Оваа недела се очекува средба меѓу Ванда Нара и раководството на Галатасарај за евентуален трансфер на Мауро Икарди во тимот од Истанбул, пренесува италијанскиот новинар Николо Шира.

„Жолто-црвените“ се подготвени да платат 3 милиони од платата на играчот, кој според договорот заработува околу 10, а остатокот ќе го преземат парижаните.

Во моментов, разговорите меѓу двете страни се главно за да се убеди Икарди да го прифати новиот предизвик. Тој очигледно е несакан од новиот тренер на ПСЖ, Кристоф Галтие и не е вклучен во неговите планови.

Тренерот на Лестер, Брендан Роџерс потврди дека неговиот тим ја одбил и третата понуда од Челзи за дефанзивецот Фофана.

„Од фудбалска перспектива, ако тоа се случи, порано е подобро бидејќи може да ни овозможи да си ја завршиме работата“, рече Роџерс.

„Клубот е свесен дека колку повеќе време минува, толку станува потешко, но вредноста мора да се усогласи“, додаде тренерот на Лестер.

Фофана беше оставен дома за натпреварот на Лестер против Саутемптон минатиот викенд. За ова отсуство, Роџерс изјави дека играчот не е целосно фокусиран на клубот.

Двоецот од Серија А, Рома и Јувентус се борат за потписот на Леандро Паредес од ПСЖ, неколку дена откако се чинеше дека само „бјанконерите“ се дел од трката за неговиот потпис.

Додека Јуве продолжува да работи на првична позајмица со обврска за купување на Паредес следното лето, сега се соочуваат со нов конкурент за потписот во името на Рома.

Паредес претходно играше за Рома, а Жозе Мурињо јасно стави до знаење дека сака уште еден играч од средниот ред, по повредата на Џини Вајналдум.

Кристал Палас ќе направи обид да го купи играчот од средниот ред на Челзи, Конор Галагер.

Играчот од средниот ред, кој е тинејџер на „сините“, последната сезона ја мина со „орлите“ и импресионираше со добрите игри, по што дури и заработи повик во репрезентацијата. Тој се врати во тимот на Томас Тухел оваа сезона, но досега има забележано само 70 минути во првите три натпревари.

Токму оваа статистика им даде надеж на луѓето од Кристал Палас дека 35 милиони фунти за Галагер ќе бидат доволни за реализација на трансфер.

Манчестер Јунајтед и натаму размислува за нови трансфери ова лето. Следен на листата на посакувани за Тен Хаг е напаѓачот на Њукасл, Ален Сент Максимин, пренесува ESPN.

За 25-годишниот Французин овој преоден рок се интересираа и Челзи и Тотенхем. Напаѓачот се пресели на „Сент Џејмс Парк“ од Ница во 2019 година и неговиот актуелен договор со „црно-белите“ истекува за две години.

Сезонава Сент Максимин одигра 3 натпревари за „страчките.

Вест Хем потпиша договор со италијанскиот дефанзивец Емерсон од Челзи.

Износот на трансферот ќе биде 15,3 милиони евра, а уште 2,4 милиони евра ќе бидат бонуси. Се очекува во текот на вечерта да започне лекарскиот преглед на 28-годишниот дефанзивец во новиот тим.

Емерсон минатата сезона ја мина на позајмица во францускиот Лион, одигра 36 натпревари, постигна еден гол и даде две асистенции. Фудбалерот се пресели во Челзи во јануари 2018 година од италијанската екипа Рома.

Вкупно за сините има 71 натпревар, два гола и пет асистенции. Играше и за Сантош. Емерсон за италијанската репрезентација дебитираше есента 2018 година, а во моментов има одиграно 27 натпревари за националниот тим. Со Италија го освои Европското првенство 2020 година.

Денес и покрај жестоката војна која пламти во дел од земјата, во Украина започна новата фудбалска сезона. Првиот меч го одиграа во Киев фудбалерите на Шахтјор и Металист од Харков.

Натпреварот заврши без голови и беше првиот фудбалски меч одигран од крајот на февруари кога сезоната беше прекината по руската инвазија на Украина.

Минатосезонскиот шампионат на Украина беше прекинат, а овој стартот на новата сезона значеше конечен крај на долгиот период од 254 дена без фудбал во оваа земја.

Шахтјор и Металист играа во Киев, а сите првенствени натпревари ќе се играат во главниот град на Украина и западните градови кои во моментов не се цел на руска агресија.

Тренерот на Рома, Жозе Мурињо во последните денови од трансфер пазарот планира да се засили со еден од дефанзивците на Пари Сен Жермен – Абду Диало, информира „Ил Месаџеро“.

Репрезентативецот на Сенегал излезе како резерва под водство на новиот тренер, Кристоф Галтие, откако во сите четири изминати средби на тимот во новата сезона остана на клупата и не забележа ниту една минута. На почетокот на овој месец тој беше поврзуван и со Милан.

Идејата на Римјаните е да го земат Диало на позајмица со можна опција за купување следното лето. Има силна лева нога и може да игра како лев бек или во центарот на одбраната.

26-годишниот дефанзивец е во ПСЖ веќе три години, а претходно беше во Борусија (Дортмунд) и Мајнц 05. Тој е дете на Монако.

Жозе Мурињо не можеше да ужива во победата над Кремонезе бидејќи Николо Заниоло си замина со повреда, а Жоржињо Вајналдум исто така заработи тешка повреда на тренинг ден претходно. Португалскиот стручњак јасно стави до знаење дека најверојатно клубот ќе реагира и ќе донесе замени за повредените.

„Честитки за Кремонезе. Во првите 20-25 минути имавме толку многу шанси што лесно можевме да го решиме натпреварот. Му честитам и на судијата бидејќи одлично се снајде. Не можам да кажам дека по многуте грешки играчите се исплашија, но тензијата се зголеми. На крајот гостите беа опасни во статичните ситуации, но ние не погрешивме и освоивме три важни бода. Не е пријатно што загубивме значаен играч како Заниоло, особено по два доста емотивни дена. Николо ќе биде отсутен некое време. Загрижен сум, но плачењето нема да помогне. Ние правиме планови, а потоа двајца од нашите најважни играчи се повредуваат и не остануваат многу опции. Тоа е фудбалот, тоа се случува. Шефовите знаат што би сакал. Работиме заедно и ќе најдеме решение“, рече Мурињо.

Антоан Гризман се уште нема одиграно ниту едно полно полувреме за Атлетико Мадрид оваа сезона. Напаѓачот кој пред три години се пресели во Барселона за 120 милиони евра моментално е на позајмица во тимот на Диего Симеоне.

Гризман пред тој огромен трансфер беше ѕвезда на Атлетико Мадрид, еден од најдобрите играчи во светот, освојувач на Мундијалот и сериозен кандидат за Златната топка. Сепак, тој не се снајде најдобро во Барселона и минатата сезона беше испратен на позајмица во Атлетико за да се врати во форма.

Атлетико платил 10 милиони евра за неговата позајмица, со посебна клаузула вклучена во договорот. Имено, како што пишува каталонски „Спорт“, Атлетико е должен да го откупи неговиот договор за 40 милиони евра доколку одигра повеќе од 45 минути на повеќе од половина од натпреварите на кои може да се појави.