Минатиот викенд на 11ти и 12ти мај се одржа првиот дел од Меѓународниот Велигденски турнир во кошарка чиј организатор е кошаркарскиот клуб “Младост” од Битола. Натпреварите се играа во 4 спортски сали низ Битола и тоа: градската спортска сала “Боро Чурлевски”, училишната спортска сала “Д-р Јован Калаузи”, училишната спортска сала „Јосип Броз Тито“ и училишната спортска сала “Јане Сандански”. Во првиот дел од кошаркарскиот турнир имаше категории за момчиња родени во 2012 и 2013 година, девојчиња родени во периодот од 2010 до 2012 година како и мешана категорија за млади кошаркари и кошаркарки родени во периодот од 2014 до 2016 година. Вториот дел на турнирот ќе се одржи на 17ти и 18ти мај и на него учество ќе земат ветерани во кошарка и тоа жени над 40 години и мажи над 45 години.

Свеченото отварање на турнирот се одржа во спортската сала “Д-р Јован Калаузи” каде беа присутни претставници на спонзорите на овој турнир на кои им беа доделени благодарници за нивната поддршка на турнирот. Евротип и Голд Слот компании кои се дел од КС Групација се едни од поддржувачите на овој Меѓународен Велигденски Кошаркарски турнир. Овие компании обезбедија маички за учесниците во турнирот како и за останатиот тим кој беше вклучен во организацијата и реализацијата на самиот турнир. Овој турнир ги спојува децата и ветераните со љубовта кон кошарката и спортот. Евротип и Голд Слот и во иднина ќе продолжат да ги поддржуваат спортските настани и манифестации бидејќи поддршката на младите и спортот е една од основните постулати врз кои се темели програмата за општествена одговорност на цела КС Групација.

Со поддршката на овој турнир компаниите Евротип и Голд Слот директно го поддржуваат и економскиот развој на град Битола бидејќи овој турнир не е само за спортистите туку е за добробит на целата општина. Како што младите учествуваат и растат во спортот така тие стануваат лидери во својата заедница и пример за следните генерации. Сите компании кои се дел од КС Групација сакаат со личен пример да ги поттикнат останатите компании да се вклучат во поддршка на младите и спортот за да им дадеме мотивација на младите да се ориентираат кон спорт и здрави навики.

По повод меѓународниот ден на жената 8-ми март компаниите на КС Групацијата (Голд Фелициа, Голд Слот, Евротип, КС Сервис и Премиум Сејфти Солушн) организираа неколку активности во духот на општествената одговорност. Секоја жена, мајка, девојка заслужува признание за својата улога во обликувањето на општеството и за придонесот кој го дава секој ден. Компаниите од КС Групацијата постојано ги поддржуваат и охрабруваат жените, бидејќи токму тие се двигател на промени од социјален и економски аспект.

Една од тие активности беше поддршката на Голд Фелициа за Конкурсот на Краток Расказ кој 11та година по ред го организира Организацијата на жени од Битола во соработка со НУ Универзитетска Библиотека Св.Климент Охридски – Битола. Темата на конкурсот беше ,,И цвеќе и шлаканица”.
Беа доделени по 3 награди во двете категории – категорија ученици и категорија возрасни.
Претставници од канцелариите на дирекцијата на КС Групација беа присутни на настанот и му ги доделија наградите на среќните добитнички.

На 7-ми март претставнички од канцелариите на дирекцијата на КС Групација присуствуваа на панел дискусија на тема: „Успехот не е случајност. Жените инспирираат и создаваат!“ во организација на Советот за женско претприемништво на општина Битола која се одржа во Офицерскиот Дом. Целта на настанот беше да се прослават жените во бизнисот, достигнувањата на жените, а со тоа да се подигне свеста против дискриминацијата и да се преземаат акции за поттикнување на родовата еднаквост.

На 8-ми март Голд Фелициа донираше професионален инхалатор на клиничката болница “Д-р Трифун Пановски” на одделот Педијатрија. Инхалаторот беше купен со парите од Новогодишниот хуманитарен базар кој се одржа во луксузниот амбиент на Голд Фелициа. Хуманитарниот базар беше организиран во соработка со Ротари Клубот – Битола Широк Сокак и приватната детска градинка Мали Чекори. Инхалаторите ќе бидат од голема важност при секојдневното работење со малите пациенти.
Нашата групација сака да биде пример за сите останати компании и со личен пример да поттикне промени во општеството. Менаџерскиот тим на групацијата сака да акцентира дека “Нашето малку за некого е многу” и повикува на поголема општествена одговорност кај сите компании.

Евротип, Голд Слот, Голд Фелиција, КС Сервис, Премиум Сефти Солушн како општествено одговорни компании ги негуваат хуманитарните вредности во чиј дух денес ја спроведија 11та по ред крводарителска акција на која се приклучија и вработените од ЈК Травел, Минт Финтек Груп и СН Финансии.

 Во канцелариите на Евротип се одржа крводарителската акција на која беа собрани 40 крвни единици. Според бројот на собрани единици оваа акција е најмасовната од досегашните акции. Акцијата наиде на голем одзив помеѓу вработените на КС групацијата.

На оваа акција покрај вработените од Битола, течност која живот значи даруваа и вработени од градовите Ресен, Прилеп и Охрид.

Организаторите на оваа акција сакаат преку личен пример да ги поттикнат и другите компании во Македонија да се охрабрат и да организираат крводарителски акции бидејќи преку ваков тип на акции не само што ја докажуваме нашата хуманост туку и даруваме “можност” за продолжување на нечиј живот.

Дел од атмосферата на вчерашното свечено отворање на ЕВРОТИП спортската обложувалница во ГОСТИВАР, ул. ЈНА бр.288 (Нов Монтенегро).
Посетителите и гостите ја почувствуваа атмосферата на одличната забава, на која беа доделувани многу награди и ваучери.

На 24  Ноември  во елегантниот амбиент на ресторанот Голд Фелициа во Битола, директорите на КС Групација, претставници на Евротип, Голд Слот Клуб, Голд Фелициа, КС Сервис, Агроброд, Премиум Сејфти Солушн и 77битс  во соработка со локалните образовни институции ги  потпишаа договорите за стипендирање и практиканство со учениците од средното училиште СОЕУ „Јане Сандански“ , како и студенти од Факултетот за Информатички и Комуникациски Технологии  од  Битола и Меѓународниот Славјанскиот Универзитет.

Овие партнерства со локалните образовни институции означуваат моќна соработка помеѓу бизнис секторот и идните лидери на Битола. Договорите вклучуваат стипендии кои обезбедуваат финансиска помош за студентите, додека програмите за практиканство се дизајнирани да обезбедат искуство и менторство од реалниот свет Овие иницијативи колективно поттикнуваат средина на академска извонредност и личен раст.

Покрај формалните договори, настанот беше исполнет со забава и  ентузијазмот на сите вклучени во негувањето на соништата и аспирациите на младите.

Идните стипендисти на КС Групацијата се: Петар Митревски студент во прва година на факултетот за Информатички и Комуникациски Технологии, Валентин Стојановски студент во втора година на факултетот за Информатички и Комуникациски Технологии, Марко Зајковученик во прва година во средното економско училиште СОЕУ „Јане Сандански“, Анастасија Велевска од Факултетот за Економија- смер финасии и банакрство од Меѓународниот Славјанскиот Универзитет и Ана Марија Крстевска од Факултетот за Економија -смер менаџмент и претприемништво од Меѓународниот Славјанскиот Универзитет.

На свеченото доделување свое обраќање имаа продеканот на Факултетот за Информатички и Комуникациски Технологии Проф. Др. Божидар Миленковски, в.д директорката на Средното Oпштинско Eкономско Училиште „Јане Сандански“ – Билјана Јанкуловска, Игор Михајловски раководител на одделение на Меѓународниот Славјански Универзитет во Битола и Марина Милошевска комерцијален директор на КС Групацијата.

Потпишувањето на овие договори за стипендии е значајна пресвртница во напорите на КС Групацијата за промовирање на општествената одговорност и го отвора патот за повеќе иницијативи кои ги поддржуваат младите и образованието во Битола. Тоа е извонреден пример за тоа како корпоративниот сектор и образовните институции можат да ги здружат силите за да имаат позитивно влијание врз животите на следната генерација.

https://klubsport77.mk/stipendii/

Дали сте посветен и амбициозен студент кој сака да продолжи со високо образование без финансиски ограничувања?
КС групацијата со големо задоволство го објавува за отворен конкурсот за Стипендирање на студенти. Нудиме низа стипендии во различни дисциплини за да ви помогнеме да ги постигнете вашите образовни аспирации.

Исто така ви овозможуваме да ја започнете вашата кариера со практикантска работа! Нудиме посакувани места за практикантска работа во нашите компании. Стекнете искуство од реалниот свет, поврзете се со професионалци и изградете перспективна иднина.

Стипендиите се достапни за студентите на Правен Факултет- Битола, Славјански Универзитет -Битола, Факултетот за Информациски и Комуникациски Технологии- Битола.

Истражете ги деталите и аплицирајте на https://klubsport77.mk/stipendii/

Краен рок за пријавување: 31.10.2023

Време е да ги трансформирате вашите соништа во реалност со КС Групацијата. Ние веруваме во вашиот потенцијал.

Евротип водечка компанија во КС Групацијата со големо задоволство објавува значајно партнерство со Факултетот за информациски и комуникациски технологии во Битола. Оваа значајна соработка обединува два моќни ентитети за поттикнување на иновациите, негување на млади таленти и нагласување на клучната улога на корпоративната општествена одговорност.

Техничкиот директор на Евротип, г-дин Александар Анастасовски  и деканот на Факултетот за информатички и комуникациски технологии, проф. д-р Благој Ристевски, официјално потпишаа Меморандум за соработка поставувајќи ја основата за поттикнување позитивни промени преку образование и иновации.

Евротип ја препознава важноста од инвестирање во иднината и преку оваа соработка, компанијата има за цел да придонесе во образованието  преку обезбедување стипендии за исклучително талентирани студенти. Оваа иницијатива ќе ги поттикне младите умови да ги остварат своите соништа и аспирации во  ИТ индустријата, отворајќи ги вратите за посветла иднина.

Понатаму, партнерството ќе создаде непроценливи можности за студентите да стекнат искуство од реалниот свет преку можност за обавување на практикантска работа во Евротип. Оваа практична изложеност на динамичниот свет на технологијата ќе ги опреми студентите со вештините и знаењата што им се потребни за да се истакнат во нивните кариери.

Евротип како општествено одговорна компанија дава извонреден пример во корпоративниот пејзаж. Надвор од својата деловна активност компанијата ја препознава својата витална должност да и’ врати на заедницата. Оваа посветеност не е само избор, тоа е моќна изјава за позитивното влијание што бизнисите можат да го имаат врз општеството

Во време кога корпоративната одговорност е важна повеќе од кога било, непоколебливата посветеност на општествената одговорност на Евротип е извор на инспирација, поставувајќи висок стандард за корпоративна етика.

Вчера 28.09.2023 година во Битола е потпишан меморандум за соработка помеѓу директорката на СОУ “Ѓорѓи Наумов” од Битола, Жанета Сервини и извршниот директор на 77битс, Александар Анастасовски.

77битс, дел од КС Групацијата е нова компанија во првите редови на секторот за информатичка технологија, фокусирана на нејзината визија за технолошки напредна иднина. Со оваа соработка, компанијата ги проширува своите хоризонти надвор од нејзината основна дејност во ИТ индустријата.

Посветеноста на компанијата 77битс на општествената одговорност преку поддршка на образованието е доказ за нивното верување дека со подигање и едукација на поединци, подигаме цели заедници и општeството како целина.

Ова партнерството ќе им обезбеди на заслужните ученици од СОУ “Ѓорѓи Наумов” од Битола пристап до стипендии, ублажувајќи ги финансиските бариери, овозможувајќи им да се фокусираат на нивното образование.

Соработката исто така претставува премостување на јазот помеѓу образованието и професионалниот свет. Со поттикнување на концептот на “Учење преку работа” им овозможува на учениците да ја обавуваат својата феријална пракса во рамките на компанијата обезбедувајќи им непроценливо практично искуство во ИТ индустријата.

Во ера каде корпоративните активности се важни, 77битс претствува инспиративен пример за тоа како бизнисите можат да бидат сила за позитивни промени. Нивната посветеност на образованието не е само инвестиција во поединци, тоа е инвестиција во посветла, попросперитетна иднина за сите нас.