акедонската ракометна репрезентација доби добро познати ривали во квалификациите за Европското првенство во Германија 2024 година. Денешната ждрепка во Берлин ни ги донесе Португалија, Луксембург и Турција во А групата. Двете најдобро пласирани селекции ќе играат на завршниот турнир.

Натпреварите ќе се одиграат од октомври 2022 до април 2023 година.

Квалификациски групи за ЕП 2024:

Група 1: Македонија, Турција, Португалија, Луксембург

Група 2: Србија, Норвешка, Словачка, Финска

Група 3: Чешка, Исланд, Израел, Естонија

Група 4: Украина, Австрија, Романија, Фарски Острови

Група 5: Холандија, Хрватска, Грција, Белгија

Група 6: Швајцарија, Унгарија, Литванија, Грузија

Група 7: Црна Гора, Словенија, БиХ, Косово

Група 8: Полска, Франција, Летонија, Италија

Европското првенство 2024 година ќе се игра во периодот од 12 до 28 јануари 2024 година.

Ракометарите на Еурофарм Пелистер триумфираа на големото суперлигашко дерби во Скопје против екипата на Вардар со 23-24 и го преземаа врвот на табелата во домашниот шампионат. Ова прва победа на Еурофарм Пелистер во Скопје, а истата доаѓа во незгодно време за „црвено-црните“.

Битолчани одиграа одличен меч во кој има апредност од еден гол уште во првиот дел (11-12). Во второто полувреме гостите успеваа да одржат континуирана предност, која на моменти беше и до 3 гола разлика. Вардар успеа да се врати, но не искористи шанса за реми.

Табоада постигна шест гола беше најдобар кај Еурофарм Пелистер, додека Дибиров запиша шест погодоци за Вардар.

Поранешниот тренер на ракометниот клуб Вардар, Веселин Вујовиќ пронајде нов тренерски ангажман.

Вујовиќ ќе се сели во Азија бидејќи се согласи да биде селектор на иранската ракометна репрезентација. Црногорскиот тренер во изминатиов период се споменуваше како најсериозен кандидат за преземање на клупата на женскиот ракометен клуб Подравка од Хрватска, но очигледно дека таа опција нема да се реализира.

„Можам да потврдам дека постигнав договор со иранската ракометна федерација и од април ќе бидам селектор на нивната репрезентација“, изјави Вујовиќ.

Ракометната репрезентација на Македонија, ги одржува последните тренинзи пред бараж натпреварите против селекцијата на Романија. Првиот дуел со Романците е закажан за четврток во Скопје, а реваншот ќе се игра два дена подоцна во Букурешт.

Селекторот на репрезентацијата, Лазаров, ги има на располагање сите повикани ракометари, но радува фактот што и самиот Лазаров е подготвен за настап на теренот. Свое мислење и очекување за баражот даде и репрезентативниот бек Филип Талески.

„Нема да биде исто како на Европското првенство во Унгарија. Сега ќе бидеме покомплетни, бидејќи во тимот ќе ги имаме Кире Лазаров, Маркоски и Стоилов. Романија ни е познат противник и добро знаеме каков квалитетен селектор е Чави Пасквал. Верувам дека претстојните натпревари ќе ги одиграме максимално подготвени и очекувам пласман на СП“, изјави Филип Талески.

Македонскиот ракометен шампион Вардар 1961, го промовира првото засилување за наредната сезона. Нов член на тимот од Скопје ќе биде десниот бек на Хановер, Словенецот Нејц Цехте.

Договорот на 29-годишниот Цехте со Вардар е на една година, но со можност на продолжување на соработката. 

Играчот е репрезентативец на Словенија и последниве две сезони е соиграч на Филип Кузмановски во бундеслигашот Хановер.

Португалецот Вилсон Дејвис е најново засилување за екипата на Еурофарм Пелистер. 

33-годишниот Дејвис игра на позицијата среден бек, а според договорот тој ќе остане во битолскиот клуб во наредните две години.

Вилсон Дејвис во Еурофарм Пелистер доаѓа од францускиот клуб Иври, а претходно има настапувано за екипите на Нант, Сесон Рен и Данкерк.

Регионалната СЕХА лигата во ракомет, го прекинува натпреварувањето и нема да продолжи во наредниот период. 

Раководството на СЕХА претходно најавуваше дека натпреварувањето ќе продолжи според планираното, меѓутоа на последниот состанок на Извршниот комитет е решено лигата да биде прекината на неодредено време, и дека за сите дополнителни промени ќе има навремено известување.

Главен спонзор на лигата е руската компанија Газпром, а Македонија оваа сезона имаше два претставници во истата, Вардар 1961 и Еурофарм Пелистер.

Ракометниот клуб Металург од Скопје, официјално е исфрлен од Суперлигата поради тоа што екипата не пријави играчи за настап во плеј-аут разигрувањето. Со ова поранешниот шампион на Македонија, и автоматски е префрлен во најнизок ранг на натпреварување.

Проблемите на Металург траат веќе подолго време, а тие се претежно од финасиска природа, поради што голем дел од играчите кои настапуваа за екипата го напуштија клубот или заминаа на позајмици.

Металург има шест шампионски титули во домашното првенство, а на два пати беше и четвртфиналист во ракометната Лига на шампиони.

Вардар постигна договор за првото засилување за наредната сезона станува збор за Словенецот, Најц Цехте (29).

Цехте во Вардар доаѓа од редовите на Хановер каде што на крајот на актуелната сезона му завршува договорот, па ќе биде слободен да дојде во Скопје. Цехте е дете на Горење Велење каде што играше од 2013 до 2018 година, а потоа направи трансфер во Германија.

Доаѓањето на Цехте во Вардар веројатно значи заминување на некои од акутелните десни бекови на Вардар. Во овој момент таму играат Кевин Њокас и Куни Моралес, некој од нив најверојатно заминува.

Ќе потсетиме Вардар откако денес беше запишана службената победа против Мотор го обезбеди местото во четвртфиналето.

Европската ракометна федерација (ЕХФ) објави дека ги суспендирала репрезентациите на Русија и Белорусија, како и руските и белоруските клубови кои се натпреваруваат во европските ракометни натпреварувања.

Со оглед на воената ситуација во Украина и препораките на Меѓународниот олимписки комитет, Извршниот комитет на Европската ракометна федерација вечерва одржа вонреден состанок.

13 членови ги донесоа следните одлуки:

-Репрезентациите на Русија и Белорусија, како и руските и белоруските клубови кои се натпреваруваат во европските ракометни натпреварувања веднаш се суспендирани. Ова важи до понатамошно известување и се однесува на сите тековни натпреварувања на клупско и репрезентативно ниво.

Судиите и официјалните лица од Русија и Белорусија нема да бидат номинирани за идните натпревари до дополнително известување. Предавачи и членови на комисиите од Русија и Белорусија нема да бидат поканети на идните состаноци и активности.