Серхи Роберто, е еден од капитените на Барселона, а сега се согласи на драстично намалување на платата.

Според актуелниот договор Роберто заработува девет милиони евра по сезона, меѓутоа сега се согласи за двегодишен договор вреден шест милиони евра. Тоа значи дека во следните две години ќе заработува само третина од она што го има според сегашниот договор.

„Чави сака Роберто и понатаму да биде дел од Барселона. Управата на клубот се сложува, а и Роберто сака да ја продолжи кариерата на „Камп Ноу“. Наскоро ќе пристигне и официјалната објава за договорот“, пишува каталонскиот „Спорт“.

Роберто е дете на Барселона, за првиот тим дебитираше уште во 2010 година. Сезонава поради повреда одигра само 560 минути. На терените би требало да се врати на пролет.

Агентот на фудбалерот на италијанска Верона, Никола Калиниќ, му ги понудил услугите на фудбалерот на римски Лацио, кој е во потрага по нов напаѓач. 

33-годишниот Калиниќ се пресели во Верона во октомври 2020 година од Атлетико Мадрид за 1,8 милиони евра. Претходно во кариерата хрватскиот напаѓач беше во Рома, Милан, Фиорентина и украински Днипро.

Калиниќ оваа сезона постигна три гола и асистираше на девет натпревари од италијанската Серија А.

Екипата на Тотенхем во јануарскиот преоден рок би можела да го засили својот офанзивен дел од тимот.

Спортскиот директор на клубот од Лондон, Фабио Паратичи, е фокусиран на доведување на двоецот од Јувентус, Вестон Мекени и Дејан Кулушевски.

Паратичи кој е бивш спортски директор на „Старата дама“ двајцата играчи би ги донел во Тотенхем за 70 милиони евра. 

Тренерот на екипата, Антонио Конте, веќе побарал од раководството на клубот поголем буџет за засилувања, откако ги увидел слабите точки во тимот кој го тренира од минатиот месец.

Реал Мадрид размислува да го замени напаѓачот Еден Азар за дефанзивецот на Челзи, Рис Џејмс. Шпанскиот гигант е заинтересиран за засилување на позицијата десен бек, па затоа може да го врати Азар во Челзи, како дел од зделката за Џејмс.

Според извори од Шпанија, сопственикот на англискиот тим, Роман Абрамович, би сакал да го врати Азар на „Стемфорд Бриџ“, но не по цена да загуби една од младите ѕвезди на својот тим. 22-годишниот Рис Џејмс на 22 натпревари оваа сезона, постигна пет гола и имаше шест асистенции.

Договорот на Англичанецот истекува во 2025 година, а пазарната вредност на Џејмс се проценува на 55 милиони евра.

Баерн на крајот од сезоната ќе се раздели со Кингсли Коман кому му истекува договорот, а засега нема индиции дека ќе го продолжи.

Не е спорна волјата на клубот да го задржи, туку на играчот кој одбива понуди, а како што пишуваат медиумите од Шпанија, тој би можел да го засили ПСЖ како слободен играч. Францускиот клуб како слободни играчи по истиот рецепт ги донесе Рамос, Вајналдум, Меси, Донарума …

Баварците не седат со скрстени раце, туку бараат замена, а се работи за фантастичниот фудбалер на Лидс – Рафиња.

25-годишниот крилен напаѓач постигна осум гола на 16 натпревари. Тој сака да се испроба во поголем клуб, а нема сомнеж дека Баерн е токму тоа.

Реал Мадрид е силно заинтересиран за рускиот репрезентативец и член на Динамо Москва, Арсен Захарјан.

18-годишниот играч за врска важи за еден од најголемите руски таленти, а скаутите на „кралевите“ го следат веќе подолго време.

На трансферот на Захарјан работат поранешниот директор на Реал, Предраг Мијатовиќ заедно со агентот на Лука Модриќ, Владо Лемиќ.

Двајцата веќе имале срдба со раководните луѓе на Динамо Москва и почнале преговори за трансферот.

Според информациите од шпанските медиуми Реал Мадрид сака да го куши играчот и да го остави на позајмица во Динамо Москва најмалку една година.

Тренерот на Лестер, Брендан Роџерс, изрази незадоволство од набиениот распоред на неговата екипа во Премиер лигата.

Популарните „лисици“ беа поразени со 6:3 на гостувањето кај Манчестер Сити, а имаат само два дена до следната средба која ја имаат против Ливерпул.

„Распоредот е смешен. Сите знаеме дека на играчите им е потребен одмор од најмалку 72 часа за потполно опоравување од претходниот натпревар. Тоа што играме 2 натпревари во три дена е смешно. Нема да имаме физички подготовки за натпреварот. Ливерпул ќе биде во голема предност бидејќи имаа седум дена пауза поради нивниот одложен натпревар против Лидс. Предизвикот е голем но ние не се предаваме и ќе го дадеме нашиот максимум“. изјави Роџерс.

Фудбалерот на Манчестер Сити, Џек Грилш не го оправда првиот дел од сезоната по бомбастичниот трансфер од Астон Вила на „Етихад“, а во интервју за „Скај Спорт“ верува дека следната година ќе биде негова.

„Слушнав дека на некои играчи им треба една година за да се прилагодат на Сити, па се надевам дека ќе ми треба исто толку. Сакам повеќе и се надевам дека ќе го постигнам тоа следната година. Овде стандардите се неверојатно високи на теренот и надвор од него“, изјави Грилиш.

Тој се осврна на фактот дека Сити летово го собори рекордот и плати 100 милиони фунти за англискиот репрезентативец, како и реакцијата што ја предизвика во јавноста.

„Луѓето прашуваат дали вредам, каде се моите голови и асистенции? Ги разбирам, но се чувствувам привилегиран што Сити издвои толку многу пари за мене. Се надевам дека ќе им се оддолжам со трофеи и голови“.

Не крие дека на „Етихад“ дошол поради трофеи.

Лука Јовиќ не се изнаигра во Реал Мадрид по трансферот од Ајнтрахт Франфурт и постои можност одново да се врати во Бундеслигата.

Јовиќ не успеа да се наметне во таборот на „кралевите“, па така вториот дел од минатата сезона го мина во Франкфурт. И во актуелнава кампања одново нема некоја преголема минутажа кај Карло Анчелоти, па ова сака да го искористи Борусија Дортмунд да го доведе во своите редови.

Медиумите во Шпанија пренесуваат дека „милионерите“ би сакале да го добијат напаѓачот на заем со опција потоа и да го откупат договорот.

Лука има 24 години и може да биде добра опција за бундеслигашот особено ако во 2022 си замине Ерлинг Халанд со што дефинитивно би се ослободил простор, место кое Србинот би можел да го пополни.

Роберто Мартинез кој е селектор на фудбалската репрезентација на Белгија, изрази загриженост поради недоволната минутажа која Еден Азар ја добива во тимот на Реал Мадрид.

Азар кој е еден од најдобрите играчи во белгиската селекција, оваа сезона во дресот на Реал Мадрид одигра 12 натпревари од можни 19, од кои само на шест беше стартер. Во Лигата на шампиони настапи само на два натпревари.

„Ова веќе станува сериозен проблем. Неиграњето на Азар е загрижувачко. Тој никогаш во својата кариера не се нашол во ваква ситуација, поради што ова може да биде многу тешко за него“ изјави селекторот на Белгија, Роберто Мартинез.