Баерн Минхен е во завршна фаза од преговорите за продолжување на договорот со нивниот играч за врска Леон Горецка. Новинарот Никола Скира го објавува ова на својот Твитер профил.

Според изворот, договорот со играчот ќе биде продолжен до 2026 година, додека платата на играчот ќе биде значително зголемена.

Во август, беше објавено дека платата на Горецка ќе биде 12-15 милиони евра. Минатата сезона, фудбалерот одигра 32 натпревари за Баерн во сите натпреварувања, постигна осум гола и седум асистенции.

Играчот од средниот ред ги брани боите на Баерн од 2018 година, а претходно играше за Шалке 04 и Бохум. Трансфермаркт го проценува фудбалерот на 70 милиони евра. Актуелниот договор на Леон Горецка со клубот од Минхен е до следното лето.

Женската А репрезентација на Македонија го одработи последниот тренинг пред заминувањето за Англија за воведниот меч од квалификациите за Светското првенство 2023. Нашата женска селекција против Англија, топ фаворит во групата ги започнува европските квалификации за мундијалот во Австралија и Нов Зеланд. 

Против англичанките играме на утре во Саутемптон, а четири дена подоцна на Националната арена „Тодор Проески” ќе се спротиставиме на селекцијата на Австрија.

Капитенот на женската А репрезентација на Македонија и член на шпански Леванте, Наташа Андонова вели дека шансата за остварување на поволен резултат треба да ја бараме во дуелот со Австрија пред домашната публика.

– “Не очекуваат два натпревари против силни репрезенетации. Селекцијата на Англија е апсолутен фаворит во групата, ќе биде многу тешко да се игра против нив. Австрија не е на рамниште со квалитетот како Англија и сметам дека шансата за освојување на бодови треба да ја бараме на тој меч. 

– Секогаш се обидувам да гледам реално на работите, така и овој пат. Мислам дека не треба да очекуваме некакво чудо во овие квалификации, треба само да продолжиме напорно да работиме и да ги слушаме советите од нашиот селектор. Објективен проблем претставува фактот што во овој состав на Македонија има фудбалерки претежно од домашното првенство кои немаат големо маѓународно искуство за разлика од другите селекции. 

– Работевме напорно овие неколку дена, имаме одлична комуникација со селекторот, позитивни сме, владее одлична атмосфера и ќе пробаме сето тоа да го искористиме за што подобро да одиграме на овие два натпревари.“

Поразот од 0:1 од Реал Мадрид е во целост незаслужен, изјави по натпреварот напаѓачот на Интер Един Џеко во кратката анализа на мечот од премиерното коло од групата Д во Лигата на шампионите.

Интер го дочека Реал Мадрид на Сан Сиро и беше подобрата екипа, но никако не можеше да постигне погодок со кој и би го потврдиле тоа. Единствениот погодок на натпреварот, доволен за три бода на Реал Мадрид, беше дело на Родриго во 89. минута.

Натпреварот веројатно ќе имаше различен расплет доколку Џеко искористеше една од трите шанси кои ги имаше пред противничкиот гол, но или Куртоа или одбраната на Реал го спречуваа да стане стрелец.

„Апсолутно незаслужен пораз. Заслуживме многу, многу повеќе.“ – рече Џеко по натпреварот додавајќи:

„Одигравме одлично, но тешко е кога нема да постигнеш гол.“

По првото коло од групата Д, Интер и Шахтјор се во вториот дел од табелата без освоен бод, а Шериф и Реал Мадрид имаат по три бода.

Пред два дена Каталонците беа поразени од Баерн Минхен, а во овој натпревар се соочија  и сп овреда. Жорди Алба и Педри ќе мораат да одат на пауза.

Двајцата се повредија во вчерашниот натпревар. Алба ја истегна задната ложа и ќе биде надвор од теренот барем еден месец. Педри заработи повреда на квадрицепсот и ќе отсуства околу две недели.

Куман сега не може да смета на Серхио Агуеро, Дембеле, Ансу Фати и Мартин Брајтвајт.

Барселона во наредниот период има густ распоред и ја очекуваат три натпревари во првенството и еден меч во Лигата на шампионите.

Роналд Куман добил ултиматум од три натпревари во кои треба да го подигне нивото на игра на тимот, пренесува каталонски „Спорт“.

Барселона беше убедливо поразена од Баерн Минхен во ЛШ, а раководството е загрижено поради бледата игра на тимот.

Претседателот на каталонскиот клуб, Жоан Лапорта, одржал итен состанок со тренерот Куман, кој траел до доцна во ноќта.

Барселона бара од Куман веднаш да реагира и да го подигне нивото на игра на тимот, бидејќи нема повеќе да толерираат натпревари како тој синоќа против Баерн.

Дани Олмо со своите настапи го привлекува вниманието на европските гиганти. Откако за поранешниот фудбалер на Динамо интерес покажаа Барселона, Јувентус и Баерн сега во трката се вклучил и Манчестер Јунајтед, објавија британските медиуми.

Барселона во завршницата од преодниот рок се обиде да го доведе Олмо, тоа го потврди и самиот фудбалер, сепак немало време трансферот да се реалзира.

Во Барселона не се откажале и повторно ќе се обидат да го доведат во јануари или по завршувањето на сезона.

Олмо во јануари 2020 од Динамо премина во Лајпциг во трансфер вреден 22 милиони евра.

Клуб Бриж и ПСЖ одиграа 1:1 во првото коло од Лигата на шампионите, во натпревар на кој за првпат од првата минута заедно заиграа Меси, Нејмар и Мбапе, но белгиската екипа одлично се справи со атомскиот напад на ПСЖ.

По натпреварот, голманот на Бриж Симон Мињоле истакна дека немаше премногу работа.

„Воопшто немав работа. Одигравме одлично, тимски, компактно и не им дозволивме да створат некои големи шанси. Не можете такви играчи да чувате еден на еден. Преквалитетни се во тие ситуации, но успеавме тоа да го направиме заедно, не им оставивме простор. Имав неколку полесни одбрани, но ништо посебно.“ – рече Белгијанецот.

Киксот на ПСЖ го коментираше и најскапиот играч на Сити, Џек Грилиш.

„Во еден момент отидов да проверам дали е вистина дека Бриж и ПСЖ одиграа 1:1, не верував. Тоа покажува дека во Лигата на шампионите се е возможно.“

Џек Вилшер би можел да добие нова шанса во Арсенал. Пред три години Вилшер го напушти Арсенал и се пресели во Вест Хем, а без клуб е откако Борнмоут го ослободи минатата сезона.

Сега тој доби покана од Артета да тренира со Арсенал, тоа може да биде и почеток на нова соработка.

„Да се биде со добри пријатели и да тренирате со играчи од светска класа е нешто што ме прави среќен. Се надевам ќе разговараме и околу иднината“, изјави Вилшер.

Жоржино Вајналдум, кој по пет години го напушти Ливерпул и се пресели во редовите на ПСЖ, вели дека „црвените“ имале игноратски однос кон него иако изразил желба да остане на „Енфилд“.

„Во таков случај го следите инстинктот. Ливерпул не ми покажа дека сака да ме задржи, затоа морав да одам напред“, вели Холанѓанецот кој во текот на летото се пресели на „Паркот на принцовите“ иако имаше понуда од Барселона.

Вајналдум во дресот на Ливерпул одигра 179 средби на кои постигна 16 голови.

Легендата на Реал Мадрид Хозе Марија Гутиерез го коментираше поразот на Барселона во Лигата на шампионите.

Баварците ја разбија Барселона со 3-0 на „Камп Ноу“, а Гути признава дека ужива да ги гледа поразите на големиот ривал.

„Уживам во поразите на Барселона затоа што јас сум навивач на Реал Мадрид, Баерн е навистина добар тим со фантастични играчи на сите позиции, а од друга страна ја имаа очајната Барселона во овој момент. За мене резултатот не е изненадување, повеќе сум изненаден од начинот на кој играше Барселона“.

Го коментираше потоа Гути и стартот на сезоната на Реал Мадрид.

„Офанзивно ми изгледаат навистина добро, малку проблеми има во дефанзивата и таму работите треба да се поправат, посебно во натпреварите со посилни тимови“, изјави Гути.

Гути дресот на Реал го носеше од 1999 до 2010 година и во тој период одигра 542 натпревари и постигна 77 голови, освои се што можеше да се освои.