Холандскиот фудбалски стручњак Луј Ван Гал ќе се врати во Ајакс во улога на советник, објави амстердамскиот клуб кој е во голема криза. Ван Гал кој минатата година објави дека боледува од рак на простата ќе го советува Ајакс за фудбалски работи.

„Би сакал да му помогнам на Ајакс. Мојот живот се одвива во Португалија и добро се комбинира со оваа улога како надворешен советник“, рече Ван Гал.

Ајакс е во една од најтешките кризи во својата 123-годишна историја, со моментален пласман на 15-то место во лигата.

Клубот минатата недела го отпушти спортскиот директор Свен Мислинтат.

Дисциплинското тело во шпанската Ла Лига денеска донесе одлука за сите спорни ситуации кои беа актуелни изминатиот викенд, а посебен фокус се стави на лудачкиот старт кој го режираше Начо Фернандез против Џирона.

Капитенот на Реал Мадрид имаше момент на помрачување и режираше несфатлив старт во 94-та минута, и тоа во ситуација кога Реал Мадрид ја имаше осигурано победата над каталонскиот ривал.

Начо му нанесе повреда на Порту и предзивика турканица на теренот, па со оглед и на медиумскиот притисок кој се создаде, беше јасно дека ќе добие повеќе од стандардната суспензија.

Играчите во Шпанија добиваат по еден меч казна за добиен црвен картон, но поради опасна и агресивна игра, Начи доби примерна казна и ќе го пропушти и првото „Ел Класико“ во новата сезона.

Дисциплинците му доделија казна од три натпревари, а покрај „Ел Класико“, Начо нема да игра и на дуелите против Осасуна и Севилја.

Салах во летниот преоден рок беше блиску до трансфер во Саудиска Арабија, па не е исклучено наскоро да го напушти Ливерпул.

Клубот од „Енфилд“ веќе почнува да размислува за негов наследник, бидејќи на крајот на сезоната Ливерпул ќе биде спремен да го продаде Египќанецот. Прв избор е ѕвездата на Баерн Минхен и германски репрезентативец Лерој Сане. Клоп ќе се обиде да го убеди да дојде во Ливерпул, но Баерн е тежок преговарач.

Втор на листата желби е Рафиња од Барселона. Каталонците се спремни да го продадат на лето бидејќи имаат финансиски проблеми.

Третиот фудбалер кој Ливерпул интензивно го следи е Педро Нето од Вулверхемптон.

Жоао Феликс експресно се адаптираше на фудбалската филозофија која ја негува Барселона и веднаш се пронајде во стилот на игра кој го негува Чави, што дефинитивно е целосен контраст од она што го доживуваше во Атлетико Мадрид.

Иако мина неколку години во шпанската престолнина, Португалецот никогаш не успеа да се снајде во тактиката на Диего Симеоне, па сега отворено говори за комплетно различните стилови откако фановите конечно ги гледаат неговите вистински квалитети.

„Како што кажав веќе неколку пати, има огромна разлика меѓу Барселона и Атлетико. Разликата се гледа во се, во тимот, во играта, во клубот. Гледате како игра Барселона, а како Атлетико. Не велам дека играта на Атлетико е лоша, но јас подобро се адаптирам на оваа игра во Барселона. Сега сум среќен, а истото важи и за моето семејство.

Оваа изјава на Жоао Феликс одново наиде на големи критики од фановите на Атлетико, но од говорот на пресот, Феликс го издвои и играчот кој најмногу го импресионирал на првите тренинзи и натпревари.

Ако треба да бирам еден, тоа е Френки Де Јонг. Го познавав од гледањето на телевизија, но друго е кога го гледате во живо и кога сте на неколку метри од него. Ведаш добивате друга перспектива поради начинот на кој ја контролира играта и темпото на тимот“, додава Феликс.

Приоритет на Реал Мадрид во летниот преоден рок ќе биде доведување на врвен напаѓач.

После заминувањето на Бензема, Реал остана без врвен напаѓач, а најголема желба за нова „деветка“ е Лаутаро Мартинез. Килијан Мбапе останува цел број еден за нападот на Реал Мадрид, но Аргентинецот треба да пристигне заедно со Французинот.

Лаутаро неодамна потпиша договор до 2026 година, но Интер не ја исклучува можноста за продажба доколку стигне понуда повисока од 100 милиони евра.

Аргентинецот оваа сезона игра во врвна форма, па Реал ќе мора добро да го одврзе кесето за неговиот потпис.

Тренерот на Арсенал, Микел Артета по натпреварот од второто коло од групната фаза на Лигата на шампионите со Ленс (1-2) изрази загриженост за повредата што ја доби напаѓачот на тимот Букајо Сака. Поради повреда играчот беше заменет во 34. минута.

„Во првото полувреме се обиде да ја удри топката со пета и почувствува нешто. Ова е мускулен проблем. Нему му беше тешко да игра и моравме да го замениме. Ништо друго не знаеме. Очигледно повредата беше доволно сериозна за да го спречи да го продолжи натпреварот. Ова не прави загрижени. Не знам дали ќе може да игра следниот викенд. Не многу одамна, Сака доби удар, но оттогаш се опорави. Сега имаше движење на петата наназад што можеше да предизвика ваков вид на повреда. Ајде да видиме колку е сериозно. Не пропушти ниту еден натпревар, освен натпреварот од Лига купот против Брентфорд каде го одморивме, но тоа е тоа“, изјави Артета.

Во следниот натпревар во англиската Премиер лига, Арсенал ќе го пречека Манчестер Сити. Натпреварот ќе започне во 17:30 часот во недела на 8 октомври.

Раул Гонзалес повеќе од една деценија не е активен на фудбалските терени како играч, но остана во фудбалот и работи како тренер.

Но, во тренерската работа Гонзалес немал некој посериозен ангажман и работи со младински категории и Б тимот на Реал Мадрид. Секако дека има желба да води и клуб на големата сцена, но Раул не брза. Сега медиумите пишуваат дека одбил понуда од германскиот гигант Шалке. Подолго време Шалке е во криза и сега настапува во германската втора лига каде што се наоѓа на катастрофалното 16. место.

Гонзалес наводно добил повик да дојде и да му помогне на поранешниот клуб, но одговорот на Шпанецот бил дека ќе продолжи да работи во Мадрид. Шалке како играч го носеше дресот на Шалке од 2010 до 2012 година и постигна 40 гола на 97 натпревари.

Арда Ѓулер нема да остане во Реал Мадрид оваа сезона, затоа што не му бил потребен на тренерот Карло Анчелоти и ќе замине на позајмица во јануари.

Ѓулер ги скара гигантите Барселона и Реал Мадрид, по што од Фенербахче се пресели во главниот град на Шпанија, каде што воодушеви на подготовките. Турчинот, сепак, се повреди на подготовките, а во меѓувреме се врати во составот на Анчелоти, но накратко бидеќи повторно се здоби со повреда.

Шпанските медиуми пишуваат дека Анчелоти нема да смета на Ѓулер оваа сезона, а засега не е познато каде би играл на позајмица до крајот на 2023/24.

Мајк Мењан е еден од најважните карики во Милан и се етаблираше во еден од најдобрите голмани во Европа.

За него силен интерес покажуваат Челзи и ПСЖ, кои нема да жалаат пари на лето да го доведат во своите редови. Мењан потекнува од школата на ПСЖ, во моментов е прв голман на француската репрезентација и „светците“ се спремни на лето за него да понудат 80 милиони евра.

Меѓутоа, 27-годишниот голман започа преговори за обновување на договорот со Милан, кој сака да го награди за добрите партии, но и да се заштити од интересот на ПСЖ и Челзи.

Милан му понудил нов договор до 2028 година со зачително зголемување на платата и се очекува Мењан да биде еден од најплатените фудбалери на тимот.

Рафаел Варан, на прес-конференцијата пред натпреварот од ЛШ против Галатасарај во Истанбул, истакна дека неговиот Јунајтед имал доволно силен тим да ја освои ЛШ сезонава.

Поголемиот дел од навивачите на Јунајтед, па и оние од неутралниот сектор, нема да се согласат со оваа помалку налудничава изјава на францускиот дефанзивец.

Јунајтед има крајно лоша серија во Премиерлигата сезона и го има еден од најслабите стартови од нивното постоење. Но ете, Варан е убеден во спротивното, дека се конкурентна екипа.

„Мислам дека ова натпреварување е едно од најтешките, затоа мора во детали да бидете внимателни, за да го освоимте. Следните недели се наша шанса да се поправиме значително, мора да правиме акции, да има шанси и да постигнуваме голови“.

„Примаме доста лесно голови и тоа мора да биде поправено, исто и ефикасноста. Но верувам дека имаме доволно силна екипа за да освоиме Лига на шампиони. Како што реков, натпреварувањето е тешко, но имаме тимски квалитет па мора да поработиме на подобрување на формата“, порача Рафаел Варан.