Јирген Клоп фрлил око на талентот на Олимпик Лион, Рајан Черки. 18-годишниот играч за врска има одлична сезона за Лион во Лига 1, што го привлече вниманието на „црвените“, кои внимателно го следат неговиот развој.

Черки игра како офанзивен играч за врска, а може да дејствува и зад напаѓачот и на двете крилни позиции. Тој е дете на Лион, а трета сезона е во првиот тим.

18-годишниот фудбалер има договор со Лион до јуни 2023 година

Холандскиот интернационалец кој настапува за Манчестер Јунајтед, Дони ван де Бек, наскоро би можел да го напушти „Олд Трафорд“.

За 24-годишниот фудбалер наводна понуда испратила екипата на Њукасл но тој одбил да се пресели во популарните „чавки“.

Сега, според пишувањата на англискиот весник Мирор, во трката за потписот на Ван де бек, се приклучија и премиерлигашите Евертон и Вулверхемптон.

На крајот одлуката ќе ја донесе тренерот на Манчестер Јунајтед, Ралф Рангник кој засега одбива да се одрекне од услугите на играчот од средината на теренот.

Екипата на Барселона е заинтересирана за доведување на напаѓачот на Атлетико Мадрид, Жоао Феликс.

22-годишниот Португалец има речиси 100 натпревари во дресот на Атлетико, постигнувајќи вкупно 22 гола, од кои во оваа сезона само три. Тренерот на екипата Диего Симеоне претпочита предност во нападот да добиваат Антоан Гризман, Луис Суарез, и Анхел Кореа што доведе до видна разочараност кај младиот Феликс.

Тој во Атлетико Мадрид пристигна во летото 2019 година, за рекордни 120 милиони евра но никогаш не успеа да го достигне својот целосен потенцијал, пред се поради малата минутажа и стилот на игра кој го практикува тренерот Симеоне.

Приоритетен трансфер на Барселона за ова лето се очекува да биде Ерлинг Халанд од Борусија Дортмунд, но доколку тој не се реализира се очекува Каталонците да тргнат по Жоао Феликс. 

Поранешната ѕвезда на Реал Мадрид, Манчестер Сити и Милан – Робињо ќе се најде на списокот барани лица од Интерпол. Бразилскиот напаѓач е осуден во Италија на 9 години затвор поради групно силување. Ја загуби последната жалба за злосторството извршено во 2013 година додека го носеше дресот на тимот од Милано.

Италија нема договор за екстрадиција со Бразил, но ќе инсистира Робињо да биде уапсен и казната да ја отслужи во својата татковина. А во случај фудбалерот да се најде во некоја од 195-те земји членки на Интерпол, веднаш може да биде екстрадиран.

37-годишниот Робињо последен пат играше во Истанбул Башакшехир, а во 2020 година потпиша со својот матичен Сантош, но тоа предизвика масовно незадоволство и повлекување на дел од спонзорите на клубот. Една недела подоцна, договорот со напаѓачот беше раскинат и тој рече дека ќе се фокусира на својата судска одбрана.

Фудбалскиот клуб Пелистер за нов тренер на екипата го назначи Марјан Секуловски. Битолчанецот се враќа во својот матичен клуб по неговиот ангажман во Брегалница од Штип. 

 Секуловски има богата тренерска кариера, водејќи фудбалски екипи како во земјата така и надвор од неа.

Со овај потег новото раководство на „зелено-белите“ ќе се обиде во пролетниот дел од сезоната да избори опстанок во првата македонска фудбалска лига.

Англиските медиуми пренесуваат дека Клаудио Раниери е пред добивање отказ на позицијата тренер на Ватфорд и дека сопствениците на клубот веќе бараат нов вршител на должноста.

Поразот на домашен терен од директниот конкурент за опстанок, тимот на Норвич, може да биде одлучувачки за отказот на италијанскиот тренер.

Раниери на клупата на Ватфорд пристигна во октомври минатата година, и досега има забележано само две победи на 14 натпревари.

Тренерот на Тотенхем, Антонио Конте, е на мислење дека на екипата ќе му биде многу тешко да се избори за место меѓу четирите најдобри екипи во Премиер лигата. 

„Запомнете дека го победивме Ватфорд во последен момент од средбата. Тоа се случи и против Лестер оваа недела. Задоволство е да се гледа како тимот се бори до последната секунда. Важно е да останеме реални и да сфатиме дека ќе ни биде навистина тешко до крајот. Треба значително да се подобриме“, изјави италијанскиот стручњак.

За секој клуб е битнода освојува трофеи, но прво треба да разберете дали сте подготвени за тој подвиг. Само еден триумфира, а на другите им остануваат само обидите да го направат тоа“, потенцира Конте.

Тотенхем се наоѓа на 5-то место во Премиер лигата со освоени 36 бода, но и со помалку натпревари од своите ривали. 

Раководството на Манчестер Сити е во напредни преговори со еден од најголемите аргентински таленти, Хулиан Алварез.

Тренерот Пеп Гвардиола е голем фан на 21-годишниот напаѓач на Ривер Плата, и во него гледа идеална замена за Кун Агуеро кој играше на истата позиција во Сити.

Повеќе новинари од Аргентина веќе ја потврдиле веста дека трансферот е договорен и дека англискиот шампион ќе ја плати откупната клаузула за играчот во висина од 20 милиони евра.

Сепак, според информациите, Алварез ќе остане во Ривер Плата каде ќе игра до летниот период кога и се очекува да се пресели во Англија.

За Алварез голем интерес покажуваа и од градскиот ривал на „плавите“, Манчестер Јунајтед.

Познатиот италијански новинар Фабрицио Романо, кој е специјалист во објавување фудбалски трансфери, ја пренесува информацијата дека Оскар го потврдува водењето на преговори со екипата на Барселона за негов трансфер во јануари.

Бразилецот Оскар, кој е играч од средината на теренот е добро познат по неговиот престој во екипата на Челзи пред некоку сезони, но потоа се пресели во кинеското првенство.

„Преговорите со Барселона не се завршени. Проблемот е во тоа што клубот има проблем со регистрација на новите играчи“, изјави Оскар.

Оваа зима Барселона веќе ги доведе сонародниот на Оскар, Дани Алвеш и Феран Торес од Манчестер Сити. Екипата се бори за пласман во Топ 4 од Ла Лига, а во моментот се наоѓаат на шестата позиција.

Виктор Линделоф ќе го пропушти натпреварот на Манчестер Јунајтед со Вест Хем по упадот на крадци во неговиот дом.

Инцидентот се случил во време на натпреварот помеѓу Манчестер Јунајтед и Брентфорд во средата навечер. Неговото семејство било во домот за време на грабежот и за среќа останале неповредени,но биле принудени да се кријат од крадците и останале потресени од тоа што се случило.

„Потврдуваме дека имало кражба во домот на Виктор Линделоф во време на гостувањето против Брентфорд. Неговото семејство, кое во тоа време било дома, останало неповредено, но било шокирано. Тоа беше стресно искуство за нив, а и за Виктор, кога дозна што се случи по натпреварот. Клубот им дава целосна поддршка. Ги охрабруваме сите што имаат информации за злосторството да се обратат во полиција“, се вели во соопштението на „Црвените ѓаволи“.