Рускиот тенисер Данил Медведев е шампион на АТП 500 турнирот во Дубаи, откако во финалето без борба дојде до трофејот поради повредата на Талон Грикспор, кој беше принуден да го предаде мечот.

За првпат успеа да освои втора титула на ист турнир, нешто што претходно не му поаѓаше од рака.

Неговите претходни 22 трофеи беа освоени на исто толку различни локации, што претставува навистина редок и уникатен подвиг во модерниот тенис.

До овој триумф, секој негов успех значеше нов град и нова сцена: една гренд слем титула, шест мастерс трофеи, завршниот АТП турнир, четири турнири од серијата 500 и десет од серијата 250 – секојпат на различно место.

Во 2023 година во Дубаи го совлада Андреј Рубљов во финалето, а три години подоцна повторно се искачи на врвот, конечно прекинувајќи ја необичната низа.

Рик Мачи, поранешниот тренер на Серена Вилијамс, го даде своето мислење за сè поизвесното враќање на теренот на повеќекратната освојувачка на Гренд слем турнирите по три и пол години откако замина во пензија.

Серена повторно влезе во официјалниот круг за допинг на ITIA и сега вратата е широко отворена за неа повторно да игра на големата сцена.

„Таа тренира со многу спаринг партнери. Исто така, игра и со Алиша Паркс. Ако не чувствуваше дека може да се натпреварува со најдобрите и да победи, не мислам дека би се вратила. Она што е сигурно е дека таа ќе се врати Веќе можам да ја видам во Индијан Велс или во Мајами“, изјавил нејзиниот поранешен тренер.

Во своето последно јавно појавување, Серена ниту ги потврди, ниту ги негираше информациите дека се враќа во професионалниот тенис.

44-годишната Американка е посветена на своето семејство, но нејзиното големо враќање на тенисот е веќе се поочекувано.

Карлос Алкараз дојде до трофејот од АТП турнирот во Доха, Катар, и тоа не било како, туку убедливо како на тренинг и за само 52 минути.

Ова финале ќе остане запаметено како едно од најкратките во историјата на АТП-500 серијата.

Францускиот тенисер, Артур Филс, едноставно немаше шанси против моментално најдобриот на АТП ранг-листата и не само што загуби за само 52 минути, туку успеа да освои само три гејма во поразот од 6-2 и 6-1.

Шпанецот со овој триумф само се зацврсти на лидерската позиција на светската ранг-листа.

Најдобриот светски тенисер, Шпанецот Карлос Алкараз, се пласираше во финалето на АТП турнирот во Доха, откако го совлада Русинот Андреј Рубљов со 2-0 во сетови (7-6(3), 6-4).

Алкараз дојде до победата над 14 играч на АТП листата по два часа и три минути.

Шпанецот пет пати му го одзеде сервисот на противникот, кој направи четири брејка.

Во финалето, Алкараз ќе игра против победникот од второто полуфинале меѓу Финс – Меншик.

Најдобриот македонски тенисер Калин Ивановски стана првак со Тексас Универзитет откако во финалето го совладаа Охајо Стејт Универзитетот со 4-2 во рамки на Зимското првенство на САД.

Триумфот во финалето беше всушност реванш за поразот во првиот дел од шампионатот од овој тим на 29.јануари кога загубија со 4-1.

Што се однесува до настапот на Ивановски тој во финалниот меч по голема борба го совлада Престон Стринс со 2-0 во сетови (75 64). Калин ја донесе и клучната победа за својот Универзитет.

Македонскиот тенисер за својот тим донесе исклучително важни поени. Во полуфиналето против Бејлор Универзитет кога со 2-1 во сетови (3-6; 6-2 и 6-3) го совлада Сомбор Велч, како и во четвртфиналето кога го совлада Роланд Де Равел од ТСУ Универзитетот со 2-1 во сетови (3-6; 6-3 и 6-3).

Претходно Ивановски имаше и порази од Стринс (Охајо) и Арјан Шах (Вејк Форест) и победа против Елијах Чам од Јужна Флорида. Инаку поразот од Стринс од Охајо (29.јануари) беше поради повреда каде Калин го предаде мечот што беше и пречка да настапи за Дејвис куп репрезентацијата на Македонија на почетокот на февруари.

Покрај сингл мечевите Ивановски имаше настапи и во конкуренција на двојки каде настапуваше со Абел Форже.

Ова за неговиот Универзитет е прва титула откако претходното финале пред две години го загубија.

За Ивановски ова беше дебитански настап за Тексас Универзитетот.

Тој за својот Универзитет ќе настапува до крајот на натпреварите во САД (завршуваат во месец мај), а потоа ќе има можност да настапува и на турнири од АТП и ИТФ серијата.

Иако изминатата седмица немаше настап сепак, најдоброто македонска тенисерка Лина Ѓорческа прогрес на новата ВТА ранг-листа.

Ѓорческа денешниот ден го дочека на 181 место што е прогрес за една позиција. Тетовката полека се доближува до својот најдобар ранкинг во кариерата, а тоа беше 17-тото место во 2017 година.

Што се однесува до листата ТОП 10, на првите три позиции нема промени. И натаму водечка Арина Сабаленка пред Ига Швјонтек и Елена Рибакина. Американката, Аманда Анисимова паднаа за две позиции, сега е шеста, а пред неа се нејзините со сонароднички Коко Гоф и Џесика Пегула.

За првпат во ТОП-10 влезе младата Канаѓанка, Викторија Мбоко, а оттаму испадна Русинката Екатерина Александрова.

Новак Ѓоковиќ нема да настапи на турнирот во Доха и одлучи да паузира во февруари по настапот на Австралија Опен.

Србинот беше поразен од Карлос Алкараз во финалето, пропуштајќи шанса за 25. гренд слем титула, но самиот пласман во завршницата беше голем успех.

Неговото отсуство од Доха изненади дел од јавноста, особено ако се знае дека има договор со „Катар ервејс“ и често беше гостин во оваа земја.

Според најавите, Ѓоковиќ се очекува да се врати на терените на Индијан Велс следниот месец.

Серена Вилијамс, која има 23 титули на големите турнири, ги прави чекорите за враќање на професионалниот тенис. Една од најдобрите тенисерки на сите времиња го мина шестмесечниот период во антидопинг системот, што е еден од главните услови за враќање на спортот по пензионирањето.

Серена Вилијамс последните настапи ги имаше во 2022 година. Таа нема да го има притисокот за настапи на турнирите, а можно нејзино појавување веќе во следниот месец (март) на турнирот во Индијан Велс, но како реални опции за негово појавување се турнирите во Мајами, Мадрид, Рим, Ролан Гарос и Вимблдон.

Американката има 44 години и нејзиното појавување на терените се очекува да привлече големо медиумско внимание, независно на кој турнир би се појавила. Нејзината сестра Венус Вилијамс (45 години) имаше настап и на последниот Гренд слем турнир Австралија опен.

Нашата најдобра тенисерка, Лина Ѓорческа, сосема очекувано прогресираше на новата ВТА-листа објавена денес.

Таа по добрите настапи на турнирите во Португалија скокна 12 позиции на светската листа и сега го држи 182 место.

Ѓорческа откако ја реализираше планираната програма на Пиринеите, сега ќе се насочи кон турнирите во Франција.

Македонската Дејвис куп репрезентација е поразена од Кипар и во третиот меч кој беше во конкуренцијата двојки.

Стефан Мицов и Амар Хусеиновиќ по поразите вчера во сингл мечевите, денес претрпеа неуспех и во заедничкиот меч, па домаќинот во Никозија зголеми на недостижни 3-0.

Хусеиновиќ и Мицов беа поразени од двојката Менелаос Ефстатиу и Елефтериос Неос со 2-0. По сетови Кипар беше подобар со 6-2 и 7-5 во првиот неделен меч.

На програмата се уште два настапи на македонските тенисери, ама дури и две победи нема да сменат ништо.