Македонија испиша историја на Европското првенство во ММА, кое се одржа во Белград, Србија.

Македонскиот репрезентативец Марко Трајаноски, член на клубот „Д Стронгест“ Скопје, го освои првото европско злато за нашата земја, постигнувајќи извонреден успех на најголемата европска сцена во аматерскиот ММА.

Тој освои четири победи против Бугарија, Романија, Украина и Италија за само еден ден.

Овој подвиг е огромен чекор за македонскиот ММА.

Новата сезона во Формула 1 ќе почне во средината на март со Големата награда на Австралија. Поранешниот Формула 1 возач Хуан Пабло Монтоја изјави дека новиот возач на Ферари, Луис Хамилтон не треба да биде загрижен за потенцијалниот судир со Макс Верстапен од Ред Бул.

„Верстапен нема да му биде проблем на Луис оваа година. Ќе бидам изненаден ако Ред Бул ја започне сезоната како претходните. Адријан Њуи неодамна изјави дека проблемите во Ред Бул не се толку едноставни како што изгледа тимот. Тоа е многу тешка ситуација: мислите дека ја правите вистинската работа, и одеднаш сè престанува да работи. Колку далеку треба да се вратите за да се запрашате: „Дали сега ја правиме вистинската работа или сè уште ја правиме погрешната работа?

Почнувате да се движите на страна или дури и наназад. Ако продолжите да се движите напред по погрешни претпоставки, никогаш нема да излезете од дупката. Оваа дупка може да биде многу длабока, тоа е проблемот“, изјави Монтоја.

Новата сезона во Формула 1 ќе почне во средината на март со Големата награда на Австралија.

Џејкоб Киплимо, атлетичар од Уганда, го собори светскиот рекорд во полумаратон за цели 48 секунди.

Киплимо го истрча полумаратонот во Барселона за 56 минути и 42 секунди, што е за 48 секунди подобро од претходниот најдобар резултат, на Јомиф Кејелча, со 57 минути и 30 секунди.

„Ова беше совршена трка. Идеална температура, без ветер, фантастична патека, сè помина подобро од очекуваното. Пејсмејкерот го постави договореното темпо од 2:45, но бев полн со енергија и решив да го забрзам ритамот од третиот километар. Но, никогаш не замислував дека ќе трчам под 57 минути, тоа е неверојатно”, изјави Киплимо.

Тој го собори и сопствениот рекорд на 15 километри за 35 секунди и сега изнесува 40 минути и седум секунди

На полумаратонот во Балрселона Кимплимо пбеди пред атлетичарите од Кенија, Џефри Камворор и Самуел Маилу.

Јапонецот, Роју Кобајаши, ја израдува домашната публика во зимскиот центар –Сапоро откако победи во денешното натпреварување во скијачки скокови кое се бодува за Светскиот куп.

Тој имаше скокови од 137,0 и 136,5 метри што беше доволно да ја обезбеди првата позиција пред Јан Хорл (Австрија) со (136,5 и 137,5 метри) и Домен Превц (Словенија) со (137,5 и 135,5 метри).

Во вкупното рангирање води Даниел Шофених од Австрија пред Јан Хорл. Утре на истата локација во земјата на „самураите“ ќе има нов натпревар во скијачки-скокови.

На Балканското првенство во атлетика во сала кое се одржа во Белград, македонскиот репрезентативец Андреас Трајковски во скок во далечина освои бронзен медал со прескокнати 7 метри и 63 сантиметри.

Андреас уште во првата серија со скок од 7.57 метри ја зазеде третата позиција и во третата серија го подобри резултатот на 7.60 метри, но во четвртата серија Никита Маслук од Украина прескокна 7.61 метар што значеше дека во тој момент Андреас го изгуби бронзениот медал.

Но, во петтата серија Андреас успеа да прескокне 7.62 метри, а бронзениот медал го потврди со неговиот најдобар скок во последната серија од 7.63 метри.

Златниот медал го освои Божидар Сарабујуков од Бугарија со скок од 8.12 метри, додека среброто му припадна на Данио Дубина од Украина со скок од 7.92 метри.

Ова е трет медал на Андреас Трајковски за Македонија од Балканските првенства во сала. Во 2022 година освои исто така бронзен медал, а во 2024 освои сребрен медал во скок во далечина.

Норвешкиот тркач на средни патеки Јакоб Ингебригтсен во четвртокот собори два светски рекорди во сала, од кои едниот траеше само пет дена.

Во трката на една милја (1609 метри), Норвежанецот го надмина резултатот на Џаред Нугусе и стана нов светски рекордер со време од 3:45,14 минути. Американецот рекордот го постави пред пет дена.

Ингебригтсен, исто така, постигна најдобро време на 1.500 метри (3.29.63) на истата трка во Лиеван, Франција, со што го собори светскиот рекорд во сала.

Во колекцијата златни медали, 24-годишниот норвешки спортист има два олимписки златни медали (1.500 и 5.000 метри), тој е двократен светски и шесткратен европски шампион.

Федерика Брињоне го освои златниот медал во денешниот велеслалом на Светското првенство во Залбах (Австрија). Двете трки италијанската алпска скијачка ги заврши со вкупно време 2 минути, 22 секунди и 61 стотинка.

Ова е прво злато за Брињоне во велеслалом. Таа стана втора Италијанка со најсјајно одличје на мундијалските велеслаломски трки.

Алси Робинсон од Нов Зеланд го освои второто место и сребрениот медал со 90 стотинки заостанување зад победничката.

Како третопласирана велеслаломот го заврши Пола Молцан од САД со време 2:25.33 минути.

Утре на програмата е машкиот велеслалом.

Филаделфила Иглси го крена пехарот на Супербоул и беше крунисана во НФЛ првак. Вторпат во клупската историја оваа франшиза стигна до победа во големото финале, а сега со победата над Канзас Сити Чифс од 40-22.

Супербоул е еден од најгледаните светски спортски настани, а исто така и меѓу доста добро платените.

Така, за победа во Супербоул членовите на Иглси ќе си поделат по 171.000 долари, додека во поразениот табор одат по 96.000 долари.

Неверојатна е целата приказна околу овој натпревар. Рекламниот простор е однапред распродаден за неверојатни суми, а голем дел од Американците повеќе го чекаат шоуто на полувремето отколку самиот натпревар.

Американските скијачки Микаела Шифрин и Бризи Џонсон освоија злато во новата екипна комбинација на Светското првенство, во Залбах, Австрија.

Новата тимска комбинација вклучува еден член на тимот да се натпреварува во слалом, а другиот во спуст. Времињата на двата члена потоа се собираат за да се добие нивниот конечен резултат.

Шифрин настапи во слалом, додека Џонсон во спуст. Победија со вкупен резултат 2:40,89 минути.

Среброто им припадна на Венди Холденер и Лара Гут-Бехрами од Швајцарија со 0,39 секунди заостанување, додека бронзата ја освоија Австријките Стефани Вениер и Катарина Трупе со 0,53 секунди заостанување.

Шифрин има 62 победи во слалом и е апослутна рекордерка во Светскиот куп, додека Џонсон го освои златниот медал во спуст на овогодинешното Светско првенство.

Дамите на СП во четврток ќе возат велеслало. Шифрин поради посттрауматски стрес се повлече од оваа дисциплина што значи дека нема да го брани златниот медал освоен пред две години.

На СП досега во кариерата, Шифрин има освоено 15 медали, осум од нив се со златен сјај.

За првпат во ист клуб надвор од Македонија играат нашите одбојкарски репрезентативци, браќата Никола и Ѓорѓи Ѓоргиев.

Ѓорѓи Ѓоргиев одлучи да ја продолжи кариерата во редовите на турскиот одбојкарски клуб Туршад каде што настапува и Никола Ѓоргиев, капитенот на македонската репрезентација.

– После 14 години играње заедно во репрезентацијата на Македонија, за прв пат играме заедно и во ист клуб надвор од Македонија.

Одличен момент и историја за нашата фамилија, се надевам дека ќе останеме здрави и ќе имаме успешен крај на сезоната – стои во објавата на Никола Ѓоргиев на Фејсбук.