Дефанзивецот на Челзи, Тревор Чалоба го продолжи договорот со клубот до 2028 година. Чалоба ги помина сите младински категории на клубот од Стенфорд Бриџ, а после позајмиците во Ипсвич, Хадерсфилд и Лоријен, тој стана стандарден играч во првата екипа на Челзи, и оваа сезона има одиграно 13 натпревари.
Чалоба настапува на позициите десен бек и централен дефанзивец.
Капитенот на фудбалската репрезентација на Хрватска, Лука Модриќ, после победата над Канада изјави дека сега полесно се дише.
Хрватска оствари победа над Канада со 4:1, во натпревар од второто коло во групата Ф на СП во Катар.
„Беше одличен натпревар за нас. Првите неколку минути лошо влеговме во дуелот, но потоа покажавме квалитет и карактер. Направивме се она за што се договаравме, и она што го трениравме го пренесовме на теренот. Имавме добра игра и остваривме добар резултат“, изјавува Модриќ.
Хрватска после две кола води во групата Ф со четири бода колку што има и Мароко. Белгија има три а Канада е без бодови. Во последното коло Хрватска ќе игра против Белгија, и ќе и треба најмалку еден бод за пласман во наредната фаза.
Селекторот на шпанската фудбалска репрезентација Луис Енрике после ремито од 1:1 со Германија, изјави дека е задоволен од првото полувреме на средбата, и додава дека во вториот дел неговата екипа направила грешки кои инаку не ги прави.
„Тоа беше натпревар од кој сум задоволен со првото полувреме. Во продолжението правевме грешки кои инаку не ги правиме. Не го контролиравме дуелот до крај, а Германците одлучија да одат на се или ништо. Во последниот меч против Јапонија нема да калкулираме и одиме само на победа“, изјави Енрике.
Кристијано Роналдо ја заврши играчката епизода во Манчестер Јунајтед и повторно се најде на фудбалскиот пазар. Претходно протугалскиот репрезентативец посакуваше кариерата да ја продолжи во клуб кој има високи натпреварувачки цели, меѓутоа сега работите можат да бидат поинакви.
Според информациите од медиумите, Роналдо не би имал ништо против да ја прифати високата понуда од преку 200 милиони евра и да заигра во Саудиска Арабија за екипата на Ал Наср. За Роналдо ова ќе биде голема шанса да направи уште еден огромен финансиски трансфер во кариерата.
Челзи е силно заинтересиран за ѕвездата на Брајтон, Леандро Тросар и сака да го донесе во зимскиот преоден рок. Тросар игра фантастично од почетокот на сезоната и го привлече вниманието на многу европски клубови. До овој момент тој има 7 гола и 3а aсистенции на 14 меча за Брајтон. 27-годишниот белгиски репрезентативец има договор со крајот на сезоната, па Брајтон сака да го продаде после Мундијалот. Челзи е фаворит за неговиот потпис бидејќи тренерот Потер одлично го познава и имаа добра соработка во Брајтон. „Сините“ во него гледаат идеална замена за Зијех, кој е на излезна врата од „Стенфорд Бриџ“.
Илија Несторовски месецов за првпат по долга пауза од 20 месеци заигра на пријателските натпревари за Македонија. Медиумите во Италија сега пренесуваат дека Нестор може да го промени клубот во јануари.
Информациите на „Ил Месанџер Венето“ се дека Специја веќе остварила контакт и се распрашувала за можен трансфер на македонскиот напаѓач. Несторовски по хиерархија е четврти напаѓач во Удинезе, па не е невозможно клубот да се откаже од неговите услуги во јануари.
Не добива сериозна минутажа, но сепак успеа да постигне гол во поразот на Удинезе од 3-2 против Наполи пред паузата за Светското првенство. Тренер на Специја е Лука Готи со кого Несторовски соработуваше во Удинезе.
Специја сака да го засили нападот за вториот дел од сезоната откако во првиот по 15 натпревари во Калчото е над опасната зона со 13 бодови од 14 натпревари.
Приоритет на Арсенал во зимскиот преоден рок ќе биде доведување на квалитетен играч за врска, а најголема желба на Артета е Јури Тилеманс. 25-годишниот Белгиец влезе во последната година од договорот и одбива да ја продолжи соработката со Лестер бидејќи сака промена на средината.
Токму тоа може да биде причината Лестер да ја прифати понудата на Арсенал бидејќи во спротивно ќе го загуби играчот без обештетување.
Меѓутоа, „топџиите“ ќе мора да ја победат конкуренцијата бидејќи за Белгиецот интерес покажуваат уште Барселона и Манчестер Јунајтед.
Артета инсистира да го доведе Тилеманс во јануари, но доколку не успее, тогаш Белгиецот може да пристигне на лето како слободен агент.
Репрезентативецот на Германија, Каи Хаверц, порачува дека претстојниот натпревар против репрезентацијата на Шпанија, би можел да биде пресвртница за неговата екипа после поразот од Јапонија на стартот од Мундијалот.
„Нашиот фокус сега е на натпреварот против Шпанија во недела, и не се грижам што се случи во минатиот натпревар бидејќи нема смисол да се размислува за нешто што поминало, или да се размислува негативно. Мислам дека дуелот со Шпанија може да биде пресвртница за Германија, и сите сме подготвени за таа средба“, изјавува Хаверц.
Во вториот натпревар од оваа група ќе се сретнат репрезентациите на Костарика и Јапонија.
Францускиот репрезентативец Лука Хернандез успешно го оперира коленото во клиника во австрискиот град Инсбрук, јави ДПА. Хернандез ги оштети вкрстените лигаменти на почетокот на мечот со Австралија, кој Франција го доби со 4-1. Тој беше принуден да биде заменет со неговиот брат Тео во 13. минута. Дефанзивецот се врати во базата на својот тим Баерн, од каде вчера беше испратен на хируршка интервенција. Германскиот клуб не го објави периодот на опоравување на играчот, но се верува дека тој ќе го пропушти остатокот од сезоната.
Француски „Л’Екип“ денеска пишува дека Пари Сен Жермен доставил понуда до градот Париз вредна 40 милиони евра за да го купи стадионот „Паркот на принцовите“, како дел од плановите на клубот за зголемување на капацитетот на нивниот домашен стадион.
Заменикот на градоначалникот на Париз, Пјер Рабадан, потврдил дека ПСЖ е заинтересиран да го купи стадионот за да ги изврши работите околу зголемувањето на капацитетот, но засега градските власти не се задоволни од понудата.
Причините за ниската понуда на ПСЖ е фактот што тие инвестираа 85 милиони евра за реновирање на стадионот за Еуро 2016 и дека моментално имаат 30-годишен закуп.
