Италијанскиот прволигаш Наполи, каде настапува нашиот репрезентативец Елиф Елмас, наводно е во преговори со Галатасарај околу ангажман на бразилскиот централен дефанзивец Марсао Тешеира.

Се верува дека првичните преговори одат во правец на тоа Наполи да го ангажира Бразилецот на позајмица со опција на крајот од актуелната сезона и целосно да го откупи неговиот договор.

25 годишниот Марсао го привлече вниманието на себе од сиот фудбалски свет откако на сред натпревар тргна да тепа соиграч, па доби црвен картон.

Илаиш Мориба, големиот талент на Барселона, кој се најде во неволја со клубот затоа што одби да ги намали приходите при потпишување нов договор, често се споменува во контекст на напуштање на Камп Ноу.

Реал Мадрид го имаше Мориба на радарот и беше близу да го доведе, но ништо од тоа нема да се случи.

„Диарио Спорт“ пишува дека трансферот пропаѓа поради договорот помеѓу претседателот на Реал, Флорентино Перез и претседателот на Барселона, Жоан Лапорта. Тие двајца склучија пријателски пакт за ненапаѓање, бидејќи клубовите сакаат да одржуваат добри односи.

Барселона бара 20 милиони евра за 18-годишниот талент и се чини дека на крајот Мориба ќе заврши во германскиот РБ Лајпциг.

Арсенал наскоро ќе го отпушти Бразилецот Вилијан Борхес.

Вилијан не е во плановите на менаџерот Микел Артета и клубот работи на раскинување на договорот со бразилскиот интернационалец две години пред истекот.

Вилијан се согласува со таа одлука, и веќе договори нов трансфер. Тој наскоро треба да потпише за бразилскиот Коринтијанс.

Бразилецот пристигна во Арсенал минатото лето од Челзи откако му истече договорот. Тој не покажа премногу во Арсенал и сега се враќа во својата татковина.

Во кариерата играше за Коринтијанс, Шахтјор Доњецк, Анжи и Челзи. За Бразил одигра 70 натпревари и постигна девет гола.

Клубовите во Топ 5 лигите на светов останале „пократки“ за 2,5 милијарди евра поради пандемијата со корона-вирусот, покажа истражувањето на ревизорската куќа – „КПМГ“.

Тука се пресметани приходите што клубовите вообичаено ги имаа од продажба на билети, реквизити, угостителски услуги како и дел од спонзорските договори.

Клубовите само за сезоната 2019/20 која беше прекината минатата година во март, загубиле половина милијарда евра.

Валенсија го реализира првиот трансфер после 723 дена. Тимот од „Местаља“ во своите редови го доведе бразилскиот напаѓач Маркос Андреа од Ваљадолид за сума од осум ипол милиони евра.

24 годишниот напаѓач со Валенсија потпиша договор на пет години. Интересно е што ова е прво засилување за Валенсија после 723 дена.

Поради бројните финансиски проблеми Валенсија не можеше да купува нови фудбалери. Посаледниот играч кој го доведоа пред овој трансфер им беше Тиери Кореиа во септември 2019 година, клубот од тогаш до денес доведуваше играчи само на позајмица

Раководството на Ла Лига ќе ги поддржи оние клубови кои ќе одлучат да не ги пуштат играчите на квалификациските натпревари за Светското првенство 2022 година. Претставниците на Ла Лига веруваат дека учеството на играчите на меѓународното првенство ќе биде на штета на клубовите. Во моментов, 25 играчи од 13 различни клубови се повикани во националните тимови.

Календарот на меѓународни натпревари не може и не треба да се менува на овој начин, особено со оглед на фактот дека постојат остварливи алтернативи, велат од прес -службата на Ла Лига.

Во наредните денови, раководството на натпреварувањето ќе закаже состанок со погодените клубови.

И спортот се повеќе и повеќе е погоден од новиот бран на коронавирусот.

Од Реал Мадрид потврдија нов случај на Ковид-19 во клубот. Имено, позитивен е голманот Андреј Лунин.

Лунин нема да биде во комбинација за настап во натпреварот со Бетис, а во Реал е од 2018 година. Вистинска прилика се уште не добил и беше испраќан на позајмици во Леганес, Ваљадолид и Овиедо.

Англискиот фудбалер Хари Кејн изјави дека летово ќе остане во Тотенхем и дека барем засега нема да се пресели во Манчестер Сити.

Тоа го објави на социјалните мрежи, кратко време по состанокот со управата на клубот, која даде се од себе да го задржи.

Тотенхем дури одби две многу високи понуди од Манчестер Сити, од 122 и 150 милиони евра, но навивачите беа оние кои оставија посебен впечаток кај напаѓачот.

„Беше неверојатно да се види приемот на навивачите на Тотенхем во неделата и да се прочитаат пораките за поддршка што ги доживеав претходните недели. Останувам во Тотенхем ова лето и сум 100% фокусиран да му помогнам на тимот да постигне успех“, рече Кејн.

Пеп Гвардиола изјави дека по завршувањето на договорот со Манчестер Сити би можел да седне на клупата на некоја репрезентација.

Овој 50-годишен фудбалски стратег е еден од најдобрите тренери на сите времиња, откако освојуваше титули со Барселона, Баерн и Манчестер Сити.

Клупата на англискиот клуб ја презеде во 2016. година, а последниот договор го врзува до 2023. година, кога планира да земе пауза.

Негова амбиција е еден ден да биде селектор на некоја репрезентација и да ја почувствува магијата на Копа Америка, Европско првенство или Светско првенство.

„Следен чекор ќе биде репрезентација, доколку се појави прилика. Пров морам да направам пауза по седум години поминати во Сити. Морам да паузирам и да гледам, учам од другите тренери и можеби да тргнам по тој пат. Би сакал да водам екипа на Европско првенство, Копа Америка или Светско првенство.“ – рече Гвардиола.

Синоќа се извлекоа паровите за третото коло на англискиот Карабао Куп, а од најголемите фаворити за трофејот, на ждрепката најлошо поминаа Манчестер Јунајтед и Тотенхем.

„Црвените ѓаволи“ ќе му бидат домаќини на Вест Хем уште во оваа рунда во дерби натпревар кој ќе предизвика поголем интерес и е највпечатливиот пар од оваа рунда, а тука некаде е и пресметката меѓу Вулверхемптон и Тотенхем.

Арсенал помина многу подобро и ќе игра на домашен терен против АФЦ Вимблдон, а истото важи и за Манчестер Сити, кој за противник го доби Вајкомб.

Ливерпул ќе му гостува на Норич во дуел во кој ќе биде голем фаворит, додека Челси ќе има незгоден противник во Астон Вила.

Манчестер Ј. – Вест Хем

Манчестер С. – Вајкомб

Волвс – Тотенхем

Норич – Ливерпул

Арсенал – АФЦ Вимблдон

Челси-Астон Вила

Фулам-Лидс

КПР-Евертон

Престон-Челтенам

Брентфорд-Олдам

Вотфорд-Стоук

Виган-Сандерленд

Барнли-Рочдејл

Шефилд Ј-Саутемптон

Милвол-Лестер

Брајтон-Свонси