Поранешниот шеф на Формула 1, Берни Еклстон, тврди дека не бил уапсен во Бразил и покрај тоа што во неговиот багаж бил пронајден непријавен пиштол.

Бразилската полиција соопшти дека Еклстоун бил уапсен во средата вечерта на аеродромот во Кампинас, бидејќи во неговиот багаж било скенирано огнено оружје.

„Никогаш не сум бил уапсен. Тоа беше мал глупав инцидент. Немам публицитет во последно време и мислев дека треба да направам нешто за да го добијам“, рече поранешниот прв човек на Ф1, кој потврди дека морал да плати кауција од 6.060 реали (1.260 долари) пред да му биде дозволено да замине од Бразил.

„Тие сакаа да платам за тоа во локална валута, која никогаш не ја имав. Потоа се случи уште една драма во обид да најдам пари. Ја напуштав земјата, немав локални пари. Тоа беше вистинска драма, непотребна, без причина“, додаде тој.

Помалку од десет години по целосниот неуспех на плановите на Берни Еклстон за Формула 1 трка во Њујорк, Големото јаболко уште еднаш ја изрази својата желба да прифати трка од шампионатот. Ова го потврди извршниот директор на Либерти Медиа, Грег Мафеи, кој исто така рече дека во моментов не се планира четврта трка во САД.

Откако ги купи комерцијалните права за спортот кон крајот на 2016 година, Либерти Медиа почна да ја проширува својата географија, главно со натпревари во или во близина на големите градови. Дел од тоа проширување е додавањето на старт во Мајами, кој дебитираше пред две недели, и оној во Лас Вегас, кој ќе дебитира следната година.

Со нив, САД ќе организираат вкупно три старта годишно најмалку три години, а овој бум на интерес за Формула 1 во странство главно се должи на серијата на Netflix – Drive to Survive. Желбата на Њујорк да биде домаќин на трка во Формула 1 доаѓа директно од администрацијата на новоизбраниот градоначалник, Ерик Адамс.

Чешката атлетичарка, Зузана Хејнова, која е двократната светска шампионка на 400 метри со пречки, најави дека се повлекува од  атлетиката бидејќи е бремена. Таа во изминатите две години имаше проблеми со повредите и последен пат се појави на атлетската патека во септември 2020 година.

„Зад мене е одлична кариера,  сега се радувам на новата улога во животот“, потенцираше 35-годишната атлетичарка.

Хејнова има злато од СП во Москва (2013 година) и во Пекинг (2015). Таа на Олимпијадата 2012 во Лондон се накити со бронзениот медал.

Водечките луѓе на Светската автомобилска федерација, потврдија дека оваа година нема да има замена за Големата награда на Русија во Сочи. 

Оваа потврда значи дека сезонава Формула 1 шампионатот ќе има вкупно 22 трки.

Во февруари годинава беше донесена одлуката за исфрлање на Сочи од календарот на трки во Ф1, поради рускиот напад на Украина. Постоеше можност за замена на домаќинот на трката, но се      испостави дека никој не е спремен да биде замена за Сочи.

„Оваа година остануваме на 22 трки. Нема да има дополнителна трка во календарот за сезонава“, стои во соопштението на Формула 1.

Овогодинешниот шампионат продолжува со трката за Големата награда на Шпанија, кое на програмата е овој викенд.

Унгарија и Словенија поднесоа заедничка кандидатура за домаќини на Светското првенство во 2023 година, кое првично требаше да се одржи во Санкт Петербург, соопшти Меѓународната федерација за хокеј на мраз.

Кон крајот на април и беше одземено правото на Русија да биде домаќин на Светското првенство догодина кое беше закажано за терминот од 5-21 мај. Унгарија и Словенија никогаш не биле домаќини на Светското првенство во хокеј на мраз во највисоката дивизија.

Нивната заедничка кандидатура доаѓа откако двете земји добија право на настап во елитната дивизија во 2023 година.

Европската атлетска асоцијација реши домаќин на  континенталниот шампионат во сала што ќе одржи во 2025 година да биде холандскиот град Апелдорн.

Ова е трет пат Холандија да биде организатор на Европско првенство во сала откако претходно најдобрите европски атлетичари за медали се бореа во Ротердам и Хаг, а последниот шампионат поминаа 32 години.

Инаку следното Европско првенство кое е на програмата следната година ќе се одржи во Истанбул.

Вчера во Хотелот „Континентал“ во Скопје заврши Отвореното Првенство на Македонија во шах за 2022. Победник на турнирот и  шампион на Македонија во поединечна конкуренција за сениори е репрезентативецот на Македонија, член на ШК Алкалоид, Филип Панчевски.

Победник на женскиот турнир и шампион на Македонија во поединечна конкуренција за сениорки е репрезентативката, членка на ШК Алкалоид, Моника Стојковска.

Македонската одбојкарска репрезентација, предводена од новиот селектор Ратко Павличевиќ, денес во Маврово ќе го има првиот собир во рамките на подготовките за престојниот старт на Европската сребрена лига 2022.

Павличевиќ на собирот повика 24 одбоjкари, главно оние кои се дел од нашата репрезентација и во последните два циклуса.

На техничарската позиција се повикани Ѓорѓи Ѓорѓиев, Филип Деспотовски, Ефтим Ричлиев и Давид Стојанов; Никола Ѓорѓиев, Стојче Арсов и Стефан Алексов се на коректорската позиција, на позицијата примач се повикани Владо Милев, Александар Љафтов, Стојан Илиев, Лука Костиќ, Васе Михаилов и новаците Блертон Бафтијари од Шкендија, Ангел Бошков од Универзитет во Тетово и Оливер Куновски од Борец.

Стандардните Филип Маџунков, Ристо Николов, Филип Савовски, Славе Наков и Филип Лепидовски се блокери, а шанса ќе има и за Михајло Мирасчиев од Штип УГД и за Христијан Андоновски од Борец. Дарко Ангеловски и Костадин Ричлиев се повикани на позицијата либеро.

Двократниот светски шампион во Формула 1, Фернандо Алонсо ќе остане во тимот на Алпин барем уште една сезона, објави италијанската верзија на motorsport.com. Шпанецот има договор до крајот на оваа година, но неодамна прокоментира дека нема намера да се откаже од Формула 1 бидејќи се чувствува добро, не ја изгубил мотивацијата и брзината и сака да се бори со помладите ривали.

„На денот кога мојот соиграч ќе биде 1 секунда побрз од мене, тогаш ќе одлучам дека треба да направам нешто друго, но тоа не е случај во моментов“, изјави Алонсо на „Имола“.

Се уште нема доволно потврдени информации дали Фернандо ќе сака да остане во тимот по крајот на 2023 година и зошто неговиот нов договор ќе биде на само една година, но најверојатно Алонсо сака да види каков напредок ќе има тимот со развојот на шасијата.

Од друга страна, Алпин веќе изјави дека компанијата, како и Рено, немаат намера да се разделат со Алонсо доколку тој реши да ја напушти Формула 1, бидејќи може да им биде многу корисен на Светскиот шампионат во издржливост, каде што програмата на Алпин сè уште зема замав.

Промоторот, Еди Хорн, објави дека мечот за светска титула во тешка категорија во верзиите ВБА (Светска боксерска асоцијација), ИБФ (Меѓународна боксерска федерација) и ВБО (Светска боксерска организација) меѓу Украинецот, Александар Усик и Британецот, Ентони Џошуа ќе се одржи на 23 јули.

Според него, речиси е сигурно дека мечот ќе биде во земја од Блискиот Исток. Потврда се очекува во наредните денови.

Украинецот има  19 победи во исто толку мечеви додека Џошуа има 26 победи и 2 пораза.