Голманот Калифа Гедбан, кој беше дел од екипата на Вардар при освојувањето на втората шампионска титула во Лигата на шампионите 2019 година , следната сезона ќе ги брани боите на Еурофарм Пелистер. Алжирскиот голман Гедбан повторно ќе настапува во Лигата на шампионите, но овој пат во дресот на битолскиот тим.

Еурофарм Пелистер преку официјално соопштение го промовира Гедбан. Голманот веднаш ќе му се приклучи на тимот во Маврово, откако во наредните денови ќе пристигне во Македонија.

„Ни претставува задоволство што во нашиот тим во иднина ќе настапува уште еден европски шамшион. Алжирскиот репрезентативец и долгогодишен учесник во Лигата на шампионите, Калифа Гедбан е нов голман на Еурофарм Пелистер! 26-годишниот голман на алжирската репрезентација доаѓа како слободен ракометар, а последната сезона ја помина во првакот на Романија и учесник во Лигата на шампионите, Динамо Букурешт. Гедбан потпиша договор на една сезона, со опција за уште една. Калифа ќе им се приклучи на Урбан Лесјак и Марко Кизиќ на голманската позиција во нашиот клуб.Гедбан е висок 200 сантиметри, а тежок 110 килограми и веќе пет сезони е дел од европскиот ракомет. Две сезони мина во Вардар 1961 и стана шампион на Европа. По добрите настапи во Македонија се пресели во култниот шпански клуб Адемар Леон, а неговите добри настапи му донесоа трансфер во Динамо Букурешт. Во последните две сезони со успех го носеше дресот на романскиот гигант. Калифа Гедбан деновиве доаѓа во Македонија и веднаш ќе му се приклучи на екипата на подготовките во Маврово. Неговото официјално претставување е предвидено на почетокот од месец август. Алжирскиот голман е шесто засилување на Еурофарм Пелистер оваа сезона по Цехте, Борзаш, Нилсен, Петровиќ и Ѓорговски“, стои во соопштението на клубот. 

Гедбан е шесто ново име во таборот на „зелено-белите“. Претходно Еурофарм Пелистер ги доведе Цехте, Борзаш, Нилсен, Петровиќ и Ѓорговски. Во новата сезона пелистерци се враќаат во Лигата на шампионите откако станаа прваци на Македонија. Во елитното натпреварување битолчани се во групата А со екипите на ПСЖ, Киелце, Кил, Алборг, ПИК Сегед, ППД Загреб и Колштад.

Македонските ракометни преставници во женска конкуренција, ЖРК Ѓорче Петров, Куманово и Чаир, ги дознаа своите противници во второто коло од Европскиот куп. Во пресрет на ждрепката само шампионот ЖРК Ѓорче Петров ја имаше улогата на носител и за противник го доби тимот на Тиват од Црна Гора.

ЖРК Куманово, пак, кој во ова натпреварување влегува како вицешампион на Македонија, ќе игра двомеч со Херцогенбухсе од Швајцарија. Последниот наш тим, ЖРК Чаир, ќе одигра двомеч со холандскиот тим Венло. 

ЖРК Чаир и ЖРК Куманово своите први натпревари ги играат на домашен терен, додека ЖРК Ѓорче Петров прво ќе гостува во Црна Гора.

Првите натпревари од второто коло се закажани за 23 и 24 септември, додека реваншите се седум дена подоцна.

Стефан Трпчевски се врати во Битола и потпиша договор со Еурофарм Пелистер 2.

26-годишниот ракометар потекнува од школата на битолскиот и се враќа во Битола по неколку интернационални искуства. Во претходните неколку сезони играше за шпанскиот Бургос, финскиот БК-46, израелскиот Хапоел Кирјат Оно и грчкиот Фаикас Корфу.

Трпчевски во македонскиот ракомет ги бранеше боите на Пелистер, Вардар Јуниор, Вардар, Охрид, Струга и Тиквеш.

Трпчевски ќе се јави на прозивката на тренерот Михаил Петровски на 24 јули, а официјално ќе биде претставен во август оваа година.

РК Прилеп официјално го потврди Божидар Мојсов како нов тренер на тимот. Поранешен помошен тренер на актуелниот шампион Еурофарм Пелистер следната сезона ќе биде на клупата на прилепчани.

Мојсов богата кариера ја започна како помошен тренер уште со формирањето на Еурофарм Работник и ја продолжува со спојувањето на “Пелистер” и нивните бројни успешни пласмани во македонската суперлига. Своето искуство го надополнува и со бројни настапи во европската лига и СЕХА лигата.

Денеска во Виена беа извлечени групите за новата сезона од ракометната ЛИГА НА ШАМПИОНИ.

Македонскиот шампион и наш претставник во Лигата на шампиони Еурофарм Пелистер, ќе настапува во група А, заедно со гигантите Киелце, ПСЖ, Кил, Загреб, Алборг, ПИК Сегед и Колштад.

Натпреварите од новата сезона во ЛШ започнуваат на 13 и 14 септември.

Ракометниот суперлигаш Тиквеш следната сезона ќе биде наш претставник на меѓународна сцена, денеска донесе уште едно засилување. Станува збор за Обина Ани, интернационалец и репрезентативец на Нигерија.

Управата на кавадарчани периодов засилено работи на комплетирање на ростерот за следната сезона, како со обновување на договорите на актуелните играчи, така и со доведување на адекватни засилувања кои ќе го кренат квалитетот на екипата на едно сосема друго ниво.

Андреас Јохан Нилсен потпиша договор на една сезона со Еурофарм Пелистер со опција за продолжување за уште една ако двете страни дадат согласност. 25-годишниот дански кружен напаѓач доаѓа во Македонија од данскиот прволигаш Морс, висок е 198 сантиметри, тежок 107 килограми и со своите настапи во земјата на светскиот првак во последните неколку години значително се наметна.

Пред да дојде во Морс, Нилсен го носеше дресот на Нордсјеланд, а има свои настапи и во младинските категории на данскиот национален тим.

„Особено задоволство ни е што покрај Кисум, нашиот дрес ќе го носи уште еден дански ракометар во сезоната 2023/24, незаборавајќи ги убавите денови кои во нашата земја ги минаа Себастијан Хенеберг и Ларс Валтер“, соопштија од битолскиот клуб.

Официјалното претставување на Нилсен е предвидено по почетокот на подготовките во Битола.

Талентираниот српски лев бек Стефан Петриќ во следните две сезони ќе биде член на РК Вардар 1961. Повеќекратниот првак на Македонија и актуелен освојувач на Купот, донесе засилување кое во иднина треба да биде еден од играчите со кои почнува освежувањето на тимот и создавање на екипа која ќе настапува в година.

Петриќ доаѓа е екипата на Партизан каде досега настапуваше и ова ќе биде негово прво интернационално искуство. Тој е дел од младинската репрезентација на Србија и настапуваше и на СП за играчи до 19 години што беше во Македонија.

Тој е син на поранешниот играч на Вардар, Владимир Петриќ кој во својата кариера ја заврши токму во дресот на „црвено-црните“.

Наскоро ќе следуваат и нови засилувања и потврда на играчите што ќе настапуваат во иднина во Вардар.

Ракометниот клуб Еурофарм Пелистер објави дека се договори за продолжување на договорот со 19-годишниот Петар Атанасијевиќ.

Репрезентативното лево крило со новиот договор се обврза дека ќе остане во екипата до јуни 2026.година. Младиот ракометар изрази големо задоволство од фактот што останува во таборот на битолчани и дека својата кариера и понатаму ќе ја гради во Еурофарм Пелистер.

„Да се игра во еден ваков клуб и со вакви играчи е голема чест. Догодина се надевам дека ќе напредуваме и пак ќе се се радуваме на трофеи. Секоја чест на екипата за победата над Вардар. Сите дадовме максимумот, и тие кои играа и тие кои не добија шанса. Се гледам во овој клуб и во иднина, и во наредните години. Млад сум и има уште многу време за мене и како ракометар и како личност“, изјави Атанасијевиќ.

Еурофарм Пелистер е лидер на табелата во домашното првенство со големи шанси за освојување на шампионската титула.

Салата „Билјанини извори” во Охрид од 11 до 13 мај ќе биде домаќин на завршницата од ракометниот Куп на Македонија.

Трофеите ги бранат Вардар во машка и Металург во женска конкуренција.

Охрид беше домаќин и на Суперкупот кој го освои битолски Пелистер.

Полуфиналните натпревари во машка конкуренција ќе се играат на 11 мај во женска, односно 12 мај во женска конкуренција. Финалињата се во сабота, 13 мај.