Ракометниот тренер Веселин Вујовиќ повеќе не е селектор на ракометната репрезентација на Катар откако преговорите за продолжување на соработката завршија без договор.

Црногорскиот стратег неодамна оствари значаен резултат со катарската селекција, освојувајќи сребрен медал на Азиските игри во Јапонија.

Сепак, добрите резултати не беа доволни двете страни да најдат заеднички јазик за новиот договор.

Главната пречка била должината на соработката. Вујовиќ сакал договорот да важи до мај, со што би ги опфатил и квалификациите за Олимписките игри во Лос Анџелес во 2028 година.

Од друга страна, ракометната федерација на Катар понудила сор

Дмитро Хориха и официјално доби право да настапува за македонската машка ракометна репрезентација, а украинскиот ракометар ја сподели својата радост со емотивна порака, во која им се заблагодари на сите што го поддржувале во изминатиот период.

„Ова е огромна одговорност, нов предизвик и ново поглавје што го прифаќам со голема гордост и благодарност“, порача ракометарот, кој призна дека добивањето право за настап во македонскиот дрес за него претставува голем чекор и отвора ново поглавје во кариерата.

Тој додаде дека искуствата во Македонија му помогнале подобро да ја разбере вредноста на поддршката, особено во моментите кога работите не се одвиваат според очекувањата. Сега пред него е нов предизвик, но и можност да преземе поголема одговорност на репрезентативно ниво.

„Во животот на секој спортист доаѓа момент кога е време да направи чекор напред, да прифати нов предизвик и да преземе уште поголема

Македонската ракометна репрезентација доби засилување на бековската линија. Од денес Дмитро Хориха има право да игра за „црвено-жолтите“. Оваа информација ја објави Ракометната федерација на Македонија, на денешната прес-конференција на која присуствуваа претседателот на РФМ, Александар Стефанов и селекторот Кирил Лазаров.

На прес-конференцијата се говореше и за претстојните квалификации за Европското првенство 2028.

Хориха е поранешен играч на Вардар, а моментално настапува за унгарскиот клуб ПИК Сегед.

Алкалоид, со победа се загреа за европското деби.

Тимот на Кирил Лазаров веднаш реагираше по поразот во Охрид и убедливо ја совлада екипата на Стругана со 33-22 (16-8).

Најефикасни во победничкиот табор беа Костески со шест и Тордарсон и Дамјан Митев со по пет гола, а кај Струга се истакнаа Шилегов со пет и Мартин Манасков и Родиќ со по четири гола. Кај Алкалоид одличен беше голманот Иван Галевски со 15 одбрани.

По првите седум кола Алкалоид има шест победи и еден пораз и се наоѓа веднаш зад максималниот Вардар 1961.

Ракометарите на Вардар го загубија и четвртиот натпревар во Лигата на шампионите откако Висла на свој терен во Полска вечерва беше подобра со 33-32.

Не помогна за Вардар ниту одличното издание на Јака Малус кој имаше девет гола од исто толку обиди, а без промашување беше и Воркапиќ кој постигна осум гола.

Со три помалку средбата ја заврши Левар. На спротивната страна домаќинот го предводена Бјер Фредрик со седум и Дажек Михал со шест гола.

Вардар со овој пораз ги загуби сите шанси за место во следната фаза бидејќи е единствен без бодови во групата „Б“ каде што Нант приреди изненадување и го совлада Мелсунген со што го презема врвот со шест бода, Висла и Мелсунген имаат по четири.

Единствениот македонски претставник во европските купови во женска конкуренција, екипата на Чаир, го дозна противникот за третото коло од ЕХФ Европскиот Куп.

Ждрепката одлучи ривал на чаирчанки во оваа фаза да биде азербејџанскиот шампион Кур.

Тимот до оваа фаза стигна откако во претходното коло го елиминираше кипарски Апоел, со две победи на домашен терен.

Првиот натпревар ќе се одигра во Скопје на 7 или 8 ноември, додека реваншот е предвиден за 14 или 15 ноември во Баку.

Селекторот на женската сениорска ракометна репрезентација на Македонија, Игор Марковиќ, го објави скратениот список од 21 ракометарка на кои ќе смета за претстојната ЕХФ недела.

Собирот на репрезентативките е закажан за понеделник, 19 октомври 2026 година, со почеток во 12:30 часот, во хотелот „Three Corners“ во Скопје.

Македонските ракометарки со овој собир ќе ги започнат подготовките и активностите во рамките на репрезентативната пауза, во која стручниот штаб ќе има можност да работи со повиканите ракометарки и да ја подготвува селекцијата за претстојните предизвици.

Двократниот светски шампион Емил Нилсен наскоро би можело да стане играч на германскиот клуб Фленсбург.

Според данскиот портал Rygtebors, како што пренесува германскиот весник Sport Bild, Фленсбург-Хандевит преговара за трансфер со данскиот голман за претстојната сезона.

Оваа вест претставува изненадување, со оглед на тоа што Нилсен пристигна во Веспрем минатото лето.

Тој потпиша тригодишен договор со унгарскиот гигант, кој важи до 2029 година. Доколку трансферот во Фленсбург се реализира, неговиот престој во Унгарија би завршил по само една сезона.

Македонскиот ракометен голман со фантастична партија за својот Битигхајм и за победа на гости кај Гепингем со 25:29, во меч од 8.коло во Бундес лигата.

Томовски имаше 13 одбрани со што  докажа дека е во страшна форма.

Втора победа за Мартин Томовски и неговите соиграчи и втора победа на гости.

По овој меч, Битигхајм е на 15.место на табелата со што побегна од опасната зона.

Ракометарите на ГРК Охрид го добија дербито со Алкалоид, славејќи со 26-24 пред домашната публика и стигнувајќи до првата победа во дерби-дуелите во Суперлигата оваа сезона.

По ремито со Еурофарм Пелистер и поразот од Вардар, охриѓани конечно успеаја да освојат цел плен во пресметката со еден од ривалите од врвот на македонскиот ракомет.

Почетните минути донесоа цврста одбрана на двете страни и мал број погодоци, па по десетина минути игра резултатот беше израмнет на 3-3. Првиот посериозен чекор го направи Алкалоид, кој преку Никола Костески и Тодарсон поведе со 4-7.

Сепак, исклучувањата на Сухолежник и Стојковиќ им создадоа проблеми на гостите, а Охрид знаеше како да ја искористи ситуацијата. Стрмљан, Иванковиќ и Доминик Мате го предводеа налетот на домашниот тим, кој брзо се врати во игра и израмни на 7:7.

Алкалоид накратко ја прекина кризата преку Дамјан Митев, но новите грешки во нападот му овозможија на Охрид да ја преземе контролата. Домашниот состав поведе со 10-8, а на паузата замина со значителна предност од 15-11.

Избраниците на Ројевиќ продолжија во ист ритам и на почетокот на второто полувреме. Со сигурна игра во одбраната и ефикасни напади, охриѓани постепено ја зголемуваа предноста, која во еден момент достигна и шест голови разлика (19-13).

Алкалоид не се предаде и се обиде да се врати во натпреварот, успевајќи во одреден момент да ја намали негативата на три гола. Сепак, домаќините останаа доволно смирени во завршницата, ја задржаа контролата врз резултатот и го приведоа дуелот до крај за заслужена победа од 26-24.

Доминик Мате беше најдобар стрелец во победничкиот тим со шест погодоци, додека голманот Дино Славиќ забележа десет одбрани. Кај Алкалоид, Никола Костески исто така постигна шест гола, а Дамјан Митев го заврши натпреварот со пет погодоци.

Во вториот натпревар, Вардар ја продолжи победничката серија со убедлив триумф од 33-24 на гостувањето кај Струга.

„Црвено-црните“ ја потврдија фаворитската улога и стигнаа до шестиот триумф во шестиот натпревар од Суперлигата, задржувајќи го максималниот ефект и позицијата меѓу главните канди