Еурофарм Пелистер ја информира јавноста дека тренерот на екипата Рубен Гарабаја поднесе оставка од својата позиција и клубот ја прифати истата. Гарабаја заминува од Битола пред истекот на договорот и клубот наскоро ќе назначи негов наследник.
Со Гарабаја на клупата клубот го освои Суперкупот на Македонија и одигра достоинствени десет натпревари од Лигата на шампионите за сезоната 2025/25. Гарабаја пред заминувањето од клубот и градот ја објасни својата одлука.

Сакам да потенцирам дека по натпреварот со Алкалоид не почувствував поддршка од амбиентот. Очекував реакција во Загреб, но со оглед на тоа што таа реакција не дојде, се одлучив да ја понудам мојата оставка. Сметам дека мое заминување во овој момент ќе предизвика позитивна реакција кај тимот и ракометарите. Сакам да им се заблагодарам на сите ракометари, со кои имам одличен однос, и да им посакам успех во продолжение на сезоната. Голема благодарност до клубот за ова мое искуство и многу среќа во иднина.

РК Еурофарм Пелистер му се заблагодарува на Рубен Гарабаја за професионалноста и му посакува успеси во понатамошниот тек на кариерата.

Ракометарите на Пелистер не успеа да слават во Загреб и да ја искористат големата шанса да останат во трка за едно од местата кои водат во нокаут фазата од Лигата на шампионите. Иако почнаа добро, синоќа во Загреб нашиот првак на крајот беше поразен.

Рубен Гарабаја, стратегот на Пелистер даде своја кратка анализа за мечот.

„Тежок натпревар. Добро го отворивме, и би рекол дека игравме доста добро на дефанзивната страна, но за да победите во натпревар од Лигата на шампионите мора да играте добро на двете страни од теренот, а против Загреб нашиот напад не изгледаше добро. Тоа е дефинитивно нешто на кое ќе треба да работиме и да најдеме начини да бидеме повнимателни, потрпеливи и подобро да се грижиме за топката“, изјави тренерот на Пелистер.

Македонскиот првак Еурофарм Пелистер загуби со 27-23 на гостувањето кај Загреб во десеттото коло на Лигата на шампионите/ Хрватскиот првак беше доминантен во второто полувреме и заслужено ги освои бодовите.

Македонскиот претставник одлично го започна дуелот и водеше со 1-5, но Загреб успеа брзо да се врати и да дојде до 7-7, а до крајот на полувремето обезбеди предност со резултат 14-12. Во продолжението, домаќините набрзина стигнаа до 19-13, а таа предност од плус шест ја имаа неколку пати и не му дозволија на Еурофарм Пелистер да ја врати неизвесноста.

Кузмановски со 7 голови беше најефикасен кај битолскиот тим, додека во редовите на Загреб се истакна Главаш со 10 голови, а одлично второ полувреме имаше и голманот Мештриќ кој имаше 12 одбрани од 24 удари.

Последните четири кола од групната фаза на Лигата на шампионите се играат во февруари и март 2026 година.

Пелистерци го победија Загреб во првиот меч одигран во Битола, но искусниот ракометар на Загреб Јаков Гојун најавува реванш и подобрување на впечатокот во елитното натпреварување.

„Не сакам да кукам и да барам изговори, но не се сеќавам кога екипата имала толку голем број повредени играчи. Во тешка ситуација сме, немаме победа по девет одиграни кола. Верувајте, нам ни е најтешко, затоа што на некои мечеви воопшто немавме среќа.

Во Битола игравме рамноправно, имавме и напад за бод, но на крајот загубивме. Што се однесува до Еурофарм Пелистер, сметам дека тие не се подобра екипа од нас, но имаат четири бода и тоа мораме да го почитуваме.

Верувам дека дојде време среќата малку да ни се насмевне. Овој колектив заслужи да замине на зимските празници со барем еден успешен резултат. Ќе го дадеме нашиот максимум за да победиме и да ги израдуваме навивачите“, изјави Гојун.

Натпреварот помеѓу Загреб и Еурофам Пелистер ќе се одигра в среда од 18:45 часот.

Ракометарите на Вардар веќе го обезбедија своето место во ТОП 16 фазата од ЕХФ Европската лига, но посакуваат на утрешниот последен меч од групната фаза да финишираат со домашна победа. Во Скопје гостува француски Тулуз, а на прес-конференцијата пред натпреварот, тренерот на „црвено-црните“, Иван Чупиќ вели дека Вардар ќе бара победа на секој меч.

„Имавме добра недела со две важни победи против Сесвете и Охрид. Сега ни доаѓа Тулуз, во натпревар без значење, но играме добро, се подготвувме и сакаме да запишеме уште една победа. Да завршиме во оваа фаза без пораз. Сакаме да им покажеме на нашите навивачи како Вардар сака да игра на секој натпревар, а тоа е мотив и за утрешниот меч. Мора да дадеме се од себе, со енегрија, со говор на тело, со позитива меѓу нас“, вели Чупиќ.

Левото крило Марио Стојановски пред новинарите ги истакна и своите очекувања од утрешниот натпревар.

„Анализата е направена. Треба само тоа што го договараме да го спроведеме на терен. Секако дека и против Тулуз ќе одиме на победа“, вели ракометарот на Вардар.

Мечот меѓу Вардар и Тулуз ќе се одигра утре во СЦ „Јане Сандански“ со почеток од 18.45 часот.

Порталот „Хендбол Бејз“, најавува сензационален трансфер во светот на ракометот. Според овој извор, Дика Мем (28), еден од најдобрите играчи во светот, ги прифатил условите што му ги понудиле челните луѓе на Фуксе Берлин. Мем од летото 2027 година ќе стане играч на актуелниот шампион на Германија, за кој игра најдобриот ракометар во светот Матијас Гидсел (26).

И Гидсел и Мем првенствено играат на десната надворешна позиција, но данскиот репрезентативец може да игра и како среден бек, што значи дека овие двајца ќе формираат еден од најсилните тандеми на надворешни играчи во светот на ракометот.

Проектот во Берлин станува уште поимпресивен, ако се знае дека, според најавите од Германија, на Фуксе треба да му се придружи Симон Питлик, левиот бек на Фленсбург и уште една данска мегаѕвезда.

Шпанските медиуми исто така пишуваат дека Барселона се подготвува за иднината без Мем, кој игра за каталонскиот гигант од 2016 година. Шпанците сè уште не наведуваат каде ќе оди Французинот, но се поизвесно е дека тоа е Фуксе.

Минатата година, Фуксе ја освои Бундеслигата за прв пат во историјата под палката на Матијас Гидсел, актуелниот двократен добитник на наградата за најдобар ракометар во светот, додека загуби од Магдебург во финалето на Лигата на шампионите.

Ракометарите на Вардар ја остварија четиринаесетта победа во Супер лигата во исто толку натпревари. „Вардарци“ го совладаа Охрид со 28-26 и со тоа како непоразен останаа на првото место на табелата.

„Црвено-црните“ водство имаа во текот на целото прво полувреме, а единственото изедначување беше 1-1. Вардар најголемата предност ја имаше во 20.минута кога поведе со 12-7, но охриѓани во финишот на првиот дел намалија на 13-14. Вардар и во вториот дел имаше постојано водство, а до +5 (17-22) стигнаа во 45. минута. До крајот на натпреварот „црвено-црните“ ја зачуваа предноста.

Дмитро Хориха со 8 голови беше најефикасен на натпреварот.

Второто дерби на колото се игра утре меѓу првакот Еурофарм Пелистер и Алкалоид со почеток во 19:30 часот.

Еурофарм Пелистер 2 им се врати на победите во домашниот шампионат, откако по поразот од Вардар 1961 во претходното коло вечерва со 30-28 (19-15) го совлада составот на Куманово. За младите пелистерци ова беше еден од најважните дуели во трката за плеј-оф, но момците на Александар Зарков не потпаднаа под притисокот и одиграа уште една солидна партија, која што им донесе значајна победа. По израмнетото нешто повеќе од половина полувреме, во кое двете екипи имаа свои моменти и водството на своја страна, следуваше серија на „зелено-белите“. Во клучните моменти Еурофарм Пелистер 2 го подигна нивото на игра и тоа му донесе предност од четири гола на полувреме (19-15).

Само што почна второто полувреме Еурофарм Пелистер во шестата минута пак имаше предност од четири гола, а потоа Куманово се разигра. Секогаш кога домашните ќе се понадеваат дека се блиску да го скршат отпорот на гостите, тие возвраќаат со голови, па така во 52 минута Куманово намали на 26-25 внесувајќи повторно неизвесност. Дури и со играч помалку постiгнуваа голови, па Ончев намали на 27-26, а потоа израмни на 27-27.

Во последните клучни пет минути од средбата гостите имаа шанса да израмнат при резултат 29-28, но тој удар од крило го одбрани Мартин Јовановски. На неполни три минути пред крај, тренерот на Еурофарм Пелистер 2, Александар Зарко побара тајмаут и имаше напад, кој заврши под „пасивен напад“ но без погодок. Во контра Александар Стојков шутна над стативата, па повторно битолчани беа во напад. Петар Марковски се избори за пенал, а Бен Maхуд го претвори во погодок за 30-28. Ниту ударот на Димевски не стигна до голот, па остана малку време, и Еурофарм Пелистер ја прослави победата.

Мохамед Азиз натпреварот со Куманово го заврши со единаесет постигнати гола, а одличен беше и Шулевски со шест. На спротивната страна по шест погодоци впишаа Тоше Ончев и Бразилецот Густаво Гуедес.

Во следното 15. коло Еурофарм Пелистер 2 гостува кај Охрид.

Македонската женска сениорска ракометна репрезентација денеска во Кавадарци ги почнува подготовките во рамки на ЕХФ неделата. Селекторот Кристијан Грчевски за оваа акција повика 20 ракометарки, а ќе отсуствува само повредената Ива Младеновска.

Ракометарките по мини подготовките во Кавадарци ќе учествуваат на меѓународен пријателски турнир во Анкара, Турција и притоа ќе одиграат три натпревари.

Во периодот од 5 до 7 декември Македонија ќе игра против Словенија, Словачка и домаќинот Турција.