Организаторите на трката за Големата награда на Холандија го потврдија одржувањето на Формула 1 трката во септември со присуство на гледачи, објави официјалната веб-страница на натпреварувањето.

Холандската влада дозволи трибините на автодромот Зандворт да се полнат до две третини од максималниот капацитет, поради ограничувања поврзани со коронавирусот. Така, околу 70.000 луѓе ќе можат да ја посетат трката од сезоната 2021 година.

Етапата од Големата награда на Холандија ќе се одржи од 3 до 5 септември 2021 година.

Британскиот спринтер Чиџинду Уџа, кој го освои сребрениот медал во штафета 4×100 метри на Олимписките игри во Токио, е привремено суспендиран поради наводно кршење на антидопинг правилата за време на Игрите.

Единицата за интегритет на атлетика (АИУ) во четвртокот откри дека по завршувањето на Олимписките игри во Токио, лабораторијата за контрола на допинг во Токио ја извести Меѓународната агенција за тестирање (ИТА) дека тестот на Уџа покажал „присуство/употреба на забранета супстанција (Остарин и С-23)“.

27-годишниот Уџа беше прва замена за британскиот тим, кој заврши втор по шампионот Италија на финалната трка.

Меѓународниот олимписки комитет (ИОК) ќе издвои 120.000 долари со кои ќе се финансираат подготовките на најдобрите македонски спортисти во квалификациите за настап на следните Олимписки игри во Париз.

Договорот со Маркетинг одделението на ИОК во Токио го потпиша претседателот на Македонскиот олимписки комитет – МОК, Даниел Димевски.

Договорот, како што соопшти македонската страна, предвидува MOK во следните четири години да добие донација во износ од 30.000 долари годишно, кои исклучиво ќе се користат за подготовки на најдобрите македонски спортисти и нивно учество на меѓународните натпревари кои се квалификациски за учество на Олимписките игри Париз 2024.

Алисон Филикс ја завршува својата уникатна атлетска кариера како најтрофејната спортистка во историјата на Олимписките игри, откако го освои својот единаесетти медал со штафетата на САД на 4×400 метри и ја надмина легендата Карл Луис, кој има десет олимписки медали во својата кариера.

35-годишната Феликс, за која првото олимписко учество беше во 2004 година во Атина, денес го освои својот седми златен олимписки медал, откако американскиот квартет на 4х400 метри во женска конкуренција победи со 3:16,85 минути.

Штафетата на Полска заврши на второто место, со нов национален рекорд од 3:20,53 минути. Третата позиција и бронзениот медал и припадна на претставничките на Јамајка со 3:21,24 минути.

Еден од најдобрите возачи во историјата на мотоциклизмот, Италијанецот Валентино Роси најави дека заминува во спортска пензија на крајот на оваа сезона.

Одлучив да се повлечам. За жал ја почнувам последната половина од сезоната како возач во Мото ГП. Тоа е тежок момент и поприлично тажен, изјави Роси на средба со новинарите спроти трката во Австрија. Следните години мојот живот ќе се промени. Беше тоа многу долго патување, но исполнето со многу забава, додаде летендарниот италијански мотоциклист, кој освои вкупно девет светски титули во сите категории и забележа 115 победи.

Оваа сезона, меѓутоа, Роси е далеку од самиот врв со само еден пласман меѓу најдобрите десет возачи.

Mакедонски борач Магомедгаџи Нуров не успеа да се пласира во полуфиналето во слободен стил во категоријата до 97 килограми. Откако успешно ја мина првата битка, тој беше запрен во четврфиналето.

Нуров извојува победа во првото коло против Тунижанецот Садуи Мохамед со убедливи 5-0, но во четвртфиналниот меч против Кубанецот Ринерис Салас Перез не успеа да мине во директната битка за медали, откако загуби со 6-4 на поени.

Сега останува да се види дали Нуров може да биде повлечен во репасажот во битка за бронзен медал.

Македонската каратистка Пуликсенија Јованоска рано наутро го имаше својот настапот на Летните Олимписки Игри (ЛОИ) во кати, но не успеа да ја помине првата рунда откако во својата група каде имаше пет учесници заврши како петта.

Нашата каратистка на ЛОИ во Токио дојде благодарение на „вајлд-карта“ и настапи во карате кој кој за првпат беше на едни ЛОИ, успеа да освои вкупно 23.80 поени за првата ката и уште 24 поени за втората ката, по што се извади просек од 23.90, кој, за жал, не беше доволен за да се мине првиот круг во групата. Пуликсенија Јованоска, во вкупниот пласман заврши на претпоследното место во конкуренција на десет натпреварувачки.

Претседателот на МОК, Даниел Димевски и Претседателот на Олимпискиот комитет на Словенија, Богдан Габровец, денеска потпишаа договор за Олимписко партнерство и соработка во однос на заеднички подготовки на најдобрите македонски и словенечки спортисти Олимпијци во пресрет на зимските Олимписки игри Пекинг 2022, Медитеранските игри Оран 2022, Европските игри Гдањск 2023, летните Олимписки игри Париз 2024.

Договорот се однесува и на понатамошни активности по и во овој период кои се однесуваат на унапредување на работата на спортската администрација, спортскиот односно тренерскиот кадар, спортската медицина, користење на спортските објекти и воопшто на спортските ресурси со кои располагат словенечкиот и македонскиот спорт, објавија од МОК.