Возачот на Дукати, Марк Маркез, денес победи на Големата награда на Германија и го зголеми своето водство во генералниот пласман.

Во 200-тата трка во својата кариера, Маркез водеше од првиот до последниот круг и победи со време од 40:42.854 минути.

Тој ја постигна својата деветта победа на патеката Заксенринг.

Тоа беше неговата 95. победа во кариерата, а 69. во „кралската“ класа. Само познатиот Валентино Роси има повеќе во Мото ГП – 89.

Шпанскиот возач има седум победи оваа сезона, од кои четири се последователни, а во саботата победи и во спринтот.

Неговиот помлад брат Алекс Маркез денес го освои второто место, со заостанување од 6,380 секунди.

Франческо Бањаја од Дукати беше трет со заостанување од 7,080 секунди.

Возачот на Јамаха, Фабио Куартараро стигна до четвртото место, додека Фермин Алдегер од Гресини беше петти.

Марк Маркез е прв со 344 поени, пред Алекс Маркез кој има 261 и Бањаја со 197 поени.

Шампионатот продолжува следниот викенд, а трката за Големата награда на Чешка се одржува во недела во 14 часот во Брно.

НХЛ и Здружението на хокеари ги променија правилата за надминување на ограничувањето на платите поради повреди.

Новиот колективен договор (кој важи од 2026 до 2030 година) поставува ограничување: ако играчот се врати во акција за време на регуларната сезона или плејофот, максималниот вишок не може да биде поголем од просечната годишна плата во лигата (минатата сезона беше 3,82 милиони долари).

За вишокот да биде поголем, повредениот играч не смее да се врати на мразот ниту во регуларната сезона ниту во плејофот. Треба да се напомене дека новите правила ќе стапат на сила почнувајќи од сезоната 2026/27.

Алекс Маркез само десетина дена по операцијата на скршената лева рака, заработена по тешкиот пад во Асен, Шпанецот е решен да се врати на патеката и да вози на претстојното Германско Гран При на Саксенринг.

Големото прашање во пресрет на Германското Гран При во Мото ГП е дали возачот на Гресини Дукати, Алекс Маркез, ќе биде подготвен да се врати на патеката.

По несреќата во Асен, каде што се здоби со скршеница на левата рака која бараше итна хируршка интервенција, Шпанецот покажува огромна решителност и оптимизам дека ќе може да настапи на легендарниот Саксенринг.

Иако заостанува 68 поени зад својот брат Марк Маркез во генералниот пласман, главната битка на Алекс е да го одбрани одличното второ место. Тој има солидна предност од 58 поени пред третопласираниот, Франческо “Пеко” Бањаиа, па секој освоен бод во Германија може да биде клучен во оваа борба.

Шефот на тимот на Ред Бул во Ф1, Кристијан Хорнер, е отпуштен. Шокантни вести од Формула 1 велат: Ред Бул го отпушти Кристијан Хорнер и отпуштањето стапува на сила веднаш!

Хорнер е во Ред Бул повеќе од 20 години, а сега ќе биде заменет од шефот на тимот на Рејсинг Булс, Лоран Мекис.

Кристијан Хорнер ја плати цената за лошите резултати на тимот во изминатите 18 месеци и сега Ред Бул падна на четвртото место во шампионатот на конструктори.

Макс Верстапен победи само двапати оваа сезона и генерално се мачи и за себе и за Ред Бул воопшто, додека брилијантниот Адриан Њуи замина за Астон Мартин, како и Џонатан Витли кој стана шеф на Заубер.

Макс Верстапен неодамна беше поврзуван со Мерцедес, иако има договор до 2028 година.

Како што веќе споменавме, Мекис ја презема улогата на Хорнер во Ред Бул, додека Алан Перман станува нов шеф на тимот на Рејсинг Булс.

Актуелниот шампион во кралската класа, Хорхе Мартин, се врати на патеката по 81-дневна пауза. Шпанецот тестираше на патеката „Каталуња“ на супербајк мотоцикл.

Возачот на Априлија возеше само на една трка оваа сезона во Катар, каде што се здоби со фрактура на 11 ребра, што доведе до пневмоторакс, а претходно пропушти три трки поради фрактури на двете раце и едната нога.

Тестирањето во Монтмел е само првиот чекор за Мартин кон вистинско враќање на патеката, бидејќи неговите повреди сè уште не се целосно заздравени.

Ландо Норис го искористи подароот од тимскиот колега Оскар Пјастри и победи на трката за Големата награда на Велика Британија. Тркањето на култната патека во Силверстоун ја обележа безбедносното возило, кое шест пати излезе на патеката и брилијантниот Нико Хулкенберг кој го комплетираше подиумот.

Трката која се возеше по тешки услови, требаше, но не ја доби Пјастри. Австраиецот направи глупава греша додека безбедносното возило беше на патеката, поради што доби казна од 10 секунди, што му овозможи на Норис да ја забележи осмата победа во кариерата.

Херој на денот е Хулкенберг од Заубер, во 239 настап во Ф1 трка прв пат се искачи на подиумот. Германецот трката ја започна од 19. позиција.

Бодови во Британија освоија Хамилтон, Ферстапен, Гасли, Строл, Алонсо, Албон и Расел.

Во првенството сега следува пауза од три недели. Следната трка ќе се вози во Белгија на Спа Франкошамп.

Атлетскиот митинг од Дијамантската лига во американскиот град Јуџин донесе синоќа два светски рекорди од кениските атлетичарки Беатрис Чебет на 5.000 метри и Фејт Кипјегон на 1.500 метри, како и шест најдобри резултати во светот оваа сезонава.

Чебет стана првата жена во историјата која истрча 5.000 метри за помалку од 14 минути, минувајќи низ целта за 13:58,06 минути. Чебет со тоа го собори претходниот светски рекорд во оваа делница за повеќе од две секунди на Етиопјанката Гудаф Цегај (14:00.21), поставен пред две години, исто така, во Јуџин.

Брилијантната кениска атлетичарка на средни патеки, 31-годишната Фејт Кипјегон, постави нов светски рекорд на 1.500 метри, минувајќи ја целта за време од 3:48,68 минути. Со тоа, Кипјегон, која е трикратна олимписка и светска шампионка во оваа дисциплина, го подобри за 36 стотинки сопствениот светски рекорд што претходно го истрча на Олимписките игри во Париз минатото лето.

Митингот од Дијамантската лига во Јуџин донесе најдобри остварувања оваа сезона во дисциплините 3.000 метри со пречки (8:45,25), 10.000 метри (26:43,82), диск (83,16 метри), 200 метри (19,76 секунди), ѓуле (22,48 метри) и скок во далечина (7,07 метри).

Нашата најдобра атлетичарка на долги патеки, Адријана Поп Арсова успеа да се избори за настап на Светското првенство во Токио.

Поп Арсова преку ранкгинг системот на светска атлетика, обезбеди доволно бодови и се пласираше меѓу најдобрите 100 атлетичарки во светот во дисциплината маратон и со тоа таа обезбеди настап на своето трето последователно Светско првенство.

Адријана е првата атлетичарка во македонската историја што ќе настапи на три светски првенства по ред (Орегон, Будимпешта, Токио) од кои на две првенства со исполнет критериум за учество.

На СП во Токио Македонија ќе го има и најдобриот атлетичар Дарио Ивановски кој исто така избори пласман за настап на маратонската трка.

Тајсон Фјури официјално објави дека на 18 април 2026 година ќе се бори по трет пат против Олександр Усик.

На овој начин „Кралот на Циганите“ го потврди своето враќање од пензија и најави една од најочекуваните трилогии во историјата во тешка категорија.

Веста ја објави самиот Фјури на Инстаграм, наведувајќи дека борбата ќе се одржи на стадионот „Вембли“ во Лондон. Информацијата набрзо ја потврдија и водечките боксерски медиуми.

Ова соопштение доаѓа само неколку месеци откако Фјури го објави своето пензионирање од професионалниот бокс по втор пат.

Причината за пензионирањето беа два последователни порази против Украинецот, единствените во кариерата на Фјури.

Фјури и Усик прв пат се соочија на 18 мај 2024 година во Ријад, кога Украинецот стана апсолутен шампион во тешка категорија. Претходно тоа му спеа на Ленокс Луис.

Реваншот се случи на 22 декември минатата година, исто така во главниот град на Саудиска Арабија, каде што Усик го бранеше тронот.

Mинистерот за спорт во Владата на Македонија, Борко Ристовски, одржа прес-конференција на која даде отчет за работата, остварувањата и предизвиците на Министерството за спорт во изминатите 12 месеци.

Според Ристовски, во оваа прва година од неговото министерување се исплатени рекордни 20 милиони евра како директни инвестиции во спортот.

Меѓу другото се исплатени уште 550 милиони денари кои биле заостанати од минатата година кога тој не беше Министер, како и дополнителни средства предвидени со првиот дел од субвенционирањето на клубовите за оваа 2025 година.

Ристовски напомена дека се започнати голем број на инфраструктурни инвестиции за спортот од кои за дел