Шведскиот атлетичар Арманд Дуплантис денеска на митингот во Белград го собори светскиот рекорд во скок со стап. Дуплантис прескокна височина од 6,19 метри и со тоа го надмина сопствениот рекорд, најдобар на сите времиња. Тоа го направи во третата серија со помош на поддршката од публиката во белградската „Старк арена“.

Швеѓанецот има само 22 години, во кариерата освои олимписко злато во 2021 година, светско сребро (2019) и европско злато (2018) на отворено. Минатата година на континенталниот шампионат во сала исто така се закити со титулата шампион.

Михаел Шумахер е во кома од 2013 година откако се здоби со тешки повреди при скијање.

Легендарниот Германец е икона во спортот и сигурно еден од најомилените возачи кои некогаш се појавиле. Токму затоа не треба да изненади тоа што неговиот болид Ф300 од 1998 година е ставе на аукција за сума од 4.9 милиони долари. Станува збор за болидот со кој Шумахер успеа да надокнати 25 секунди за 19 круга на Големата награда на Унгарија.

Треба да се спомене дека ова не е првпат еден болид на Шумахер да биде на аукција. Претходно за 7.5 милиони долари се продаде Ферари Ф2001, додека 6.6 милиони долари достигна Ферари Ф2002.

Македонскиот атлетичар Дарио Ивановски е балкански вицешампион откако заврши на второто место на трката на 3.000 метри.

Ова Балканско првенство за Сениори во сала се одржува во Истанбул, 

Турција каде учествуваат над 350 атлетичари од 22 земји.

Дарио Ивановски во дисциплината на 3000м со резултат 7:58.48 што е нов национален рекорд на Македонија вреден 1087 бода, а тоа му го донесе второто место и сребрениот медал, дисциплина во која претходната година на истото првенство го освои златниот медал и се закити со титулата балкански шампион.

Никита Мазепин и официјално нема да вози оваа сезона во Формула 1. Имено неговиот, сега веќе поранешен тим Хас, одлучи да му го раскине договорот на рускиот возач и да го отстрани од тимот.

Причината е војната во Украина. Познато е дека семејството Мазепин е во блиску односи со претседателот на Русија. Одлуката, тимот на Хас ја образложи дека како и целиот свет и тие се шокирани од случувањата во Украина и дека го раскинуваат договорот не само со возачот туку и со руските спонзори.

Формула 1 тимот Хаас, поради инвазијата врз Украина, одлучи да го раскине договорот со рускиот возач Никита Мазепин.

Хаас го раскина и договорот со руски Уралкали, кој беше главен спонзор на тимот и е во сопственост на таткото на Мазепин.

23-годишниот Никита Мазепин своето деби во Формула 1 го имаше минатата година.

ФИА на 1.март  им дозволи на руските возачи да се тркаат под неутрално знаме. Употребата на национални симболи, бои, знамиња и изведување на државната химна е забранета на меѓународни натпревари. Истите мерки важат и за возачите од Белорусија.

Македонија со тројца атлетичари ќе се појави на Балканското првенство за сениори во сала, кое утре почнува во Истанбул, Турција. На балканскиот шампионат ќе учествуваат 22 држави, членки на Балканската федерација, со преку 350 атлетичари.

Македонија ќе ја преставуваат Јован Стојоски во дисциплината 400 метри., пријавен со личен резултат и рекорд на Македонија 47,18 секунди, Дарио Ивановски во дисциплината 3000 м. со личен резултат и рекорд на Македонија 8.01:63 минути, како и Андреас Трајковски, кој ќе се натпреварува во две дисциплини, скок во далечина со личен резултат и рекорд на Македонија 7,65 метри и 60 м. со личен резултат 6,90 секунди.

Дарио Ивановски минатата година донесе златен медал од ова првенство, па останува да видиме дали ќе биде потврден овој успех и закитен со уште некој медал.

Формула 1 тимот на Ред Бул и Макс Верстапен ја потврдија новата соработка до 2028 година. Тоа значи дека Холанѓанецот уште долго време ќе го вози болидот на австриската екипа во Формула 1 шампионатот.

Најголемиот успех на Ред Бул и верстапен беше она што се случуваше минатата сезона, кога холандскиот пилот ја доби битката со Луис Хамилтон и ја освои шампионската титула.

„Навистина уживам што сум дел од Ред Бул, па изборот да останам до 2028 година беше лесна одлука. Го сакам овој тим и минатата година беше едноставно неверојатна. Нашата цел откако се здруживме во 2016 година беше да го освоиме шампионатот и го направивме тоа, па сега е да го задржиме број еден на болидот долгорочно“ , истакна Верстапен.

Рускиот милијардер и сопственик на Челзи, Роман Абрамович, веќе донесе одлука за продажба на клубот, поради притисоците и рестрикциите врз руските бизнисмени после нападот на Русија врз Украина.

Продажната цена која се споменува изнесува околу 3 милијарди фунти и засега инерес за купување имаат изразено неколку светски финансиски конзорциуми.

Како изненадување се појави и веста дека популарниот поранешен УФЦ борец, Конор Мекрегор има желба да стане сопственик на Челзи. Тој преку пост на социјалните мрежи објави дека сака да ја истражи опцијата за купување на клубот.

Според најновите информации, тимот на Ред Бул сака да го задржи Макс Верстапен во своите редови до крајот на кариерата. 

Поради тоа на Верстапен му е понуден договор со кој ќе заработува 48 милиони евра по сезона. 

Актуелниот светски првак веќе беше на разговори во седиштето на тимот во Англија, и практично се завршени сите детали околу новиот договор и се очекува тој да биде официјално потврден во најскоро време. 

Со потписот Верстапен ќе стане најскапо платениот возач во Формула 1 натпреварувањето.

Светскиот шампион во тешка категорија, Тајсон Фјури, планира да стави крај на професионалната боксерска кариера по мечот против Дилијан Вајт.

Пресметката меѓу двајцата е закажана за 23 април на стадионот „Вембли“. 33-годишниот Британец вели дека тоа ќе му биде последното влегување во рингот.

„Имам 150 милиони долари на мојата банкарска сметка, сè уште сум млад, здрав, ќе купам огромна јахта некаде во странство. Се откажувам, завршив“, објави Фјури.