Легендата на Барселона, Серџи, се врати во соблекувалната и се сретна со играчите на тимот, но овај пат како нивни тренер. Серџи Бархуан ќе го води каталонскиот тим до најавеното доаѓање на Чави за главен тренер на Барселона.

Серџи после запознавањето со играчите го одржа и првиот тренинг пред првенствениот дуел со екипата на Алавес  кој ќе се одигра на „Ноу Камп“.

Серџи Бархуан, како играч настапуваше за екипата на Барселона од 1993 до 2002 година, а како тренер ги водеше екипите на Рекреативо, Мајорка, Алмерија, Жејанг и Барселона Б.

Фудбалскиот клуб Ливерпул и тренерот Јирген Клоп, добија одлични вести во врска со состојбата на Наби Кеита и Тиаго Алкантара. Двајцата фудбалери продолжија со тренинзи со екипата и се очекува да бидат на располагање за претстојните натпревари на „црвените“.

Наби Кеита заработи повреда на дуелот со Манчестер Јунајтед после еден опасен старт од Пол Погба, додека Алкантара веќе подолго време се опоравува од повреда и не беше на располагање на тренерот Клоп.

Ливерпул во сабота гостува во Брајтон во рамките на Премиер лигата, а потоа следува натпревар против Атлетико Мадрид во натпревар од Лигата на шампионите.

Манчестер Јунајтед бил на чекор да го ангажира младиот голгетер, Ерлинг Халанд, но, се пропаднало бидејќи неговиот менаџер, Мино Рајола, решил да им се одмазди на „црвените ѓаволи“.

„Понудата на Манчестер Јунајтед за Ерлинг беше многу подобра и очекувавме дека ќе заврши таму. Сепак, Мино Рајола нѐ изненади и го донесе кај нас во Борусија Дортмунд“, потенцираше Ханс-Јоаким Вацке, првиот човек на „милионерите“.

Интернационалецот од Норвешка во 2020 година го напушти австрискиот Салцбург и за дваесет милиони евра се пресели во Бундеслигата.

Лео Меси се соочува со повреда и веројатно нема да игра на денешното дерби со Ленс во 12 коло во Францускиот фудбалски шампионат, потенцираше на вчерашната прес-конференција, тренерот на ПСЖ, Маурисио Почетино.

Аргентинскиот стратег вели дека неговиот сонародник тренирал одвоено од екипата бидејќи чувствувал болки во мускулите.

ПСЖ во пресрет на новото коло во Лига 1 се наоѓа на чело на табелата со 28 бодови или седум повеќе од второпласираниот Ленс.

Легендата на клубот од „Олд Трафорд“, Вејн Руни, упати жестоки критики до играчите на Манчестер Јунајтед за моменталната состојба на тимот. Според Руни, звездите на Јунајтед со најголеми примања во тимот не даваат се од себе за време на натпреварите.

„Играчите на Манчестер  мора да се погледнат себеси и да си постават некои прашања. Премногу е лесно сите критики да бидат упатени до Солскјер а оние играчи кои добиваат огромни пари за да ја завршат својата работа, не се залагаат доволно добро. Тие имаат високи барања, а гледам премногу играчи кои не сакаат да трчаат, не се враќаат да помогнат во одбраната. Ова е неприфатливо. Овие играчи треба да имаат голема одговорност,мора да се залагаат повеќе кога го носат дресот на Манчестер Јунајтед“, изјавува Руни.

Фудбалскиот клуб Интер, преку својот официјален веб сајт објави дека Лаутаро Мартинез го продолжи клубот со договорот со миланскот клуб до 2026 година.

„Среќен сум што ќе продолжам да играм за Интер, бидејќи се чувствувам одлично во овој клуб. 

24-годишниот Аргентинец оваа сезона одигра 12 натпревари за Интер и постигна пет гола и една асистенција.

Од таборот на францускиот гигант Париз Сент Жермен, стигнуваат вести за голем број на играчи кои ќе недостасуваат во тимот за натпреварите кои следуваат.

Килијан Мбапе со сигурност го пропушта првенствениот натпревар против Лил, поради инфекција на дишните патишта, информираат од клубот. Под знак прашалник е и Лионел Меси кој го пропуштил тренингот со екипата во четвртокот поради болка во мускулот од ногата.

Италијанецот Марко Верати и понатаму се опоравува од повредата на грбот, додека под Ашраф Хакими ќе биде недостапен поради одработување на суспензија поради картони.

Меѓутоа тренерот Покетино изјави дека и покрај евентуалното отсуство на наведените играчи, тој сепак располага со доволен број на поединци кои се спремни и се на располагање за настап во екипата.

Репрезентативецот на Македонија, Енис Барди, постигна два гола за својот Леванте, во натпреварот против екипата на Атлетико Мадрид кој заврши нерешено 2:2.

Двата погодоци, Барди ги постигна со удар од белата точка со што го остави немоќен одличниот голман на Атлетико, Јан Облак.

„Пресреќен сум за освоениот бод против силна екипа како Атлетико. Покажавме дека можеме да освојуваме бодови против секоја екипа. Горд сум на соиграчите и веруваме дека можеме да играме уште подобро. Сигурен сум дека овој натпревар ќе ни даде поголема самодоверба пред натпреварите кои следуваат“, изјави Барди после натпреварот.

Поранешниот репрезентативец на Македонија, Даниел Георгиевски се повлекува од фудбалот на само 33-годишна возраст.

Информацијата дека става крај на професионалната кариера, Георгиевски ја објави на социјалните мрежи.

„До семејството, фановите, клубовите и тренерите во фудбалот, ви благодарам. Моето патување беше возбудливо со многу успеси и незаборавни моменти. Со нетрпение го чекам моето следно поглавје со семејството и пријателите“, порача Георгиевски.

Даниел Георгиевски е роден во Австралија меѓутоа донесе одлука да настапува за репрезентацијата на Македонија затоа што неговото семејство потекнува од овие простори. Во Европа дојде како младинец во редовите на Динамо Загреб, потоа играше за Меумурје и Шибеник, па во романска Сетауа. Од 2014 година се врати во Австралија каде што помина неколку клубови.

Според пишувањето на англискиот весник Мирор, фудбалерот од средниот ред на Лидс е трансфер мета на Ливерпул и Манчестер Јунајтед.

Лидс по се изгледа нема намера така лесно да се откаже од услугите на репрезентативецот на Англија и ќе се обиде да го продолжи договорот со Филипс кој му истекува во 2024 година.

Според информациите, 25-годишниот Калвин Филипс е проценет на 60 милиони фунти, износ кој не би претставувал проблем за двата гиганти од Премиер лигата.