Фудбалската репрезентација на Македонија, 2022 година ќе ја заврши на 65.позиција од ФИФА ранг листата.

Најдобриот пласман за оваа година, нашата фудбалска селекција го оствари во март оваа година после победата во бараж дуелот со Италија, кога се најде на 62.место на листата.

Освојувачот на титулата на Мундијалот во Катар, репрезентацијата на Аргентина, го подобри својот ранг и сега се најде на второто место на рангирањето од ФИФА, веднаш зад селекцијата на Бразил. Третата позиција му припадна на Франција, додека Белгија има пад од едно место поради слабиот настап на Светското првенство, и сега е на четвртата позиција.

Во 10 најдобри фудбалски репрезентации се наоѓаат и Англија, Холандија, Хрватска, Италија, Португалија и Шпанија.

Фудбалерот на Милан, Исмаел Бенасер и челниците на тимот, не успеаја да се договорат за продолжување на соработката.

Неговиот агент за траснфери, Енцо Раиола, имал разговори со Паоло Малдини и Фредерик Масара во базата на „росонерите“. Актуелниот договор на играчот е до летото во 2024 година а неговата плата е околу 2,5 милиони евра.

Алжирецот бара да добива 4,5 милиони. Тој за калчолигашот има одиграно 126 натпревари, 4 гола и 8 асистенции.

Бразилските медиуми пренесуваат дека шпанскиот тренер Луис Енрике, е еден од кандидатите за нов селектор на репрезентацијата на Бразил.

Бразил во моментот е без селектор, поради тоа што Тите заработи отказ на позицијата после елиминацијата на репрезентацијата во четвртфиналето од Светското првенство во Катар.

52-годишниот Енрике, би можел да го преземе водењето на Бразил, бидејќи тој неодамна ја прекина соработката со шпанскиот фудбалски сојуз после Мундијалот во Катар.

Луис Енрике пред да стане селектор на Шпанија, ги водеше екипите на Барселона, Селта и Рома.

Светскиот шампион со Аргентина од Мундијалот во Катар , Алексис Мекалистер, е трансфер цел на премиерлигашите од Лондон, Арсенал и Тотенхем. 

Аргентинецот остави огромен впечаток на своите настапи за селекцијата на Аргентина, особено за време на финалето против Франција, кое Аргентина го доби после изведување на пенали, а Мекалистер беше асистент на еден од головите. Неговиот сегашен клуб Брајтон му нуди значително зголемување на платата за тој да остане во тимот и во иднина. 

Некои англиски медиуми пренесуваат дека Арсенал ќе поднесе сериозна понуда до Брајтон за да го доведе Мекалистер веќе во јануари. Во битката за потпис со фудбалерот се споменува и најголемиот градски ривал на Арсенал,Тотенхем, кој исто така нема да жали финансиски средства за да го види аргентинскиот фудбалер во своите редови.

Алексис Мекалистер оваа сезона во Премиер лигата , на 14 настапи за Брајтон има постигнато пет гола.

Џуд Белингам е еден од најбараните фудбалери на трансфер пазарот и на лето се очекува голема битка за неговиот потпис.

Ливерпул, Реал Мадрид, Манчестер Сити, ПСЖ и Челзи се силно заинтересирани за неговиот потпис, а Борусија за неговата слобода ќе бара најмалку 100 милиони евра. Споменатите клубови нема да жалат пари за неговиот потпис, но англискиот талент веќе го избрал следниот клуб.

Имено, Белингам сака да ја продолжи кариерата во Реал Мадрид и поради тоа е спремен да ги одбие клубови од Премиер лигата.

Интересно е што Англичанецот во фокусот го става својот спортски развој, а не финансиските параметри, па е спремен да ги одбие другите клубови кои му нудат повисока плата.

Шпанскиот фудбалскиот клуб Атлетико Мадрид ќе се обиде да го доведе напаѓачот на Ливерпул, Роберто Фирмино, кој би требало да го замени Матеус Куња, кој е испратен на позајмица во Вулверхемптон.

Куња замина на шест месечна позајмица во Волвс, но клубот има откупна клаузула од околу 40 милиони евра, и се очекува на крајот од сезоната, тој да направи трансфер во оваа екипа.

Со заминувањето на Куња од клубот, Атлетико ќе се обиде да го доведе Боби Фирмињо од Ливерпул. 31-годишниот Бразилец оваа сезона постигна 9 гола на 20 натпревари во сите натпреварувања.

Другите опции за Атлетико Мадрид се напаѓачот на Борусија Менхенгладбах, Маркус Турам, како и Мемфис Депај од Барселона.

Тотенхем ќе му понуди нов договор на тренерот Антонио Конте со
зголемување на платата.
Од клубот се подготвени да ја зголемат платата на италијанскиот
стручњак за 1 милион фунти годишно. Исто така, се дознава дека
клубот е подготвен да ангажира двајца нови играчи во зимскиот
преоден рок за да го засили тимот.
Сепак, Конте не брза да потпише нов договор. Тој сака да се погрижи
да биде поддржан не само во јануари, туку и во летниот преоден рок,
објави „Телеграф“. Дополнително, одлуката на италијанскиот
стручњак ќе зависи и од желбите на неговото семејство, кое се уште
престојува во Италија.
Антонио Конте го презеде Тотенхем во ноември 2021 година. Оваа
сезона клубот под негово водство стигна до плејофот во Лигата на
шампионите и по 15 кола се наоѓа на четвртото место на табелата во
Премиер лигата.

Филипе Кутињо би можел да ја напушти Премиер лигата и да се врати
во Бразил. Играчот сака да го направи тоа. Коринтијанс е
заинтересиран за неговите услуги, објавија медиумите во Бразил.
Сепак, ќе биде тешко да се изврши целосен трансфер – ова може да
биде попречено од високата плата на играчот. Бразилците би можеле
да му понудат на англискиот клуб опција за позајмица во која
клубовите ќе ги поделат трошоците за платата на Кутињо. Постои и
можност клубот од Бирмингем да го раскине договорот со
Бразилецот, но оваа опција е малку веројатна.
Астон Вила го купи Кутињо од Барселона за 20 милиони евра во мај
оваа година. Каталонците ќе добијат 50% од сумата за препродажба на
играчот од средниот ред. Бразилецот во тековната сезона од Премиер
лигата одигра 12 натпревари и немаше забележителен ефект.

Италијанскиот фудбалски гигант Јувентус ја објави сумата за која би можел да го продаде својот играч за врска Адриен Рабио. 

Францускиот репрезентативец остави одличен впечаток со своите игри за време на Светското првенство во Катар и предизвика интерес кај голем број европски клубови.

Договорот на Рабио со Јувентус истекува на крајот од сезоната и се чини дека нема да биде обновен. „Бјанконерите“ планираат во јануари да се разделат со францускиот интернационалец за сума од околу 10 милиони евра за да го спречат да си замине од клубот како слободен играч во летниот преоден рок.

Еден од кандидатите за потписот на Рабио е Манчестер Јунајтед, клуб кој беше многу блиску до негов ангажман минатото лето. „Црвените ѓаволи“ се подготвени да му платат 10 милиони евра на Јувентус за услугите на 27-годишниот играч.

Угледниот спортски медиум, Еуроспорт, пренесува дека аргентинскиот фудбалер Лионел Меси се договорил за продолжување на договорот со Париз Сен Жермен до 2024 година.

Меси во моментов се наоѓа во родната Аргентина, каде ја прославува освоената светска титула на Мундијалот во Катар, но наскоро се очекува тој да се врати во Париз каде заедно со претседателот на клубот Насер Ал-Келаифи и спортскиот директор Луис Кампос ќе ги дефинира деталите за новиот договор.

Иако постоеја шпекулации дека Меси, после истекот на оваа сезона ќе се врати во екипата на Барселона од каде пристигна во ПСЖ, најверојатно високата финансиска понуда од катарските сопственици ќе биде пресудна тој да остане во тимот од Париз.