Вториот тренинг на Големата награда на Мексико беше прекинат во 13. минута поради црвени знамиња.

Британскиот возач на Мерцедес Џорџ Расел имаше несреќа на работ од осмата кривина, удри во преградата. Пилотот сам го напушти болидот кој беше отстранет од патеката.

Дваесет и петгодишниот Британец, кој беше прв на првиот тренинг, успеа да комплетира само четири круга. Тој имашње 19. резултат – 1 минута 19.041 секунди.

Поради замена на заштитната ограда имаше прекин повеќе од 20 минути.

Вечерва од 23:00 часот се квалификациите, додека главата трката од Формула 1 шампионатот за Големата награда на Мексико ќе се вози утре од 21:00 часот.

Шахистите на Алкалоид одиграа нерешено 3-3 со двократниот европски првак Нови Бор од Чешка во 6. коло од Европскиот клупски куп.

Реми одиграа, Арјун Еригаиси, Читамбарам Аравинд, Ји Веи и Јангји Ју, загуби Велимир Ивиќ додека цел поен освои Александар Инѓиќ.

Нови Бор е лидер со 11 бодови, зад него со 10 бода се уште шест екипи, Алкалоид, Шартре, Туркиш Ерлајнс, СуперЧес, Бајеган Пендик и Тајфун.

Во последното коло утре, сите тие имаат меѓусебни дуели: „Нови Бор“ игра со „СуперЧес“, додека „Алкалоид“ го доби „Шартре“ предводен од легендарниот Василиј Иванчук. Турските клубови „Бајеган Пендик“ и „Туркиш Ерлајнс“ ќе играат меѓу себе, а словенечкиот „Тајфун“ ќе игра со „Сентименто Ајка“ од Унгарија.

Шахистите на „Алкалоид“ со победа ќе бидат во трката за медал, но резултатите од другите средби ќе влијаат на распределбата на местата на пиедесталот.

Лара Гут-Бехрами, која ќе го брани Големиот кристален глобус во Светскиот Куп во алпско скијање, не се појави на премиерниот велеслалом на отворањето на новиот шампионат на патеката во Зелден.

Таа не се чувствувала 100% подготвена и затоа не учествуваше на трката во Австрија.

Натпреварувачката од Швајцарија која во изминатата недела беше болна а претходно имаше проблеми со коленото, одлуката ја донесе непосредно пред трката.

Македонскиот каратист Дејан Недев го освои бронзениот медал во кати поединечно на ИКУ светскиот карате шампионат кој се одржува во Буенос Аирес, Аргентина.

Недев во исклучително тешка конкуренција успеа да дојде до бронзениот медал, каде само во неговата категорија учествуваа 57 каратисти од 44 држави.

Од МТКФ информираат дека судиите влијаеле Недев да не дојде и до посјајно одличје.

Недев беше блиску и до освојување и на златниот медал но за жал во полуфиналето беше оштетен од судиите, така што неговиот противник од Бразил при изведбата на катата изгуби рамнотежа (баланс) но и покрај таквата грешка судиите се одлучија да му ја доделат победата на бразилскиот натпреварувач Хозе Вивас Сантос, објавија од МТКФ.

Второто место го освои претставникот од Бангладеш Сиад Нуризман.

Ова беше прв позначаен резултат на Недев по пауза од три години од големите натпреварувања.

Веќе за две недели Македонските каратисти ги очекува уште едно големо натпреварување годинава, Светскиот шампионат во традиционално карате од 5 до 10 ноември во Лима, Перу.

Меѓународната боксерска федерација (ИБФ) одлучи да ги отстрани Тајсон Фјури и Александар Усик од рангирањето во тешка категорија во најновото ажурирање на листата.

Поставените бр. 1 и бр. 2 повеќе не се дел од топ 15, откако настана конфликт во организацијата за нивниот неприкосновен меч за титулата во Ријад во мај. ИБФ потоа се одвои од другите големи организации и последователно одлучи да го земе појасот од Украинецот за да му го даде на Даниел Дубоа на професионална основа.

„Динамитот“ потоа го одбрани против Ентони Џошуа, но многумина сè уште го гледаат како погрешен освојувач на трофејот, откако една година претходно беше нокаутиран од Усик во Полска.

Кејт Даглас ја исплива најбрзата трка на 200 метри градно во историјата во базен од 25 метри. Во текот на првиот ден на вториот митинг од Светскиот куп во Инчеон, Кореја, Американката ја запре стоперката на 2:14.16 минути.

Со тоа, таа беше за 41 стотинка подобра од времето кое го исплива рекордерката и нејзина сонародничка Ребека Сони.

Во машка конкуренција најинтересната трка беше забележана во 100 мешано. Првото место го поделија Леон Маршанд, четирикратен олимписки шампион и Швајцарецот Ноа Понти. И двајцата до целта стигнаа за точно 51 секунда.

Министерот за спорт Борко Ристовски денес во Владата имаше официјална средба со Лорд Себастијан Коу, претседател на Светската атлетска асоцијација, поранешен член на британскиот парламент и актуелен член на бордот на Интернационалниот Олимписки Комитет кој официјално е кандидат за прв човек на Меѓународниот олимписки комитет (ИОК) на претстојните избори во март 2025 година.

На средбата беше дискутирано за поддршката која Министерството за спорт ја обезбедува за Атлетската федерација на Македонија, како и за идните проекти и иницијативи за унапредување на македонската атлетика.

Министерот за спорт Борко Ристовски доби признание од Европската атлетска асоцијација како и од Атлетската федерација на Македонија за посветеност на спортот и поддршка на атлетиката.

Европското признание на министерот Ристовски му го врачи претседателот на Европската атлетска асоцијација (ЕАА), Добромир Карамаринов на свечената церемонија во рамките на Конвенцијата на ЕАА што се одржува во Скопје.

„Со особена чест и гордост ги примив признанијата од Европската атлетска асоцијација и од Атлетската федерација на Македонија за безрезервната поддршка на атлетиката. Благодарност до претседателот на Европската атлетска асоцијација, Добромир Караманов и до претседателката на Атлетската федерација на Македонија, Александра Војнеска Зикова кои во Министерството за спорт препознаа вистински партнер.Овие награди се доказ за заедничката работа, напорите и визијата за подобра иднина на македонската атлетика. Како министер за спорт секогаш ќе бидам на страната на спортистите и ќе се залагам за зајакнување и афирмција на спортот во Република Македонија“, истакна Ристовски.

Министерството за спорт е генерален покровител на Конвенцијата на Европската атлетска асоцијација што се одржува во Скопје од 22 до 24 ноември.

Во рамките на овој значаен атлетски настан на кој Македонија за прв пат е домаќин, утре во Националната опера и балет ќе се одржи престижната манифестација „Golden Tracks Skopje 2024” на која ќе им бидат доделени наградите на најуспешните во атлетскиот спорт од Европа. Специјален гостин на манифестацијата ќе биде претседателот на Светската атлетска асоцијација и поранешен член на британскиот парламент, Лорд Себастијан Коу.

Шахистите на Алкалоид одиграа нерешено 3-3 со Туркиш Ерлајнс во дерби мечот на петтото коло од Европскиот клупски Куп кој се одигрува во Врњачка Бања, Србија. По вчерашното изненадување, кое го приреди турскиот тим совладувајќи го прворангираниот тим СуперЧес, денес „фармацевтите“ имаа сериозна шанса за славје бидејќи поведоа со 3-1, но во финишот противниците успеаја да извлечат бод.

Мечот започна со брза победа на Ју Јангји на третата табла. Тој со бели фигури, искористувајќи ја непрецизната игра на својот противник, се стекна со јасна предност во отварањето, која ја претвори во решавачки матен напад. На четвртата табла Аравинд Читамбарам го надигра својот противник и се здоби со решавачка предност, но во „цајтнот“ сосема ја испушти, за на крајот да биде задоволен со поделба на поенот. На првата табла, Ајрун Еригаиси повторно одигра одлична партија, надигрувајќи го во еднаква позиција, со бели фигури Дмитриј Андрејкин, Со овој резултат, Еригаиси стана петнаесетти шахист кој во шаховската историја ја поминал рејтинг границата од 2.800 поени!

Следуваше реми на Велимир Ивиќ на шестата табла, и со тоа Алкалоид имаше веќе минимум нерешен резултат во мечот. По долга борба Веи Ји беше поразен од Иранскиот репрезентативец Магхсудлу. На петтата табла се случуваше вистинска драма. Наруанан во партијата против Володар Мурзин се стекна со одлична предност по отварањето, но по една позициона грешка дојде до комплетен пресврт. По тешка борба, Индискиот велемајстор успеа да влезе во еднаква завршница, со пешак помалку, сепак поради неколку непрецизни потези ја загуби партијата.

Со 9 поени од можни 10, ШК Алкалоид го дели второто место на табелата, додека први се шахистите на двократниот европски првак Нови Бор од Чешка, кои во ова коло ги надиграа претставниците на Нагиканижаи од Унгарија со 4,5-1,5. Во дуелот зад нив, францускиот клуб Шартре со 3,5-2,5 победи против израелскиот Ришон Ле Цион и им се приклучи на Алкалоид и Туркиш Ерлајнс во делбата на второто место.

Во шестото коло Нови Бор и Алкалоид ќе играат меѓусебен меч кој ќе го обликува врвот на табелата, додека Шартре ќе игра со Туркиш Ерлајнс. Во обид да фатат чекор со водечките, осум екипи со по 8 бода ќе играат меѓусебни дуели бидејќи во моментов се наоѓаат на делба на петтото место.

Одбојкарската федерација на Македонија одржа редовно изборно собрание, на кое Петар Јовановски е реизбран за нов претседател на Одбојкарската федерација на Македонија.

Претседателот Петар Јовановски ќе го предводи Извршниот одбор. составен од членовите: Ивица Хаџииљоски – потпретседател, Владо Милев – потпретседател и Хабил Ајети – потпретседател, како и членовите Кирил Калеников, Зоран Карановиќ и Никола Мицевски.

Одбојкарската федерација на Македонија во иднина ќе има нов генерален секретар, поранешниот македонски репрезентативец и интернационалец, Филип Деспотовски, додека функцијата комесар за натпреварување и понатаму ќе ја извршува Сања Никчевиќ.

На собранието новиот Извршен одбор и претседателот Јовановски како главни цели во нивната работа во иднина ги издвоија пласманот на машката сениорска репрезентација на Европското првенство во 2026 година, со кое ќе се задржи континуитет во настапите на континенталните собири, а во фокусот останува и работата со женскиот сениорски национален тим.