Поранешниот американски пливач и светски рекордер Мајкл Фелпс е прогласен за најдобар спортист од почетокот на 21. век. ESPN состави листа на 100 најдобри спортисти од 2000 година, па досега.

За време на гласањето, од експертите било побарано да ги изберат најдобрите спортисти во нивниот спорт од 1 јануари 2000 година (постигнувањата пред овој датум не беа земени предвид). Учесниците во анкетата во неколку круга го избраа подобриот од двајцата именувани кандидати.

Како резултат на гласањето, беа составени списоци од 10-25 луѓе во секој спорт, кои беа вклучени во севкупните топ 100.

Покрај Фелпс, во ТОП 5 листата на најдобри спортисти во овој век се најдоа и  Серена Вилијамс (тенис), Лионел Меси (фудбал), Леброн Џејмс (кошарка) и Том Брејди (американски фудбал).

Руските спортисти кои имаат покана за настап на Олимписките игри во Париз сами ќе одлучат дали ќе одат таму или не, изјави денеска портпаролот на шефот на руската држава Дмитриј Песков, цитиран од агенцијата ТАСС.

Воедно тој повика на почитување на одлуките и договорите што ги имаат одредени спортски федерации.

„Ова е одлука на секој спортист. Секој самостојно донесува такви одлуки“, одговори претставникот на Кремљ на новинарско прашање за учеството на спортисти од Русија на претстојните Олимписки игри. Што се однесува до оние кои имаа можност и не отидоа, секоја федерација има свои околности, свое колективно мислење, свои колективни одлуки и тоа мора да го третираме со почит“, додаде Песков.

Олимписките игри во Париз се на програмата од 26 јули до 11 август.

Меѓународниот олимписки комитет (ИОК) има строги критериуми во однос на учеството на руските спортисти.

Шест членови на руската боречка репрезентација, меѓу кои и Абдулрашид Садулаев, борец во слободен стил и олимписки шампион во Рио 2016 и Токио 2021 година, не ги поминаа критериумите, па поради оваа причина, колегите кои обезбедија учество ќе г0 бојкотираат турнирот во Париз.

„Не ги прифаќаме неспортските принципи на селекција според кои ИОК го состави списокот на спортисти со право на учество, бидејќи е донесен со очигледна цел да го поткопа нашиот тим“, е дел од соопштението на Боречката федерација на Русија.

Украинката Јарослава Махучик на митингот од Дијамантската лига во Париз денеска сруши рекорд во скок во височина кој беше стар 37 години.

Рекордот Украинката го сруши со скок од 210 сантиметри и така конечн беше соборен рекордот на Стефка Костадинова кој во 1987 година во Рим прескокна еден сантиметар помалку.

Боксерите од Русија се вратени на ранг-листата на Светската боксерска организација. Боксерите беа суспендирани од 2022 година, по почетокот на војната на Русија со Украина.

ВБО шампион во полутешка категорија е Русинот Артур Бетербиев. На 12 октомври Артур треба да се бори со сонародникот Дмитриј Бивол.

Боксерите ќе се борат во Саудиска Арабија. Тие првично требаше да се сретнат на почетокот на јуни годинава.

За жал, Артур се повреди и испадна од битката. Бивол остана во настанот и забележа победа. Неодамна и Меѓународната боксерска федерација (ИБФ) донесе одлука за отстранување на санкциите за руските спортисти.

Осумкратниот олимписки златен медалист во спринт и најбрзиот човек на планетата Усеин Болт претрпе успешна операција на Ахиловата тетива.

Јамајканецот се повреди за време на хуманитарен фудбалски натпревар на „Стемфорд Бриџ“ во Лондон.

Повредата Болт ја доби во второто полувреме од натпреварот помеѓу селекцијата на Англија и светската селекција (6-3).

Тој не можеше да го заврши натпреварот и беше изнесен од теренот на носилки.

Враќањето на Конор МекГрегор во кафезот повторно е одложено.

Претседателот на УФЦ, Дејна Вајт, на социјалните мрежи објави дека борбата меѓу Ирецот и Мајкл Чендлер, која требаше да биде главен настан на УФЦ 303, пропаднала поради повреда на борецот од Даблин.

Шампионот на УФЦ во полутешка категорија Алекс Переира ќе ја брани титулата во реваншот против Јиржи Прохаска на главниот настан на УФЦ 303, на местото на МекГрегор-Чендлер.

Променет е и последниот загревачки меч на боречката гала, која треба да се одржи на 29 јуни во Лас Вегас. Џамал ​​Хил се повлече од пресметката со Карлос Улберг поради повреда. Тоа место ќе го пополнат Брајан Ортега и Диего Лопез во перо категорија. Улберг доби нов противник – поранешниот претендент за титулата Ентони Смит.

Последната борба на Конор беше во 2021 година, кога поранешниот шампион во две дивизии ја скрши ногата во ММА дуелот со Дастин Поарје.

Дарио Ивановски и Андреас Трајковски ќе бидат македонските претставници на Европското атлетско првенство на отворено кое од 7 до 12 јуни ќе се одржи во Рим, соопшти Атлетската федерација на Македонија (АФМ).

Ивановски ќе настапи во дисциплината полумаратон, со претходно остварена норма на маратонот во Севиља со време од 2:08:26, додека Трајковски ќе настапи во неговата дисциплина скок во далечина, со обезбедена норма преку ранкинг системот.

Прв на програмата ќе настапи Трајковски кои ќе се појави во квалификациите закажани за 7 јуни со почеток во 12:55 часот.

Полумаратонската трка на која ќе настапи Ивановски е на програмата на 9 јуни со почеток во 9:00 часот. 

Овогодишната трка за Големата награда на Индија во МотоГП е откажана поради оперативни причини, соопштија денеска организаторите, додавајќи оти трката ќе се врати во календарот за 2025 година.

Минатогодишната премиерна трка во Индија се одржа во топли и влажни услови во септември и беше скратена за три круга откако возачите побараа приспособување на растојанието на трката.

„ФИМ, ИРТА и Дорна спортс објавуваат дека Големата награда на Индија нема да се одржи во 2024 година и Мото ГП го одложува своето враќање во земјата за почетокот на 2025 година поради оперативни причини“, се вели во соопштението на МотоГП.

Oлександар Усик и Тајсон Фјури ќе имаат реванш борба на 21. декември во Саудиска Арабија, потврдија организаторите денеска.

Усик пред десет дена стана апсолутен боксерски шампион во тешка категорија, откако го совлада Фјури. Украинецот по 12 го победи Америманецот по 12 рунди боксување со судиска одлулка која беше поделена.

Имаше Усик шанса и да го нокаутира Американецот во шестата рунда, но кога Фјури го „преживеа“ тој напад се врати во борбата и остана на нозе до самиот крај.