Сопствениците на ПСЖ, „Катар Инвестмент“ купија 22% од португалскиот клуб Брага, пренесуваат тамошните медиуми.

Тоа е вториот фудбалски клуб во Европа кои го купува оваа групација, која започна да работи по примерот на „Сити Фудбал Груп“, кој е сопственик на неколку клубови меѓу кои Манчестер Сити.

„Катар Инвестмент“ во 2019 година се обиде да го купи Лидс, но неуспешно, а сега купи процент од Брага за 80 милиони евра.

Брага никогаш не бил шампион на Португалија, а минатата сезона заврши на четвртото место и обезбеди учество во Лига Европа.

Напаѓачот на Милан, Рафаел Леао би можел да се пресели во ПСЖ. Парижаните се подготвени да ја активираат откупната клаузула од договорот на португалскиот фудбалер во износ од 150 милиони евра, пренесува Медиафут.

Според изворот, за 23-годишниот играч е заинтересиран и лондонски Челзи. Леао му се приклучи на Милан во 2019 година со трансфер од 29,5 милиони евра од Лил. Во 126 настапи за тимот, Рафаел постигна 31 гол и даде 28 асистенции. Минатата сезона, тој му помогна на својот тим да го освои италијанското првенство за прв пат по 11 години.

Договорот меѓу двете страни истекува во 2024 година. Пазарната вредност на Рафаел Леао се проценува на 70 милиони евра. Претходно беше објавено дека Милан има намера да потпише нов договор со играчот.

Бруно Гимараеш е свесен дека Реал Мадрид е заинтересиран за него, но уште еднаш истакнува дека е среќен во Њукасл.

Тој минатата зима потпиша договор со Њукасл за нешто повеќе од 40 милиони и брзо се прилагоди на фудбалот во премиер лигата, стана еден од најважните играчи во тимот на Еди Хау.

Летово интерес за него покажа Реал Мадрид. Бразилецот потврди дека имало разговор со Реал Мадрид, но не се случувало ништо повеќе.

„Реал е најдобриот тим во светот и убаво е кога се интересираа за вас, но тоа беше само разговор, ништо повеќе… Сакам да бидам легенда на Њукасл. Луѓето овде ме сакаат и јас ги сакам нив. Никогаш не се сомневав во проектот на клубот“, рече тој. Гимараеш и ги запали навивачите.

Њукасл, иако клубот со најбогатите сопственици во светот, трпеливо гради тим кој ќе им го донесе успехот што го посакуваат во иднина, а нема сомневање дека Гимараеш треба да биде еден од клучните играчи.

Челните луѓе на Интер му понудиле продолжување на договорот на турскиот фудбалски репрезентативец Хакан Чалханоглу до 2025. година.

28-годишниот Чалханоглу има актуелен договор со Интер до јуни 2024.година. Италијанските медиуми наведуваат дека управата на Интер е задоволна од игрите на Турчинот поради што е одлучено да му се понуди нов договор.

Чалханоглу пристигна во Интер во 2021.година од Милан. Тој претходно настапуваше за екипите на Бајер Леверкузен, Хамбургер и Карлсруе. За нероазурите има одиграно 57 напревари и постигнато 10 гола.

Играчот од средниот ред на Јувентус, Вестон Меккени во зимскиот преоден рок може да го напушти тимот. Интерес за фудбалерот пројавуваат бундеслигаши. Тоа го пренесува „Газета Дело Спорт“.

Според изворот, клубот од Торино е подготвен да го продаде 24-годишниот Американец за да врати дел од средствата од евентуалното купување на играчот од средниот ред на Лацио, Сергеј Милинковиќ-Савиќ. Меккени е во Јувентус од 2020 година.

Најнапред „бјанконерите“ го позајмија фудбалерот од Шалке за 4,5 милиони евра, а потоа го откупија за 20,5 милиони евра.Сезонава Вестон Меккени постигна еден гол и асистираше еднаш на 11 меча во сите натпреварувања. Договорот меѓу двете страни истекува за три сезони.

Aли Даеи е најголемата иранска фудбалска легенда, а сега остана без својот пасош затоа што одлучил да излезе на протестите и да даде поддршка на жените кои секојдневно протестираат поради cмртта на млада Иранка.

Максе Амини почина три дена откако беше уапсена од иранската полиција само затоа што не неосела хиџаб. После тој случај во Иран настана голема револуција и се поголем број граѓани на оваа земја даваат поддршка на жените.

На таа поддршка се приклучи Даеи кој откако ја обвини власта остана без пасошот и може да се соочи со дополнителна казна.

„Поради се што зборуваше и што објави на Даеи му е одземен пасошот“, објавија медиумите во Иран.

Фудбалерите на Ливерпул Трент Александер-Арнолд и Жоел Матип ќе бидат надвор од терените три недели, поради повредите кои ги заработија на дерби дуелот со Арсенал кој Ливерпул го загуби со 3:2.

На истиот натпревар потешка повреда на коленото заработи и Колумбиецот Луис Диаз кој се очекува да има пауза до почетокот на идната година.

Ливерпул поради повреди не може да смета и на Артур Мело, Окслејд Чембрлејн, Наби Кеита и Ендру Робертсон.

Баерн Минхен гостува кај Викторија Плзен во 4.коло од групната фаза на Лигата на шампионите, а од тимот стигнуваат информации дека нема да може да сметаат на сите играчи.

Дефанзивците на Баерн (Минхен) Матијс де Лихт и Алфонсо Дејвис ќе го пропуштат натпреварот против Викторија Плзен, објави новинарот Флоријан Плетенберг.

Двајцата фудбалери се повредија на натпреварот од 12. коло на германскиот шампионат против Борусија Дортмунд (2-2). Учеството на играчот од средниот ред Серж Гнабри на натпреварот против Викторија останува под знак прашалник.

На табелата во групата Ц води Баерн со 9 бодови. Екипата од Чешка е на последното, четврто место, откако ги загуби сите три натпревари во ова натпреварување.

Претседателот на Европската фудбалска асоцијација Александар Чеферин најави дека и по трет пат ќе се кандидира за таа функција.

55-годишниот Александар Чеферин е претседател на оваа фудбалска организација од септември 2016.година и одново посакува да добие четиригодишен мандат.

Словенецот кој е адвокат по професија веќе ги известил членовите на федерацијата за својата кандидатура пред одржувањето на квалификациите за Европското првенство 2024.година.

Изборниот конгрес на УЕФА е закажан за 5.мај 2023. година во Лисабон.

Лионел Меси падна на втората позиција по заработката помеѓу фудбалерите.

Тој беше престигнат од Килијан Мбапе, кој оваа сезона е најплатениот фудбалер во светот. Меси оваа сезона ќе има 120 милиони долари, а за прв пат по осум години ниту Меси ниту Роналдо не се на врвот на листата.

Одамна е јасно дека нивната ера полека поминува, ова е само уште еден доказ за тоа.

Инаку, Роналдо е трет на листата со 100 милиони, а Мбапе е прв со 128 милиони долари.