Реал Мадрид е заинтересиран за доведување на играчот од средниот ред на Борусија Дортмунд, Џуд Белингам. 

18-годишниот Англичанец игра во неверојатна форма за бундеслигашот Дортмунд, поради што се најде во списокот на потенцијални засилувања на гигантот од Мадрид.

Реал е во потрага по играч кој во иднина би го заменил Лука Модриќ кој полека се ближи кон крајот на својата фудбалска кариера, па на Џуд Белингам се гледа како на долгорочна алтернатива за Хрватот.

Јувентус го обнови интересот за напаѓачот на Манчестер Сити, Габриел Жесус. Клубот ќе мора да го засили нападот на лето и вниманието го насочи кон 24-годишниот Бразилец, за кој се шпекулира дека ќе биде замена на Пауло Дибала, пишува „Газета дело спорт“.

Жесус долго време е во бележникот на Јувентус и не е првпат тој да се поврзува со нивен интерес, но досега Италијанците немаат дадено официјална понуда за неговите права. Сепак, се чини дека тоа може да се промени на лето, кога Пауло Дибала ќе го напушти Торино со слободен трансфер и клубот итно треба да му најде квалитетна замена. Манчестер Сити е подготвен да се раздели со Жесус само со добра понуда. Пеп Гвардиола веќе е во потрага по нов напаѓач и се чини дека нема намера да се потпре на Жесус во улога на главен голгетер. На „Етихад“ се насочија кон Ерлинг Халанд, за да можат да му направат простор на Норвежанецот со продажба на бразилскиот репрезентативец.

Габриел Жесус ја игра својата шеста сезона во Манчестер Сити откако беше купен од Палмеирас во 2016 година. Досега за Граѓаните има одиграно 224 натпревари и постигнато 88 голови. За Бразил има 54 натпревари и 18 голови.

Капитенот на македонската фудбалска репрезентација, Стефан Ристовки, во изјава после финалниот бараж, признава дека Португалија беше надмоќен противник и дека заслужено ќе патува на СП во Катар.

„Честитки до Португалија за триумфот. Тие доминираја во овој отворен натпревар. Ние мораме да заминеме од овде со кренати глави. Горд сум на моите соиграчи и на мојата земја, бидејќи го изненадивме фудбалскиот свет. На првенството во Катар ќе навивам за Португалија, бидејќи се чувствувам малку Португалец. Мојот син е роден тука и ќе бидам радосен доколку тие го освојат шампионскиот пехар“, порача Ристовски.  

Некои од Француските медиуми ја пренесуваат веста дека раководството на Париз Сен Жермен е подготвено да слушне понуди за Меси во текот на претстојниот летен преоден рок.

Според информациите ,ПСЖ ќе се насочи кон обновувањето на договорот со Килијан Мбапе. Парижаните ќе мора да смислат нов договор кој ќе го запре неговото заминување во Реал Мадрид за кој се шпекулира дека веќе има преддоговор со француската ѕвезда.

ПСЖ ја смета продажбата на Меси и на Нејмар ова лето како важен дел од нивните напори за обновување на договорот со Мбапе, бидејќи Аргентинецот и Бразилецот  трошат голем дел од буџетот за плати во клубот.

Фудбалерот на Ливерпул, Трент Александер-Арнолд, можеби ќе се опорави за дербито со Манчестер Сити на стадионот „Итихад“.

Јирген Клоп пред десетина дена откри дека англискиот репрезентативец се здобил со повреда на тетивата и ќе биде надвор од терените неколку недели. Александер-Арнолд поради повредата го пропушти кампот на „трите лава“.

Тој сигурно нема да му биде на располагање на Клоп за саботниот натпревар против Ватфорд, како и за гостувањето кај Бенфика во четвртфиналето од Лигата на шампионите.

Специјалистот за фудбалски трансфери, Фабрицио Романо, открива дека Арсенал веќе работи на нов договор за крилниот напаѓач Букајо Сака.

20-годишниот англиски репрезентативец продолжува со својот успешен фудбалски развој под раководство на тренерот Микел Артета и станува се поважен играч за популарните Топџии. Поради ова,клубот сака да оствари долгорочна соработка со фудбалерот и да го задржи во своите редови.

Актуелниот договор на Сака е до летото 2024 година. Оваа сезона игра во одлична форма, има 9 гола и 5 асистенции на 28 натпревари во Премиер лигата. Интерес за него покажуваат и конкурентите Манчестер Сити и Ливерпул, но се чини дека сепак предност за обновување на договорот ќе има неговиот сегашен клуб, Арсенал.

Легендата на Манчестер Јунајтед Вејн Руни изјави дека единствената причина поради која започнал со тренерската професија е тоа што еден ден сака да го води тимот од „Олд Трафорд“.

„Единствената причина зошто станав тренер беше Манчестер Јунајтед. Добив понуда за интервју за работа во Евертон, но ја одбив бидејќи сакам да го водам Манчестер Јунајтед. Знам дека сега не сум подготвен, но имам план и ќе дадам се од себе еден ден тоа да се случи“, изјави Руни.

Поранешниот напаѓач на „црвените ѓаволи“, за 13 години поминати во клубот, освои 5 титули во Премиер лигата, еден ФА Куп и една титула во Лигата на шампионите. Тој е најдобар стрелец во историјата на Јунајтед со постигнати 253 гола, а во моментот е тренер на Дерби Каунти во Чемпионшип.

Приоритет на Арсенал во летниот преоден рок ќе биде квалитетно засилување во средниот ред.

Најголема желба на „топџиите“ е бразилскиот репрезентативец и член на Лион, Лукас Пакета, за кого силен интерес покажува и ПСЖ.

24-годишниот плејмејкер игра фантастично во дресот на Лион и до сега сезонава постигна 8 гола и запиша 5 асистенции. Артета верува дека Бразилецот идеално би се вклопил во неговиот стил на игра, но ќе треба да ја победат конкуренцијата од ПСЖ.

Лион за неговата слобода бара 60 милиони евра, бидејќи 20% од правата на играчот се уште ги има Милан.

Играчот на Ливерпул, Трент Александер-Арнолд, во интервју за англиските медиуми откри дека уште од дете е голем фан на Барселона. 

Се разбира, негова прва љубов останува клубот од „Енфилд“, каде тој и ја започна својата фудбалска кариера и досега има забележано преку 200 настапи во црвениот дрес. Сепак, Трент потенцира дека покрај Ливерпул огромен респект има и за Барса.

„Би рекол дека мојот втор омилен клуб е Барселона. Мислам дека Барса ги споделува истите вредности како Ливерпул. Тие сакаат да создаваат свои играчи во нивната академија. Пораснав гледајќи го тој фантастичен тим со Лионел Меси, Андрес Иниеста, Чави Ернандез,Тиери Анри и Самуел Ето“, открива Александер-Арнолд.

Кошаркарскиот клуб Фенербахче, преку официјално соопштение истакна дека играчот Нандо де Коло, заработи повреда поради која најмалку три недели ќе биде надвор од теренот.

Повредата на играчот од Франција, е голем удар за тренерот на екипата Александар Џорџевиќ, пред продолжението на сезоната, бидејќи тимот од Истанбул во наредниов период го очекуваат многу важни натпревари како во домашниот шампионат, така и во Евролигата.

35-годишниот Французин, оваа сезона во Евролигата, бележи учинок од 11,9 поени и 3,8 асистенции.