Манчестер Јунајтед постави краен рок до кога Пол Погба мора да донесе конечна одлука за својата иднина, пренесуваат медиумите на Островот.

Имено, „црвените ѓаволи“ му дале рок на Погба до Божиќ да одлучи дали ќе стави потпис на нов договор или ќе замине како слободен играч на крајот на сезоната. Договорот на Погба истекува на крајот на сезоната, а Јунајтед веќе достави понуда до неговиот агент за нов договор со неделна плата од 400.000 фунти. Доколку прифати, Французинот ќе стане најплатен фудбалер во Премиер лигата.

На „Олд Трафорд“ сакаат се да биде јасно до Божиќ за да можат да најдат адекватна замена доколку одлучи да замине.

Тренерот на ПСЖ, Маурисио Почетино го коментираше поразот на тимот на натпреварот против Рен (2-0).

„Во целиот натпревар имавме добри 25-30 минути. Имавме неколку добри шанси да го отвориме резултатот, но ова не беше предодредено да се оствари. Потоа, Рен постигна гол на самиот крај на првото полувреме и го удвои водството една минута по почетокот на второто полувреме. Беше тешко да се справиме со тоа психолошки. Почнавме да се отвораме, а противникот стана господар на теренот. Првиот човек одговорен за овој пораз сум јас. Да, игравме добар фудбал половина час, но треба да научиме како да го правиме тоа сите 90 минути. Немавме проблем да се опоравиме, затоа што поминаа пет дена од натпреварот против Манчестер Сити“, изјави Почетино.

Сопственикот на Ријека, Дамир Мишковиќ јавно искажа незадоволство од настапите на македонскиот репрезентативец, Дарко Велковски за Ријека.

За Мишковиќ, Велковски е големо разочарување, тој за Ријека не игра на нивото на кое игра за Македонија. Тој веќе од поодамна нема загарантирано место во стартниот тим, некогаш игра, некогаш е на клупата.

Но, неговите настапи за Македонија се сосема поинакви, Велковски е главниот во нашата дефанзива. Дамир Мишковиќ го знае потенцијалот на Македонецот и е разочаран што во Ријека не игра на нивото на кое може.

„Бев убеден дека кога имаш македонски репрезентативец како Дарко Велковски, стопер кој игра врвно за репрезентацијата, си ги решил проблемите во одбраната. Но, Велковски има многу осцилации и ретко игра за Ријека така како што игра за македонската репрезентација. За мене тој е големо разочарување“, вели Дамир Мишковиќ.

Веројатно за Велковски ова е последна сезона во Ријека каде е од 2018 година.

Бившиот фудбалер на Атлетико Мадрид и Челзи се наоѓа во центарот на скандал, поради наводни лажирања на фудбалски натпревари, пренесуваат медиумите од Бразил.

Локалната полиција открила мрежа која била вмешана во криминални активности и при тоа под истрага бил и еден неименуван 32-годишен фудбалер.

Идентитетот не е јавно откриен, меѓутоа бразилските медиуми дојдоа до сознанија дека се работи за Диего Коста кој е под истрага на полицијата за кладење и местење на натпревари.

Во соопштението на државната полиција од сојузната држава Сержипе, каде е роден сегашниот фудбалер на Атлетико Минеиро се наведува дека ја започнале втората фаза од операцијата под кодно име “Дистракција“ со цел да се приберат докази за истрага во врска со нелегално коцкање, перење пари, размена на девизи и криминал.

Се шпекулира дека Диего Коста е финансиер на цела шема за перење пари и местење на натпревари.

Би бил огромен скандал ако информациите за евентуална вмешаност на бившиот напаѓач на Атлетико Мадрид и Челзи излезат како точни.

Килијан Мбапе ова лето остана во ПСЖ, но одбива да го продолжи договорот и се поголеми се шансите на лето да си замине како слободен агент.

Мбапе е голема желба на Реал Мадрид, а шпанските медиуми тврдат дека Французинот веќе има договор со „кралелвите“ и ќе пристигне во Мадрид следното лето. ПСЖ веќе ја започна потрагата по негова замена, а најгоелма желба е Ерлинг Халанд од Борусија Дортмунд.

Халанд на лето ќе има откупна клаузула од 75 милиони евра, а ПСЖ е спремен да ги задоволи барањата на неговиот агент и да му даде плата од 50 милиони евра по сезона.

За Халанд постои голем интерес од европските гиганти, најмногу од Реал Мадрид, па ПСЖ на овој начин ќе му се „одмазди“ на Перез за трансферот на Мбапе.

Рома и Наполи се заинтересирани за услугите на фудбалерот на Борусија Мехенгладбах, Денис Закарија.

Станува збор за 24- годишен фудбалер од средниот ред кој импресионира минатата сезона со настапите во Бундеслигата. Закарија може да игра на сите позиции во средниот ред, па токму поради тоа е голема желба на италијанските клубови.

Швајцарскиот репрезентативец одигра добро и на Европското првенство, а Мехенгладбах за неговата слобода бара 25 милиони евра

Најсилен интерес за него покажува Рома, а Мурињо веќе стапил во контакт со фудбалерот и сака да го донесе во Рим уште во јануари.

Ансу Фати во текот на летото стана новата „десетка“ на Барселона, откако претходно од гигантот си замина Лионел Меси.

Барселона се обидува да му го продолжи договорот на Фати затоа што во него гледа лидер за тимот. Меѓутоа, во 2019 година Фати бил подготвен да си замине од Барселона, а негов нов тим требало да стане Ница.

Таткото на младиот фудбалер на Барселона ги договорил условите, па дури и се фотографирал со дресот на Ница на кој била „деветката“, но трансферот пропаднал поради бизарна причина. Фати имал проблеми со пасошот, кои не можеле да се решат до крајот и трансферот во Ница им пропаднал поради тоа.

Напаѓачот на Реал Мадрид и француската репрезентација Карим Бензема зборуваше за односите со поранешниот тренер на Реал Мадрид, Зинедин Зидан.

„Никогаш нема да можам да се споредувам со Зизу и да кажам дека сум на исто ниво со него. Премногу ги почитувам него и Роналдо. Можам само да научам од она што го направија. Многу добро се сложуваме со Зидан. Ние сеуште комуницираме, тој е секогаш подготвен да ми помогне. Но, никогаш нема да кажам дека Зидан и јас сме еднакви, тоа е незамисливо“– изјави Бензема  за „Л’Екип“.

Да потсетиме, Бензема се пресели во Реал Мадрид од Олимпик Лион во 2009 година. Оваа сезона францускиот напаѓач учествуваше на 7 натпревари од шпанското првенство, постигна 8 гола и 7 асистенции.

Интер потврди загуба од 245.6 милиони евра за периодот 2020/21, што е рекорден износ меѓу клубовите во Серија А.

Интер од врвот на листата го симна Јувентус, кој за истиот период објави негативен финансиски извештај во износ од 209.9 милиони евра. Една сезона претходно Интер пријави загуба од 102.4 милиони евра.

Интер изрази надеж дека одлуката на здравствените власти да дозволат враќање на навивачи на стадионите ќе му помогне на клубот во овие тешки времиња.

Иако пред само пет месеци потпиша нов договор со Лука Модриќ, Реал Мадрид уште сега е спремен за ново продолжување на соработката со Хрватот.

Модриќ има договор до крајот на сезоната, а иако има 36 години, се уште е еден од најдобрите играчи за врска во Европа.

„Кралевите“ не сакаат да се разделат со него, па наскоро ќе почнат преговори за продолжување на договорот на уште една година. Модриќ  не размислува за пензија и сака да остане на „Сантиаго Бернабеу“ што е можно побрзо, па се очекува двете страни лесно да најдат заеднички јазик околу договорот.