Напаѓачот на Тотенхем, Хјун-Мин Сон може да ја продолжи кариерата во Франција. ПСЖ е заинтересиран за потписот на 30-годишниот фудбалер и е подготвен да издвои 80 милиони евра за неговиот трансфер.

Претседателот на ПСЖ, Насер Ал-Хелаифи е лично заинтересиран за овој трансфер и има намера да се сретне со Сон за време на Светското првенство во Катар, пренесува „Ел Насионал“.

Според изворот, Сон нема да го продолжи договорот со Тотенхем, кој истекува во 2025 година. Од Тотенхем се подготвени да заработат од неговата продажба доколку дојде добра понуда и ПСЖ се надева дека 80 милиони евра ќе бидат доволни. Сон постигна пет гола и даде две асистенции на 19 натпревари во сите натпреварувања оваа сезона.

Поранешниот аргентински фудбалски репрезентативец Мартин Демикелис е назначен за нов тренер на Ривер Плата. Демикелис досега работеше како тренер на втората екипа на Баерн Минхен.

41-годишниот Демикелис во Ривер Плата доаѓа на местото на Марсело Гаљардо кој на крајот од сезоната во аргентинското првенство реши да ја напушти тренерската позиција во клубот. 

Демикелис е поранешен играч на Ривер Плата каде своето деби го имаше во 2000 година.

Реал Мадрид се вклучил во трката за ѕвездата на Милан, Рафаел Леао.

Португалецот се етаблираше во еден од најдобрите млади фудбалери во Европа и беше избран за МВП на сезоната во Серија А. Скаути на „кралевите“ долго време го следат Португалецот и веруваат дека тој ќе биде новата голема ѕвезда на европскиот фудбал.

Анчелоти верува дека Леао може да игра и како крилен, но и како централен напаѓач на местото на Бензема, па поради тоа сака да го доведе на „Сантиаго Бернабеу“.

Тренерот на Абердин зборуваше дека ќе ги одби сите понуди за македонскиот репрезентативец Бојан Миовски најмалку до лето, сепак сега од Шкотска пристигнуваат поинакви најави.

Пред два дена се појави информација дека Стад Д’Рем е заинтересиран да го доведе Миовски во зимскиот преоден рок, а со оглед на тоа дека со 11 гола е на врвот на листата стрелци во Шкотска сигурно дека ќе се појават и други заинтересирани клуба.

Во Премиер лигата на Шкотска Миовски на врвот е изедначен со хрватскиот репрезентативец Антонио Чолак од Глазгов Ренџерс. Последните информации од Шкотска се дека пет милиони евра ќе бидат доволни за Абердин да го продаде Миовски уште во јануари. Таа сума од пет милиони евра е осум пати поголема од она што летоска Абердин го плати на МТК.

Играчот од средниот ред на Реал Мадрид, Тони Крос, чиј договор со шпанскиот тим истекува на крајот од сезоната, е во сферата на интерес на ПСЖ.

Парижаните се подготвени да го ангажираат 32-годишниот Германец со слободен трансфер во летото 2023 година. Тоа го пренесува „Ел Национал“.

Според изворот, ПСЖ му нуди на Крос 25 милиони евра и 100 милиони евра за потпишување бонус за тригодишен договор.

Крос се пресели во Реал Мадрид од Баерн Минхен во летото 2014 година. На 18 натпревари оваа сезона има гол и четири асистенции. Заедно со Реал Мадрид, Тони Крос освои 18 трофеи од кои четири во Лигата на шампионите.

Астон Вила и Фулам се заинтересирани за потписот на играчот од средниот ред на Барселона, Франк Кеси.

Играчот од Брегот на Слоновата Коска му се приклучи на тимот како слободен играч во летото 2022 година, но од Барселона можеби се отворени за продажба на фудбалер поради финансиски проблеми.

Според изворот, Астон Вила е подготвена да понуди 14 милиони евра за Кеси, а Фулам е подготвен да плати 22 милиони евра.

25-годишниот Кеси во летниот преоден рок стана играч на Барселона, потпишувајќи договор со тимот на слободен трансфер. Тој претходно настапуваше за Милан каде минатата сезона ја освои шампионската титула на Италија.

Тренерот на фудбалерите на Интер, Симоне Инзаги, не крие дека е пресреќен со денешната победа на теренот на Аталанта во рамките на Серија „А“.

„Добро е што направивме 6 победи во седум мечеви пред паузата за светското првенство. Секогаш е тешко да се игра во Бергамо. Лошо започнавме и примивме гол но, успеавме да направиме пресврт. Сега ќе поминеме 5-6 денови на Малта и ќе имаме 2 контроли. Потоа нашите играчи треба да се вратат од Мундијалот. Се надеваме дека тоа ќе се случи што е можно подоцна бидејќи тоа би значело дека тие ќе стигна далеку на турнирот“, вели тренерот на „нероаѕурите“.