Спортскиот директор на Рома, Тијаго Пинто изрази уверување дека
клубот ќе го продолжи договорот со дефанзивецот Крис Смолинг.
„Работиме на услови кои ќе одговараат на сите. Крис е важен за
клубот. Тој сака да продолжи да игра за нас, а ние сакаме тој да
остане“, изјави Пинто за „Фудбал Италија“.
Смолинг е во Рома од октомври 2020 година. Во сезоната 2022/23 тој
постигна три гола на 23 натпревари за тимот.
Договорот на 33-годишниот Англичанец со Римјаните е со важност до
крајот на јуни 2023 година.

Кристијано Роналдо издвои време и го посети тренингот на својот поранешен клуб Реал Мадрид, пред финалниот дуел од шпанскиот Супер куп против Барселона во Саудиска Арабија.

Роналдо кој после потпишувањето за Ал Наср веќе се пресели во Саудиска Арабија, не можеше да ја пропушти можноста да се види со некои свои бивши соиграчи од Реал, како и со италијанскиот стратег Карло Анчелоти. Роналдо помина девет сезони во „Кралскиот клуб“ каде оствари огромни успеси на клупски план.

Барселона го донесе на проба синот на легендарниот Роналдињо,
Жоао де Асис Мореира.
Талентираниот фудбалер има 18 години и игра како офанзивен
фудбалер. Тој го раскина договорот и ќе се обиде да се наметне
во Барселона, каде неговиот татко ги постигна најголемите
успеси.

Жоао е единствен наследник на Роналдињо, од бракот со
Жанаина кој беше склопен в0 2004 година, а година подоца го
доби синот. Доколку ги задоволи тренерите на Барселона ќе му
биде понудн договор до 2025 година и ќе остане во „Ла Масија“.

Бенџамин Менди, сега веќе поранешниот играч на Манчестер
Сити е прогласен за невин.
Против Менди имаше шест обвинувања за cилyвање, меѓутоа на
крајот тој доби ослободителна пресуда. Менди извесен период
помина во пpитвор и во овој момент има 28 години, а веќе две
години се бори да добие ослободителна пресуда.
Заедно со Менди прогласен за невин е и неговиот пријател 48-
годишниот Луис Саха Матир кој беше обвинет за cилyвање на две
тинејџерки.

Од година во година во медиумите се зборува за потенцијалното
формирање на регионална фудбалска лига на територијата на
поранешна Југославија, натпреварување кое би било слично на
кошаркарската АБА лига.
Но, колку и да сакаат голем број љубители на фудбалот во овие
простори да се случи ова, на крајот секогаш се доаѓа до заклучок
дека „сеуште не е време“ за тоа, пред се поради многу
поголемите безбедносни ризици шѓо би настанале со
формирањето на таква фудбалска лига.
По неколкумесечен молк на оваа тема, својот став по ова
прашање го искажа и претседателот на УЕФА Александар
Чеферин.
„Не ја исклучувам можноста за формирање регионална лига.
Сепак, во моментов е многу ризично да се организира таква лига
во нашиот регион или поранешната држава“, изјави Чеферин за
српските медиуми во Белград.

Фудбалерот на Барнли, Вут Вегхорст, до крајот на сезоната ќе настапува на позајмица во Манчестер Јунајтед, откако и официјално стави потпис на договорот со клубот од „Олд Трафорд“.

Холандскиот напаѓач, претходно го раскина договорот за позајмица со турскиот клуб Бешикташ, каде настапуваше од јули минатата година.

„Се чувствувам привилегирано што ќе играм за голем клуб како Манчестер Јунајтед, и се надевам дека ќе дадам свој придонес за поголеми успеси на екипата“, изјави 30- годишниот фудбалер.

Вегхорст пред да игра во Барнли, настапуваше за германскиот Волфсбург. Оваа сезона во Бешикташ тој постигна девет гола на 18 натпревари.

Жоао Феликс скапо ќе го чини Челзи. Само што заигра за „сините“ како позајмен од Атлетико, Португалецот синоќа на дебито кај Фулам доби директен црвен картон и беше исклучен во поразот од 2-1.

Според правилата на Премиер лигата, ова исклучување на Феликс му носи автоматска суспензија од три натпревари. Челзи го позајми Феликс од Атлетико до крајот на сезоната со обештетување од 11 милиони евра и ја презеде неговата плата од 250 илјади евра неделно, но по овој црвен картон скоро еден од овие 6 месеци од позајмицата Феликс ќе биде надовор од терените.

Португалецот поради црвен картон ќе ги пропушти натпреварите против Кристал Палас, Ливерпул и Фулам.

Тоа практично значи дека тој ќе пропушти една петтина од позајмицата во Челзи.

Реал Мадрид на лето е спремен да направи „бум“ на трансфер пазарот и ќе има голем буџет за трансфери.

Примарна цел на „кралевите“ ќе биде доведување на нова ѕвезда во нападот, кој ќе биде наследник на Бензема. Шпанските медиуми пренесуваат дека првото име на списокот е ѕвездата на Тотенхем, Хари Кејн.

Кејн и претходно се поврзуваше со заминување од Тотенхем, но „спарси“ бараа 150 милиони евра за неговата слобода, па до трансфер не дојде.

Кејн се уште не ставил потпис на нов договор, сака нов предизвик, па би можел да ја промени средината на лето.

Вулверхемптон ќе треба да му исплати 50 милиони евра на Атлетико Мадрид за услугите на Матеуш Куња.

Кон крајот на 2022 година Куња пристигна во Вулверхемптон на позајмица, но многу брзо се активираше по малку бизарната клазула во неговиот договор.

Имено, во договорот помеѓу двата клуба се додала клазула според која Вулверхемптон треба да му плати 50 милиони евра после три настапи на Куња. За трите настапи на Куња во Вулвс потребни беа само две недели. Тој настапи против Астон Вила, Ливерпул и Нотингем, па сега „волците“ ќе треба да платат 50 милиони евра.

Јусуфа Моукоко кој е на мета на европските гиганти немал 18
години туку четири повеќе, се сомневаат германските медиуми.
Моукоко се пресели во Германија во 2014 година, а е роден во
Камерун. Минатата недела во текот на припремите на
камерунската репрезентација до 17 години откриено е дека дури
21 од 30 пријавени фудбалери немаат право за настап за тој тим
затоа што се постари.
Селекторот Жан Пјер Фиала брзо реагираше и го промени
составот. Но, проблемите не застанаа тука затоа што и помеѓу
новите повикани фудбалери имаше уште 11 кои се престари за тој
тим.