Ракометарите на Алкалоид вечерва постигнаа убедлива победа од 37-21 во дуелот од 9.коло од плеј офот од Супер лигата против Бутел на домашен терен.

Ова беше 20-та победа за тимот на Алкалоид во првенството и вкупно 15.та победа во 16-тиот меѓусебен дуел против Бутел.

На полувреме беше 19-11 за Алкалоид, а брзо на стартот на почетокот на вториот дел Алкалоид имаше и двоцифрена предност.

Најефикасен на дуелот беше Улфар Тордарсон со 8 голови, а кај Бутел Мице Шилегов постигна 5.

Одличен на голот на Алкалоид беше младиот Ѓорѓи Николовски, кој имаше 12 одбрани.

На другите два дуела од претпоследното коло: Охрид – Еурофарм Пелистер 22-25 и Вардар – Тиквеш 36-26.

Лидер и нов шампион е Вардар со 58 бодови, пред Е.Пелистер и Охрид по 50, додека Алкалоид има 44

Најдобриот стрелец од првенството на Словенија, Малик Татар, следната сезона ќе го носи дресот на Еурофарм Пелистер. Битолчани сакаат да ја вратат титулата, па веќе се формира ростерот за следната сезона, кој ќе треба да им конкурира на Вардар и Охрид.

Татар во Еурофарм Пелистер пристигнува од екипата на Шкофица, каде беше позајмен од Слован Љубљана. Поранешниот шампион на Македонија претходно се засили и со Миха Котар, Мартин Серафимов, Ненад Белистојаноски и Едвин Џелиловиќ, а нов тренер ќе биде легендарниот Лино Червар.

Шуичи Јошида е новото засилување на ГРК Охрид за сезоната 2026/27 со опција за продолжување уште една година.

Јапонскиот репрезентативец, висок 193 см, ќе го носи дресот со број 11.

Претходно играше за Нант, Данкерк и Азоти Тарнов, а во Охрид пристигнува како клучно засилување за тимот.

ГРК Охрид го чекаат два најважни меча, а тоа се финалните пресметки против Татабња во ЕХФ Еврпскиот Куп.

Од таборот на македонскиот тим за реваншот кој се игра на 31. мај во СЦ „Билјанини Извори“ ќе имаат максимална поддршка од трибините, билетите се распродадоа за 15 минути, соопштија од клубот.

Првиот натпревар ГРК Охрид на гостински терен, добро е познато дека за унгарскиот тим настапува македонскиот репрезентативец, Филип Талески.

Мечот е закажан за 24 мај.

Селекторот на Македонска машка ракометна репрезентација, Кирил Лазаров, не го криеше задоволството по убедливата победа над Словачка машка ракометна репрезентација од 38:23, резултат со кој Македонија обезбеди пласман на ново Светско првенство.

Македонските ракометари одиграа сигурен и доминантен натпревар, а Лазаров по мечот истакна дека пристапот и дисциплината на неговите избраници биле клучни за убедливиот триумф.

„Треба да бидеме задоволни без разлика на квалитетот на противникот. Словачка покажа против Украина дека поседува квалитет и не е лесно да се победи таква селекција. Им честитам на момците, бидејќи не се добива секој ден со 15 голови разлика. Одигравме сериозно и одговорно, а токму тоа го барав од играчите. Имавме одредени падови во играта, но генерално одигравме квалитетен натпревар. Важно е што и останатите играчи добиваат простор, бидејќи така создаваме поширок ростер за потешките натпревари што следуваат“, додаде македонскиот селектор.

Лазаров посочи дека репрезентацијата постепено гради препознатлив систем и тимски дух, нешто што, според него, било една од главните цели во изминатиот период.

Македонските ракометари супериорно обезбедија место на Светското во Германија во 2027 година откако на домашен терен ја прегазија Словачка со 38:23. Во преполниот СЦ „Борис Трајковски“, избраниците на Кирил Лазаров доминираа од првата до последната минута и со двоцифрена предност го завршија мечот. Тоа само ја покажува разликата меѓу двете земји која беше евидентна и на првата средба во Прешов кога славевме со 31:24.

Сега националниот тим со нетрпение ја чека ждрепката на 10 јуни во Минхен.

Шешири за ждрепката за Светското првенство:
Прв шешир:
Данска, Германија, Хрватска, Исланд, Португалија, Шведска, Египет, Аргентина

Втор шешир:
Франција, Словенија, Норвешка, Србија, Шпанија, Италија, Фарски Острови, Македонија

Трет шешир:
Грција, Полска, Бразил, Бахреин, Тунис, Зеленортски острови, Чиле, САД

Четврти шешир:
Катар, Кувајт, Јапонија, Алжир, Ангола, Уругвај, Вајлд карта 1, Вајлд Карта 2

Нашите ракометари ги очекува десеттиот настап на Мундијалите.

Македонија со две убедливи победи над Словачка и вкупни 6947 успеа да дојде до пласман на ракометното Светско првенство во Германија, во јануари следната година. Салата „Борис Трајковски“ беше распродадена за мечот против Словаците, а фантастичната игра на македонските ракометари беше поздравена од речиси 7.000 гледачи. Македонија вечерва ја декласира Словачка во бараж двомечот и на вториот меч во Скопје победи со 38-23 (18-11).

Македонија имаше водство од почетокот до крајот на мечот, не дозволувајќи им на Словаците ниту да „помирисаат“ изненадување. Откако во првиот дел Македонија поведе во еден момент и со +8 (12-4), се знаеше дека билетот за нов Мундијал е тука блиску. Во вториот дел само ја зголемуваше предноста, и на крајот дојде до највисоките +15.

Филип Кузмановски беше најефикасен со единаесет гола, а Велковски постигна шест. Пласман на СП 2027 во Германија преку баражот изборија: Норвешка, Фарски острови, Шпанија, Грција, Полска, Франција, Словенија, Србија и Италија. Ждрепката за завршниот турнир е закажана за 10 јуни.

Македонскиот тим Еурофаем Пелистер, го претстави своето ново засилување за следната сезона.

Во Битола доаѓа талентираниот босански ракометар Едвин Џелиловиќ.

Се работи за 23-годишно десно крило, кое во битолскиот суперлигаш ќе пристигне од редовите на Извиѓач.

Едвин Џелиловиќ ќе биде официјално претставен на почетокот на подготовките за сезоната 2026/27 во јули годинава.

Џелиловиќ е третото засилување на пелистерци за следната сезона, откако претходно договорени беа трансферите на Миха Котар и Мартин Серафимов. Во Битола доаѓа и легендарниот Лино Червар, како тренер на екипата.

Ракометната репрезентација на Македонија направи огромен чекор кон обезбедување место на Светското првенство, откако вечерва во Прешов славеше убедлива победа над Словачка со 24:-1 во првиот бараж-дуел. Избраниците на селекторот Кирил Лазаров уште во првото полувреме покажаа дека се поквалитетен ривал. При нерешени 9-9, направивме серија од 4-1, по што одржувавме два-три голови разлика до пред паузата, а при позитива од 13-16, со головите на Костески и Кузмановски по првите триесет минути водевме со 13-18. Во второто полувреме одигравме уште подобро, контролиравме предност од пет-шест голови разлика, а во 43 минута дојдовме и до највисоки 25-17 по погодокот на Џонов.

Ништо не се менуваше до крајот на мечот, не им дозволивме на Словаците во ниту еден момент да се понадеваат на евентуално враќање во мечот. Постепено имавме шест-седум голови предност, македонските ракометари искусно и квалитетно во нападот и одбраната го одведоа мечот до висока и значајна победа.

Најефикасен во македонскиот состав беше Филип Кузмановски со десет погодоци, додека Милан Лазаревски постигна седум голови. Реванш-натпреварот ќе се одигра на 17 мај во СЦ „Борис Трајковски“, каде Македонија ќе има можност пред домашната публика да го потврди пласманот на Мундијалот.

Светското првенство ќе се одржи во Германија во јануари следната година.

По освоената титула во домашното ракометно првенство, Иван Чупиќ ќе го продолжи договорот со Вардар на уште една година. Како што потврди првиот човек на шампионот, Михајло Михајловски, со Чупиќ е договорено продолжување на соработната на уште една сезона.

„Имав состанок со Чупиќ и разговаравме за ново продолжување на договорот. Тој дојде во Вардар со двегодишен договор, а сега ќе ја продолжиме соработката за уште една година“, потврди Михајловски.

Иван Чупиќ во првата година по враќањето во дресот на Вардар ја освои двојната круна на домашната сцена и го однесе Вардар до четвртфиналето на ЕХФ Европската лига.