Џек Вилшер после подолго време пронајде нов клуб. Станува збор за дански Архус.

Англискиот фудбалер целосната афирмација ја доживеа додека настапуваше за лондонскиот клуб, а потоа играше за Вест Хем и Борнемоут после што беше слободен бидејќи не можеше да пронајде нов клуб.

„И покрај приказните дека сум склон кон повреди тоа не е точно. Малку натпревари одиграв, ќе кажам искрено така беше затоа што тренерот така сакаше. Секогаш бев спремен и тогаш кога знаев дека нема да играм. Најтешко ми беше што другарите на моите деца во градинка им се потсмеваа и им зборуваа дека никој не ме сака. Во една ситуација мојот син ме праша: Зошто ниту еден клуб не те сака? Што можев да му одговарам на такво прашање?“, изјави Вилшер.

Македонскиот фудбалски репрезентативец и капитен на Динамо Загреб, Аријан Адеми, поради повреда нема да настапи на реванш дуелот против Севиља во Лига Европа.

Адеми повредата ја заработи изминатиов викенд на првенствениот натпревар против тимот на Локомотива кој заврши со резултат 0:0.

Засега нема информации од Динамо кога се планира негово враќање на теренот.

Менаџерот на Ливерпул, Јирген Клоп потврди дека неговиот тим ќе направи се што е потребно да ги подготви Диого Жота и Роберто Фирмино, за претстојното финале против Челзи во Лига купот кое се игра во недела.

Двата фудбалери заработија повреди на натпреварот од Лигата на шампиони против Интер во Милано.

„Рано е да се донесе конечна одлука околу нивниот настап. Разговарав со двајцата и тие изгледаат добро и позитивно. Мора да причекаме и да видиме како ќе оди нивното опоравување  во текот на наредниве денови, но секако ќе се обидеме да ги оспособиме за настап“, изјави тренерот Клоп за официјалната веб-страница на клубот.

Во 2020 година Евертон во своите редови го доведе Хамес Родригез како големо засилување.

Стартот на Колумбиецот беше одличен во редовите на „карамелите“, но потоа следуваше пад во формата. Откако Карло Анчелоти си замина од Евертон, Родригез и го изгуби местото во стартниот тим, Бенитез не сметаше на него.

Во таква ситуација Родригез беше принуден да побара нов клуб, па кариерата ја продолжи во редовите на Ал Рајан. Сега тој порача дека сакал да остане подолго во Евертон.

„Евертон е еден спектакуларен клуб, сакав да останам подолго, но дојде тренер кој не сметаше на мене. Тренерот не сакаше да бидам дел од тимот па немав друга опција освен да си заминам“, изјави Родригез.

Дефанзивецот на Атлетико Мадрид, Стефан Савиќ изјави дека не се плаши од дуел со ѕвездата на Манчестер Јунајтед, Кристијано Роналдо во првиот осминафинален натпревар меѓу двата тима кој се игра во среда.

„Детално се подготвуваме за натпреварот. Свесни сме за нивните добри страни, имаат многу брзи играчи и квалитетни напаѓачи. Знаеме како ќе играат и подготвени сме за тоа“, изјави Стефан Савиќ за шпанските медиуми.

31-годишниот Црногорец, вели дека не е загрижен од соочувањето со Роналдо кој во кариерата има постигнато 25 гола против Атлетико Мадрид.

Менаџерот на фудбалерите на Челзи, Томас Тухел, изјави дека ќе направи се што е можно за да го заштити напаѓачот, Ромелу Лукаку, кој има слаби партии во континуитет и добива критики од сите страни.

„Мора да се справиме со ситуацијата. Статистиката покажува одредени работи. Сега тој е во центарот на вниманието и ние ќе го заштитиме. Џејмс и Чилвел беа повредени кога беа во врвна форма. Нивната игра е многу значајна за Лукаку поради неговата брзина и прецизност“, вели тренерот на „сините“.

Играчот на Манчестер Сити, Бернардо Силва „сонува“ да заигра за Реал Мадрид во текот на својата кариера. Шпекулациите околу можноста за преселба на Португалецот во Мадрид се зголемуваат со оглед на иднината на Лука Модриќ во клубот.

 Тренерот на Сити,Пеп Гвардиола, минатото лето потврди дека Силва побарал да си замине од клубот, но сепак тоа не се случи и оттогаш тој  игра во неверојатна форма за својот тим.

Силва досега има 10 гола и три асистенции на 34 натпревари во сите натпреварувања за Манчестер Сити, меѓутоа според некои медиуми тој сеуште се надева на летен трансфер во „Кралскиот клуб“, каде би бил идеална замена за Лука Модриќ, кој има 36 години и полека ќе мора да го препушти своето место во тимот.

Напаѓачот на Барселона, Пјер-Емерик Обамејанг постави уникатно достигнување. Тој на натпреварот од 25. коло на шампионатот во Шпанија против Валенсија (4-1) постига три гола. Ова се негови први погодоци за каталонскиот тим по заминувањето од Арсенал.

Така, напаѓачот од Габон стана првиот играч во 21 век кој постигнал хет-трик во француската Лига 1, германската Бундеслига, англиската Премиер лига и шпанската Ла Лига.

Додека беше во Франција, Обамејанг играше за Дижон, Лил, Монако и Сент Етјен, во Германија за Борусија Дортмунд, во Англија за Арсенал.

Скај Италија објавува дека шампионот на Серија А, Интер, се договори со Марсело Брозовиќ околу продолжување на неговиот договор на уште четири години, со што ќе остане во клубот до 2026 година.

Со новиот договор Хрватот ќе заработува 6 милиони евра по сезона, а официјална објава за соработката се очекува во наредните 24 часа. 

29-годишниот Брозовиќ во дресот на Интер е веќе шест години, а пристигна од Динамо Загреб за 18 милиони евра.

Тренерот на фудбалерите на Јувентус, Масимилијано Алегри, вели дека напаѓачот, Душан Влаховиќ, не смее да биде под притисок бидејќи не постигна гол на градското дерби со Торино.

„Натпреварот со Торино беше тежок. Во текот на сезоната има натпревари кога не можете да реализирате шанси. Утре Влаховиќ ќе дебитира во Лигата на шампионите и не можеме да ставиме притисок врз него“, вели Алегри.

Српскиот напаѓач ќе дебитира во дресот на „старата дама“ во елитата на Европа. Италијанците за противник ќе го имаат шпанскиот тим Вилјареал.