Тунискиот ракометар Мохамед Суси е нов член на македонскиот вицешампион Еурофарм Пелистер.

Левиот бек на туниската репрезентација во тимот од Битола пристигнува од францускиот клуб Трембле. Трансферот на Суси ќе се официјализира откако ќе бидат завршени неопходните медицински прегледи.„РК Еурофарм Пелистер ја информира јавноста дека постигна целосен договор со тунискиот репрезентативец Мохамед Суси. До официјализација на трансферот недостигаат само медицинските прегледи кои ракометарот ќе ги реализира утре по пристигнувањето во Македонија. Клубот во текот на утрешниот ден ќе ги обелодени деталите од соработката со новиот свој член“, соопштуваат од клубот.

Кадетската ракометна репрезентација на Македонија го освои првото место на ЕХФ шампионатот кое се одржуваше во Летонија.

Целиот турнир младите ракометари го одиграа на високо ниво, а во финалето беа поуспешни од кадетите на Швајцарија против кои славеа со 24:22.

МВП на финалето беше избран голманот на нашата селекција Брестовац .

Рускиот ракометар Тимур Дибиров кој беше член на Вардар девет години, во новата сезона ќе игра за хрватскиот шампион ППД Загреб.

Дибиров откако пристигна во Загреб за медиумите открил дека пред да ја донесе одлуката за новиот клуб имал разговор со неговиот поранешен соиграч од Вардар Иван Чупиќ кој успеал да го убеди да му се придружи во ППД Загреб.

„Кога добив повик од Чупиќ и ми објасни за плановите на клубот, решив да бидам дел од проектот на ППД Загреб. Верувам дека екипата има сили за да биде конкурентен со сите противници во Лигата на шампионите“, изјави Дибиров.

Голманот на македонската ракометна репрезентација, Мартин Томовски, одлучи и во наредната сезона да остане во РК Вардар 1961.

Томовски е член на Вардар од минатата година и беше еден од најзаслужните поединци во тимот кој успеа да ја освои дуплата круна во македонскиот ракомет.

Иако се очекуваше Томовски да го напушти скопскиот клуб со оглед на казната од ЕХФ со која му се забрани на Вардар да настапува во Лигата на шампиони, сепак тој одлучи да остане во црвено-црниот дрес и во следната сезона.

Македонскиот ракометар Дарко Димитриевски својата кариера ја продолжува во шпанскиот клуб Ваљадолид.

Димитриевски во Ваљадолид доаѓа од Германија, каде претходната сезона настапуваше за Емстеден, клуб кој се пресели во третата Бундес лига.

Тренер на нашиот играч во Ваљадолид ќе му биде поранешниот предводник на Вардар Давид Писонеро, а негов клупски колега ќе биде уште еден Македонец, Димитар Димитриоски.

Еден од најдобрите играчи на ракометниот клуб Вардар 1961, Тимур Дибиров ја прекина соработката со клубот и потпиша договор за настап во хрватскиот шампион ППД Загреб.

Откако соработката со тимот од Загреб и официјално беше објавена, Русинот Дибиров се огласи на социјалните мрежи и упати емотивна порака за збогување до клубот Вардар и фановите.

„ Драги пријатели,веројатно треба да има текст за многу страници, затоа што сакам да ви се заблагодарам на секој од вас, ви благодарам што ми го дадовте чувството да се биде дома, за поддршка, љубов и верба во мене!Ми беше голема чест да го носам дресот на Вардар и горд сум што сум дел од семејството!Сакам да Им се заблагодарам на Македонија,Скопје, Комити, навивачите,Сергеј Самсоненко, сите играчи и вработени во клубот, вие сте засекогаш во моето срце“стои во пораката на Дибиров.

Ракометарите на Вардар и на Еурофарм Пелистер ќе се разминат во полу-финалето на СЕХА лигата доколку обезбедат место на завршниот Ф4 турнир кој ќе биде одигран во Задар.

„Црвено-црните“  во последниот елиминациски филтер на 23 август ќе бидат домаќини на хрватскиот состав Нексе додека битолчани на 25 август ќе се соочат со Мешков Брест во салата – „Боро Чурлевски“.

Двојки за полу-финалето: Татран Прешов – Веспрем/Еурофарм Пелистер – Мешков Брест и Вардар – Нексе Нашице/Војводина – Загреб.

Легендарниот ракометен голман, Петар Ангелов е промовиран во нов тренер на Струга, информираат од овој клуб.

Ангелов своето деби како тренер на Струга ќе го има на 50.издание на познатиот ракометен турнир кој се одржува во овој град на средината на август. Тој на оваа позиција доаѓа од Вардар Неготино каде имаше улога на играч и тренер.

Во својата кариера Ангелов има брането за Тиквеш, Пелистер, Вардар и Металург, но има настапувано и надвор од нашата земја и тоа во Трембле од Франција, Анталија, Кремс и германскииот Ратинген.

Ракометарот Тимур Дибиров во наредната сезона нема да настапува за екипата на Вардар 1961, бидејќи ја прифати понудата својата кариера да ја продолжи во тимот на ППД Загреб.

Веста дека Дибиров ќе го напушти Вардар стана актуелна откако скопскиот клуб доби казна од ЕХФ со која нема право на учество во Лигата на шампионите за наредната сезона.

Дибиров кој е играчка легенда на Вардар, во новиот клуб Загреб ќе настапува со поранешните соиграчи од Скопје, Вуко Борозан и Иван Чупиќ.