Ремито без голови на гостувањето кај Сампдорија го разочара тренерот на Јувентус, Масимилијано Алегри. Тој беше критичен кон играта на неговиот тим, кој речиси и да не создаде шанси за гол. Но, Алегри како нешто позитивно го истакна фактот што Јуве втор натпревар по ред не прими гол.

„Имаме две чисти мрежи од почетокот на сезоната. Тоа е добар знак. Сега мора многу добро да се подготвиме за дербито со Рома. Ни недостасуваат Пол Погба и Федерико Киеза кои се важни за нас. Сакаме да постигнеме нешто големо, но мора да бидеме трпеливи бидејќи се уште заостануваме од некои од другите тимови“, сподели Алегри.

„Сампдорија одигра силно пред паузата и покажавме добри работи во вториот дел. На крајот имавме огромни шанси да победиме. Не сакам никогаш да се отстапуваме. Го направивме тоа против Сасуоло кога се вративме. Денес тоа не чинеше два бода“, изјави тренерот на „бјанконерите“.

Победата на Рома над Кремонезе од 1-0 беше засенета од повредата на Николо Заниоло. Херојот од финалето на Конференциската лига против Феенорд беше заменет на крајот од првото полувреме. Тој падна на рамо по еден дуел со гостинскиот дефанзивец Лука Лочошвили и не можеше да продолжи.

Заниоло веднаш го повика медицинскиот персонал на „Волците“ и бил пренесен во болница. Според „Sky Sport Italia“, напаѓачот има изместено рамо и ќе отсуствува од три до четири недели. Добрата вест е што италијанскиот репрезентативец нема фрактура на рамото или клучната коска. Покрај тоа, не е потребна операција.

Заниоло се соочува со многу повреди од почетокот на кариерата. Тој веќе ги скина лигаментите на двете колена, во разлика од само една година.

Нотингем Форест е во преговори за позајмица на левиот бек на Тотенхем, Серхио Регуиљон, соопштија дел од англиските медиуми.

Се верува дека разговорите се воделе во последниве недели додека Форест се обидува да најде покритие за левата бековска позиција. Регуиљон (25) беше редовен играч на Тотенхем откако дојде од Реал Мадрид во 2020 година, забележувајќи 67 настапи.

Сепак, со доаѓањето на Перишиќ, минутажата на Шпанецот ќе биде лимитирана. Тотенхем наводно сака целосно да ја покрие платата на Регуиљон, па останува да се потврди позајмицата деновиве.

Играчот од средниот ред на Рома, Жоржињо Вајналдум се повреди на вчерашниот тренинг на тимот и најверојатно ќе биде опериран. Од клубот потврдија дека Холанѓанецот има скршеница на потколеницата на десната нога, но се уште не е јасно колку време ќе биде надвор од терените. Вајналдум денес ќе биде подложен на дополнителни тестови. Се очекува да пропушти од два до три месеци.

31-годишниот поранешен играч на Њукасл и Ливерпул беше донесен на позајмица од Пари Сен Жермен. По неговото пристигнување во Рим, на аеродромот го пречекаа стотици навивачи на „џалоросите“.

Вајналдум дебитираше од клупата минатата недела кога Рома ја започна сезоната во Серија А со тесна победа над Салернитана (1-0). Се очекуваше холандскиот репрезентативец да стартува вечерва на домашен терен со Кремонезе.

Маркус Рашфорд изјави дека нема намера да го напушти клубот.

Пред неколку дена беше објавено дека Пари Сен Жермен е заинтересиран за 24-годишниот Англичанец.

„Јас сум 100 проценти лојален на Манчестер Јунајтед. За мене ова прашање не е ни за дискусија. Чувствувам дека без разлика на ситуацијата, морам да дадам се од себе за мене, семејството, пријателите и навивачите. Отсекогаш сум сакал и сакам да останам во клубот што е можно подолго, сакам да се борам за трофеи со него. Се надевам дека ќе се вратиме на претходното ниво и ќе се обидеме да го направиме тоа“, изјави Рашфорд за „Sky Sports“.

Напаѓачот е дете на Манчестер Јунајтед. Од почетокот на сезоната одигра два натпревари за „црвените ѓаволи“.

Фудбалерите на Баерн Минхен во неделата на гостински терен го декласираа тимот на Бохум со 7-0 и со тоа се зацврстија на првото место во Бундеслигата.

Покрај тоа што уште еднаш потврдија дека се најсериозен кандидат за тронот, Баварците по последниот натпревар постигнаа уште еден забележителен резултат.

Имено, тимот на Јулијан Нагелсман по три одиграни кола освои максимални девет бода, со гол разлика од +14 (15-1), што претставува најдобар старт на еден клуб во историјата на Бундеслигата!

На овој резултат му претходеа победи над Антрахт 6-1, Волфсбург 2-0 и Бохум 7-0.

Пјер Емерик Обамејанг по само шест месеци ќе се врати во Премиер лигата.
Барселона го договори трансфер на напаѓачот и за него ќе добие 22 милиони евра, плус пет милиони во бонуси.
Челзи имаше потреба од напаѓач, особено по заминувањето на Ромелу Лукаку и Тимо Вернер. Тоа го натера клубот да разгледува офанзивни опции, а на крај изборот падна на габонскиот интернационалец.

За првпат по неколку години, Реал Мадрид има добар старт во шпанската лига, повторувајќи едно од статистичките достигнувања што ги објави „OptaJose“ на Твитер.

Како што напоменува изворот, за прв пат од сезоната 2018/2019, Реал Мадрид  стартуваше во Примера со две победи во низа – над Алмерија (2-1) на гости и над Селта (4-1) исто така на гостински терен. Во 2018 година, последен пат кога успеаја да започнат со слични резултати, тимот го предводеше Хулен Лопетеги, под негово водство беа поразени Хетафе (2:0) и Џирона (4-1).

Во следното коло од шампионатот на Шпанија ривал на Реал Мадрид ќе биде Еспањол. Натпреварот ќе се одигра во недела на 28 август во Барселона.

Франческо Тоти го смета својот поранешен соиграч Мохамед Салах за еден од најдобрите десет фудбалери во светот.

Тоти имаше само пофални зборови за Египќанецот и истакна за него би платил и 200 милиони евра.

„За мене Салах е еден од најдобрите 10 играчи во светот. Односот кој го имам со него го надмина фудбалот. Тој е исклучително скромна и љубезна личост. Додека бевме во Рома знаев дека ако направи трансфер во клуб како Ливерпул ќе стане уште подобар. Кога јас би бил претседател на некој клуб за него би платил и 200 милиони евра“, изјави Тоти.

ПРЕД ТОЧНО 18 ГОДИНИ….
Ибрахимовиќ на 22 август 2004 година го одигра својот последен натпревар во дресот на Ајакс кој славеше победа со 6:2, а шведскиот напаѓач постигна хет-трик.
Неговиот најубав гол беше во 76 минута кога буквално ја издрибла целата одбрана на противникот.