Роберто де Зерби на крајот од сезоната го напушти Брајтон и со тоа стави крај на одличниот период во клубот од јужна Англија.

Италијанскиот струaтег е минато, а сегашноста и иднината на Брајтон е 31-годишен тренер кој пристигнува од Германија и за кого никој не ни помислуваше дека ќе добие прилика во Премиер лигата во овој момент.

Станува збор за Фабијан Хирцелер. Германските и британските медиуми пренесуваат дека двете страни веќе имаат вербален договор и преостанува само уште да се договорот клубовите што не би требало да претставува проблем.

Хирцелер привлече внимание откако сезонава успеа Сент Паули да го внесе во Бундеслигата.

Хрватскиот голман Марин Шего става крај на кариерата. Последниот натпревар Шего го бранаше во поразот на Гепинген од Гуерсбах во последното коло од Бундеслигата.

Низ кариерата Шего бранеше за Меѓугорје кој беше негов прв клуб, потоа беше дел од Мостар, Чаковец, Загреб, Висла, Кјелце со кој ја освои Лигата на шампионите во чудесното финале во 2016 година во Ланксес Арената, ПИК Сегед и Монпелје.

„Траеше долго, скоро 22 години професионална кариера. Петнаесет години настапував во Лигата на шампионите, четири во ЕХФ Лигата на Европа. Започнав да се занимавам со ракомет на девет години, Поминав шест лиги, променив многу држави, тренери, имаше се и се што. Многу фактори влијаела на одлуката да ставам точка. Семејството многу пати патеше поради мене. Сакам и децата да се вратат и да бидеме сите заедно во Меѓугорје. Презадоволен сум со она што го постигнав“, изјави Шего за специјализираниот портал за ракомет „Балкан-хендбол“.

Некогашниот ас на Вардар и Металург, Лука Циндриќ, би можел во новата сезона да го облече дресот на унгарскиот гигант Веспрем.

Според информациите во повеќе романски и унгарски медиуми, хрватскиот репрезентативец ќе му се придружи на шпанскиот стратег во Унгарија.

Тој има клаузула во договорот што му овозможува да си замине и пред истекот, па тоа веројатно ќе биде искористено.

Шпанскиот тракометен тренер Чави Пасквал ќе го преземе унгарскиот ракометен гигант Веспрем.

Искусниот стратег треба да потпише четиригодишен договор со унгарскиот шампион. Според романска „Газета“, понудата од Веспрем не можела да се одбие, а Унгарците се согласиле да ја платат и потребна ослободителна клаузула која шпанскиот тренер ја имаше со Динамо.

Пасквал ќе заработува преку 30.000 евра месечно во Веспрем, а негова цел ќе биде трофејот во Лигата на шампионите. Ослободната клаузула која унгарскиот клуб мора да ја плати на Динамо е 200.000 евра.

Шведскиот плејмејкер Феликс Клар, кој во оваа сезона пристигна во Магдебург, веднаш ги задоволи критериумите на стручниот штаб и си доби продолжување на договорот.

Средниот бек иако имаше актуелен договор со ланскиот освојувач на титулата во ЛШ, клубот му понуди нов договор, па така Клар во германскиот првак ќе остане најмалку до 30 јуни, 2028 година.

Репрезентативецот на Шведска на 30 одиграни натпревари во Бундес лигата има постигнато 158 гола и беше меѓу најзаслужните за освоената домашна титула. Во групниот сегмент од ЛШ постигна 64 гола, додаде плус 13 во четвртфиналниот двобој со Келце.

Македонската машка ракометна репрезентација ја очекуваат два
натпревари против Фарски Острови во баражот за Светското
првенство кое ќе се одржи во 2025 година во Хрватска, Данска и
Норвешка.
Првата средба ја играме денес од 20:00 часот, а селекторот Кирил
Лазаров одлучи да не го крати списокот, поточно со сите играчи да
отпатува во Торшавн.
Се работи за 21 ракометар кои остануваат да бидат во конкуренција
до последниот ден кога петмина ќе отпаднат за самиот натпревар.
Целта е да постигнеме што подобар резултат кој потоа ќе може да
биде потврден на реваншот во Скопје закажан за в недела од 19 часот
во СЦ „Борис Трајковски“ во Скопје.

Селекторот на машката сениорска репрезентација на Унгарија, Чема Родригез, го скрати списокот за настап на Европското првенство во Германија.

Стратегот на Унгарија на континенталниот собир нема да може да смета на искусниот голман Роланд Миклер.

Членот на ПИК Сегед го информирал селекторот и челниците на унгарската ракометна куќа дека го откажува настапот поради неговата здравствена состојба.

Maкедонските најдобри судии Ѓорѓи Начевски и Славе Николов долги години наназад се дел од најголемите ракометни натпреварувања, а таа пракса ќе продолжи и летово на Олимписките игри во Париз.

Денеска официјално беа објавени судиските двојки и на таа листа заслужено се и најдобрите македонски судии.

На последните Олимписки игри кои се играа во Токио Начевски и Николов го судеа финалето во кое играа Данска и Франција.

Барселона потпиша нов договор со тренерот Ортега, успеаја долгорочно да ги „врзат“ и суперталентираните браќа Петар и Ѓорѓе Цикута, а во последните 48 часа паднаа уште два значајни потписа во Барселона.

Тимоти Нгесан во текот на вчерашниот ден потпиша нов договор со каталонскиот гигант, а денеска истото го стори и Јохан Карлсбогард.

Шведскиот репрезентативец имаше договор и за наредната сезона, но каталонците беа задоволни од неговите игри по транферот од Лемго, па тој денеска ја продолжи соработката и ќе остане член на Барса до 2028 година.

Веселин Вујовиќ нема повеќе да го води хрватскиот прволигаш Нексе, тим кој го преземе пред два месеци од Бранко Тамше.

Поранешниот тренер на Вардар и екс македонски селектор не успеа да ја разбуди екипата, да ги донесе посакуваните резултати, па по ремито со Пореч во домашниот шампионат било одлучено да се заврши соработката со искусниот стратег.

Во овој период додека Вујо го водеше клубот од Нашице истиот беше елиминиран од РНЛ во Лига Европа, во првенството е на делба на второто место, а не треба да се заборави дека во овој период се случи и инциндетот со Загреб поради кој се очекува Вујовиќ да биде санкциониран.

Поради сите овие причини тој си заминува, неговото место ќе го заземе асистентот Крешо Иванковиќ.