Како дел од своите редовни деловни состаноци, менаџерскиот тим на КС Групацијата во чиј составен дел се компаниите Евротип, Голд Слот, КС Сервис, Голд Фелициа и Премиум Сејфти Солушн, одржа средба со цел запознавање со новитети во своето работење и презентација на идните планови на делување во областите кои се примарни дејности на компаниите.

Како компании кои постојано се грижат за кариерниот напредок на своите вработени и нивна постојана мотивација на работното место, на одржаниот состанок беа истакнати бенифициите кои ним им се нудат, со посебен акцент на дополнителните финансиските придобивки за сите вработени. 

За таа цел, на средбата со менаџерите беа промовирани новите поволности кои секој еден вработен во КС Групацијата може да ги искористи и слободното време да го претвори во пари, се разбира доколку има повратен интерес од нивна страна.

Своја презентација на состанокот одржа генералниот менаџер на Евротип како и претставници на партнерските компании Минт Инс, СН Финансиско друштво и ЈК Травел, кои заедно со останатите компании дадоа нови можности за сите вработени во КС Групацијата.

Заеднички заклучок од одржаната средба на присутните менаџери од КС групацијата беше дека човечкиот ресурс и вложувањето во напредокот и мотивацијата на вработените е приоритет на секоја компанија. За таа цел во наредниот период залагањето ќе биде продлабочување на соработката меѓу компаниите која ќе придонесе за што поголем финансиски бенефит на вработените.

Тимската работа е важна за компаниите. Таа ги оспособува вработените да учат едни од други и да развиваат нови вештини. Работењето во тимови им помага на вработените да преземаат лидерски улоги и да гледаат како членовите на тимот ги извршуваат одговорностите.

Во тој контекст, Евротип како компанија која се грижи за своите вработени, голем дел од своите активности го насочува кон организирање на Тим билдинг активности кои ја зголемуваат комуникацијата меѓу вработените, како и зголемување на мотивацијата и продуктивноста.

Во последниов период од страна на менаџерскиот тим се организирани голем број на настани кои се одлично прифатени од вработените и може да се заклучи дека постои огромно задоволство од присуство на вакви активности со желба за продолжување со организација на истите.

Веќе станува традиционално, секој петок се одржува едукативна работилница во канцелариските простории, а потоа се продолжува на неформално дружење во комплексот Голд Фелициа.

Доловуваме само мал дел од атмосферата на настаните на следната фотогалерија:

Во средата на 31.05.2023 се реализира деветтата по ред крводарителска акција во организација на десетте битолски фирми Евротип, Голд Слот, КС Сервис, Голд Фелициа, P2P, JK Травел, БВ Бизнис Груп, МИНТ Осигурување, Премиум Сејфти Солушн и СН Финансии.

Дополнително учество на настанот зеде и компанијата Нова Солушнс од Битола.

Акцијата беше одржана во просториите на КС Групација и спроведена од Регионалниот центар за трансфузиона медицина од Битола. Очекувањата за успешност на оваа акција беа остварени, што покажува и бројката од собрани 36 единици крв.

Задоволство и пофалба за успешно реализираната крводарителска акција изрази и директор на Институтот за трансфузиона медицина, М-р Венко Стомнароски кој беше присутен на настанот.

Во неделата на 28.05.2023 во Голд Фелициа се одржа третиот по ред хуманитарен турнир во бељот “Битолски Бељотџија” организиран од Ротаракт клубот од Битола.

Меѓу 32-те екипи учесници Евротип како подджувач на настанот зеде учество со свој тим на турнирот, а тука беа и Голд Слот и Голд Фелиција како и многу други учесници од битолските компании.

Наградени беа најдобрите 3 тимови, а како победници на крајот беше тимот на СН Сервис.

Турнирот станува традиционален и интересот од година во година е се поголем, со што хуманитарниот карактер на бељотџиите е видно изразит.

Собраните средства ќе бидат донирани во зоолошката градина во Битола истакнаа од Ротаракт клубот.

Погледнете дел од турнирскиот амбиент и убавата атмосфера во Голд Фелициа на следната фотогалерија:

На 22.05.2023 година, под покровителство на Спортските обложувалници Евротип, Голд Слот клубовите и Голд Фелициа од Битола, се одржа завршницата во Бинарната лига на пинг-понг.

На натпреварите кои се одиграа во спортската сала на ООУ„Св.Климент Охридски“, свое учество зедоа екипите кои се натпреваруваат во Бинарната лига: Seavus, Cylindo (3 екипи), X3M Labs, Inellipse и Netcetera (2 екипи).

Во финалето силите ги одмерија натпреварувачи од екипите на Netcetera и Cylindo, а како поуспешна екипа и освојувач на првото место беше Netcetera.

За најуспешните екипи на турнирот, организаторот и спонзорите обезбедија пригодни награди кои се доделија после завршување на натпреварите.

Организаторот на Бинарната лига во пинг понг најавува продолжување на истата и наредната година.

Спортските обложувалници Евротип како и голем број пати во минатото, уште еднаш реши да излезе во пресрет на барање за спонзорство на спортски клубови кои имаат потреба од помош за успешно реализирање на своите планирани активности.

Овој пат нашата компанија одлучи да им помогне на Ракометниот Клуб Стружанка-Ветеранки кои добија покана за учество на меѓународен ракометен турнир за ветерани/ветеранки “Сарајево љубави моја 2023“. Турнирот ќе се одржува во главниот град на Босна и Херцеговина, Сараево од 16-19.03.2023.

Од наша страна беа доделени парични средства како и маички за нашите претставнички кои ќе бидат одлична презентација на Македонија.

Тимот на Р.К Стружанка-Ветеранки ќе биде единствениот претставник од нашата земја кој ќе учествува на овај меѓународен турнир. Екипата ја сочинуваат Весна Димитриевиќ, Снежана Крстаноска Попин, Крстана Кукоска, Крстана Когоман, Јелена Затуроска, Снеже Трпческа, Венера Јоноска, Славица Маркоска, Александра Кленкоска, Едона Шабани, Илирјана Даути, Марија Ѓоршевска и Дејана Чакар, кои и покрај возраста со голем ентузијазам и желба  тренираат и се натпреваруваат за својот клуб.

Стручниот штаб на екипата е предводена од Ефтим Ѓелинчески и др. Јован Трпеноски кој сеуште е активен во клубот.

Дел од тимот на Р.К Стружанка-Ветеранки е и Јелена Затуроска која е вработена во Евротип обложувалници.

Во неформалниот кафе разговор со нашиот маркетинг директор Елена Трајчевска со дел од тимот и стручниот штаб се разговараше  и за претстојните натпревари на клубот и идните планирани активности кои повторно би биле поддржани од Евротип.

Осма по ред акција од ваков карактер која наиде на голем одзив помеѓу вработените на Евротип, Голд Слот, Голд Фелициа и КС Сервис. Дарувањето на течноста која живот значи, во било кој момент е од огромно значење! Овој пат успеавме да собереме 25 крвни единици.
Хуманоста пред се!
На оваа акција покрај вработените од Битола, течност која живот значи даруваа и вработени од градовите Ресен и Прилеп.
КС Групацијата, продолжува и понатаму со акцијата која значи живот!