Фудбалерот на Реал Мадрид, Еден Азар размислува да се повлече од репрезентацијата на белгија по завршувањето на Светското првенство во Катар идната година, но дефинитивната одлука ќе ја донесе тогаш.

Говорејќи за клупските планови, истакна дека очекува добра сезона, како за него, така и за неговиот клуб. Сепак, мораше да зборува и на тема повреди, на кои е склон во последните години.

„Луѓето секогаш зборуваат дека се повредувам. Тоа е точно, но кога ќе ја видат мојата кариера, не постои играч кој одиграл повеќе од мене во последните 10 години.“ – вели Азар.

Тој истакнува дека се чувствува прилично добро, иако се уште не е 100 отсто подготвен.

„Понекогаш е тешко да се излезе на крај со повреда, бидејќи сакаш што повеќе време да поминеш на теренот. Тоа се најлошите моменти. Понекогаш тоа е тешко да се сфати, работиш се што треба и тоа не е доволно.“ – истакнува Белгијанецот.

Масимилијано Алегри е разочаран со активностите на Јувентус во летниот трансфер период и бесен на клупскиот врв затоа што не ги доби играчите на кои се надеваше, јавуваат италијанските медиуми.

Алегри се врати во Јувентус по неуспешниот експеримент на клубот со Андреа Пирло, но трофејниот стручњак со најсилниот клуб од Торино освои само еден бод во воведните 180 минути во првенството.

Иако имаше некои нови играчи, сепак повеќе „одекна“ заминувањето на Кристијано Роналдо во Манчестер Јунајтед, па Алегри е незадоволен со работата на клубот, односно, се наведува, е бесен на претседателот Андреа Ањели и спортскиот директор Федерико Черубини.

Како што пишуваат италијанските медиуми, тој на двајцата им порачал: „Не се договоривме така“, алудирајќи на неговото согласување под договорени услови да се врати во клубот.

Лацио во последните неколку дена од трансфер периодот се обиде да го доведе офанзивецот на Ајнтрахт Франкфурт, Филип Костиќ.

Српскиот репрезентативец имаше желба да се пресели во клубот предводен од Маурицио Сари во Рим, но Германците не сакаа да го пуштат. Имено, Ајнтрахт на Лацио му дал погрешна е-маил адреса, а оваа информација ја потврдуваат италијанските медиуми.

Ајнтрахт намерно на Лацио му дал погрешна адреса, а Италијаните залудно испраќаа пораки.

Ова го откри менаџерот на Костиќ, Фали Рамадани, испраќајки докази до својот клиент, кој потоа одби да тренира со клубот.

Лацио на крајот ја доби точната адреса, но договор не беше постигнат. Костиќ влегува во четвртата сезона носејќи го дресот на Ајнтрахт, а за клубот досега одигра 129 натпревари на кои постигна 26 погодоци.

Кристијано Роналдо и донесе победа на Португалија против Ирска (2-1) во квалификациите за СП.

Со гол за 1-1 во 89. минута, новиот играч на Манчестер Јунајтед стана светски рекордер по број на голови за националниот тим. Тоа беше негов 110 гол на 180 натпревари за Португалија, надминувајќи го легендарниот Иранец Али Даеи, кој постигна 109 гола на 149 настапи за Иран од 1993 до 2006 година.

Роналдо не застана тука, па во последните мигови од натпреварот се погрижи за победа со одличен удар со глава. Тој доби жолт картон за бурна прослава на победничкиот гол.

Претходно, Ирска поведе во 45. минута преку Еган, а Роналдо не успеа да го собори светскиот рекорд во 15. минута кога не реализираше пенал.

Младата репрезентација на Македонија до 21 година денеска во 19:30 часот на ММ Арена во Ле Ман го одржа официјалниот тренинг пред натпреварот со селекцијата на Франција на почетокот на квалификациите за пласман на Европското првенство во Романија и Грузија 2023 година.

Селекторот Драги Канатларовски се соочува со проблеми поради отсуството на Марио Младеновски (Ботев Пловдив), Адриан Хајдари (Рапид Виена) и Димитар Тодоровски (Работнички). Тројцата поради позитивен Ковид-19 тест ќе ги пропуштат двата воведни натпревари од квалификациите за ЕП 2023. Амел Рустемоски од швајцарски Вил поради повреда заработена на клупскиот тренинг не е во можност да се стави на располагање за првиот меч против Франција.

– Очекуваме тежок натпревар, Франција е апсолутен фаворит во нашата група. Нема да се предадеме, ќе го дадеме максимумот, очекувам да одиграме на високо ниво, верувам во моите фудбалери. Се соочивме со проблем на стартот на подготовките, четворица наши стандардни фудбалери не се на располагање, но што е тука е. Останатите фудбалери тренираа одлично, ги разбираат моите идеи. Желбата за докажување е огромна. Со нетрпение го очекуваме натпреварот.“ – изјави селекторот Канатларовски.

Жозе Мурињо одлично ја започна сезона на кормилото на Рома и победи на првите четири натпревари во Серија А и Конференциската лига.

„Специјалниот“ сакаше да го да го растовари клупскиот буџет и да се ослободи од четворица фудбалери. Еден од нив Хавиер Пасторе го напушти клубот, додека останатите тројца, Стивен Нзонзи, Давиде Сантон и Федерико Фацио се уште се во Рома.

После завршувањето на преодниот рок Мурињо го загуби трпението, па ги избрка тројцата фудбалери од тимот да тренираат одвоено. Исто така клубот најави дека не тројцата ќе им бидат намалени платите.

Нзонзи ги одби понудите на Монпелје и Бордо, Сантон не сакаше да се пресели во Венеција, додека Фацио го одби Кадиз.

Агентот на Дони ван де Бек го обвини Манчестер Јунајтед дека го блокирал трансферот на неговиот клиент.

Поранешниот фудбалер на Ајакс им се приклучи на „црвените ѓаволи“ во септември во 2020 година за 35 милиони фунти плус 5 милиони како бонуси, но, не се наметна кај тренерот,  Оле Гунар Солскјер. Тој имаше само 36 настапи и главно влегуваше од клупата за резерви.

Ван де Бек беше поврзуван со трансфер во Евертон, но,  норвешкиот тренер го „блокирал“  трансферот. Затоа неговиот агент, Гвидо Алберс, објаснува дека  Дони сака да игра редовно и дека не е задоволен од статусот.

Македонскиот младински репрезентативец, Давид Тошевски во последниот ден од преодниот рок заврши во Полска. Тој е испратен на нова позајмица од руски Ростов и во новата сезона ќе игра во полската фудбалска елита.

Тошевски ќе го носи дресот на Горњик Забже. Интересно е што во овој клуб од пред неколку месеци настапува и славниот Лукас Подолски.

Торган Азар нема да учествува на претстојните квалификации за СП во дресот на Белгија поради повреда.

28-годишниот играч за врска беше вклучен во националниот тим за натпреварите со Естонија, Чешка и Белорусија, но е повреден. Азар не е во состојба да настапи и го напушти кампот по утринскиот тренинг. Играчот е планирано да го продолжи закрепнувањето со Борусија Дортмунд, објави денеска белгиската фудбалска федерација.

Торган Азар има 8 гола на 39 натпревари за Белгија и беше дел од тимот што летово стигна до четвртфиналето на Европското првенство.

Стефан Ристовски кој ја презеде капитенската лента по заминувањето на Горан Пандев, вели дека тоа е за него голема чест.

„Сакам уште еднаш јавно да се заблагодарам на капитенот Горан Пандев. Тој треба да биде пример како да се продолжи репрезентативниот пат. Секако, голема благодарност и до селекторот што ми дава доверба да бидам предводник. Имаме промени, нема многу време, доволно сме професионални за да продолжиме каде што застанавме. Се надевам на позитивен резултат и убав нов почеток“, изјави Ристовски.