На Грем Потер не му оди во Челси и тимот никако не успева да дојде до добри резултати, па поради тоа се погласно се шпекулира за негово заминување од клупата на „сините“.

Голем дел од навивачите сакаат промена и се во право затоа што бројките покажуваат дека Потер е најлошиот менаџер кој го имал Челси во последните 30 години. Со поразот од Борусија Дортмунд во Лигата на шампионите тој е дното по процентот на остварени победи.

Неговата епизода во Челси не започна лошо, го победи Милан со 2:0 и Потер беше пофален за петте воведни натпревари во кои „сините“ имаа четири победи и едно реми. Тогаш само Сари, Анчелоти и Гус Хидинк имаа подобар почеток. Сега четири месеци подоцна бројките се поинакви.

Потер го водел Челси на 24 натпревари и сега може на поизбалансиран начин да се споредува со другите. Во овој момент тој има девет победи и проценетот на добиени натпревари му е само на 38%.

Со тој процент подобри од Потер се Клаудио Раниери кој го водеше тимот од 2000 до 2004, потоа Џанлука Вијали (1998-2000), Руд Гулит (1995-1998). Во овој момент Потер е подобар само од Глен Ходл забележа пет победи на првите 24 натпревари.

Ливерпул победи против Њукасл во натпревар кој може да има сериозно значење во битката за излез во Европа, но „црвените“ и овој пат мораа да се соочат со еден негативен момент.

Стрелецот на првиот гол, Дарвин Нуњез заработи повреда за време на гостувањето кај Њукасл и сега е неизвесен за настап во Лигата на шампионите.

Уругваецот доживеа незгоден пад по кој се пожали на болка во рамото, а Јирген Клоп потврдил дека ситуацијта не е најдобра.

„Дарвин има некој проблем со рамото и затоа го повлеков од игра. Не знам дали ќе може да игра против Реал Мадрид. Засега е сигурна неговата болка од повредата, но прегледите ќе потврдат што се случило“, изјавил менаџерот на Ливерпул.

Садио Мане започна групни тренинзи со тимот три месеци откако се здоби со повреда на фибулата.

„Враќањето на тренинг во екипата е нешто фантастично“, изјави Мане на официјалниот Твитер на клубот.

Доколку распоредот за опоравување на Мане оди според планот, тој ќе може да учествува на реваншот од Лигата на шампионите против ПСЖ на 8 март.

Да потсетиме дека првиот натпревар, одржан во Париз, заврши со минимална победа на клубот од Минхен со 1-0.

Садио Мане се повреди во средината на ноември на мечот од Бундеслигата со Вердер Бремен, по што беше опериран и го пропушти настапот на Сенегал на Светското првенство во Катар. Играчот се пресели во Баерн од Ливерпул во летото 2022 година како слободен играч.

Наполи ја одреди цената за грузискиот напаѓач Хвича Кварацхелија, кој е интересен за Реал Мадрид. Италијанскиот клуб ќе се раздели со 22-годишниот играч доколку добие понуди над 100 милиони евра, пренесува „АС“.

Хвича Кварацхелија му се приклучи на Наполи во летото 2022 година, откако се пресели од Динамо Батуми за 10 милиони евра. Оваа сезона напаѓачот има 12 гола и 14 асистенции на 24 натпревари во сите натпреварувања.

Договорот меѓу Кварацхелија и Наполи истекува во летото 2027 година.

Наполи на 23 натпревари во италијанскиот шампионат освои 62 бода и го зазема првото место на табелата пред второпласираниот Интер кој заостанува 15 бода.

Се погласни се шпекулациите дека Пауло Дибала на крајот на сезоната ќе ја напушти Рома и кариерата ќе ја продолжи во Премиер лигата.

Вкупниот број на починати во двете земји надминува 43 илјади луѓе, а на уште милиони им е итна потреба од помош. Голем дел од нив останаа без домови. Од ФИФА објаснија дека парите ги поделиле по консултација со фудбалските федерации на Турција (ТФФ) и Сирија (СФА), како и со меѓународните невладини организации.

„Донациите ќе бидат искористени за купување и дистрибуција на основните хуманитарни производи и предмети, како и за обезбедување привремено засолниште. ФИФА ќе продолжи да соработува со ТФФ и СФА додека ги разгледува следните чекори“, објави светската централа.

Минатата недела и англиската Премиер лига објави дека ќе донира 1 милион фунти. Европската фудбалска асоцијација (УЕФА) даде првичен итен придонес од 200.000 евра.

Њукасл фаворит за потписот на Пауло Дибала

Се погласни се шпекулациите дека Пауло Дибала на крајот на сезоната ќе ја напушти Рома и кариерата ќе ја продолжи во Премиер лигата.

29-годишниот Дибала ова лето пристигна во Рома без обештетување, игра одлична сезона и е најдобар поединец во тимот. Во договорот на Дибала има откупна клаузула, ако Рома не игра во Лигата на шампиони, Аргентинецот ќе може да си замине за само 12 милиони евра.

Ситуацијата будно ја следи Њукасл кој сака на лето да го доведе во своите редови. „Чавките“ нема да ја чекаат клаузулата и се спремни да понудат триесет милиони евра за неговиот потпис.

Тренерот на Рома, Жозе Мурињо ќе го преземе Пари Сен Жермен, ова го пренесува изданието „Footmercato“.

Според изворот, фудбалскиот советник на ПСЖ, Луис Кампос веќе разговарал со Мурињо за можноста португалскиот стручњак да се пресели на работа во парискиот тим. Забележано е дека на желбата на Мурињо да премине во ПСЖ може да влијае добриот однос со функционерот, како и тоа што поранешен помошник на Португалецот работи во стручниот штаб на парижаните.

Контактите меѓу ПСЖ и Рома за Мурињо се уште не се остварени, но трансферот на Португалецот во парискиот клуб е можен поради добрите односи меѓу сопствениците на тимовите. Договорот на тренерот со италијанскиот клуб е до 2024 година.

Арсенал и Барселона се силно заинтересирани за напаѓачот на Атлетико Параненсе, Виктор Роке.

Скаутите на Арсенал веќе подолго време го следат младиот Бразилец, а тренерот Артета дал зелено светло за негов ангажман. Виктор Роке во договорот има откупна клаузула од 100 милиони евра, но бразлскиот клуб за неговата слобода бара 40 милиони евра.

Арсенал сака да преговара за таа сума, но ќе треба да ја победи конкуренцијата, бидејќи силен интерес за Бразилецот покажува и Барселона.

Минатата сезона 17-годишниот напаѓач запиша 36 меча во сите натпреварувања на кои постигна 7 гола и запиша 3 асистенции.

Милан е силно заинтересиран за талентираниот напаѓач на Арсенал, Фоларин Балогун.

21-годишниот младински репрезентативец на Англија оваа сезона игра на позајмица со Ремс и блеска во Лига 1. Балогун до сега на 22 настапи постигна 15 гола и 2 асистенции, па покажа дека е еден од најталентираните напаѓачи во Европа.

Тој на лето ќе се врати во Арсенал и има договор до 2025 година со „топџиите“, но Милан сака да го доведе на „Сан Сиро“ и спрема понуда.

„Топџиите“ сигурно нема лесно да се откажат од својот талент, но самиот Балогун сака да игра во клуб каде што ќе има поголема минутажа.

Арсенал и Ливерпул внимателно ја следат ситуацијата со шпанскиот репрезентативец, Марко Асенсио. Шпанецот влезе во последната година од договорот и на лето најверојатно ќе си замине како слободен агент.

Интерес за Асенсио покажуваат неколку европски гиганти, но најсилен е интересот на Арсенал и Ливерпул, па извесно е дека Шпанецот ќе се пресели во Премиер лигата. Ливерпул е спремен на лето да се раздели со Салах, па во Асенсио гледа идеална замена.

Двата клуба сакаат да го доведат без обештетување на крајот на сезоната и веќе стапиле во контакт со неговиот агент.

Илкај Гундоган во текот на летото како слободен фудбалер ќе го напушти Манчестер Сити. Затоа неговите агенти водат интензивни преговори со луѓето од Барселона кои сакаат да го ангажираат 32-годишниот Германец.

Гундоган во 2016 година ја напушти Борусија Дортмунд и се пресели на – „Етихад“. Тој за „граѓаните“ има 284 настапи, 52 гола и 36 асистенции.

Гундоган освои 4 титули во Англија, еден пехар во ФА купот и 4 во Лига купот.