Словенечкиот велосипедист Тадеј Погачар стана светски шампион, откако ја обезбеди титулата на шампионатот што се одржа во Цирих, Швајцарија.

Тој ја комплетираше „тројната круна“, бидејќи покрај оваа титула претходно беше победник на Тур Д’Франс и на Џиро Д’Италија.

Погачар оваа сезона собра вкупно 589 поени, што ја прави најдобра во историјата на велосипедизмот.

Досега најдобрите сезони, дури шест во периодот од 1969 до 1974 година, ги извезе Белгиецот Меркс.

Поранешниот велосипедист Јан Урлих даде коментар за документарниот филм во кој призна дека користел допинг во текот на неговата кариера.

Германецот победи на трката „Тур д Франс“ во 1997 година, но сега откри дека морал да помине низ пекол во животот.

„Алкохолот и дрогата ме турнаа во дупка. За малку ќе завршеше ужасно. Го видов пеколот, тогаш си реков дека следната недела ќе бидам мртов или ќе си го вратам животот. Љубовта на моите деца ме спаси“, откри Улрих.

Наградниот фонд на митинзите од атлетската Дијамантска лига следната година ќе изнесува рекордни 9,24 милиони долари, објавија денеска организаторите.

„Ова е речиси една третина повеќе од износот кој беше исплатуван во периодот на ковид пандемијата од 2021 до 2024 година“, се наведува во соопштението.

Организаторите нагласија дека кога на наградните фондови ќе се додадат и дополнителните трошоци, како тие за патување и сместување, вкупната сума што ќе биде исплатена ќе надмине 18 милиони долари.

Награден фонд од 500.000 долари е обезбеден за секој од митинзите во текот на сезоната, додека наградите по дисциплина ќе варираат меѓу 30.000 и 50.000 долари, а вкупно 2,24 милиони долари ќе бидат распределени во финалето на Дијамантската лига.

Седум кандидати, меѓу кои и поранешниот британски атлетичар и олимписки шампион Себастијан Коу, како и Французинот Дејвид Лапартиен, поднесоа кандидатури да го наследат Германецот Томас Бах на чело на Меѓународниот олимписки комитет (ИОК), почнувајќи од март 2025 година. соопшти денеска ИОК.

Бах, кој е на чело на ИОК од 2013 година, најави по Олимписките игри во Париз дека има намера да се повлече од должноста.

Коу е шеф на Светската атлетика и беше организатор на Олимписките игри во Лондон во 2012 година. Тој е двократен олимписки шампион на 1.500 метри, повеќегодишен светски рекордер на 800 метри и има долга кариера како менаџер.

Лапартиен, од своја страна, е претседател на Меѓународната велосипедска унија и прв човек на францускиот олимписки Комитет.

Преостанатите кандидати кои официјално се пријавија се јорданскиот принц Фајсал ал-Хусеин, поранешната шампионка на Зимбабве во пливање Кирсти Ковентри, британско-шведскиот спортист Јохан Елијаш, претседателот на Меѓународната скијачка федерација Хуан Антонио Самаранч јуниор, како и претседателот на Меѓународната гимнастичарска федерација Моринаре Ватанабе.
Кандидатите ќе ја претстават својата програма пред сите членки на МОК преку видео врска за време на состанокот во Лозана во јануари идната година.

Екипата на Мерцедес официјално го објави Андреа Кими Антонели за свој стартен возач за сезоната 2025 во Формула 1 Назначувањето на младиот Италијанец воопшто не е изненадувачки и сосема очекувано, беше објавено за време на викендот на Италијанското ГП.

Во него, Антонели дебитираше во официјална Формула 1 сесија, но дебито не помина најдобро, бидејќи младиот пилот при својот втор летечки круг заврши во безбедносните огради. Сепак, оваа грешка не се покажа фатална за неговите шанси да биде стартер во Формула 1 и неполни 24 часа подоцна тој беше потврден од Мерцедес.

Антонели станува третиот дебитант кој обезбедил место во Формула 1 во 2025 година по Оливер Берман (Хаас) и Џек Дуан (Алпин). Антонели, исто така, станува првиот дебитант кој дебитирал за водечка екипа како стартен возач по Луис Хамилтон во Мекларен во 2007 година. Антонели ќе го заземе местото на седумкратниот светски шампион, кој се сели во Ферари и ќе биде партнер на Џорџ Расел.

Антонели важи за еден од најголемите таленти и не случајно од 2019 година е дел од програмата на Мерцедес за развој на млади возачи. Италијанецот, кој во неделата наполни 18 години, има четири титули во пониските натпреварувања, каде ја освои Формула 4 во Германија и Италија во 2022 година, а една година подоцна триумфираше и во Формула Регионална на Блискиот Исток и Европа. Тој го имаше своето деби во Формула 2 таа година, прескокнувајќи ја Формула 3 и забележа две победи во првите десет кола од годината. Во привремениот поредок го зазема шестото место со 87 бодови и негатива од 78 пред лидерот Исак Хаџар. 

Синот на легендата на Формула 1, Михаел Шумахер, повторно би можел да се врати на трите во Формула 1 шампионатот.

Мик Шумахер изминативе две години е резервен возач во тимот на Мерцедес, но сега би можел да пристигне во редовите на Вилијамс за кој тим би можел да вози веќе во недела на Големата награда на Монца.

Вилијамс подготвува отказ за Американецот Логан Сарџент и размислуваат за ангажман на Мик Шумахер.

„Доколку јас се прашувам би го ангажирал Мик кој има двегодишно искуство како Формула 1 возач, има увид и во техничките карактеристики на моторот на Мерцедес. Многу е созреан како личност по заминувањето од Хас, ги знае патеките и тоа е голема предност“ – вели Себастијан Фетел, кој е познато дека е добар пријател на Мик Шумахер.

25-годишниот Мик Шумахер возеше за тимот на Хаас во 2021 и 2022 година. Но, во првата сезона беше 19-ти во поредокот кај возачите, а во втората заврши на 16-та позиција, по што доби отказ а Хаас го анагажираше Нико Хулкенберг.

Формула 1 тимот на Мерцедес веќе одбра кој ќе го замени Хамилтон, а тоа е Андреа Кими Антонели.

.„Следната година ќе се натпреваруваме со Џорџ Расел и Кими Антонели. До оваа одлука дојдовме по долго размислување. Кими е ризик, да. Но, овој ризик вреди“, изјави Тото Волф.

17-годишниот Италијанец моментално е во својата дебитантска сезона во Ф2 и има две победи, една на влажниот спринт во Силверстоун и една на главниот настан во Унгарија.

Легендарниот ватерполо тренер Ратко Рудиќ официјално се прости од овој спорт со егзибициски натпревар на Коручула.

Рудиќ, кој во кариерата освои четири златни олимписки медали со три различни репрезентации, на последниот натпревар што го водеше како тренер, златната хрватска олимписка генерација од Лондон 2012 се соочи со светската селекција во меч кој заврши нерешено, 13-13.

Тоа беше и проштален натпревар за играчите кои со Рудиќ го освоија олимпиското злато во 2012 година и ја завршија својата играчка кариера. Во егзибициониот меч за светската репрезентација настапија најдобрите ватерполисти од таа генерација од Србија, Црна Гора, Италија, Шпанија, Унгарија и Грција, а од клупата ги предводеше уште еден член на Куќата на славните, Игор Милановиќ.

Двајца светски рекордери ќе се сретнат во егзибициска трка на
100 метри на 4 септември.
Тоа се олимпискиот шампион и светскиот рекордер (6,25 метри)
во скок со стап, Швеѓанецот, Арманд Дуплантис и сребрениот
медалист на 400 метри со пречки во Париз, Норвежанецот,
Карстен Ворхолм.
Двојката ќе го реши пријателското ривалство за тоа кој е побрз на
100 метри на стадионот „Лецигрунд“ во Цирих, Швајцарија, еден
ден пред натпреварите во Дијамантската лига. Ниту Дуплантис,
Ворхолм имаат трчано на 100 метри на официјални натпревари
во оваа деценија.

Христијан Бузалковски, македонскиот мотоциклист, продолжува
да го потврдува својот статус како еден од најталентираните
натпреварувачи на европската сцена.
Изминатиот викенд, на предизвикувачката стаза во Гробник,
Хрватска, тој ја возеше 7-та и 8-та трка од ФИМ Европскиот
шампионат во класата STK1000 и успеа да се закити со бронзен
медал, надминувајќи конкуренција од триесетина врвни
мотоциклисти.
Со овој нов успех, Бузалковски ја зголеми својата колекција на
медали од престижниот шампионат и покажа дека е подготвен за
нови предизвици и уште поголеми успеси.
„Сите освоени медали ми се драги, но овој особено ако се има во
предвид дека стазата во Гробник е една од потешките, а возевме
при екстремно топло време, температурата на асфалтот достигна
60 степени. Успехот ме радува и поради тоа што во саботата
имавме технички проблеми, кои сепак успеавме да ги надминеме.
Впрочем, ние имавме само една цел, да стигнеме до подиум!
Оваа година конкуренцијата е поголема од лани, има доста брзи и
добри натпреварувачи, па затоа целиот викенд работевме
напорно на сетапот на моторот,” вели Бузалковски, кој посочува
дека од секоја трка црпи искуство, кое му користи на секое
наредно натпреварување. „Од секоја трка учиме по нешто ново за
моторот и за неговите можности, а со тоа и за мојот перформанс на стазата, па нè радува што секогаш имаме некои унапредувања
од технички аспект,” додава талентираниот македонски
мотоциклист.