Околу 15.000 војници ќе бидат мобилизирани за Олимписките игри во Париз што се одржуваат летото 2024 година, од кои 10.000 во поширокото подрачје на главниот град на Франција.

Во оваа фаза, 250 дена пред истекот на рокот, армијата се подготвува да регрутира околу 15.000 војници на национално ниво, од кои околу 10.000 ќе бидат распоредени во Париз и неговата околина, изјави генерал Кристоф Абад.

Во тој број војници не се вклучени лицата од безбедносниот приватен сектор. Организацискиот комитет на Олимпијадата оценува дека од 17.000 до 22.000 безбедносни агенти се неопходни за да се обезбеди едно натпреварувачко место.

За таков вид обезбедување се пријавија повеќе приватни компании. Олимписките игри ќе се одржат од 26 јули до 11 август 2024 година.

Австрија ја прекина низата од 17 трки без победа во слалом во Светскиот куп во алпско скијање и тоа со тројно славје во домашниот ски-центар Гургл.

Мануел Фелер денеска беше најбрз и тоа со вкупно време по двете трки од 1 минута, 47 секунди и 23 стотинки. Зад него со 23 стотинки послабо време финишираше сонародникот Марко Шварц, а се-австрискиот подиум го комплетираше Михаел Мат.

Ова беше прва сезонска трка во машка конкуренција во Светскиот куп откако претходно беа откажани трките во Зелден и Цермат-Червинија поради лоши временски услови.

Официјално, како што пренесува „Дејли Меил “, Тајсон Фјури и Александар Усик ќе ги вкрстат ракавиците во Ријад, Саудиска Арабија на 17 февруари.

Тоа го потврди и самиот Фјури, кој претходно требаше да се бори со Усик на 23 декември, исто така во Ријад.

Но, тогаш Британецот побара борбата да се одложи за неколку месеци, со оглед на тоа што неодамна се бореше против поранешната ѕвезда на УФЦ Френсис Нгану, кого го победи дури по судиската одлука.

Да потсетиме, Фјури го има шампионскиот појас на ВБЦ во тешка категорија, додека Украинецот Усик ги има шампионските појаси на ВБА, ВБО, ИБФ и ИБО.

Меѓунардодната организација Куќа на славните на маратонското пливање објави дека Евгениј Поп Ацев ќе стане нејзин член на следниот собир, во мај 2024.

Во 2015 и во 2017 година Поп Ацев беше победник во светскиот гран-при за маратонско пливање, а во 2019 година триумфира на ултра маратонската серија на ФИНА.

„Најголема чест и привилегија е да се биде во ‘Куќата на славните за маратонското пливање’ (IMSHOF) во друштво на најголемите имиња во историјата на светското пливање. Посебно сум среќен и горд што правејќи го тоа што најмногу го сакам и пливајќи за Македонија имам придонесено и оставено белег во светот на маратонско пливање. Многу сум благодарен на IMSHOF за номинацијата, изборот и за ова големо признание од ваква голема светска организација. Исто така и на сите што беа дел од мојата пливачка кариера и подржуваа во изминативе 20 години“, се заблагодари Поп Ацев со објава преку социјалните мрежи.

Трката за Големата награда на Абу Даби, закажана за 24-26 ноември, е под закана за откажување. Поради ескалацијата на вооружениот конфликт на Блискиот Исток меѓу Израел и Палестина, одржувањето на викендот во Обединетите Арапски Емирати може да биде откажан.

Како што пренесуваат неколку медиуми специјализирани за Формула 1, менаџерите на натпреварувањето го следат развојот на настаните, размислуваат за ситуацијата и ги проценуваат безбедносните услови. Можно е да се почека да се види како ќе завршат трките во WEC шампионатот на издржливост кои овој викенд ќе бидат во Бахреин, исто така на Арапскиот Полуостров.

Одлуката на Формула 1 се очекува во следните денови.

Еден од најдобрите скијачи во светот, 23-годишниот Норвежанец Лукас Браатен, реши да стави крај на кариерата поради малку неверојатна причина.

Неговиот потег многумина го толкуваат како бунт против Норвешката скијачка асоцијација. Тие им забранија на своите скијачи да потпишуваат поединечни договори со спонзори кои се во конфликт со спонзорите на Федерацијата. Браатен рече дека не ја завршува кариерата поради протест или одмазда, туку затоа што бил „третиран со крајно непочитување“.

Се огласи и преку својот Инстаграм каде објави видео на кое скија, а во описот напиша: „Благодарам!

Реакциите на скијачката јавност се речиси едногласни – сите се тажни што еден од најпопуларните скијачи се пензионира како скијач. Некои колеги како Јохан Клери и Атл Ли Мекграт исто така се огласија во коментарите, но еден особено насмеа и привлече внимание.

Станува збор за пензионираниот германски скијач Феликс Нојројтер, кој му понудил брак на Браатен за да си ја „спаси“ кариерата:

„Не ми се верува… Ако е поради сојузот, ќе се омажам за тебе, а ти можеш да скијаш за Германија. Мојата сопруга нема да протестира“, напиша тој.

Во неделата на 22-ви октомври во Прилеп за прв пат се одржа спортскиот настан „ЧЕ трчаме“.
Низ прилепските улици беа одржани три трки и тоа детска, како и две трки за возрасни на 5 и 10 километри на кои продефилираа огромен број на учесници.

Чест да го поддржат настанот во својство на генерални спонзори имаа компаниите ЕВРОТИП и ГОЛД СЛОТ кои што уште еднаш ја покажаа својата посветеност кон спортот и социјализацијата на граѓаните.
Како компании чии вработени секогаш се стремат кон спортскиот дух и натпреварувањето, и сега не изостана интересот и пријавувањето за учество на трката, посебно на онаа во должина од 5 километри. Свое учество како тркачи од двете компании зедоа Филип Цветаноски, Дејан Наумоски, Ангела Елизабета Виданоска, Влатко Стојаноски, Антонио Ангелевски, Билјана Николовска, Ташко Башевски и Марија Дабеска кои добија безрезервна поддршка од своите колеги.
За настанот да биде комплетно покриен и од забавен карактер, Евротип и Голд Слот на повеќе локации низ градот имаа свои промотивни штандови со многу изненадувања, награди и промоции за сите посетители.

Најавуваме дека како општествено одговорни компании и во иднина ќе даваме целосна финансиска и мотивациска поддршка на вакви настани и локални иницијативи каде целта е да се промовира спортот, компетитивноста и здравиот начин на живот на граѓаните.

Ентони Џошуа зборува за крајот на кариерата како боксер, иако неодамна наполин 34 години, но пред да се повлече од рингот сака да се бори уште со двајца ривали, а тоа се Тајсон Фјури и Дионтај Вајлдер.

Џошуа се обидува да договори борби против најголемите ѕвезди во боксот, но досега не падна договор за такво нешто.

„Ако не се борам со Фјури или Вајлдер, односно барем еден од нив, тогаш мојата кариера нема да биде целосна“, кажа Џошуа.

Џошуа наводно бил во преговори со Вајлдер, но засега нема конкретни информации во јавноста за тоа како течат преговорите.

Берлинскиот маратон уште еднаш потврди дека е најдобрата трка за испишување историски резултати. Тигист Асефа постигна нов светски рекорд во женска конкуренција истрчувајќи ја патеката од 42 километри со време од 2.11.53 часа. Во нашка конкуренција победата ја однесе одличниот Елиуд Кипчоге кој по петтипат триумфира на улиците на Берлин, овој пат со време од 2.02.42 часа.

26-годишната Етиопијка имаше незаборавна трка која предизвика бурни реакции кај публиката, а Кипчоге, која е и актуелен светски рекордер потврди дека е најдобриот на оваа делница.