Мајк Ешли повеќе не е сопственик на Њукасл тој го продаде клубот на инвестицискиот фонд од Саудиска Арабија за околу 360 милиони евра.

Меѓутоа според најавите од Островот тој се уште сака да остане во фудбалот. Ешли наводно смета дека поседувањето на професионален клуб е од корист за неговата компанија Спорт Дајрект. Негов нов клуб би можел да биде Дерби Каунти каде што тренер е Вејн Руни.

Дерби е во тешка финансиска ситуација, неодамна му се одземаа 12 бодови па се наоѓа на последното место во Чемпионшип.

Станува збор за клуб кој во минатото беше дел од Премиер лигата, а последен пат во елитното друштво беше во сезоната 2007/2008. Тогаш влезе и веднаш испадна со скор од само една победа и осум нерешени резултати. Треба да се спомене дека во 2014 и 2019 Дерби играше финалиња во плеј-офот за влез во Премиер лигата, но губеше од КПР и Астон Вила.

Членот на тимот од Ливерпул, Окс-Чембрлен веќе неколку изминати сезони не се избори за место во првиот тим кај Јирген Клоп. Како што пренесуваат англиските медиуми, Чембрлен би можел да се врати во екипата на Арсенал од каде и пристигна на “Енфилд“.

Англичанецот помина 6 сезони во лондонски Арсенал каде своевремено беше соиграч со сегашниот тренер на екипата, Микел Артета кој добро ги познава неговите квалитети.

Чембрлен има важечки договор со Ливерпул уште 2 години, но Арсенал се надева дека може да го доведе својот екс играч на позајмица.

Италијанските медиуми Скај Спорт и Кориере дело Спорт пишуваат дека Пјаниќ оваа недела бил забележан во тренинг центарот на Јувентус и дека можеби тоа е почеток на преговорите за негово враќање во Торино за време на летниот преоден рок.

Пјаниќ моментално енастапува како позајмен играч во Бешикташ, бидејќи не најде место како првотимец во Барселона под водство на Роналд Куман. 

Босанецот премина од Јуве во Барса минатото лето за сума од 60 милиони евра.

Жоржињо Вајналдум стигна како големо засилување во тимот од Париз, меѓутоа неговиот почеток во новата средина е по се изгледа многу тежок.

Вајналдум не е во прв план кај тренерот Покетино, кој поголема предност му дава на Верати, Паредес, Андер Ерера и Идриса Геј.

Запрашан од новинарите дали се кае што си замина од Ливерпул и потпиша за ПСЖ, Вајналдум вели: “Не можам да бидам задоволен со мојата моментална ситуација во Париз. Не сум потполно среќен и ќе биде загрижувачки за мене ако работите не се сменат и не добијам поголема минутажа во тимот“.

Џиџи Вајналдум за ПСЖ засега има 11 настапи, а беше стартер само еднаш на последните 5 натпревари.

Следното лето ќе се активира откупната клаузула на Ерлинг Халанд од 75 милиони евра. Нема сомневање дека најголемите европски клубови се во можност ќе се обидат да го доведат.

На тема „Халанд“ зборуваше и потпретседателот на Барселона, Рафаел Јусте. Тој во интервју за „Мундо Депортиво“ истакна дека Халанд секако ги интересира, но засега не се во можност да размислуваат да го доведат.

„За жал не гледам како Халанд би го довеле сега. Од сега па до крајот на идната година ќе се обидеме да ги затвориме сите дупки, па потоа ќе можеме да размислуваме на поголеми вложувања. Прво мораме да ставиме темели на куќата во која влеговме и ја затекнавме со рушевини, а потоа мораме да се фокусираме на нејзината стабилност. Не смееме и да ги изгубиме од видик најдобрите, Барса сака само такви играчи, а Халанд сигурно е еден од нив, Сепак, како што кажав сега не сме во ситуација да размислуваме за него“, изјави потретседателот на Барселона.

Франција го освои трофејот во Лига на нации откако ја совлада Шпанија со 2-1, а селекторот Дидие Дешамп не ја криеше радоста. Дешамп особено го пофали Карим Бензема и истакна дека донел победнички менталитет во репрезентацијата.

„Многу сум горд. Имаме одличен тим и вистински менталитет. Бензема е еден од нашите најдобри фудаблери и тој беше одличен во двата натпревари. Има желба за победа, која ја пренесува на другите играчи. Ни треба таков фудбалер за да остваруваме победи во големи натпревари“, истакна Дешамп.

Бензема неодамна се врати во репрезентацијата на Франција и покажува фантастични натпревари. Тој беше еден од најзаслужните за триумфот во Лигата на нации.

Франческо Тоти, поранешниот капитен и легенда на екипата на Рома, вели дека времињата во фудбалот се сменети и дека денес се е во парите.

Тоти, кој цела своја кариера ја помина во Рома и со тоа испиша историја во италијанскиот  фудбал, вели дека играчите денес повеќе се грижат колку ќе заработат отколку каде ќе играат.

“Почнав да играм фудбал во едно поинакво време, кога фудбалерите беа полни со страст и љубов кон навивачите. Да се поминат 25 години во еден клуб не е мала работа. Тешко е да го споредам моето време во фудбалот и ова денес. Сите одат каде што можат да повеќе да заработат“, изјави Тоти за весникот Гардијан.

“Милан беше единствениот клуб за кој размислував да заиграм, а имав понуда и од Реал Мадрид, но одлуката да останам во Рома ја донесов од срце“, вели Франческо Тоти.

Славниот фудбалер Цезар Мануел Руи Коста е избран за нов прв човек на Бенфика.

Руи Коста ја доби довербата од делегатите на Изборното собрание во клубот кое се одржа во текот на вчерашниот ден и така стана 34. претседател во клупската историја.

Претходно Луис Фелипе Виеира беше суспендиран поради затајување на данок и перење на пари. Мандатот на Коста има важност до 2025 година.

Јувентус крои планови како да го врати Пол Погба, на продажба ќе бидат ставени Арон Ремзи и Адриен Рабио за да се отвори простор за ангажман на Французинот.

Пол Погба никогаш не криел дека Торино и Јувентус имаат посебно место во неговото срце, таква беше и изјавата по дуелот на Франција против Белгија во полуфиналето од Лигата на нации на стадионот „Алианц“.

Тој ги одработува последните месеци од договорот со Манчестер јунајтед па постојат големи шанси беспари да се пресели во друг клуб. Јувентус внимателно ја следи ситуацијата и крои планови да го врати Французинот во своите редови.

„Старата дама“ на продажба ќе ги стави Арон Ремзи и Адриен Рабио, фудбалери со годишна плата од околу 7 милиони евра, за да се отвори простор за Пол Погба.

Весникот додава дека Пол Погба во моментов има плата од околу 15 милиони евра по сезона а на маса има понуда од Манчестер јунајтед за продолжување на соработката со плата од околу 20 милиони евра.

Звонимир Бобан, пранешниот директор на Милан, а сегашен функционер на УЕФА, излезе со оштри критики за идејата на ФИФА за одржување на Светско футбалско првенство на секои две години.

“ Јас во секој случај сум за иновации кои го подобруваат квалитетот и развојот на фудбалот, но не смееме да бидеме опседнати со големи промени. Идејата на претседателот на ФИФА, Инфантино, и на Венгер, за одржување на Светско првенство на секои две години е апсурдна, дури и полоша од идејата за основање на Супер лигата. Ова би било штетно најмногу за играчите но и за фудбалските институции.

Фудбалот не им припаѓа на Инфантино и на Венгер, не е мој или ваш, туку на сите што го сакаат“, изјавува Бобан.