Примарна цел на Јувентус во летниот преоден рок ќе биде плејмејкерот на Челзи, Жоржињо.

Италијанецот има договор со „сините“ до 2023 година и на лето ќе влезе во последната година од договорот, а преговорите за продолжување на соработката за во застој. Жоржињо во 2018 година од Наполи се пресели во Челзи за 50 милиони фунти, а сега сака да се врати во Италија.

Јувентус веќе подолго време е во контакт со неговиот агент и работи на неговиот трансфер.

Жоржињо веќе го известил Челзи дека сака да го напушти клубот на крајот на сезоната, па наскоро ќе очекува двата клуба да започнат преговори.

Кларенс Сидорф не се согласува дека кралскиот клуб е вистинското решение за продолжување на кариерата на Килијан Мбапе, кој практично ја заврши мисијата во „Градот на светлината“ по елиминацијата на ПСЖ од Лигата на шампионите.

Коментирајќи го синоќешниот натпревар на една италијанска телевизија, трофејниот холандски фудбалер накратко ја прокоментира иднината на Мбапе.

„Не го гледам Мбапе во овој тим“, изјави поранешниот ас на Ајакс, Реал, Интер и Милан.

Потоа го објасни својот став.

„Ако игра на левата страна, тоа би значело дека Виничиус би се преселил на клупата. Каде би можел да игра? На десната страна, каде што е Асенсио?“, се прашува Сидорф.

Анатолиј Тимошчук, поранешен украински фудбалер, а денес помошник тренер во рускиот фудбалски клуб Зенит, е избришан од регистарот на играчи на украинската репрезентација. Тоа е одлука на Украинскиот фудбалски сојуз, а следуваше по одлуката на Тимошчук да остане во Зенит.

Фудбалската федерација на Украина на својата официјална веб-страница објави дека ќе го санкционира Тимошчук за „соработка со окупаторите“. Освен што федерацијата нема да признае никаков настап или трофеј, му ја одзеде и тренерската лиценца. Официјално, Тимошчук до денес беше фудбалер со најмногу настапи за украинската репрезентација.

Многу Украинци остро го критикуваа дека останал во Русија. Нему му се јавил неговиот поранешен соиграч Евгениј Левченко, кој му рекол: „Тимо, зошто го направи тоа? Ти си од Украина. Како можеш да молчиш и да продолжиш да работиш таму? Игравме заедно за ист тим, го носевме тој дрес со гордост, пееше химна, славевме и тагувавме. Како ќе живееш со тоа?“

Илија Несторовски кој е член на Удинезе зборуваше пред баражот за Светското првенство кој Италија и Македонија ќе го играат на 24. март од 20:45 часот.

Несторовски помина три години во Палермо каде што беше и капитен, па на стадионот на кој него му е добро познат Македонија ќе ја чека нов предизвик. Несторовски поради повреда го пропушти Европското првенство, Нестор ги скина лигаментите неспоредно пред почетокот на големиот настан и паузираше седум месец.

„Италијанците не го избраа Палермо случајно, потребна им е жешка публика каква што има на Сицилија. Но во ФИГЦ заборавија дека на тој стадион јас и Трајковски сме како дома, а веќе и дававме голови на Италија. Сите опции се отворени, ова  еден натпревар во 90 минути и се може да се случи“, изјави Несторовски.

Тоа што не настапи на Европското првенство за него е поголема мотивација.

„Италија можеби сака на Мундијалот, но јас сакам повеќе затоа што го пропуштив Европското првенство. После натпреварот ќе испратам порака за сите во Палермо, дотогаш ќе бидам нивни противник“, додаде напаѓачот.

Тренерот на фудбалерите на Лацио, Маурицио Сари, дал зелено светло Сергеј Милинковиќ-Савиќ да биде ставен на траснфер-пазарот во текот на летото.

Србинот иако има договор со „римските орли“ до 2024 година, клубот се соочува со големи финансиски проблеми и одлучи да го продаде за 70 милиони евра.

Не е тајна дека за услугите на Милинковиќ-Савиќ се заинтересирани неколку европски гиганти: ПСЖ, Јувентус и Манчестер Јунајтед.

Јувентус е последниот клуб кој се вклучи во трката за португалскиот репрезентативец, Ренато Санчез, пренесува „Тутоспорт“.

Според пишувањето на медиумите Лил е спремен во летниот преоден рок да го продаде Санчез на кого договорот со францускиот клуб му истекува летото 2023 година.

Португалецот ја оживеа својата кариера во Лил и го привлече вниманието на многу европски гиганти, а најсилен интерес за него покажуваа Милан и Арсенал. Сега и Јувентус се вклучи во трката за Санчез, бидејќи Алегри смета дека идеално ќе се вклопи во неговиот стил на игра, а бара и засилување на средниот ред.