Новиот тренер на Манчестер Јунајтед ги плаши своите играчи дека доколку не играат како што треба ќе заврпшат на позајмица во Бугарија.

Португалскиот стратег Рубен Аморим в недела ќе дебитира на клупата на „Црвените ѓаволи“ на гостувањето кај Ипсвич во Премиерлигата. Се надева дека дебито ќе му биде успешно со 3 освоени бодови.

Англиските медиуми пренесуваат дека Португалецот им внел страв до коски на фудбалерите со интересна закана дека ако не се залагаат на натпреварите ќе ги прати на позјамица, ама не било каде туку во Бугарија.

„Ако не се залагате ќе ве пратам на позајмица во Бугарија“, им рекол Аморим.

Оваа негова закана и тоа како е издржана бидејќи навистина направил таков потег. Кон крајот на 2019 година како тренер на вториот тим на Брага го казнил репрезентативецот на Конго, Гаис Макута, поради несериозност на тренинзите испраќајќи го на позајмица во бугарскиот тим Берое. Останал таму сезона и пол пред да се врати во Португалија, но во тимот на Боавишта.

Кутриот Макута, само тој знае како му било.

Премиер лигата ги усогласи своите прописи за клупско спонзорство во петокот, со одобрение од мнозинството клубови, како одговор на правната битка што ја води Манчестер Сити.

Челниците на актуелниот шампион се противеа од самјот почеток на предлогот. Станува збор за правилата што ги регулираат спонзорските договори склучени со компании поврзани со сопственици на клубови или трансакции со поврзани страни (AПT).

Целта е да се осигура дека договорите претставуваат реална пазарна вредност и дека сопствениците не можат да потпишуваат вештачки надуени спонзорски договори со своите клубови во име на сопствените компании и на тој начин на неодредено време да ги зголемуваат нивните буџети.

Арбитражната комисија во септември одлучи дека таквите правила не се во согласност со слободата на конкуренцијата и пазарот. Се чинеше дека Сити ќе го добие спорот, но сега Премиер лигата сепак гласаше за одредени измени на правилата за спонзорства.

За промена на правилата на лигата потребна е согласност од две третини, односно 14 клубови, а во овој случај согласност дале 16 од нив.

Против новите правила покрај „Граѓаните“ беа и Астон Вила, Нотингем Форест и Њукасл Јунајтед. Според новите правила, сопствениците или акционерите на клубовите ќе можат да им даваат позајмици на клубовите, но посебни комисии во чија работа ќе можат да учествуваат клубовите ќе ја одредуваат висината на овие заеми во согласност со реалната пазарна цена.

Ова сепак нема да претставува сериозен удар за најбогатите клубови, но ќе го направи процесот на зголемување на нивните буџети нешто покомплексен. Пред да ја одобрат позајмицата, сопствениците ќе треба да докажат дека клубот може да ја врати вредноста на вложените пари на пазарот преку маркетинг, ТВ права и слично.

Во швајцарскиот Нион се одржа жрепката за плеј-оф двојките во разигрувањето за шампион на Лигата на нации, каде учествуваат осумте најдобри европски селекции, како и за баражите за пополнување на четирите лиги.

УЕФА од новата сезона го промени форматот на натпреварување во Лигата на нации, па наместо досегашните четири, во нокаут-фазата се пласираа осум од најдобрите селекции во неодамна завршената групна фаза. Станува збор за елитниот ранг на Лигата на нации.

Победниците од групите (Шпанија, Германија, Португалија и Франција) се носители, додека Италија, Хрватска, Холандија и Данска се без тој статус и ќе играат против номинално посилен ривал.

Хрватска извлече многу тежок противник во четвртфиналето од плеј-офот на Лигата на нации, а тоа е Франција во реприза од финалето на Мундијалот 2018.

Четвртфинални парови во Лигата на нации:

Холандија – Шпанија
Хрватска – Франција
Данска – Португалија
Италија – Германија

Плеј-оф натпреварите од елитната група ќе се играат на 20 и 23 март, полуфиналињата на 4 и 5 јуни, а финалето и мечот за третото место на 8 јуни.

Воедно, извлечени се и плеј-оф двојките за опстанок во Лигите А, Б и Ц Тука интересно ќе биде во борбата за Лига А каде Србија во двомечот за опстанок ќе игра против Австрија, која доаѓа од Лига Б.

Плеј-оф А/Б:

Турција – Унгарија
Украина – Белгија
Австрија – Србија
Грција – Шкотска

Плеј-оф Б/Ц:

Косово – Исланд
Бугарија – Република Ирска
Ерменија – Грузија
Словачка – Словенија

Плеј-оф Ц/Д:

Гибралтар – Летонија
Малта – Луксембург

Фудбалскиот сојуз на Италија го прифати предлогот на Серија А за воведување дополнителен преоден рок следниот јуни за да им се овозможи на клубовите да регистрираат нови играчи за Светското клупско првенство.

ФИФА веќе е запознаена со овој преоден рок.

Светското клупско првенство, проширено на 32 клуба од шест конфедерации, ќе се одржи од 15 јуни до 13 јули следната година во Соединетите Американски Држави.

Со оглед на необичниот тајминг на турнирот, јасно е дека многу клубови ќе имаат играчи во нивните списоци чии позајмици или договори истекуваат на крајот на јуни.

Пократкиот преоден рок во Италија, за кој се уште се чека официјална потврда, ќе трае од 1 до 15 јуни следната година, а сите клубови, не само Јувентус и Интер, претставници на Италија на Светското клупско првенство, ќе можат да бидат активни во него.

Дензел Дамфрис потпиша нов четиригодишен договор со Интер, потврдија од клубот од Милано.

Холандскиот репрезентативец веќе три години е на северот на Италија. За тоа време успеа да ја стекне довербата на навивачите, но уште поважно од управата на клубот.

Пред неколку месеци, стручниот штаб инсистираше на тоа дека Дамфрис мора да остане.

Холанѓанецот доби нов договор со важност до 2028 година.

Дамфрис одамна ги договорил условите на новиот договор, но тој сега е финализиран и официјализиран.

Дефанзивецот на Интер и оваа сезона претставува многу важен играч. Дамфрис постигна два гола и еднаш асистираше на десет натпревари досега во Серија „А“. Тој подеднакво добро може да игра и во офанзива, и во дефанзива.

Дамфрис дојде во 2021 година од ПСВ Ајндховен, а претходно играше за Херенвен.

Жозе Мурињо го контактирал Кристијано Роналдо, го прашал дали би сакал да игра под негово водство во Фенербахче следната сезона, објави „Еуроспорт“ повикувајќи се на извештаи во други медиуми. Овој обид на Мурињо изгледа како невозможна мисија, ако се знае дека португалскиот напаѓач игра во Саудиска Арабија со годишна заработка од околу 200 милиони евра.

Роналдо, кој во февруари ќе го прослави својот 40-ти роденден, е под договор со Ал Наср до крајот на јуни следната година. Вкупно за овој клуб одигра 79 натпревари со учинок од 68 гола и 18 асистенции, откако за клубот дебитираше во јануари минатата година.

Мурињо наводно му се јавил на Роналдо, му рекол дека слушнал гласини дека сака да ја напушти Саудиска Арабија, го прашал дали е среќен таму, а потоа дали ќе му се придружи во Фенербахче.

Директорот на клубот Марио Бранко,веќе е во преговори со агентот на Роналдо, Жорж Мендеш, се додава на сајтот на „Еуроспорт“.

Фенербахче е турски рекордер со 28 освоени првенствени титули. Мурињо го водеше Роналдо низ дел од кариерата во Реал Мадрид.

Премиерлигашот Саутемптон е заинтересиран за напаѓачот на Реал Мадрид, Ендрик.

Англиски клуб може да позајми играч за време на зимскиот преоден рок. За 18-годишниот Бразилец се заинтересиран уште и Рома и Ваљадолид.

Ендрик се пресели во Реал Мадрид од Палмеирас за 47,5 милиони евра во јули 2024 година. Оваа сезона за мадридскиот тим на 10 натпревари постигна два гола и една асистенција.

Саутемптон по 11 кола е на последното место во поредокот на Англиското фудбалско првенство.

Пјаченца, познат италијански клуб кој до 2012 година беше редовен учесник во Серија А, веројатно влезе во историјата на локалниот фудбал затоа што смениле тројца тренери во еден ден.

Пјаченца моментално игра во Серија Д, таму си заминаа по 10 ипол години талкање откако беа прогласени за банкрот, а сега дојдоа во ситуација уште да се зборува за нив како кога биле дел од елитниот фудбал.

Имено, тие утрото го заменија Кармин Парлати и на клупата го доведоа Симон Бентиволи. Тој одработи еден тренинг, кој беше прекинат поради протестите на гневните навивачи кои влегоа на теренот и бараа да биде сменет, заканувајќи се со бојкот на сите натпревари.

Тие беа бесни затоа што Бентиволи бил вмешан во скандал со обложување во 2011 година, кога ја прифати спогодбата за признавање вина и беше казнет со 13 месеци. Кога сфатил дека сето тоа нема да функционира во Пјаченца, меѓусебно го раскинал договорот.

На негово место, во текот на вечерта, клубот го повика Стефано Росини, кој беше разрешен на 7 октомври, да му го предаде кормилото на Парлати.

Екипата на Тотенхем ќе му дозволи на дефанзивецот, Педро Поро, да замине во Реал Мадрид доколку шпанскиот состав плати 70 милиони евра, тврдат медиумите во Англија.

Таа сума може да биде значајна пречка за реализација на таков трансфер. 25-годишниот дефанзивец во тековнава сезона има 11 настапи и 1 гол за „спарси“ .

Дополнително се појави веста дека за потписот на Поро може да конкурира и Манчестер Јунајтед.

Напаѓачот на Манчестер Сити, Ерлинг Халанд, проговори за неговиот однос со менаџерот на англискиот шампион, Пеп Гвардиола.

„Тој е најдобриот тренер во светот и веројатно најголемиот во историјата“, изјави норвешкиот интернационалец.

Се очекува шпанскиот фудбалски стартег да го продолжи договорот со Сити до 2027. Во исто време „граѓаните“ преговараат за нов договор и со Халанд.