Министерот за спорт Борко Ристовски заедно со претседателот на Европската Атлетска Асоцијација, Добромир Карамаринов и со претседателката на Атлетската федерација на Македонија, Александра Војнеска-Зикова, денеска присуствуваше на прес конференцијата по повод Конвенцијата на Европската Атлетска Асоцијација која за прв пат ќе се одржи во Скопје, од 24 до 27 октомври. Во склоп на овој голем атлетски настан ќе биде и престижната манифестација „Golden Tracks Skopje 2024” – избор на најдобарите во атлетскиот спорт во Европа.

„Организацијата на оваа манифестација претставува големо признание за Македонија и значи голема промоција на македонската атлетика. Спортската дипломатија игра клучна улога во зајакнувањето на меѓународните врски и соработката, не само во спортот, туку и пошироко. Оваа Конвенција и присуството на почитуваните гости од Светската и од Европска Атлетска Асоцијација ни овозможува долгогодишна соработка и презентирање на нашата земја во овој спорт за што сум особено горд“, истакна министерот Ристовски.

На Конвенцијата на Европската Атлетска Асоцијација во Скопје ќе присуствуваат повеќе од 300 истакнати личности, претставници на 51 федерација од цела Европа, вклучувајќи претседатели на национални атлетски федерации во чии редови се наоѓаат многу познати имиња во атлетскиот спорт.

Специјален гостин на Конвенцијата во Скопје ќе биде Лорд Себастијан Коу, претседател на Светската Атлетска Асоцијација и поранешен член на британскиот парламент, носител на олимписки, светски и европски златни медали, член на бордот на Интернационалниот Олимписки Комитет (ИОК), а од пред една недела и официјално еден од кандидатите за нов претседател на ИОК на претстојните избори во март наредната година.

Викендов во СЦ „Јане Сандански“ се одиграа натпреварите од второто и третото коло од Суперлигата и Првата лига во пинг-понг.

Резултатите не донесоа изнедувања, иако имаше најави за тоа.

Суперлига
Второ коло:
Крива Паланка – Шампион ФА 2-4
Телеком Нец 2 – Младост 96 1-4
Берово – Астраион 1-4
Вардар – Радовиш 4-2
Младост – Пелагонија 1-4

Суперлига
Трето коло:
Радовиш – Телеком Нец 2 1-4
Шампион ФА – Вардар 4-1
Астраион – Младост 4-0
Младост 96 – Берово 4-0
Пелагонија – Крива Паланка 2-4

Прва лига
Второ коло:
Рисови – Дебар Маало 1-4
Куманово – Крива Паланка 2007 1-4
Кочани – Берово 2 3-4
Работнички – 10 60 Ас 4-2
Студент – Борец ТИМ 4-1

Прва лига
Трето коло:
Крива Паланка 2007 – Работнички 0-4
Дебар Маало – Студент 2-4
10 60 АС Ѓорче Петров – Рисови 4-0
Борец ТИМ – Кочани 4-0
Берово 2 – Куманово 2-4

Четирикратната грен слем шампионка, јапонската тенисерка Наоми Осака, нема да се натпреварува до крајот на оваа година поради повреда на грбот.

Осака требаше да биде дел од јапонската репрезентација во финалето на Купот Били Џин Кинг што ќе се одржи од 13 до 20 ноември во Малага, но донесе одлука да се одмори и подобро да се подготви за новата сезона.

Осака се повреди за време на турнирот во Пекинг, по што го пропушти минатонеделниот турнир во Осака, а нема да настапи ниту на турнирот во Токио оваа недела. Сезоната во која Осака се врати на ВТА турнирите по породувањето не помина според планот, а поранешната најдобра светска тенисерка во моментов е на 56-то место на ранг-листата.

ШК Алкалоид продолжи на Европскиот шаховски клупски куп со максимална победа од 6-0 против шампионот на Словачка, екипата Серо Инвест Нитра.

Во второто коло сите фаворити продолжија со високи победи, и во третото коло 18 екипи влегуваат со максимални 4 бода.

Следен противник на шахистите на Алкалоид е екипата Бер Шева од Израел, која e долгогодишен редовен учесник на Европскиот клупски куп, и двете екипи веќе имале меѓусебни средби, со позитивен резултат на страната на Алкалоид.

Македонската репрезентација во бокс отпатува на Светското првенство за млади боксери во Будва, Црна Гора. Националниот тим ќе го предводат девет боксери и тројца тренери. 

Боите на Македонија ќе ги бранат:

• 50 кг. Бајарам Мамутовски
• 54 кг. Меридиан Алими
• 57 кг. Ардијан Рустемовски
• 60 кг. Луан Сулејмани
• 67 кг. Лука Трифуновиќ
• 72 кг. Наум Стојановски
• 75 кг. Баки Ајети
• 86/ 80 кг. Ери Хани
• 92/ 86 кг. Лиси Коџаџику

Владимир Цекиќ, Самет Салиевски и Насер Харуни се тренерите кои ќе ги водат нашите млади боксерски сили. 

Ќе биде одреден награден фонд во износ од 500.000 долариз а сите освојувачи на медали. Светското првенство почнува денес и ќе трае до 4 ноември.

Македонскиот првак во шах, скопски Алкалоид успешно стартуваше на Европскиот шаховски клупски Куп, кој се игра во Врњачка Бања, совладувајќи ја екипата Васа СК од Шведска со 5,5-0,5 поени.

Велемајсторот Еригаиси Ајрун, кој со 2.797 рејтинг поени во моментов е трет играч на светската листа, на првата табла за екипата на Алкалоид, со црни фигури ја започна серијата и победи во мечот. Во многу остра, динамична борба го надигра велемајсторот Том Ведберг.

Веднаш по него, повеќекратниот шампион на Македонија, Филип Панчевски, на шестата табла, со сигурна игра уште во рана фаза на партијата го „отвори противничкиот крал“ и по само 21 потег при големи материјални загуби противникот ја предаде партијата. Следеа сигурни, рутински победи и на Веи Ји и Нарануан С.Л. на втората, односно четвртата табла. Со победата на Ју Јангји, кинескиот велемајстор кој веќе петти пат ги брани боите на Алкалоид на Евро-куповите, во топовска завршница на тртетата табла, фармацевтите поведоа со 5-0. Последен својата партија ја заврши српскиот Велемајстор Велимир Ивиќ, и покрај долга борба, во далечна завршница, не успеа да го скрши отпорот на противникот, за конечен резултат
5,5:-0,5.

Следен противник на шахистите на Алкалоид е екипата од Словачка, Черо Инвест Нита, која на стартната листа е 23-та најдобро рангирана екипа.

На овогодинешното издание на највисокото клупско натпреварување во светот, учествуваат рекорден број – 84 екипи во машка конкуренција, а ШК Алкалоид на стартната листа, според просечен рејтинг на играчите 2730, е второрангирана екипа. Конкуренцијата е многу силна, и дури пет екипи се рамноправни фаворити за првите места. Во првото коло не се случија поголеми изненадувања, при што сите фаворити остварија високи победи.

Истовремено се игра и Европски клупски Куп во женска конкуренција, на кој играат осумнаесет екипи.

Македонскиот репрезентативец и член на карате клубот „Макпетрол“, Стефан Стојановиќ, кој освои бронзен медал на изминатото Светскот првенство за младинци во Венеција, Италија, денеска имаше прием кај министерот за спорт, Борко Ристовски.

Стојановиќ уште еднаш покажа дека е голема перстектива на македонското карате, но и на македонскиот спорт воопшто, бидејќи за него ова беше втор медал од Светските младински првенства. Пред две годии во Коња, Турција тој се закити со сребрениот медал.

„Овој резултат значи голем промоција за македонското карате и за македонскиот спорт. Медалот од СП е доказ за големата посветеност и за талентот на нашите млади спортисти и дава дополнителен мотив да продолжиме со поддршка и развој на спортот во Македонија. Честки за Стефан, за неговите тренери и за целата македонска репрезентација која достојно нѐ претставуваше на ова Светско првенство за млади категории“, истакна министерот Ристовски.

Стојановиќ беше единствениот македонски репрезентативец што освои медал на изминатиот карате мундијал од вкупно 12 наши натпреварувачи на турнирот. Треба да се истакне и дека нашиот млад репрезентативец моментално се наоѓа на првото место на ранг-листата на Светската карате федерација во својата категорија над 84 килограми.