Екипата на Еурофарм Пелистер на социјалните мрежи го објави продолжувањето на соработката со досегашниот голман и македонски репрезентативец Никола Митревски.

Во објавата од страна на клубот се вели:

„Некои вредности се поважни од секоја победа и секоја титула. Затоа нашата одлука е недвосмиолена – да ги задржиме тие вредности во клубот. Ни претставува задоволство што најдобриот македонски голман и во иднина ќе го носи дресот на Еурофарм Пелистер. Никола Митревски се обврза на нов договор за сезоната 2026/27 со својот матичен клуб, со опција за продолжување и за сезоната 2027/28.

Митревски е роден победник, дете на клубот, човек кој се изгради и како личност и како професионален со преку две децении врвен ракомет. Освојуваше титули каде и да настапуваше, но задоволството е уште поголемо кога заеднички се радуваме на трофеи во Битола. Така ќе биде и во иднина.

Митревски е столб на репрезентацијата, а таа била и секогаш ќе биде составувана од најдоброто од Еурофарм Пелистер. Пред да се врати во нашиот клуб Митревски настапуваше и за Вардар, Металург, Констанца, Бенфика и Порто“.

Стевче Алушовски и актуелниот македонски ракометен шампион Еурофарм Пелистер ја прекина соработката.

„РК Еурофарм Пелистер ја известува јавноста дека по поразот во полуфиналето на Купот на Македонија во Струмица, тренерот на екипата Стевче Алушовски поднесе оставка од својата позиција. Клубот ја прифати и му се заблагодари на Алушовски за професионалната работа“, објавија битолчани.

До крајот на сезоната екипата ќе ја води асистентот на Алушовски, Алексо Лембанов.

Ракометниот клуб Охрид во онлајн продажба ги пушти влезниците за полуфиналето од ЕХФ Европскиот куп против словенечката екипа Цеље. Во зависност од местото во СЦ „Билјанини извори“ цената на влезниците изнесува 200 и 300 денари.

Реванш дуелот се игра на 2. мај (сабота) во Охрид со почеток во 19 часот, а првиот дуел на програмата е на 25. април на теренот на противникот.

Влезниците за дуелот во Охрид можат на се купат на: https://mktickets.mk/event/grkoh-3/

Од ГРК Охрид управата, стручниот штаб и ракометарите очекуваат на

Од денес во Скопје ќе започне Светското училишно првенство во ракомет, со учество на 36 селекции.

Македонските тимови добија атрактивни групи. Во машкиот дел ќе играме со Република Српска, Грузија, Бугарија и Саудиска Арабија. Ракометарките ќе бидат во друштво на Белгија, Грузија и Словачка.

Свеченото отворање ќе биде денеска на Плоштад Македонија со почеток во 19:30 часот.

Ракометниот клуб Вардар 1961 го освои осумнаесеттиот пехар во Купот на Македонија, откако во финалето го победи Охрид (24-23).

По финалето беа доделени индивидуалните признанија, а тие заминаа во рацете на двајца ракометари. Јака Малус како најдобар стрелец на турнирот беше избран и за МВП, додека Кристијан Пилиповиќ од Охрид е најдобар голман.

Индивидуални признанија во Купот кај мажите:
МВП на турнирот: Јака Малус (Вардар)
Најдобар стрелец: Јака Малус (Вардар)
Најдобар голман: Кристијан Пилиповиќ (Охрид)

На двата натпревари против Алкалоид и Охрид словенечкиот бек Јака Малус постигна 17 погодоци.

РК Вардар го освои 18. трофеј во Купот на Македонија во клупската историја откако вечерва во супердраматично финале „црвено-црните“ славеа над Охрид со 24-23, за одбрана на трофејот освоен лани, вкупно петти куп трофеј што Вардар го освојува во последните шест сезони од мак-ракометот.

Охриѓани имаат за што да жалат, ако се знае дека во вториот дел имаа „плус три“, а во самиот финиш и напад за изрманување со играч повеќе, но непотребно тргнаа на атракција и цепелин наместо на рутинска реализација, и ја платија цената за тоа.

Валах бранеше одлично и со десет интервенции даде голем придонес за победата, додека во нападот најефикасни кај Вардар беа Малус со осум, пред Хориха со шест и Тузолана со пет погодоци.

Кај охриѓани најефикасни беа Ѓукиќ и Јасухира со по пет погодоци.

Ракометарите на Вардар и на Охрид ќе играат в недела во големото финале во Купот на Македонија. Мечот ќе започне во 20.00 часот.

На завршниот Ф4 турнир во салата – „Парк“ во Струмица, „црвено-црните“ денеска беа убедливи против Алкалоид со 33 спрема 28 додека „рибарите“ го совладаа составот на Еурофарм Пелистер со 26 спрема 19.

Утре на истата локација ќе бидеат одиграни полуфиналните мечеви во женскиот дел. Од 17.00 Пелистер против Ѓорче Петров додека во вечерниот термин Спартак ќе игра со Чаир. Финалето кај ракометарките ќе биде в недела во 17.00 часот.

Македонската женска ракометна репрезентација ќе биде во групата „Б“ на „EHF EURO 2026“ што ќе се одигра кон крајот на годинава во декември. Во нашата група се сместија и селекциите на Норвешка, Романија и Швајцарија. Натпреварите ќе бидат одиграни во романскиот град, Клуж.

Еве како изгледаат другите групи.
Група „А“ –Унгарија, Црна Гора, Словенија и Исланд
Група „Ц“ – Данска, Шпанија, Турција и Грција
Група „Д“ – Холандија, Чешка, Австрија и Хрватска
Група „Е“ – Франција, Полска, Фарски Острови и Украина
Група „Ф“ – Шведска, Германија, Словачка и Србија

ЕП е се одржи од 3 до 20 декември а домаќини ќе бидат Полска, Романија, Чешка, Словачка и Турција.

И во следната сезона организацијата на играта на Еурофарм Пелистер ќе му биде доверена на словенечки среден бек. „Зелено-белите“ потпишаа двегодишен договор со Миха Котар, 27-годишен среден бек, кој во Битола доаѓа од првакот на Србија, Партизан.

Котар е роден во Требње, поникна во матичниот Тримо Требње, афирмација доживеа во Словењ Градец, а во последните две сезони го носеше дресот на белградски Партизан.

-Со ангажманот на Котар нашиот клуб добива квалитет, искуство и додадена вредност во тимот, објави Еурофарм Пелистер.

Официјалното претставување на Котар е предвидено во јули на почетокот на подготовките за сезоната 2026/27.

Еурофарм Пелистер покрај Миха Котар во наредниот период планира да донесе уште еден играч на оваа позиција.

Македонскиот ракометен репрезентативец, Мартин Карапалевски, потпиша со ГРК Охрид до 2028.

Игра на позицијата среден бек, има 26 години (178 cm.

Доаѓа од шпанското првенство и одличните настапи за тимот на Ваљадолид по 2 сезони, а пред тоа го носеше дресот на РК Вардар 1961.

“Се радувам што ќе бидам дел од ГРК Охрид, клуб кој расте од година во година. Уште од првите разговори ми се допадна идејата и проектот по кој клубот сака да се движи во наредните години. Со нетрпение чекам да настапам пред охридската публика и верувам дека заедно ќе се радуваме и ќе ги исполниме целите на клубот.” – изјави Карапалевски.

Мартин Карапалевски е третото засилување на ГРК Охрид за наредната сезона.