Екипата на Саутемптон планира да достави понуда од 25 милиони фунти за позајмениот играч од Челзи, Армандо Броја.

Албанскиот интернационалец кој моментално игра за популарните „светци“ е еден од најдобрите поединци во екипата. Тој успеа да биде стрелец на 7 гола во 21 натпревар од неговото пристигнување како позајмен играч од Челзи.

Позајмицата на Броја е до крајот на сезоната но без право на откуп, меѓутоа од Саутемптон се надеваат дека Челзи ќе одреди цена за продажба на напаѓачот и тој ќе може да трајно да премине во клубот од „Сент Мери“.

Според информациите од Англија, менаџерот на Усман Дембеле веќе неколку дена води клучни разговори со претставници на Челзи за евентуален трансфер на во тековниот месец.

После неговото враќање во Барселона ќе бидат познати повеќе детали за текот на разговорите и за тоа дали неговиот клиент ќе го прифати „ултиматумот“ на Каталонците за напуштање на клубот.

Доколку тимот од Лондон не успее во намерите да го доведат Дембеле на Стемфорд Бриџ во јануари, тогаш клубот најверојатно ќе потпише договор со него како слободен играч во текот на летото. Обложувалниците на Островот веќе го одредија европскиот шампион како фаворит број 1 за следнa дестинација на Французинот.

Изгледа дека Томас Тухел и Усман Дембеле ги очекува нова заедничка соработка после онаа во тимот на Борусија Дортмунд.

Најдобриот стрелец во првата македонска лига Мартин Мирчевски преговара со Фенербахче, пренесуваат медиумите во Турција.

Новинарот Арда Бирбен како ексклузивна информација пренесува дека преговорите помеѓу Мирчевски и Фенебахче се започнати, а неговиот агент утре ќе пристигне во Истанбул.

Од почетокот на преодниот рок Мирчевски се поврзува со повеќе клубови, но дефинитивно Фенербахче до овој момент е најголемото име. Секако дека трансфер во турскиот гигант би бил голем чекор за напаѓачот на Академија Пандев.

Медиумите во Шпанија пренесуваат дека Барселона води интензивни преговори за привлекување на играчот од средниот ред на Милан, Франк Кеси.

Репрезентативецот на Брегот на Слоновата Коска одбива да го продолжи договорот со Милан и веќе од на лето е слободен играч.

25-годишниот Кеси би донел голема стабилност и цврстина во тимот на Чави кој претежно е составен од помлади играчи.

Оваа сезона тој за Милан има одиграно 16 натпревари во серија А и постигнати 5 гола.

Тотенхем упатил понуда до Порто за напаѓачот Луис Дијаз, пренесуваат медиумите во Португалија. Лондонскиот тим нуди 45 милиони евра плус бонуси, давајќи рок од 48 часа да одговорат од Порто.

Сепак, Луис Дијаз е и трансферна цел на Ливерпул и некои други екипи од Англија, а на почетокот на овој месец Ливерпул излезе со понуда вредна 70 милиони евра. Сепак, тоа беше одбиено бидејќи раководството на Порто сака да добие 80 милиони, што е еднакво на откупната клаузула. Ако се следи логиката, тоа речиси сигурно значи дека Тотенхем нема да може да го купи колумбискиот фудбалер. Луис Дијаз делува како крилен напаѓач. Тој има 25 години и ја поминува третата сезона во Порто. Во тековната сезона тој има 16 гола и 6 асистенции во 28 натпревари во сите натпреварувања.

Манчестер Јунајтед и Њукасл се исто така меѓу клубовите за кои се вели дека имаат интерес за Јужноамериканецот.

Интер и Аталанта се договорија за трансфер на левиот бек Робин Госенс, пренесуваат италијанските медиуми.

Госенс игра фантастично во дресот на Аталанта, а блесна и на ЕУРО во дресот на германската репрезентација. 26-годишниот Германец има договор со клубот од Бергамо до јуни 2023 година. Поради тоа Аталанта се согласи да го продаде во јануари.

Германецот е еден од најдобрите фул-бекови во Серија А и го привлече вниманието на многу европски гиганти, па сигурно ќе биде големо засилување за Инзаги.

Ливерпул и Манчестер Сити, ги направиле првите контакти со младиот напаѓач на ПСВ Ајндховен, Коди Гакпо,.

ПСВ се обидува да му го продолжи договорот кој е валиден до летото во 2025 година. Веб-страницата „Transfermarkt“ , проценува дека младиот играч вреди околу 22 милиони евра што нема да биде проблем ниту за „црвените“ ниту за „граѓаните“.

Гакпо во сезонава одигра 15 мечеви. Тој даде 6 голови и направи 10 асистенции.

Екипата на Салернитана е на прагот да потпише договор со искусниот напаѓач Диего Коста.

Коста веќе ги договорил личните услови со последно пласираната екипа во Серија А, и ќе проба да помогне во нејзиниот опстанок во елитата.

33-годишниот голгетер е слободен играч кој неодамна го раскина договорот со шампионот на Бразил, Атлетико Минеиро.

Салернитана со трансферот на Диего Коста ќе направи интересно партнерство во нападот каде ќе игра заедно со уште еден искусен играч, Французинот Френк Рибери кој се приклучи на екипата минатото лето.

Англискиот фудбалски гигант, Манчестер Јунајтед, веќе подолг период се соочува со резултатски проблеми поради што беше принуден да ја прекине соработката со легендата Оле Гунар Солскјер и како привремен тренер да го постави Германецот Ралф Рангник.

Фактот дека однапред е познато дека Рангник ќе ја напушти функцијата на крајот од сезоната, клубот веќе ја дефинирал листата со четири имиња меѓу кои ќе се бара постојан тренер на тимот.

Според добро упатени извори во англиските медиуми, Манчестер Јунајтед идниот тренер ќе го бара помеѓу Луис Енрике, Хулен Лопетеги, Ерик Тен Хаг и Маурисио Покетино.

Медиумите од Шпанија ја пренесуваат веста дека капитенот на лондонски Челзи, Цезар Аспиликуета е се поблиску до трансфер во Барселона ова лето.

32-годишниот дефанзивец се наоѓа во последната година од договорот со Челзи и тој на лето станува слободен играч, по што се очекува да стави крај на својот десетгодишен престој во Лондон.

Информациите говорат дека договорот за премин во Барса е готов и се работи само на помали детали во истиот.