Возачот на Ред Бул, Макс Верстапен е победник на трката за Големата награда на Мексико. За Верстапен ова беше трета победа на патеката во Мексико Сити.

Холанѓанецот Верстапен, по победата изјави дека ситуацијата во првенството за него изгледа добра, но е свесен дека работите можат да се променат многу брзо.

„Ни претстои долг пат. Работите изгледаат добро во моментов, но можат многу брзо да се променат. Со нетрпение ја чекам трката во Бразил, од каде носам убави спомени“, изјави Верстапен по завршетокот на трката во главниот град на Мексико.

На 4 трки до крајот на сезоната, возачот на Ред Бул е прв на табелата со 19 поени предност пред Луис Хамилтон од Мерцедес.

Формула 1 потпиша договор со организаторот на Големата награда на Кина. Договорот е на три години, но трката нема да ја има следната сезона. Така „Кинеското ГП“ ќе се одржи во 2023, 2024 и 2025 година.

Среќни сме што можеме да објавиме договор со кој ќе се одржуваат трки во Шангај до 2025 година – одлична вест за сите наши фанови во Кина. Сите сме разочарани што не можевме да ја вклучиме Кина во календарот за 2022 година поради пандемијата што е во тек, но сцената ќе се врати во календарот штом условите дозволат. Со нетрпение ја очекуваме можноста да се сретнеме со кинеските навивачи што е можно поскоро, го цитира „Ф1 њуз“ претседателот и извршен директор на Формула 1, Стефано Доменикали.

Рос Браун рече дека Формула 1 спортот се обидува да ја подобри видливоста на дожд.

„Во однос на дождот, се прави истражување за прскање и видливост. Во текот на последните етапи, Пет Сајмондс и други луѓе од ФИА комуницираа со возачите – особено со оние кои пилотираа други автомобили. Фернандо Алонсо рече дека е многу полесно да се трка на дожд во спортски автомобили отколку во Формула 1 болид. Да, има шофершајбна и бришачи, но рече дека има уште еден спреј“, изјави Браун, за „GPFans“.

Исто така, спортскиот директор на Формула 1 зборуваше за главните проблеми во дождливото време.

„Ќе проучиме каков спреј создаваат новите автомобили. Имаме неколку идеи како да ја подобриме ситуацијата. Има два големи проблеми – „аквапланинг“ и видливост. Аквапланинг се однесува на тоа како функционираат гумите во водени услови, а по одреден момент не можете да направите ништо. Но, видливоста веројатно може да се подобри. Има голем број работи што ги проучуваме“, ќе видиме дали ќе имаат влијание, додаде Браун.

Претседателот на Меѓународниот олимписки комитет Томас Бах изјави дека учеството на боксот и кревање тегови на Олимпијадата во Париз во 2024 година се доведени во прашање.

„Комитетот е загрижен за овие два спорта бидејќи има сериозни проблеми во управувањето во овие федерации. Затоа, многу внимателно ја следиме ситуацијата и ќе донесеме одлука што е можно поскоро во интерес на спортистите“, рече Бах во интервју за „Франс Инфо“.

Претседателот не знае дали каратето може да стане олимписки спорт на трајна основа.

Процесот на дистрибуција на дисциплина е веќе завршен пред Игрите во Токио. Би било премногу тешко да се продолжи сето ова. Ние комуницираме не само со Карате федерацијата, туку и со другите меѓународни федерации кои ги полагаат своите надежи за учество на Олимпијадата, додаде Бах.

Натпреварите во бокс на Олимписките игри се одржуваат од 1904 година, а кревањето тегови од 1896 година. Олимписките медали во карате се доделија за прв пат на Олимпијадата во 2020 година, а спортот беше вклучен во програмата само за Игрите во Токио. Летните олимписки игри 2024 година ќе се одржат во Париз од 26 јули до 11 август.

Возачот на Ред Бул тимот, Макс Верстапен е победник на трката од Ф1 шампионатот, која се возеше за големата награда на САД, во Остин, Тексас.

Во одлична тактичка трка и рана промена на гумите во боксот , Верстапен го врати водството кое до 29-от круг го имаше актуелниот шампион Хамилтон и го задржа до крајот на трката.

За Холанѓанецот Верстапен ова беше 9-та победа сезонава и 18-та во кариерата, но уште поважно е што за 12 поени ја зголеми предноста пред Хамилтон во генералниот пласман. Англичанецот Хамилтон трката ја заврши на втората позиција, а третото место на подиумот му припадна на вториот возач на Ред Бул, Серхио Перез.

Пеко Бањаја имаше нова извонредна трка на домашно тло како што беше и пред неколку недели, но за разлика од тогаш, денеска не успеа да ја заврши трката за Големата награда на Емилија Ромања и практично го прокламираше Фабио Квартараро во нов светски шампион.

Италијанецот ја предводеше денешната трка на Мизано од самиот старт и одлично одолеваше на Марк Маркез кој беше залепен за опашката од неговиот мотоцикл, но кога се чинеше дека почна да му се одлепува на Шпанецот, следеше голема грешка на четири круга пред крајот.

Бањаја загуби контрола над своето Дукати и излета од стазата, па наместо да го одложи шампионското славје на Квартарато кој денеска се мачеше со старт од 17-то место, на крајот го прокламираше младиот Французин во нов Мото ГП шампион.

Марк Маркез стигна до трета победа оваа натпреварувачка сезона и зад него заврши колегата од Хонда, Пол Еспаргаро, но сето тоа падна во сенка на големата вест поврзана за Квартараро.

Американската скијачка Микаела Шифрин победи на денешниот велеслалом возен во австриски Зилден со кој стартуваше новата сезона од Светскиот куп.

Американката двете трки ги заврши со вкупно време 2:07.22 минути, односно 14 стотинки побрзо од второпласираната Лара Гут-Бехрами. Третото место и припадна на Петра Влхова од Словачка која заостана 1,3 секунди.

Во првите десет место обезбедија уште и: Линзбергер (Австрија), Твиберг (Норвешка), Хроват (Словенија), Грение (Канада), Ворли (Франција), О’Брајан (САД) и Зиберхофер (Австрија).

Машката сезона ќе стартува утре, исто така во Зилден и исто така со трката во дисциплината велеслалом.

Макс Верстапен, возачот на Ред Бул, изрази незадоволство од односот на Луис Хамилтон за време на одржувањето на вториот трнинг од трката за Големата награда на САД. 

Двајцата возачи во еден момент се доближија со тркалата на нивните болиди и за малку избегнаја контакт. Веднаш по настанот Верстапен реагираше преку тимското радио и го нарече Хамилтон глупав идиот, при што доби “наредба“ од својот тим да го игнорира однесувањето на возачот на Мерцедес.

Стартот на трката за Големата награда на САД во Ф1 која се вози на патеката во Остин е закажана за недела.

Најдобриот македонски кик-боксер, Димитар Ѓоргиев е нов светски првак. Во финалето на Светското првенство во Италија во дисциплината лоу кик, Ѓорѓиев славеше против Никола Дробњак од Босна и Херцеговина со 3-0 и повторно се закити со светско злато.

Ова за него е четврта титула на светските првенства, откако претходно беше златен и на СП во 2011 година во дисциплината кик лајт.

На патот до финалето во Италија, Ѓорѓиев обезбеди три убедливи победи, без загубен поен. 

Денес на античкиот стадион во грчката Олимпија без присуство на гледачи поради пандемијата на корона-вирусот ќе биде запален Олимпискиот оган пред стартот на Зимските олимписки игри (ЗОИ) во Пекинг кои ќе се одржат од 4 до 20 февруари.

Поради ситуацијата поврзана со пандемијата со ковид-19, свеченоста ќе се одржи со строго почитување на локалниот здравствен протокол, објави Комитетот на Игрите.

На свеченоста меѓу гостите ќе присуствуваат претседателот на Грција, Катерина Сакералополу и првиот човек на МОК, Томас Бах.