Македонската женска ракометна репрезентација по подолга пауза повторно ќе биде дел од едно големо натпреварување.

Нашата селекција на Европскиот шампионат што ќе се одржи кон крајот на годината и како еден од домаќините мечевите ќе ги игра во Скопје, а сите три натпревари почнуваат во ист термин во 18:00 часот.

Во првиот дуел на петти ноември се среќаваме со Франција, два дена подоцна противник ни е Холандија додека на во последното коло од првата фаза на деветти ќе се соочиме со Романија.

Почетокот на натпреварите во вечерниот термин во Скопје е закажан за 20:30 часот.

Сите три натпревари македонската репрезентација ќе ги игра во А1 арената Борис Трајковски.

Скопје ќе биде домаќин и на една од двете групи во Главната рунда, а овие мечеви се играат во периодот од 11 до 15 ноември додека завршницата и дуелите за медали ќе се игра во Љубљана.

Македонскиот репрезентативец Томислав Јагуриновски е првото засилување на тимот на Пролет 62 за наредната сезона. За одличниот десен бек беа заинтересирани уште неколку екипи, но раководството на Пролет успеа да го убеди Јагуриновски во квалитетот на проектот планиран за наредната сезона, по што на обострано задоволство беше потпишан договор за соработка.

Јагуриновски доаѓа во Пролет од редовите на исландскиот клуб Тор, каде настапуваше во одлична форма под водство на тренерот Стевче Алушовски. Репрезентативецот, кој претходно во кариерата ги бранеше и боите на Металург и на Вардар, а сега се одлучи да настапува за Пролет.

„Презадоволни сме што успеавме да го договориме трансферот на Јагуриновски, македонски репрезентативец со кого ги потврдуваме амбициите за враќање во борбата за висок пласман за наредната сезона. Не се сомневаме дека тој ќе внесе дополнителен квалитет во нашата игра, но и енергија на теренот, нешто што го краси Јагуриновски низ неговата кариера“, изјави директорот на РК Пролет, Сашо Огњеновски.

Томислав Јагуриновски беше дел од македонската репрезентација што оствари голем успех со пласманот на СП 2022.

Денес во просториите на Ракометната федерација на Македонија се одржа извлекување на полуфиналните парови од Куп на Македонија во машка и женска конкуренција.

Полуфинални парови во машка конкуренција:

13.05.2022 17:00 часот РК ЕУРОФАРМ ПЕЛИСТЕР 2 – РК ВАРДАР 1961

13.05.2022 20:00 часот РК БУТЕЛ СКОПЈЕ – РК ЕУРОФАРМ ПЕЛИСТЕР

15.05.2022 19:30 часот ФИНАЛЕ

Полуфинални парови во женска конкуренција:

14.05.2022 14:00 часот ЖРК КУМАНОВО – ЖРК МЕТАЛУРГ

14.05.2022 17:00 часот ЃОРЧЕ ПЕТРОВ ЖРК – ЖРК ЧАИР

15.05.2022 17:00 часот ФИНАЛЕ

Натпреварите ќе се одиграат во салата „Јасмин“ во Кавадарци.

Сега веќе поранешниот македонски ракометен репрезентативец Филип Миркуловски, беше гостин на Агенцијата за млади и спорт , каде беше примен од страна на директорот Наумче Мојсовски кој му врачи признание за особен придонес во афирмација на ракометот.

На средбата помеѓу двата некогашни клупски и репрезентативни колеги беше потенцирано значењето на пласманот на Светското првенство кое пред неколку дена го обезбеди нашиот национален тим.

Македонската ракометна репрезентација во Скопје ги прави и последните подготовки за одлучувачкиот меч со Чешка на патот до СП на стартот на следната година. Селекторот Лазаров, по ремито во Злин вели дека ги чека тежок меч.

„Ние сме задоволни како одигравме, иако можеше многу подобро резултатски. Меѓутоа, по две ноќи, можам слободно да кажам дека Чешка малку нè потцени, без да ги оспорам нашите играчи, напротив сакам да ги пофалам, затоа што дадовме еден екстра квалитетн натпревар, можеби еден од подобрите во изминативе неколку години. Затоа очекувам уште поквалитетна, уште поцврста Чешка и уште поподготвена тактички и стратегиски. Не ме плаши воопшто, меѓутоа треба да бидеме внимателни и сме внимателни засега“, изјави Лазаров.

Дуелот со Чешка се игра денес шред полна арена „Борис Трајковски“ со почеток од 19:00 часот.

Ракометната репрезентација на Македонија, на домашен терен го игра реваншот против Чешка за пласман на Светското првенство во 2023 кое ќе се одржува во Шведска и Полска.

Првиот натпревар во Чешка заврши со нерешен резултат 24:24. Ова ќе биде последен натпревар за Филип Миркуловски во репрезентативниот дрес.

„Ова е мојот последен натпревар во репрезентацијата, и очекувам доста емоции. Ќе се обидеме да завршиме со среќен крај. Да победиме и да се пласираме на Светското првенство“, изјави Миркуловски.

Хавиер Сабате мораше да биде задоволен од конечниот исход на мечот со Македонија. Посебно ако се знае дека неговата селекција имаше негатива од 7 гола разлика.

По нерешениот резултат (24-24) во првиот бараж натпревар за Светското првенство (СП) во 2023 година, шпанскиот стратег го анализираше мечот.

„Македонија и Лазаров не не изненадија со играта. Во денешниот ракомет се се знае, едносавно немаме многу време да бидеме заедно и да тренираме, но сега се се следи. Мислам дека на крајот мора да бидеме задоволни со нерешеното. Во еден момент Македонија имаше седум разлика и ремито за нас е добро. Имавме многу едноставни и технички грешки. Нашата игра во нападот не функционираше и затоа резултатот е добар. Сега мора да се рекуперираме и да одиме во Македонија на победа ако сакаме да играме на СП“, изјави Сабате по натпреварот.

Нашите најдобри ракометари ќе добијат премија од РФМ во висина од 50.000 евра доколку ја елиминираат Чешка во баражот за пласман на Светското првенство во Полска и Шведска во 2023 година.

РФМ веста ја потврди со официјално соопштение лиферувано до медиумите.

Чешка и Македонија првиот меч ќе го одиграа в среда во Злин додека реваншот е закажан за в недела во СЦ „Борис Трајковски“.

Тимур Дибиров, кој речиси цела деценија е дел од скопските „црвено-црни“ јавно потврди дека ова за него е последна сезона во дресот на македонскиот шампион.

„Не знам дали е вистински момент или не, но сакам да објавам кај вас дека ова е мојата последна сезона во дресот на Вардар. Натпреварот со Веспрем беше мој последен во Лигата на шампионите за Вардар. Би сакал да одиме во Битола, да победиме и на тој начин да се збогувам со овој дрес“, вели Дибиров.

Дибиров вели дека за неговата тешка одлука постојат повеќе причини, но не сака да зборува за тоа.

Кирил Лазаров во улога на селектор-играч,  денеска го објави поширокиот список од 35 ракометари за претстојниот двомеч со Чешка за пласман на Светското првенство во Полска и во Шведска од 11 до 29 јануари догодина.

Мечот со Чешка во Злин е на 13 април од 20:15 часот, додека реваншот е на 17 април во Скопје од 19:00 часот.

Конечниот список ќе биде затворен откако ќе се реализира подготвителната програма.