Шпанија, Португалија и Швајцарија поднесоа заедничка кандидатура за организација на Европското првенство (ЕП) во ракомет во машка конкуренција во 2028 година, објави Европската ракометна федерација (ЕХФ).

Трите земји ги споија во едно кандидатурите, откако претходно Шпанија и Португалија излегоа со заедничка кандидатура, додека Швајцарија поднесе кандидатура за ЕП 2026 и ЕП 2028.

Прифаќајќи ја заедничката кандидатура на Шпанија и Португалија за ЕП 2028, Швајцарија ги повлече своите кандидатури за завршните турнири во 2026 и 2028.

Трите земји во заедничката кандидатура, меѓу друго, како место за одигрување на завршните натпревари на првенството го наведао стадионот на фудбалскиот гигант Реал, „Сантијаго Бернабеу“.

Одлуката за организација на ЕП 2028 ќе биде донесена на 20 ноември во Виена.

Тренерот на Вардар, Веселин Вујовиќ пред натпреварот истакна дека домаќинот нема да ги повтори грешките од Скопје, но и дека Вардар нема да излезе на терен со „бело знаме“.

„Ќе биде многу поразличен натпревар од тој што го одигравме во Скопје. Ние успеавме да ја успориме нивната игра, да не трчаме многу и тоа ни донесе резултат, односно победа. Но, тие сега Алборг сигурно нема да ги повтори грешките од Скопје. Нивниот контранапад е многу поопасен од нашиот. Нам ни недостасува Борко, кој има мали здравствени проблеми, но тука е Сафар да го замени. По мечот со Монпелје бевме загрижени, затоа што јавноста и ние самите очекувавме многу повеќе. Но, на тој натпревар се покажа дека во Европа се игра квалитетен ракомет и дека нема лесни противници. Вардар мора уште многу да направи и да работи за да може да се надигрува со најдобрите. Ние не патуваме со бело знаме, мораме да веруваме во себе и еден добар меч во Алборг ќе ни биде од големо значење за важниот натпревар со Кил во Скопје“, рече Вујовиќ.

По четири одиграни кола во Лигата на шампионите,  Вардар се наоѓа на делба на третата позиција во групата со пет бода, колку што имаат ПИК Сегед и Монпелје.

Анте Кудуз по неколкунеделната пауза поради повреда се врати во тимот и ќе биде во составот на Вардар за утрешното гостување на македонскиот шампон кај Алборг.

Хрватскиот бек верува дека поразот од Монпелје во претходното коло може да делува позитивно за нив, а смета дека Алборг ќе биде мотивиран за реванш по поразот во Скопје.

„Знаеме дека Алборг ќе бара реванш за поразот од Скопје. Ќе биде интересно, ние доживеавме еден ладен туш против Монпелје и можеби на крај да испедне позитивно што добивме една таква „шлаканица“ за да се разбудиме. Сигурно овој меч ќе биде многу поразличен од оној во Скопје. Верувам дека тие сега се подобро подготвени, а ние добро знаеме како играат, па затоа сметам дека нема да има многу тактички изненадувања, секако очекувам еден цврст и борбен натпревар“, истакна Кудуз.

Натпреварот меѓу Алборг и Вардар е закажан за утре (среда) во 18:45 часот. Во однос на составот, ќе недостасува единствено Борко Ристовски кој пријавил здравствени проблеми. По четири одиграни кола во Лигата на шампионите,  Вардар е на делба на третата позиција во групата со пет бода, колку што имаат ПИК Сегед и Монпелје.

Еурофарм Пелистер ќе дебитира во групната фаза на ЕХФ Лига Европа сезонава против француски Ним на 19 октомври во 20:45 часот. Дуелот во спортската сала „Боро Чурлевски“ ќе го водат австриските судии Денис Болиќ и Кристоф Хурич. Овие судии последен пат им судеа на битолчани во Шведска во групната фаза на Лигата на шампионите пред две години. На тој дуел во „Пертиле Арена“, Еурофарм Пелистер загуби од Савехоф со 25-24.

Делегат на Европската ракометна федерација (ЕХФ) ќе биде Ајберк Дилмерг од Турција. 

Сезонските билети по цена од 1.000 денари за петте домашни натпревари веќе се пуштени во продажба, а деновиве ќе биде означен почеток и на продажбата на поединечните билети за натпреварот против Ним. 

Вардар утре го очекува натпревар со Монпелје во рамките на Лигата на шампионите, а овој дуел се игра утре од 20:45 часот во СЦ „Јане Сандански“, и е дел од четвртото коло во групата А.

Пред овој натпревар тренерот Веселин Вујовиќ рече дека ќе може да смета на сите ракометари и до последен момент ќе размислува со кој состав ќе излезе на мегдан против Монпелје.

„Имам високо мислење за Монпелје. Сметам дека е историски тим, кој е достоен за респект. Ќе биде исклучително тежок натпревар и ќе нѝ биде потребна сета помош, особено од навивачите. Вардар е во одличен момент досега нема пораз во Лигата на шампионите, а имам проблем да изберам со кои 16 ќе истрчаме утре затоа што за првпат немаме проблеми со повреди и сите ги имам на располагање. Вардар е за првпат фаворит на еден меч, иако знаеме дека не чека тежок и интересен дуел. Одбраната секако повторно ќе биде клучна. Тешко е да добиете натпревар на кој ќе постигнете само 24-25 гола. Наша цел е да играме силна одбрана и тоа да ни овозможи да немаме паника во нападот. Ни помага тоа што и голманите беа на нивото изминатите неколку натпревари“, изјави Вујовиќ.

Досега Вардар и Монпелје имаат одиграно три натпревари во кои „црвено-црните“ имаат две победи и едно реми. Средбата се игра во СЦ „Јане Сандански“ од 20:45 часот.

Вардар ја запиша првата победа во Лигата на шампионите, совладан е Мешков Брест со резултат 35:27, а на полувреме „црвено-црните“ водеа со 19:13.

Веселин Вујовиќ по натпреварот изјави дека е среќен за победата, велејќи дека со Комити се е поинаку и полесно.

„Се плашев од овој меч, затоа што знам каква екипа е Мешков и многу ја ценам. Ние го отворивме дуелот доста мотивирано, ни помогнаа неколку сјајни одбрани на Томовски и атмосферата од трибините. Така бевме носени со таа енергија, нашите шутери беа расположени и тоа беше тоа. Кога променија во таа фаза 5-1, морав да менувам со Дибиров и Гаџа некоја тактика во средината затоа што браќата Њокас уште не се воиграни. Сепак, морам да потенцирам дека Мешков Брест има повредени играчи и ние ја искористивме таа ситуација. На противникот му посакувам среќа во наредните натпревари“, изјави Вујовиќ по натпреварот.

Ракометарите на Вардар в среда во Скопје го пречекуваат Мешков Брест во вториот меч сезонава во Лигата на шампионите. На прес-конференцијата пред мечот, за очекувањата зборуваше првиот човек на клупата на „вардарци“, Веселин Вујовиќ.

“Едно е сигурно, а тоа е смртта, а се друго е релативна работа. Не сакам да се жалам, но во последните сеудм дена одигравме четири меча, и ако ги сметаме Мешков Брест и Еурофарм Пелистер, тоа ќе бидат шест за 14 дена. Вардар во овој момент нема капацитет за толкав број на натпревари. Но ајде да не биде се црно. Како што знам и Мешков има проблеми со повредени играчи. Кудуз не верувам дека ќе може да ни помогне ниту со Мешков Брест. Ние во псоледните седум дена не направивме два нормални тренинзи. Ние немаме уште еден среден бек, а за да пробам некој од другите ракометари нема време. Треба да се надминеме себе за да го победиме Мешков. Тие имаат сигурен клуб, буџет, можат да носат сериозни играчи, иако сите знаеме дека се се врти околу Скубе. Ние без навивачи во сала не сме Вардар. Колку од “Комити” ќе дојдат не знам, но секако би ни значело да бидат во голем број”, вели Вујовиќ.

Долговечното десно крило на француската ракометна репрезентација Лук Абало, својата кариера ќе ја продолжи во Јапонија. Со 37 години донесе интересна одлука и ќе стане нов играч на Зеекстар Токио.

Абало исто така изненадувачки минатата сезона ја помина во норвешки Елверум, а пред тоа настапуваше за Иври, Сиудад Реал, Атлетико Мадрид и ПСЖ. Освои се што може да се освои во ракометот, а за француската репрезентација заигра 286 пати и постигна 854 погодоци.

Од репрезентацијата се повлече откако со неа годинава баш во Токио го освои своето трето олимписко злато и вкупно четврт олимписки медал.

Вардар пред стартот на Лигата на шампионите обезбеди две големи имиња како нови засилувањата. Наместо да играат за Металург, каде потпишаа пред неколку месеци, француските браќа Оливие и Кевин Њокас ќе играат кај црвено-црните.

Од страна на управата на Вардар веќе биле поднесени барања за сертификати, а сите други формалности за трансферот биле веќе средени. Вардар ги уплатил и парите за late entry трансфери, па останува само да се официјализира трансферот.

Тие ќе можат да настапуваат за Вардар во сите натпреварувања. Со нив тренерот Веселин Вујовиќ добива конкуренција која му е потребна во бековската линија. Оливие ќе им се придружи на Кудуз и Талеси, додека Кевин на позицијата десен бек ќе биде конкуренција на Гурбиндо и Моралес.

Ракометната федерација на Македонија го именува Љубомир Савевски за селектор и координатор на националните селекции во женска конкуренција.

Љубомир Савевски функцијата Координатор на националните женски селекции ја извршување во период јуни – август 2021 година на Шампионатите кои се одржуваа во Скопје и Клаипеда, каде имаше извонреден успех со генерацијата У-17 кое се одржуваше во Литванија, освојувајќи го првото место, објави РФМ.

Според новиот договор Савевски започнувајќи од септември 2021 година функцијата за која е именуван ќе ја извршува за период од две години.