Вардар почна да гради силен тим за следната сезона, а веќе е потврдено четвртото засилување.
Вардар веќе ги договори Божо Анѓелиќ, Нејц Цехте, како и Жилберто Дуарте, а денес Русинот Павел Андреев потврди дека има договор со македонскиот клуб.
Андреев кој досега ги бранеше боите на Чеховски Медведи, настапи за најдобрата руска репрезентација на Европското првенство во 2020 година и потврди дека веќе потпишал за Вардар.
Македонскиот ракометен шампион Вардар 1961 година, како ново засилување на левата бековска позиција го доведе Португалецот Жилберто Дуарте.
31-годишниот португалски репрезентативец, доаѓа од екипата на Монпеље каде му заврши договорот и не доби понуда за продолжување на истиот.
Дуарте претходно настапуваше за екипите на Порто, Висла Плок и Барселона. Тој е член на португалската репрезентација со која има 91 настапи.
Екипата на Кјелце од Полска, е вториот учесник на фајнал-фор турнирот во ракометната Лига на шампионите кој и годинава ќе се одржи во Келн.
Тимот на Кјелце својата карта за Келн ја потврди со повторна победа над францускиот Монпеље кого го совладаа и по вторпат, сега на домашен терен со 30:22.
Ракометниот клуб Еурофарм Пелистер, соопшти дека ја прекинува соработката со тренерот на екипата, Жељко Бабиќ.
Хрватот Бабиќ беше главен тренер на битолските ракометари во последниве две и пол години, но неговото заминување од клубот беше очекувано после неуспехот во првенството и Купот на Македонија, каде Пелистер ја загуби битката за трофеите од скопски Вардар.
Од Еурофарм Пелистер изразуваат јавна благодарност до Бабиќ за неговата работа во развојот на клубот, а името на новиот тренер ќе биде соопштено во најскоро време.
Репрезентативецот на Црна Гора, Божо Анџелиќ е новото засилување во екипата на Вардар за следната сезона.
30-годишниот Црногорец игра на позицијата среден бек, а во Вардар пристига од тимот на Ференцварош од Унгарија.
Договорот со Анџелиќ е потпишан на една сезона, со можност за продолжување на уште една. Тој е второ засилување на тимот за следната сезона, после Словенецот Цехте.
Македонскиот ракометен репрезентативец, Дејан Манасков, ги демантираше информациите дека заминува во Романија и од следната сезона ќе го облече дресот на Динамо Букурешт.
Манасков во моментот е на опоравување од тешката повреда, и јасно е дека по завршувањето на сезонава, тој ќе си замине од тимот на Веспрем, каде беше член изминативе пет години.
Не е познато каде Манасков ќе ја продолжи својата ракометна кариера, но самиот тој истакнува дека тоа нема да биде Романија и Динамо Букурешт.
Македонскиот репрезентативец Филип Кузмановски, игра во одлична форма за својот тим Хановер, па така тој по втор пат се најде во идеалниот тим на колото во германската Бундеслига.
Кузмановски, своето место во идеалниот тим и местото најдобар среден бек го заслужи со извонредната партија во победата на гостински терен против Мелсунген. Нашиот репрезентативец постигна шест гола и запиша неколку одлични асистенции.
Македонската женска ракометна репрезентација по подолга пауза повторно ќе биде дел од едно големо натпреварување.
Нашата селекција на Европскиот шампионат што ќе се одржи кон крајот на годината и како еден од домаќините мечевите ќе ги игра во Скопје, а сите три натпревари почнуваат во ист термин во 18:00 часот.
Во првиот дуел на петти ноември се среќаваме со Франција, два дена подоцна противник ни е Холандија додека на во последното коло од првата фаза на деветти ќе се соочиме со Романија.
Почетокот на натпреварите во вечерниот термин во Скопје е закажан за 20:30 часот.
Сите три натпревари македонската репрезентација ќе ги игра во А1 арената Борис Трајковски.
Скопје ќе биде домаќин и на една од двете групи во Главната рунда, а овие мечеви се играат во периодот од 11 до 15 ноември додека завршницата и дуелите за медали ќе се игра во Љубљана.
Македонскиот репрезентативец Томислав Јагуриновски е првото засилување на тимот на Пролет 62 за наредната сезона. За одличниот десен бек беа заинтересирани уште неколку екипи, но раководството на Пролет успеа да го убеди Јагуриновски во квалитетот на проектот планиран за наредната сезона, по што на обострано задоволство беше потпишан договор за соработка.
Јагуриновски доаѓа во Пролет од редовите на исландскиот клуб Тор, каде настапуваше во одлична форма под водство на тренерот Стевче Алушовски. Репрезентативецот, кој претходно во кариерата ги бранеше и боите на Металург и на Вардар, а сега се одлучи да настапува за Пролет.
„Презадоволни сме што успеавме да го договориме трансферот на Јагуриновски, македонски репрезентативец со кого ги потврдуваме амбициите за враќање во борбата за висок пласман за наредната сезона. Не се сомневаме дека тој ќе внесе дополнителен квалитет во нашата игра, но и енергија на теренот, нешто што го краси Јагуриновски низ неговата кариера“, изјави директорот на РК Пролет, Сашо Огњеновски.
Томислав Јагуриновски беше дел од македонската репрезентација што оствари голем успех со пласманот на СП 2022.
Денес во просториите на Ракометната федерација на Македонија се одржа извлекување на полуфиналните парови од Куп на Македонија во машка и женска конкуренција.
Полуфинални парови во машка конкуренција:
13.05.2022 17:00 часот РК ЕУРОФАРМ ПЕЛИСТЕР 2 – РК ВАРДАР 1961
13.05.2022 20:00 часот РК БУТЕЛ СКОПЈЕ – РК ЕУРОФАРМ ПЕЛИСТЕР
15.05.2022 19:30 часот ФИНАЛЕ
Полуфинални парови во женска конкуренција:
14.05.2022 14:00 часот ЖРК КУМАНОВО – ЖРК МЕТАЛУРГ
14.05.2022 17:00 часот ЃОРЧЕ ПЕТРОВ ЖРК – ЖРК ЧАИР
15.05.2022 17:00 часот ФИНАЛЕ
Натпреварите ќе се одиграат во салата „Јасмин“ во Кавадарци.
