Во конечниот список на играчи кој го објави селекторот на хрватската ракометна репрезентација, Хрвоје Хорват, не се најде името на Игор Карачиќ.

Имено, тој се наоѓа на листата со резерви, кои би биле повикани за настап, доколку се случат проблеми со повреди или со ковид во екипата.

Местото на среден бек во репрезентацијата ќе го пополнат Домагој Дувњак, Лука Циндриќ и играчот на Вардар 1961, Анте Гаџа.

Хрватската репрезентација на ЕП е во група со Франција, Србија и Украина.

Тимот на Вардар остана без еден од ракометарите кои пристигнаа минатото лето, Хрватот Анте Кудуз се враќа во Динамо Букурешт.

Кудуз уште во првиот ден од 2022 година ќе биде ракометар на Динамо од каде и што дојде во Вардар. Пред доаѓањето Кудуз беше избркан од станот во Романија кога клубот дознал дека се договорил со Вардар, а сега изјави дека се враќа во неговиот втор дом и ќе игра пред најдобрата публика во светот.

Сезоната во Вардар Кудуз не ја започна лошо, но потоа дојдоа некои повреди и не успеа да ги прикаже очекуваните настапи. За настапите за Вардар постигна вкупно 13 голови.

Недим Ремили има скршеница на стапалото и нема да биде дел од ракометната репрезентација на Франција на престојното Европско првенство. Сепак, покрај него, стручниот штаб на францускиот ракометен тим има нов проблем – ковид 19.

Никола Карабатиќ, Беноа Кункуд и Јанис Лен ќе го пропуштат почеток на подготовките на „триколорите“ бидејќи се позитивни на Ковид-19. На почетокот на подготвителниот циклус ќе отсуствува и голманот на ПСЖ, Винсент Жерар, поради семејна трагедија.

Селекторот на францускиот тим веднаш направи промени во ростерот, па дополнително ги повикал голманот Весли Пардин, десното крило на Монпеље, Жилиен Бос и левиот бек на Нант, Тибо Бри.

Македонската ракометна репрезентација, денеска и официјално ги започна подготовките пред настапот на Европското првенство во Унгарија и Словачка.

Пред заминувањето за Маврово каде ќе се одработи првиот дел од подготовките, свое видување за нивниот настап даде и голманот Мартин Томовски.

„Сакаме да извлечеме поука од лошите партии на Светското првенство во Египет и да покажеме дека вредиме. Направивме добра анализа и со нова енергија и нов селектор ќе заминеме на Европското првенство, за кое верувам дека ќе биде позитивно.Ќе бидеме посветени и ќе работиме максимално. Нашите ривали во групата се доста квалитетни и ни се познати од порано. Како фаворит би ја издвоил Данска, но тешки противници ќе бидат и Словенците. Верувам дека со добри подготовки ќе прикажеме квалитетни ракометни партии“, изјави Томовски.

Најдобриот македонски ракометар и сегашен селектор на македонската ракометна репрезентација, Кирил лазаров, додаде уште еден трофеј во својата неверојатна збирка. 

Имено Лазаров со својот Нант, е победник на Лига Купот на Франција, со кого претходно го освои и Суперкупот.

41-годишниот Лазаров сеуште игра во извонредна форма и даде огромен придонес во победата, постигнувајќи го одлучувачкиот гол во самиот финиш на средбата.

Овај трофеј е вкупно 56-ти во богатата кариера на легендарниот Лазаров.

Селекторот на машката ракометна репрезентација, Кирил Лазаров, го објави списокот со ракометари кои ќе ги започнат подготовките за претстојното Европско првенство во Унгарија и Словачка.

Македонската репрезентација своите подготовки за настап на ЕУРО 2022  ќе ги започне на 22.декември 2021.

Првиот дел од подготовките, нашите ракометари ќе го одработат во Маврово каде ќе одиграат два контролни натпревари против селекцијата на Кувајт. За вториот дел од подготовките кои ќе се одржат во Скопје, закажани се контролни средби против репрезентацијата на Израел.

Македонија на Европското првенство 2022 ќе се натпреварува во А групата, против селекциите на Словенија, Данска и Црна Гора.

Ракометарите на Вардар денес гостуваат во Хрватска против ППД Загреб во рамките на Лигата на шампионите.

Тренерот Веселин Вујовиќ вели дека ова ќе биде натпревар кој, како што рече „и тие и ние мораме да го добиеме“, бидејќи преку него ќе ги зголемиме шансите за пласман во осминафиналето.

„Нè очекува Загреб, една млада екипа која е комбинирана со искусни играчи, во прв ред Гојун, Муса, Чупиќ. Младите играчи навистина многу напредуваат, тука се Црнак, Радица, Вистороп. Ќе биде навистина тежок натпревар, доаѓаме и двата тима од некои позитивни ситуации, тие одиграа одлично во Монпелје, ние во Кил. Ова ќе биде натпревар кој и тие и ние мораме да го добиеме, бидејќи преку него ќе ги зголемиме шансите за пласман во осминафиналето“, изјави Вујовиќ.

Тренерот на „црвено-црните“ смета дека Вардар ја подигна играта.

„Мислам дека Вардар се крена, дека Вардар игра добро и дека дојдовме до моментот да играме натпревари кои се близу нашиот квалитет, Загреб, Мешков, Елверум и дека преку тие натпревари ќе извлечеме добар резултат и ќе ја оствариме целта, а тоа е пласман во следната рунда“, изјави Вујовиќ.

Ова е второ гостување во низа за Вардар, кое носи бодови важни за двата тима, а дуелот е закажан за вечерва во 20:45 часот.

Тренерот на ракометниот клуб Вардар, Веселин Вујовиќ, предупреди на големиот број повредени играчи во неговиот тим пред дуелот со унгарскиот ПИК Сегед во рамките на Лигата на шампиони.

Вујовиќ е со мислење дека и покрај големиот број на играчи кои ќе недостасуваат во екипата, Вардар мора да слави победа и да ја прекине низата од 4 порази по ред.

„Ситуацијата во тимот во однос на здравствениот билтен е катастрофална. Дибиров поради вироза е надвор од тимот и не знаеме кога ќе се опорави. Мишевски и Куни имаа еден судир и исто така се во аут. Повреден е и пикерот Тото кој се наметна како важен играч во екипата, додека Столе и Кудуз се неизвесни за настап“, изјави Вујовиќ.

„Ова е натпревар кој мора да го добиеме. недозволиво е да имаме пет порази по ред. Ќе мора да одиграме цврсто, натпревар со малку постигнати голови повеќе ни одговара“, потенцира вардаровиот тренер.

Женската сениорска ракометна репрезентација на Македонија синоќа во Скопје го имаа првиот собир во рамките на ЕХФ неделата.

Селекторот Љубомир Савевски минатата недела го објави списокот на повикани ракометарки за претстојниот собир во чии рамки ќе одиграме два контролни пријателски натпревари против репрезентацијата на Србија во Стара Пазова, Србија.

Натпреварите се закажани за 27.11.2021 (сабота) и 29.11.2021 (понеделник).

Шпанската ракометна репрезентација ќе настапи без еден од најдобрите ракометари на Европското првенство кое ќе се одржи во Словачка и Унгарија. 

Поранешниот играч на Вардар, Алекс Душебаев објави дека се здобил со повреда на рамото и нема да настапи за Шпанија во одбрана на европското злато.

Душебаев својата повреда ја заработи уште за време на Олимпијадата во Токио но сега лекарите му препорачале пауза од 6 недели и започнување со рехабилитација.