Историското прво коло од Конференциската лига донесе уверлива победа на Рома на Олимпико против ЦСКА Софија. Натпреварот заврши со резултат 5:1 за домашната екипа.

Натпреварот во Рим започна со неочекувано водство на гостите, но Рома до крајот постигна пет погодоци и лесно дојде до првите бодови. Два гола постигна Лоренцо Пелегрини, а по еден Ел Шарави, Манчини и Абрахам.

Уверливата победа не го натера тренерот на екипата Жозе Мурињо на пофални зборови. Тој истакна дека не му се допадна тоа како неговите играчи играа на тој натпревар, дека не беше квалитетен натпревар и воопшто не беше задоволен.

Сепак, оваа победа значеше место за Мурињо во клупската историја на Рома.

Само трет пат од основањето на клубот во 1927. година, Рома запиша шест победи во првите шест натпревари од сезоната. Досега тоа го направи само два пати, под водство на Руди Гарсија во сезоните 2013/14 и 2014/15.

Репрезентацијата на Македонија до 18 години и на вториот контролен натпревар против Унгарија во Ѓер одигра нерешено 2:2.

Двете селекции отворено го започнаа натпреварот, тоа резултираше со брз гол на домашните фудбалери уште во шестата минута од средбата. Стрелец на погодокот беше Даниел Наџи Колозвари. 

Македонија успеа да погоди за израмнување во 33. минута со голот што го постигна Бесар Гуџуфи. Две минути подоцна нов погодок за нашата млада селекција. Никола Павлевски погоди за пресврт и предност од 2:1. Одигравме одлично прво полувреме, бевме подобар противник и заслужено имавме предност.

Во продолжението, унгарците одиграа многу подобро, нашата репрезентација се повлече, но не успеа да го одбрани водството. Репрезентацијата на Унгарија со погодок во 80. минута успеа да го изедначи резултатот преку Бенце Фабиан и да ги постави конечните 2:2. 

Најдобрата можност за нас во вториот дел ја имаше Бесар Гуџуфи, но за жал не беше прецизен.

Поразот од Баерн Минхен во Лигата на шампионите сериозно го разниша столчето на Роналд Куман во Барселона.

Раководството на клубот седна да разговара за неговата иднина. Дел од медиумите во Шпанија пренесуваат дека некои директори на Барселона барел Куман веднаш да биде отпуштен и покрај тоа што Барселона за тоа ќе плати 12 милиони евра.

Од друга страна другиот дел од директорите преферирале Куман да добие уште една шанса да го подобри впечатокот.

Наводно Лапорта не бил толку загрижен за поразот, колку од начинот на кој Каталонците го изгубиле натпреварот.

Атлетико Мадрид е сериозно заинтересиран за капитенот на Наполи и италијански репрезентативец, Лоренцо Инсиње.

Договорот на Инсиње со Наполи истекува во јуни 2022 година, а според „Газета дело Спорт“ двете страни се далеку од продолжување на соработката.

Како што се наведува малку е веројатно дека Инсиње ќе го продолжи договорот затоа што сака да му се зголеми платата од моменталните пет милиони евра, па сигурно ќе замине без обештетување на крајот на сезоната.

За него се заинтересирани неколку италијански клубови, но најконкретен е интересот на Атлетико Мадрид.

„Јорганџиите“ се спремни да му понудат 6,5 милиони евра по сезона доколку пристигне без обештетување, сума која никој од заинтересираните клубови не е спремен да ја понуди.

Хари Кејн може да го продолжи договорот со Тотенхем, пренесува весникот „Гардијан“ на денешните страници, но капитенот на Англија постави посебен услов за тоа да се случи.

28-годишниот играч ќе потпише нов договор со Тотенхем доколку раководството на тимот се согласи да има клаузула за откуп во него. Во Англија, не постои практика да се вклучат такви клаузули во договорите на играчите, за разлика од Шпанија, каде што тоа е практика, но може да се направи исклучок за Кејн. Доколку двете страните се договорат за нов договор, тогаш платата на Хари Кејн значително ќе се зголеми и тој ќе стане еден од најплатените играчи во Премиер лигата.

Во последните недели беше објавено дека Тотенхем е подготвен да му понуди договор со неделна плата од 400 илјади фунти. Актуелниот договор на напаѓачот на Тотенхем истекува летото 2024 година.

Македонската репрезентација до 17 години предводена од селекторот Тони Јакимовски на тренинг центарот „Петар Милошевски” се подготвуваше за натпреварот против Србија во рамки на контролниот турнир што се одржува во Скопје.

Нашите млади фудбалери во воведното коло од турнирот славеа победа со 2:1 против Кипар. Марко Стојилевски и Зани Назифи беа стрелци на головите. 

Даниел Марковски, фудбалерот на Хелсинборг и член на младата репрезентација на Македонија е задоволен од прикажаната игра против Кипар.

– „Одигравме одличен натпревар против Кипар, но секогаш има простор за напредок, секогаш може подобро. На теренот делувавме одлично како колеткив, бевме подобра екипа, сосема заслужено остваривме победа. Играме против Србија, репрезентација која има голем квалитет, очекувам тешка средба со многу борба и отворена игра. Се надевам дека ќе оствариме нова победа“.

Капитенот Марко Ѓорѓиев вели дека оваа репрезентација на Македонија посакува учество на Европско првенство.

– „Нашата желба и цел е да обезбедиме учество на Европско првенство. Играме долго време заедно и одлично се познаваме. Овој контролен турнир претставува подготовка за она што не очекува во октомври, а тоа се квалификациите за пласман во елитната фаза. Одигравме добар натпревар со Кипар, се надевам дека повторно ќе бидеме на посакуваното ниво и на дуелот со Србија“.

Нашите фудбалери во октомври ги очекуваат квалификации за пласман во елитната фаза за Европско првенство. Во нашата група се Република Ирска, Полска и Андора.

Тибо Куртоа, по натпреварот кој го доби неговиот тим против Интер со 1-0 во Лигата на шампионите, ја истакна својата улога во постигнувањето на позитивниот резултат.

„Остваривме одличен резултат против силен противник. Моите одбрани беа одлучувачки, но ова е она што се очекува од мене во Реал Мадрид. За време на паузата, разговаравме многу едни со други и со тренерот, а второто полувреме помина малку подобро. Можеби Интер заслужи повеќе, нивните шанси беа поопасни“, рече Белгиецот.

Во 89. минута од средбата Реал Мадрид дојде до победа со голот на Родриго на асистенција на Камавинга. Во второто коло од групата Д од Лигата на шампионите на 28 септември, Реал Мадрид ќе го пречека молдавскиот Шериф, кој сензационално го совлада Шахтјор со резултат 2-0, додека Интер ќе игра на гости кај Шахтјор Доњецк.

ФИФА денес ја објави новата ранг листа на репрезентациите, а по септемврискиот циклус од квалификациите за СП има одредени промени.

Според очекувањата , по трите нерешени резултати, Македонија е со пад на ранкингот од две позиции и сега е на 74-та позиција. Избраниците на Благоја Милевски загубија околу два и пол поени и од 1345,47, паднаа на 1342,92 според новите рангирања. Македонија шанса за поправење на ранкингот ќе има веќе во октомври кога игра против Лихтенштајн на гостински терен, потоа со Германија пред својата публика и уште едно гостување кај Ерменија.

На врвот на ФИФА ранг листата лидер остана Белгија пред Бразил, Англија и Франција. Во првата десетка се уште Италија, Аргентина, Португалија, Шпанија, Мексико и Данска.Од нашите противници Германија е на 14-то место, Романија е 42-ра, Исланд е 60-ти, додека Ерменија е на 89-то место.

Фудбалерот од средниот ред на Борусија Дортмунд и англискиот репрезентативец Џуд Белингем постигна гол во воведното коло од групата Ц од оваа сезона во Лигата на шампионите и влезе во историјата на натпреварувањето.

Белингем беше стрелец на последниот натпревар на Борусија минатата сезона во Лигата на шампионите (пораз од Манчестер Сити 1: 2 во четвртфиналето), а со гол во тој натпревар стана најмладиот фудбалер во историјата на натпреварувањето кој постигнал гол на два натпревари во низа.

Досега, рекордер беше Килијан Мбапе (18 години и 85 дена), а Белингем (18 години и 78 дена) сега го надмина.

Капитенот на Манчестер Јунајтед, Хари Мегваер, беше разочаран по вечерашниот пораз од Јанг Бојс во првото коло од Лигата на фудбалските шампиони.

Неговиот тим поведе со голот на Кристијано Роналдо, но, по исклучувањето на Ван Бисака и големата грешка на Лингард во финишот на мечот, Швајцарците ги освоија бодовите.

„Сите направивме грешка вечерва – нема да го обвиниме Лингард. Почнавме добро во второто полувреме. Во наредниот натпревар ќе се обидеме да стигнеме до три бода“, рече играчот на „црвените ѓаволи“.