Според пишувањата во италијанските медиуми, Милан ќе се обиде да го привлече Герет Бејл од Реал Мадрид. Договорот на 32-годишниот играч од Велс со тимот на Реал Мадрид истекува на крајот од сезоната. 

Информациите велат дека Паоло Малдини кој е спортски директор на „росонерите“веќе разговарал со претставници на играчот. Клубот од Милано сака да дознае под кои услови Бејл би се согласил да се пресели на Сан Сиро.

Герет Бејл оваа сезона одигра само 5 натпревари за Реал Мадрид, на кои постигна еден гол.

Шпанските медиуми објавуваат дека младиот бразилски талент Винисиус Тобиас и официјално е нов фудбалер на Реал Мадрид.

18-годишниот десен бек ќе игра на Сантијаго Бернабеу како позајмен играч од екипата на Шахтјор Доњецк со договор до 30 јуни 2023 година.

Во договорот постои опција за купување која Реал Мадрид може да ја активира по истекот на позајмицата.

Приходите генерирани од клубовите од Бундеслигата во сезоната 2020/2021 паднаа за повеќе од 8,5 отсто на 3,47 милијарди евра (3,84 милијарди долари) од 3,8 милијарди евра, откако пандемијата ковид-19 доведе до тоа повеќето натпревари да се играат без навивачи, објави Германската фудбалска лига. Во извештајот се наведува дека намалувањето на приходите е главно од продажбата на билети, која изнесувала 22,4 милиони евра во 2020/2021 година, наспроти 520 милиони во сезоната 2018/2019 година пред пандемијата.

Во декември 2020 година, германската фудбалска лига предвиде пад на профитот од околу една милијарда евра во сезоната 2020/2021, доколку навивачите останат надвор од стадионите во текот на целата кампања. „Во последните две години, пандемијата веќе имаше драматично економско влијание врз Бундеслигата. За жал, тоа влијае и на тековната сезона, бидејќи повторно трибините често мораа да се останат празни“, рече Доната Хопфен, портпаролка на Извршниот комитет на лигата.

Покрај тоа, клубовите се помалку подготвени да инвестираат многу во нови играчи, бидејќи приходите од трансфери исто така нагло паднаа на 469 милиони евра, од 533 милиони евра во сезоната 2015/2016.

Тренерот на Вест Хем, Дејвид Мојс, им порача на клубовите кои се заинтересирани за купување на Деклан Рајс, да се откажат од битката за негов трансфер.

23-годишниот фудбалер најмногу се поврзува со заминување во Челзи и Манчестер Јунајтед, но шкотскиот тренер не сака лесно да се одрекне од него.

„Прво сакам да истакнам дека Деклан не е на продажба. Но ако сте заинтересирани, можам да кажам дека сумата за него ќе биде вртоглаво висока. Минимална цена за него според мене би изнесувала 150 милиони фунти, но повторно истакнувам дека тој не е на продажба“, изјави Дејвид Мојс.

Селекторот на фудбалската репрезентација на Србија, Драган Стојковиќ-Пикси, внимателно и со избрани зборови ја прокоментира ждрепката и групата во која се најде Србија за СП во Катар.

„Групата е тешка, мора да ги респектираме ривалите, но пред се мора да се респектираме самите себе. Пред нас е мини турнир со три натпревари кои мора да ги одиграме на највисоко ниво. Ние не се плашиме, сакаме предизвик и мислам дека ќе успееме.Бразил, Швајцарија и Камерун заслужуваат максимално почитување“, истакнува селекторот Стојковиќ.

Бенфика одреди цена од 60 милиони евра за својот уругвајски напаѓач Дарвин Нуњеш, информира „А Бола“.

22-годишниот уругвајски репрезентативец е во полето на интерес на клубови како Интер, Милан, Тотенхем, Арсенал и Вест Хем. Оваа сезона тој постигна импресивни 26 гола на 33 натпревари во сите натпреварувања.

Според информациите на „А Бола“, фаворити за неговиот потпис се италијанските гиганти. Интер е пред разделба со Лаутаро Мартинез и веќе бара негова замена.

Се чини дека е потешко да се пресели во Милан, бидејќи „росонерите“ многу внимателно ги трошат парите.

Хари Кејн ја освои наградата за најдобар играч во Премиер лигата. Ова е седма ваква награда за капитенот на Англија, со што го израмни рекордот на Серхио Агуеро, кој има исто толку награди.

Тотенхем освои три победи во четири натпревари во март, зголемувајќи ги своите шанси во спорната битка за топ 4. На тие натпревари, Кејн постигна четири гола и запиша две асистенции. Капитенот на Англија ги победи Мати Каш, Трево Чалоба, Каи Хаверц, Дејан Кулушевски, Ендрју Робертсон, Букајо Сака и Ајван Тони.

Во март, Кејн постави и рекорд во Премиер лигата за најмногу голови на гости. Тој го престигна Вејн Руни кој има 94 гола на гостувањата во Премиер лигата.

Стефан де Вриј на крајот на сезоната би можел да го напушти миланскиот гигант, пренесуваат италијанските медиуми.

Договорот на Де Вриј со Интер истекува во јуни 2023 година, нема најава за негово продолжување, па Холанѓанецот на лето ќе влезе во последната година од договорот.

Интер е спремен да го продаде, а најсилен интерес за неговиот потпис покажува Тотенхем.„Спарси“ се спремни за неговиот потпис да понудат 25 милиони евра, а Интер како негова замена сака да го донесе Бремер од Торино.

Бремер е примарна цел на Интер во летниот преоден рок, веќе имаат договор со Бразилецот и неговиот трансфер ќе го финансираат со продажбата на Де Вриј.

Од таборот на Баер Леверкузен, објавуваат дека напаѓачот на екипата, Патрик Шик се опорави од повредата и ќе може да настапи за својот тим на мечот со Херта од Берлин.

Шик, кој е втор стрелец во Бундеслигата со постигнати 20 гола, ги пропушти последните пет недели поради повреда на мускулот. Поради повредата тој не настапи и за селекцијата на Чешка во бараж натпреварот за пласман на Светското првенство.  

Чешкиот напаѓач најверојатно натпреварот ќе го започне од клупата за резерви, но најверојатно ќе влезе во игра во одреден момент од натпреварот, пренесува тренерот на Баер.

Играчот од средината на теренот во Манчестер Јунајтед, Бруно Фернандеш, потпиша нов договор со клубот, со кој ќе остане на „Олд Трафорд“ до летото 2026 година. Договорот има опција за продолжување на соработката за уште една дополнителна година.

Португалскиот репрезентативец е еден од најдобрите играчи на Јунајтед, каде пристигна од Спортинг Лисабон во јануари 2020 година.

Бруно на вкупно 117 натпревари во дресот на Манчестер Јунјатед има постигнато 19 голови и 39 асистенции