Европски фудбалска асоцијација (УЕФА) го зголеми наградниот фонд на Европското првенство за жени – 2022 година. Оваа одлука ја донесе извршниот комитет на УЕФА, информира официјалната веб -страница.

Според изворот, наградниот фонд на турнирот, на кој ќе учествуваат 16 репрезентации, ќе изнесува 16 милиони евра. Вреди да се одбележи дека наградниот фонд на женското првенство во 2017 година, што се одржа во Холандија, беше 8 милиони евра.

Така, УЕФА двојно ги зголеми наградите за ЕП, што ќе се одржи во 2022 година во Англија. Да потсетиме дека Европското првенство за жени, како и машкото, се одржува на секои четири години. Во 2017 година, победникот на Евро 2017 беше репрезентацијата на Холандија, која беше домаќин на ЕП.

Лионел Меси поради контузија на потколеницата на десната нога и повреда на десното колено го пропушти натпреварот против Мец, а според информациите на француските медиуми, би можел да го пропушти и натпреварот против Монпеље кој на програмата е викендов.

Според наводите на „Ле Парисиен“, Меси се уште не започнал со трчање на тренинзите на ПСЖ. Од клубот се уште не ги потврдиле наводите, па допрва треба да се види во каква состојба ќе биде аргетинскиот напаѓач.

Се претпоставува дека во клубот не сакаат да ризикуваат со влошување на повредата на својата ѕвезда пред натпреварот со Манчестер Сити во Лигата на шампионите.

ПСЖ по седум одиграни натпревари е водечка екипа во Лига 1 со максимални освоени бодови.

Фудбалерот на Малме, Ердал Ракип ќе може да биде дел од списокот на Благоја Милевски веќе за претстојните квалификациски натпревари кои ќе ги играме со Лихтенштајн и Германија наредниот месец.

Ракип ја доби потребната дозвола од ФИФА да настапува за Македонија. Тој веќе подолго време има македонски пасош, а сега сите пречки се отстранети и тој може да почнe да настапува за нашиот национален тим.

Со Ракип би се зголемила конкуренцијата во средниот ред, а сигурно ќе дојде добро и во период кога Енис Барди и Арјан Адеми се неизвесни поради повреди.

Александар Лаказет не сака да го продолжи договорот со Арсенал, информираат медиумите во Франција.

Според изворот, Лаказет најверојатно ќе го напушти Арсенал по истекот на неговиот договор следното лето. Преговорите на двете страни за продолжување на соработката стигнаа до ќорсокак. Главниот кандидат за потписот на Александар Лаказет како слободен играч е Атлетико Мадрид.

Лаказет потекнува од Олимпик Лион. Од 2010 година, напаѓачот играше за првиот тим на францускиот клуб. Во 2017 година, Лаказет се пресели во Арсенал. Во сезоната 2020/21, Французинот одигра 34 натпревари за Арсенал, постигна 13 гола и 3 асистенции. Претходно беше објавено дека Атлетико, Севиља и Рома ја следат неизвесноста околу иднината на Лаказет во Лондон. Неговата пазарна цена се проценува на 35 милиони евра.

Македонскиот репрезентативен фудбал по завршувањето на Европското првенство 2020. отвора нова страница во својата историја. Под водство на новиот селектор Благоја Милевски, селекцијата ги продолжува квалификациите за пласман на Светското првенство. Нашиот најдобар национален тим ќе се обиде во овие квалификации да остане конкурентен за второто место до самиот крај.

Стефан Спировски, еден од фудбалерите во македонскиот национален тим кој остави силен впечаток на септемвриските натпревари против Ерменија, Исланд и Романија зборува за првичните впечатоци од соработката со новиот селектор и стручниот штаб, како и за важноста, тимот да биде над сѐ.

–  Впечатоците од нашата соработка со новиот селектор Благоја Милевски и стручниот штаб се повеќе од позитивни. Иако времето за подготовките пред септемвриските натпревари беше релативно кратко, имам само пофални зборови за почетокот на нашата соработка. Прв пат сме заедно, но веднаш се забележува неговата принципиелност во работата, како тренер, но и како човек, а тоа го потврдуваат и моите колеги кои веќе работеле со него. Мислам дека како тим ќе соработуваме добро во иднина.

Фудбалерот од средниот ред кој започнува нова клупска авантура во украински Мариупол вели дека за фудбалерите е многу значајно што селекторот воспоставува непосредна и блиска комуникација.

–  Навистина е значајно за мене, а верувам и за сите други, тоа што е отворен за сите во тимот. Доколку било кој од фудбалерите му се обрати за одредена ситуација, селекторот ќе биде тука за нас. Да нѐ ислуша и разговара. Да посочи на грешка или да искаже пофалба за одредена работа. На последните три натпревари покажавме како треба да се игра за националниот дрес. Можеби резултатски не ги оправдавме очекувањата на публиката, но ние знаеме дека сме на вистинскиот правец. Убедени сме дека резултатите ќе дојдат доколку продолжиме да работиме на овој начин.

Спировски истакнува дека подготовката за натпреварите е она што посебно ги прави задоволни фудбалерите во репрезентацијата, а се однесува на тактичката анализа за натпреварите, инструкциите кои ги добива секој фудбалер посебно и анализа на противникот до најситните детали.

–  Подготовката за натпреварите е различна. Ние знаеме дека секој тренер има свој методи на работа. Овој селектор и неговите соработници ни ги доловуваат и најситните детали. Се внимава и посветува внимание на секој сегмент од играта, од недостатоците и слабите страни на противникот, па сѐ до нашата поставеност. Секој од нас знае што треба да прави на било кој дел од теренот.

Лорис Кариус изгледа конечно може да пронајде клуб каде што ќе ја продолжи кариерата која му тргна во надолна линија после финалето во Лигата на шампионите во 2018 година.

После таа ноќ, германскиот голман долго се обидува да ја врати формата, но не му оди. Не помогнаа ниту позајмиците. Ливерпул го испрати во Бешикташ, потоа во Унион Берлин и таму Кариус знаеше да киксира, па клубовите не го откупија неговиот договор. Сега наводно се појавил клуб кој сака да го види во своите редови.

Според информациите швајцарски Базел е заинтересиран да го доведе 28-годишниот Кариус. Швајцарскиот клуб би можел да понуди два милионји евра, а Карису би добил договор на две години.

Скандал во Австрија. Аматерскиот фудбалер Рашид Арсанукаев заработи една од најригорозните казни во историјата на спортот, откако е исфрлен од фудбалот на дури 48 натпревари.

Се прашувате што направи да добие така драстична казна? Тој му го скрши носот на својот противник.

„Билд“ пренесува дека рускиот играч е казнет бидејќи на судијата Романо Џовани по исклучувањето му рекол дека ќе му „покаже што е казниво“ и потоа со глава го удрил противничкиот фудбалер, кршејќи му го носот.

Неговиот клуб Викторија, член на деветтиот ранг од австрискиот фудбал, веднаш го исфрли Арсанукаев, а случајот го презеде и локалната полиција.

Играчот на кој му е скршен носот му е потребна операција и нема да може да се занимава со спорт во наредните неколку месеци.

По објавата на клубот и официјалната потврда за раскин на соработката, се јави и тамошниот општински сојуз известувајќи дека преземени се неколку чекори да се осигураат од евентуален обид за враќање на Арсанукаев во австрискиот нисколигашки фудбал.

Барселона ја разгледува опцијата да го покани поранешниот напаѓач, Тиери Анри да ја превземе функцијата главен тренер на клубот, објави „Мундо Депортиво“.

Според изворот, тимот веќе го разгледувал Французинот во 2017 година, кога Ернесто Валверде ја презеде функцијата.

Последната клупска работа на Тиери Анри беше клубот Монтреал Импакт. Анри го презеде раководството на канадскиот тим во ноември 2019 година и замина во февруари 2021 година од семејни причини. Во октомври 2018 година, Французинот беше назначен за главен тренер на Монако.

Во јануари 2019 година, поради конфликт со голем број играчи, клубот привремено го суспендираше Анри од неговите должности како главен тренер на тимот, по што Тиери беше отпуштен од функцијата поради незадоволителните резултати.

Прес-службата на англискиот Лига куп ги објави на официјалната веб-страницанатпреварувачките двојќи за четвртото коло од ова натпреварување.

Едно од најинтересните соочувања е секако средбата помеѓу Вест Хем Јунајтед и освојувач на титулата – Манчестер Сити. Лондонски Челзи ќе биде домаќин на Саутемптон, а Арсенал ќе игра против Лидс Јунајтед.

Челзи – Саутемптон

Арсенал – Лидс

Стоук Сити – Брентфорд

Вест Хем – Манчестер Сити

Лестер Сити – Брајтон

Барнли – Тотенхем

Квинс Парк Ренџерс – Сандерленд

Престон – Ливерпул

На мечот од шестото коло на шпанската Ла Лига, напаѓачот на Атлетико Мадрид, Луис Суарез, му донесе победа на тимот од 2-1 постигнувајќи два гола.

Уругваецот постигна голови во 78. минута и 90+1 минута, што му овозможи да стигне до нов статистички рекорд. Според „Ел Паис“, Луис Суарез успеа да постигне гол секоја минута од натпреварот во кариерата. 78. минута од играта беше единствената во која Уругваецот претходно не успеал да постигне гол, но еве и тоа се случи. Така сега Луис Суарез има постигнато голови од првата до 90+7 минути од натпреварите. Инетересен е податокот дека вакво достигнување во карирата досега имаа само, Кристијано Роналдо и Златан Ибрахимовиќ.

Луис Суарез досега има одиграно 661 натпревар во сите клубови и натпреварувања во текот на неговата кариера, постигна 427 гола и даде 238 асистенции.