Македонската машка ракометна репрезентација ја очекуваат два
натпревари против Фарски Острови во баражот за Светското
првенство кое ќе се одржи во 2025 година во Хрватска, Данска и
Норвешка.
Првата средба ја играме денес од 20:00 часот, а селекторот Кирил
Лазаров одлучи да не го крати списокот, поточно со сите играчи да
отпатува во Торшавн.
Се работи за 21 ракометар кои остануваат да бидат во конкуренција
до последниот ден кога петмина ќе отпаднат за самиот натпревар.
Целта е да постигнеме што подобар резултат кој потоа ќе може да
биде потврден на реваншот во Скопје закажан за в недела од 19 часот
во СЦ „Борис Трајковски“ во Скопје.

Селекторот на машката сениорска репрезентација на Унгарија, Чема Родригез, го скрати списокот за настап на Европското првенство во Германија.

Стратегот на Унгарија на континенталниот собир нема да може да смета на искусниот голман Роланд Миклер.

Членот на ПИК Сегед го информирал селекторот и челниците на унгарската ракометна куќа дека го откажува настапот поради неговата здравствена состојба.

Maкедонските најдобри судии Ѓорѓи Начевски и Славе Николов долги години наназад се дел од најголемите ракометни натпреварувања, а таа пракса ќе продолжи и летово на Олимписките игри во Париз.

Денеска официјално беа објавени судиските двојки и на таа листа заслужено се и најдобрите македонски судии.

На последните Олимписки игри кои се играа во Токио Начевски и Николов го судеа финалето во кое играа Данска и Франција.

Барселона потпиша нов договор со тренерот Ортега, успеаја долгорочно да ги „врзат“ и суперталентираните браќа Петар и Ѓорѓе Цикута, а во последните 48 часа паднаа уште два значајни потписа во Барселона.

Тимоти Нгесан во текот на вчерашниот ден потпиша нов договор со каталонскиот гигант, а денеска истото го стори и Јохан Карлсбогард.

Шведскиот репрезентативец имаше договор и за наредната сезона, но каталонците беа задоволни од неговите игри по транферот од Лемго, па тој денеска ја продолжи соработката и ќе остане член на Барса до 2028 година.

Веселин Вујовиќ нема повеќе да го води хрватскиот прволигаш Нексе, тим кој го преземе пред два месеци од Бранко Тамше.

Поранешниот тренер на Вардар и екс македонски селектор не успеа да ја разбуди екипата, да ги донесе посакуваните резултати, па по ремито со Пореч во домашниот шампионат било одлучено да се заврши соработката со искусниот стратег.

Во овој период додека Вујо го водеше клубот од Нашице истиот беше елиминиран од РНЛ во Лига Европа, во првенството е на делба на второто место, а не треба да се заборави дека во овој период се случи и инциндетот со Загреб поради кој се очекува Вујовиќ да биде санкциониран.

Поради сите овие причини тој си заминува, неговото место ќе го заземе асистентот Крешо Иванковиќ.

Шпанскиот тенисер Рафаел Надал ќе биде дел од Тимот Европа на Лејвер купот, кој е закажан за од 20 до 22 септември во Берлин, соопштија денеска организаторите.

„Надал им се придружува на Карлос Алкараз, Данил Медведев и Александар Зверев во Тим Европа, кој ќе се обиде да го врати трофејот во Лејвер купот под водство на Бјорн Борг“, се вели во соопштението на организаторите.

Лејвер купот во 2022 година беше последниот официјален турнир на кој настапи легендарниот Швајцарец Роџер Федерер, а Надал, иако повреден, дојде на турнирот да игра во двојки со еден од најголемите ривали во кариерата.

Надал изјави дека е многу среќен што по четврти пат ќе учествува на ова натпреварување иницирано од Федерер во 2017 година.

Најдобрите македонски ракометни судии, Славе Николов и Ѓорѓи Начевски, ја добија честа да ја делат правдата на првиот четвртфинален меч од Лигата на шампионите помеѓу екипите на Килеце и Магдебург.

Полскиот гигант ќе го пречека германскиот тим на домашен терен на 24 април и тука се очекува голема битка за пласман на завршниот турнир во Келн.

Киелце без многу проблеми го мина ГОГ Гудме во осминафиналната фаза, додека Магдебург по голема борба успеа да го елиминира унгарскиот претставник, Веспрем.

Ова е уште едно големо признание за Начевски и Николов, кои во минатото судеа многу важни натпревари во Лигата на шампионите, како и на европските и светските првенства.

Ракометната Федерација на Македонија ги објави цените на билетите за бараж натпреварот со Фарски Острови за Светското првенство 2025. Билетите ќе чинат 200 и 300 денари.

Натпреварот ќе се одигра на 12 мај со почеток во 19 часот во Спортскиот Центар „Борис Трајковски“ во Скопје. Претходно македонските ракометари ќе гостуваат на Фарски Острови.

Продажбата на влезници за натпреварот почна денес и се одвива online на интернет-страницата на МК Тикетс (https://mktickets.mk ) а влезници можат да се купат и на сите продажни места на МК Тикетс низ државата.

Репрезентациите на Унгарија, Холандија и Шпанија први од квалификацискиот турнир обезбедија пласман на Олимписките игри во Париз.

Во дерби дуелот од првата група, репрезентацијата на Унгарија славеше над Шведска со три гола разлика, 28-25. Унгарија во првото коло ја совлада Велика Британија и со победа дојде до четири бодови, со кои си обезбеди билет за настап на најголемата спортска манифестација.

Шведска и Јапонија имаат по два бодови, но во последното коло, азиската репрезентација ја чека тешко соочување со Унгарија, додека Шведска ќе игра со Велика Британија.

Од втората група пласман на ОИ обезбедија репрезентациите на Холандија и Шпанија, откако денес остварија нова победа.

Холандија без многу проблеми славеше над Чешка со 32-18, а „црвената фурија“ потешко од очекуваното победи против Аргентина со 26-23.

Селекцијата на Норвешка ќе биде значително ослабена на претстојните Олимписките игри во Париз.

Десниот бек Магнус Род се уште се рехабилитира од повредата на стапалото кое му беше скршено, и не настапува за шампионот Колстад.

Род го информирал селекторот Јонас Виле дека нема да биде дел од националниот тим во обид да биде подготвен за новата сезона и настапите за ПИК Сегед, неговата нова екипа.