналдо, повторно тренира со екипата. Португалецот поради настинка го пропушти ремито со Лестер, но сега повторно му е на располагање на тренерот Ралф Рангник. Тоа значи дека Роналдо сигурно ќе биде во тимот за тешкото гостување кај Евертон во сабота.

Во меѓувреме, Роналдо беше прогласен за играч на месецот на Јунајтед.

„Ви благодарам многу за гласовите и поддршката. Се чувствувам многу среќен и мотивиран за остатокот од сезоната. Како и секогаш ќе дадам се од себе“, изјави Роналдо за навивачите на „црвените ѓаволи“.

Гонзало Игуаин, кој настапува во американската МЛС лига за екипата на Интер Мајами, ги демантираше информациите дека ќе се пензионира на крајот на оваа сезона.

„Зборовите на татко ми беа погрешно разбрани. Ова е некакво недоразбирање. Никогаш не зборував со него за пензионирање. Оваа информација нема никаква врска со реалноста, целосно сум фокусиран да играм за сегашниот клуб и да го исполнам договорот. Кога ќе дојде време да ја завршам кариерата, и да биде донесена таква одлука, јас ќе бидам единствениот кој ќе го објави тоа. Никој освен мене нема д азборува за тоа“, изјави Игуаин.

Игуаин се пресели во Интер Мајами во 2020 година. Договорот на играчот со клубот е до 2022 година. Претходно, Аргентинецот играше за Јувентус, Челзи, Милан, Наполи и Реал Мадрид.

Фудбалерот на Милан, Алесандро Флоренци, имаше успешна операција на менискусот на левото колено, објави денеска калчо-лигашот.

„Росонерите“ не наведуваат до кога ќе трае процесот на рехабилитација на дефанзивецот иако вообичаениот период е неколку месеци.

Ќе потсетиме дека во изминатиот октомври италијанскиот репрезентативец ја имаше иста операција на истото место.

Манчестер Сити се вклучи во трката за францускиот репрезентативец, Орелиан Чаумени, пренесуваат англиските медиуми.

Чуамени минатата сезона се наметна во тимот на Монако, а оваа сезона игра одлично и веќе е стандарден во француската репрезентација. За Чуамени силен интерес покажува Реал Мадрид, но Манчестер Сити е спремен да ја победи конкуренцијата и веќе стапил во контакт со неговиот агент.

Гвардиола верува дека Французинот идеално ќе се вклопи во неговиот стил и на игра и е во потрага по таков профил на фудбалер. Монако за слободата на својата ѕвезда бара 60 милиони евра, а „граѓаните“ се спремни да ја платат таа сума.

Кристијан Пулишиќ ги демантираше шпекулациите дека сака да го напушти Челзи на крајот на сезоната.

23-годишниот Американец оваа сезона настапи само на 15 меча во сите натпреварувања, па поради тоа се појавија шпекулации дека сака да замине од „Стенфорд Бриџ“.

„Среќен сум тука. Постигнавме некои неверојатни нешта откако сум во Челзи. Уживам во фудбалот тука. Во моментов не размислувам за трансфер“, изјави Пулишиќ.

Американецот има договор со Челзи на уште две години, а сериозен интерес за него покажуваат Јувентус, Милан и Барселона.

Познатата аукциска куќа „Сотбис“ соопштува дека дресот кој Диего Армандо Марадона го носеше на натпреварот против репрезентацијата на Англија на Светското првенство во 1986 година, ќе биде ставен на продажба.

Марадона во тој дрес ја предводеше Аргентина до победа од 2:1, постигнувајќи два легендарни гола. Првиот гол го постигна со помош на „божјата рака“, кога топката со тупаница ја смести во мрежата на голманот Шилтон. Додека вториот гол е прогласен за „гол на векот“, кога почнувајќи од центарот на теренот успеа да го издрибла скоро целиот тим на англичаните.

Од аукциската куќа исвестуваат дека дресот ќе биде понуден на продажба на 20.април, и за него се очекува да биде достигната сума од над 4 милиони фунти.

Баерн Минхен се вклучи во трката за потписот на играчот на Ајакс, Нусер Мазрауи, пренесува „Билд“.

Овој 24 годишен десен бек оваа сезона блеска во дресот на Ајакс па го привлече вниманието на многу европски гиганти.

Неговиот договор со Ајакс истекува на крајот на сезоната, а Барселона сака да го донесе без обештетување на „Камп Ноу“ и преговата со неговиот агент. Меѓутоа, понудата на Баварците е многу подобра од таа на Барселона, па Мароканецот во моментов е поблиску до преселба во Минхен.

Баерн му понудил договор до 2026 година, со опција за уште една сезона и многу подобри финансиски услови.

Белгиецот Кевин Де Брујне, беше стрелец на единствениот гол од четвртфиналниот натпревар во Лигата на шампионите помеѓу екипите на Манчестер Сити и Атлетико Мадрид.

„Беше навистина тешко, поготово првото полувреме. Во второто имавме неколку шанси и добро е што успеавме да искористиме една од нив. Фил Фоден одлично ме проигра, и јас останав присебен и успеав да го постигнам голот. Атлетико играше со пет играчи во одбраната и пет во средината. Очекувам слична игра и во реваншот наредната недела. Но пред тоа нашиот тим има голем натпревар во Премиер лигата против Ливерпул. Сите со нетрпение го очекуваме овој дуел кој може да биде и натпревар на сезоната“, истакнува Де Брујне.

Хуан Мата, кој на крајот на април ќе наполни 34 години, нема намера да се повлече од фудбалските терени иако во сезонава одигра само 5 натпревари во сите конкуренции.

Шпанскиот интернационалец кој нема да добие ново продолжување на соработката со „црвените ѓаволи“, планира да замине во друг состав. Мата се активираше на „Олд Трафорд“ во 2014 година и досега го овои Лига купот, ФА Купот, Лигата на Европа и трофејот Комјунити Шилд.

Тој претходно се израдува на пехарот во Лигата на шампионите во дресот на Челзи а исто така победи и во Лигата на Европа и ФА Купот