Македонскиот ракометен шампион Вардар 1961 се соочува со дополнителни проблеми откако десното крило Дарко Ѓукиќ заработи повреда која ќе го оддалечи од теренот подолг период.

Ѓукиќ повредата ја заработи на првенствен натпревар против тимот на Прилеп. После извршените детални прегледи беше констатирано дека тој ги скинал вкрстените лигаменти на коленото и ќе мора да паузира најмалку осум месеци.

Тешката повреда значи крај на сезоната во Вардар, но и неиграње за репрезентацијата на Србија на Светското ракометно првенство кое е закажано за јануари во Полска и Шведска.

Ракометниот вицешампион на Македонија, Еурофарм Пелистер, ја продолжи соработката со репрезентативните крила Ненад Костески и Цветан Кузманоски.

Двајцата играчи кои се со потекло од Струга веќе трета сезона се во Битола. Костески е стандарден член на тимот, додека Кузманоски оваа сезона од Еурофарм Пелистер 2 беше повикан во Еурофарм Пелистер каде се приклучи на останатите ракометари предводени од тренерот Ларс Валтер.

Битолскиот клуб преку потписот со двајцата млади ракометари кои ќе останат во тимот најмалку до 2025 година, обезбеди одлично покривање на крилните позиции за во иднина.

Актуелниот ракометен шампион на Македонија, Вардар 1961, во наредниот период ќе има дополнителни проблеми во екипата, откако крилниот ракометар Дарко Ѓукиќ заработи повреда која најверојатно е од посериозен карактер.

Ѓукиќ со повредата се здоби во натпревар од домашната Супер лига против екипата на Прилеп. Тој при незгоден доскок го повреди коленото и стравувањата се дека станува збор за оштетување на предните вкрстени лигаменти за што следува долга пауза за опоравување.

Најдобриот дански ракометар, Микел Хансен, успеа да ја мине бројката од 1000 постигнати голови во Лигата на шампионите.

Актуелниот играч на Алборг, со ова постигнување се најде во одбрано друштво и му се приклучи на Кирил Лазаров кој ја заврши својата кариера, како и на Никола Карабатиќ од ПСЖ.

Хансен границата од илјада постигнати гола ја надмина на дуелот против екипата на Цеље.

Шампионите градат шампиони, соработката раѓа нови победи и успеси. Честитки за РК Еурофарм Пелистер за освоениот трофеј од Суперкупот на Македонија, витешката борба и достојното репрезентирање на нашиот град. GOLD FELICIA како партнер на клубот ги пречека и угости ракометарите по големиот успех.

Чест е да се биде во победничкиот тим, бидејќи само победници бираат победници. Од почетокот на нашата соработка нижеме само победи. Три трофеи во еден месец стигнаа во Битола.

Нека се множат!

Ракометарите на Еурофарм Пелистер ја одбранија титулата во Суперкупот на Македонија, против лутиот ривал Вардар 1961 со 22-23 (12-12).

Преголема беше желбата да играме во Задар, но ете загубивме на пенали, кажа тренерот на Вардар 1961, Владо Недановски на прес конференцијата по мечот со Нексе .

-Имавме преголема желба, ама загубивме по пеналите кои се лотарија. Сепак, среќен сум дека покажавме дека имаме карактер, се вративме од четири гола дефицит, за да се вратиш во натпрепварот. Докажавме дека можеме да играме против сериозен тим кој играше на „фајналфор“ во Европската лига, еден од петте најдобри тима на Балканот“, изјави Недановски.

Тунискиот ракометар Мохамед Суси е нов член на македонскиот вицешампион Еурофарм Пелистер.

Левиот бек на туниската репрезентација во тимот од Битола пристигнува од францускиот клуб Трембле. Трансферот на Суси ќе се официјализира откако ќе бидат завршени неопходните медицински прегледи.„РК Еурофарм Пелистер ја информира јавноста дека постигна целосен договор со тунискиот репрезентативец Мохамед Суси. До официјализација на трансферот недостигаат само медицинските прегледи кои ракометарот ќе ги реализира утре по пристигнувањето во Македонија. Клубот во текот на утрешниот ден ќе ги обелодени деталите од соработката со новиот свој член“, соопштуваат од клубот.

Кадетската ракометна репрезентација на Македонија го освои првото место на ЕХФ шампионатот кое се одржуваше во Летонија.

Целиот турнир младите ракометари го одиграа на високо ниво, а во финалето беа поуспешни од кадетите на Швајцарија против кои славеа со 24:22.

МВП на финалето беше избран голманот на нашата селекција Брестовац .