Магнус Карлсен одби да игра против Јан Непомњашчи за титулата најдобар шахист во светот.

Рускиот шахист изјави дека е многу разочаран од одлуката на актуелниот светски шампион од Норвешка, Магнус Карлсен, да одбие да игра против него за титулата светски шампион.

Карлсен во средата објави дека не сака да игра со Непомњашчи, кој го освои турнирот во Мадрид претходно овој месец за да го добие правото да го предизвика шампионот од 2023 година.

„Не сум мотивиран да играм уште еднаш. Мислам дека нема што да добијам. Не ми се допаѓа тоа“, рече Карлсен во првата епизода од неговиот подкаст „Магнус ефект“.

Претседателот на челната шаховска организација Аркадиј Дворкович излезе со соопштение во врска со новонастанатата ситуација во која вели дека Магнус се уште официјално не го откажал учеството, но дека неговиот став секако ќе биде испочитуван доколку остане така.

Тројца јапонски атлетичари и еден тренер беа позитивни на КОВИД-19 на Светското првенство, со што вкупниот број на случаи во делегацијата се искачи на 15.

Спринтерот Јуки Коике е заразен и ги пропушти трките на 200 метри додека Шунсуке Изумија и Такајуки Кишимото не нестапија на 400 и 110 метри со пречки.

Организаторите наложија целиот технички и медицински персонал како и претставниците на медиумите да носат маски во затворени простории поради сè повеќе случаи на ковид-19.

Шели-Ен Фрејзер-Прајс постигна нешто неверојатно. 35-годишната спринтерка од Јамајка ја освои својата петта светска титула на 100 метри. Фрејзер-Прајс триумфираше на Светското првенство во Јуџин, Орегон со нов рекорд на шампионатот од 10,67 секунди (0,8 м/сек). Таа има златни медали на 100 метри од планетарните форуми во Берлин 2009, Москва 2013, Пекинг 2015 и Доха 2019 година.

Само легендата Сергеј Бубка има освоено повеќе светски титули во индивидуална дисциплина – шест.

Триумфот на Јамајка во ова финале беше комплетен бидејќи сите три места на подиумот ги зазедоа жените од оваа карипска земја. Шерика Џексон заврши втора со личен рекорд од 10,73 секунди.

Двократната олимписка шампионка на 100 и 200 метри Елејн Томпсон-Хера овој пат мораше да се задоволи со бронзениот медал со 10,81 секунди.

Легендата на американскиот фудбал, Том Брејди се уште не одлучил дали претстојната сезона во НФЛ ќе биде последна во неговата кариера. 44-годишниот бек на Тампа Беј, кој има роденден во август, се повлече од спортот по крајот на минатата сезона, но ја смени својата одлука само еден месец подоцна.

Брејди има седум победи во „Супер Боул“ со Њу Ингланд и Тампа. Тој наскоро ќе ја започне својата 23-та НФЛ сезона и трета со Тампа Беј.

„Физички се чувствувам прилично добро. Имав многу повреди низ годините, но се надевам дека следната ќе помине без проблеми и ќе победувам“, изјави Брејди за Variety.

„Ја донесов одлуката (да се пензионирам) рано. Мислев дека тоа е за доброто на тимот и им го кажав тоа. Но понекогаш ви треба повеќе време за планирање. По разговорите со Брус Аријанс (тренер), Џејсон Лихт (генерал менаџер) и мојата сопруга (моделот Жизел Бундхен) одлучивме дека сè уште можам да играм на највисоко ниво. Преферирав да размислувам до јули дали ќе играм повторно, но работите се случија порано. Сакав да му дадам време на тимот да прави планови и поради тоа пребрзо ја донесов одлуката. Меѓутоа, подоцна сфатив дека можам да продолжам бидам на терен“.

Флојд Мејведер е подготвен да се врати на професионалниот бокс. Мејведер целосно го насочи вниманието кон своите други деловни потфати надвор од боксот. Тој навести дека наскоро ќе поседува кошаркарски тим во НБА.

Мејведер сè уште се натпреварува егзибициски, а неодамна се соочи со YouTube ѕвездата, Логан Пол и поранешниот спаринг партнер Дон Мур.

Популарниот „Мани“ изгледаше задоволно што се пензионира по неговата последна професионална борба против Конор МекГрегор во 2017 година. Откако навести дека ќе остане во пензија, Мејведер не ја затвора целосно вратата за враќање на професионалниот бокс, што ќе се случи во одреден момент, но за вистинската цена.

Мејведер ја именуваше цената за потенцијално враќање во професионалниот ринг.

Најбрзиот Африканец, Фердинанд Омањала ќе го пропушти Светското првенство во атлетика во Јуџин, поради проблеми со визата.

„Фердинанд сè уште чека виза или алтернативно одобрение за да го напушти Најроби. Ситуацијата е фрустрирачка, но тој уште се надева дека ќе може да замине“, додаде неговиот портпарол.

26-годишниот Омањала го држи африканскиот рекорд на 100 метри од 9.77 секунди, истрчан на митингот Кип Кеино Класик во Најроби во септември 2021 година. 26-годишниот исто така ја освои африканската титула на 100 метри минатиот месец во Маурициус, со што стана првиот Кениец што стигна до полу финалето на 100 метри на Олимписките игри во Токио минатата година.

Возачот на Ферари, Карлос Саинс стигна до првата победа во кариерата откако славеше во трката за Големата награда на Велика Британија во Силвестоун.
Шпанскиот возач кој стартуваше од пол позицијата својата прва победа во Формула 1 ја обезбеди на својот 150 настап.

Второто место во возбудливата трка му припадна на Серхио Перес од Ред Бул, додека третото место го освои рекордерот по бројот на победи на Силверстоун, Луис Хамилтон од Мерцедес.

Бранителот на титулата и водечкиот во генералниот пласман на Формула 1 шампионатот, Макс Верстапен трката во Силверстоун ја заврши на седмата позиција.

Шведскиот атлетичар Арманд Дуплантис постави нов светски рекорд во скок со стап на отворено.

Најдобриот скокач со стап на денешницата, успеа да го собори сопствениот рекорд кој сега изнесува 6.16 метри. Дуплантис новиот рекорд го забележа пред домашната публика на атлетскиот митинг од Дијамантската лига во Стокхолм.

Претходниот најдобар резултат на Дуплантис изнесуваше 6.15 и беше остварен во март 2020 година.

Официјалниот добавувач на гуми во Формула 1 – „Пирели“ планира да направи неколку промени во дизајнот на предните гуми за почетокот на сезоната 2023. Нивната цел ќе биде да го елиминираат подуправувањето што го трпат сите болиди од воведувањето на новите правила претходно оваа година.

Најчесто се јавува во бавните свиоци, каде што поголемата тежина на болидите ги прави поинертни, што не им дозволува на возачите да бидат прецизни колку што сакаат. Еден од најголемите критичари на ова е светскиот шампион Макс Верстапен, кој претпочита автомобил со попрецизен преден дел.

Расчистувањето на подуправувањето ќе се врши со зајакнување на конструкцијата на предните гуми, а ќе стане слично на дизајнот на задниот дел.

Тимот на Колорадо Авеланш е шампион на најсилната светска лига во хокеј,НХЛ Лигата. Екипата од Денвер до својата титула дојде после победата во шестиот натпревар од финалето против Тампа Беј со резултат 2:1. Вкупниот резултат во финалната серија на крајот заврши 4:2. 

За екипата на Колорадо ова е прва титула во НХЛ после пауза од 21 година. За најкорисен играч на финалето е прогласен дефанзивецот Кејл Макар, кој е само третиот дефанзивен играч кој ја добил титулата МВП. Во финалната серија тој постигна три гола и четири асистенции.