Женската ракометна репрезентација на Македонија ќе ја дочека Германија во рамките на квалификациите за ЕП.

Натпреварот од претпоследното квалификациско коло ќе се одигра во СЦ „Борис Трајковски“.

Ракометната федерација на Македонија донесе популарна одлука и реши да ги отвори вратите за сите љубители на ракометот.

Влезот за средбата против Германките ќе биде бесплатен.

Натпреварот меѓу Македонија и Германија во најголемата сала во државата ќе се одигра на 8 април во терминот од 18:00 часот.

Главниот град на Македонија за првпат ќе биде домаќин на едно од најзначајните младински спортски натпреварувања Светското училишно првенство во ракомет, кое ќе се одржи од 21 до 29 април, во организација на Федерацијата за училишен спорт на Македонија, под покровителство на Министерството за спорт.

Со овој престижен настан, главниот град ќе стане центар на светскиот младински ракомет, обединувајќи млади спортисти од повеќе земји, со цел промоција на спортските вредности, фер-плејот и меѓународното пријателство.

Свеченото отворање на првенството ќе се одржи на 21 април со почеток во 19:30 часот на Плоштад Македонија, каде ќе биде организирана богата културно-уметничка програма и дефиле на сите учесници и претставување на репрезентациите. Овој настан ќе го означи официјалниот старт на шампионатот кој ќе донесе вистинска спортска атмосфера во главниот град.

На првенството ќе учествуваат вкупно 23 машки и 16 женски екипи, односно 21 делегација од различни земји од светот, кои ќе се натпреваруваат во шест спортски сали во Скопје: СРЦ „Македонско сонце“, СРЦ „Архиепископ Доситеј“, СРЦ „Кочо Рацин“, СРЦ „Крсте Мисирков“ и СРЦ „Антон Димитров“, додека финалните натпревари, ќе се одиграат на 28 април во спортската сала „Расадник“ кога ќе се одржи и свеченото затворање на првенството. Со тоа ќе биде заокружен овој значаен спортски настан кој остава траен белег во развојот на училишниот спорт.

Во рамки на првенството, на 25 април ќе се одржи „Cultural Day“, ден посветен на културна размена, каде учесниците ќе имаат можност да се запознаат со нашето културно и историско наследство. Истата вечер ќе се реализира и „Nations Night“, настан на кој делегациите ќе ги претстават своите земји преку традиција, музика и гастрономија, поттикнувајќи пријателство и меѓусебно разбирање.

• Горди сме што Македонија ќе биде организатор на ова престижно првенство. Ракометот, како спорт со длабока традиција во Македонија, има посебно место во срцата на нашите граѓани и претставува значаен дел од нашиот спортски идентитет. Би сакала да упатам искрена благодарност Министерството за Спорт на Македонија за поддршката и до Светската федерација за училишен спорт за укажаната доверба. Македонија нема да биде само домаќин на спортско натпреварување, туку домаќин на младоста, енергијата и иднината на светот. На едно место се обединети млади спортисти од целиот свет, со различни јазици, култури и традиции, но со една заедничка вредност – љубовта кон спортот.“ – изјави претседателката на Федерацијата за училишен спорт на Македонија, Елена Мицковска.

Организацијата на ваков настан носи значајни придобивки за државата, вклучувајќи ја промоцијата на Македонија како атрактивна спортска и туристичка дестинација.

Светското училишно првенство во ракомет Скопје 2026 не е само спортски настан, туку платформа за поврзување на младите од целиот свет, размена на култури и создавање нови пријателства преку спортот.

Никола Граховац го продолжи договорот со актуелниот ракометен шампион на Македонија. Битолските „зелено-бели“ објавија дека Граховац ќе биде во дресот на Еурофарм Пелистер до 2028 година.

„Потребни ни беа само неколку натпревари да го забележиме неговиот квалитет и да констатираме дека Никола Граховац и Еурофарм Пелистер се создадени едно за друго. Затоа со задоволство ја запознаваме јавноста со новиот договор за сезоната 2026/27, со опција и за сезоната 2027/28“, објавија од клубот.

Граховац пред да дојде во Македонија настапуваше во Хрватска, Унгарија и Германија.

Ракометниот суперлигаш Бутел денес на прес-конференција ја најави соработката со новиот тренер. На клупата на РК Бутел од наредната сезона ќе седне поранешниот репрезентативец и легенда на Вардар, Столе Стоилов.

Ова ќе биде прв клуб кој ќе го води Стоилов, откако претходно беше помошник во Вардар, а воедно е и во стручниот штаб на нашата репрезентација.

Стоилов најави дека целта му е да работи со млади ракометари и да биде конкурентен за плеј оф. Неговата проценка е дека Бутел има добра програма и стратегија и затоа прифатил да седне на кормилото на оваа екипа.

„Баравме идеално и квалитетно решение за клупата на Бител Скопје. Имавме краток состанок со Стоилов и веднаш се договоривме. Станува збор за легенда не само во македонскиот ракомет туку и пошироко. Со него ќе добиеме квалитет и искуство на клупата, а во ростерот ќе имаме млади македонски играли“ рече претседателот на РК Бутел, Бојан Спасовски.

Договорот за соработа меѓу РК Бутел и Столе Стоилов е на период од две години, а ќе започне од јуни.

Македонската ракометна легенда Столе Стоилов по крајот на богатата кариера започна со тренерската работа за првпат во кариерата ќе биде и прв тренер.

Легендата на Вардар 1961 кој долги години беше дел од стручниот штаб на црвено-црните, а во моментов е без клупски ангажман, ќе седне на клупата на македонскиот ракометен суперлигаш Бутел Скопје.

Клубот од суперлигашкото друштво го води Горан Кузманоски, но тренерот заминува да гради интернационална кариера во Кипар од каде има нов клуб.

Одлуката на раководството паднала на Стоилов, кој има големо познавање во македонскиот ракомет.

Денес беа формирани двојките за полуфиналните мечеви во ракометниот Куп на Македонија во женска конкуренција.

Екипата на Ѓорче Петров ќе ги одмери силите со Пелистер додека Чаир ќе излезе на мегдан со екипата на Спартак. Тоа значи дека скопските екипи кои се главните кандидати за пехарот, се разминаа во елиминацискиот дел.

Мечевите од полуфиналето ќе бидат реализирани на 18 април во салата „Парк“ во Струмица додека финалето ќе биде ден потоа на истата локација.

Македонскиот репрезентативец Жарко Пешевски се обврза на договор со шампионот на Македонија и за сезоната 2026/27, со што ќе продолжи да го носи дресот на битолскиот клуб и во иднина.

Пред да се пресели во редовите на Е. Пелистер, репрезентативниот пивотмен настапуваше за Металург, Мотор Запорожје и Штутгарт.

Македонскиот ракометен суперлигаш Охрид договори уште едно засилување за следната сезона.

Откако пред неколку дена го потврди трансферот на Дино Славиќ, српскиот ракометар Никола Зечевиќ од јуни се сели во Охрид.

Момчето од Нова Варош играше за Вождовац, помина низ рацете на Саша Кандиќ, познат белградски тренер во помладите категории, а пет години беше дел од Партизан, со кој освои пет пехари.

Јуниорската екипа на Еурофарм Пелистер се пласира во финалето на групата што се игра во Пореч, Хрватска, од ЕХФ Младинскиот клупски трофеј, што е своевидна Лигата на шампионите за млади. Ако го добие натпреварот против Фуксе Берлин, битолскиот тим ќе оди во Келн на кадетскиот завршен турнир.

Андреј Георгиев имаше блесок со 12 гола и беше ѕвезда во победата од 24-23. Јован Симоновски, кој постигна пет гола, Павел Вељановски, Тео Спировски и Стефан Василевски постигнаа по два гола, додека Горазд Мијалчев беше стрелец на еден гол. На голот одличен беше Јован Мацанковски. Екипата од клупата ја водат тренерите Фарук Мемиќ и Кире Митревски.

Еурофарм Пелистер минатата сезона настапи на „фајнал-фор“ турнирот во оваа конкуренција

Mакедонскиот ракометен суперлигаш Вардар 1961 веќе работи на формирање на ростерот за следната сезона, а покрај засилувањата ќе има и заминувања.

Нова средина ќе има и аргентинскиот среден Николас Боно. 28-годишниот ракометар се враќа во Франција каде ќе го облече дресот на Тулуз.

Аргентинецот со Вардар се договори уште минатата сезона, на барање на тогашниот тренер на „црвено-црните“ Гиљермо Милано, но со доаѓањето на Иван Чупиќ не добива поголема минутажа и неговото заминување беше за очекување.