Светскиот рекет број 1, Карлос Алкараз ноќеска загуби од Американецот Франсес Тијафо на ревијален турнир во Њу Џерси.

Натпреварот заврши со 2-1, по сетови 6-3, 3-6 и 10-7.

Дваесет и двегодишниот Шпанец освои 24 АТП турнири во поединечна конкуренција. Во сезоната 2025, Алкараз освои осум титули, вклучувајќи го Отвореното првенство на САД и Ролан Гарос.

Американската тенисерка Серена Вилијамс ги демантираше тврдењата на Бен Ротенберг дека се враќа на тенисот.

Ротенберг објави како ексклузивна вест дека 44-годишната Американка планира да се врати на теренот по три сезони.

Како извор, тој ја наведе пријавата на Серена на списокот на тенисерки, регистрирани за контрола на допинг, што е задолжително за сите.

Во октомври, Серена се најде на таа листа, првпат од септември 2022 година, што беше причина Ротенберг да се појави во вестите.

„О Боже, луѓе, јас не се враќам. Овој „пожар“ е луд““ објави Серена на X.

Во коментар, Ротенберг ја праша зошто аплицирала за тестот, но не доби одговор.

Американската тенисерка Серена Вилијамс, освојувачка на 23 гренд слем титули, поднесе документација што го иницира нејзиното враќање во 2026 година.

Серена последен пат играше на Отвореното првенство на САД во 2022 година, каде што победи на два натпревари пред да изгуби од Ајла Томљановиќ во третото коло.

Тој пораз се случи на 2 септември, а само еден ден подоцна, Серена поднесе барање за официјално пензионирање до Меѓународната агенција за интегритет на тенисот, што значеше дека повеќе нема да мора да го открива своето место на живеење, за случајни допинг тестови на дневна основа.

Вилијамс имаше намера да се врати порано, во Њујорк оваа година, за да игра двојки со постарата сестра Венус, но таквото спонтано враќање, на краток рок, не е дозволено.

Серена се најде на регистрираната листа за тестирање на ITIA во октомври, по повеќегодишна пауза. На тој начин, е на добар пат да се врати до април 2026 година, за шест месеци.

Вилијамс освои 23 гренд слем титули во својата кариера и помина 319 недели на врвот на листата на ВТА.

Поранешниот финалист на Вимблдон, австралискиот тенисер Ник Кирјос, се обврза да настапи на турнирот Кујонг во јануари во Мелбурн, што е знак дека се надева и ќе може да учествува потоа и на Австралија опен.

Кирјос е надвор од АТП турнирите од март и одигра само шест натпревари во поединечна конкуренција во последните три сезони поради операции на зглобот и коленото.

Австралиецот, сепак, се пријави за настап на егзибицискиот турнир, кој ќе се одржи од 13 до 15 јануари во Мелбурн, непосредно пред почетокот на првиот грен слем турнир во новата сезона.

На почетокот на ноември, финалистот на Вимблдон во 2022 година изјави дека рехабилитацијата по повредата на левото колено се одвива добро и оти може да се надева на „чудо“ за да игра на Австралија Опен (18 јануари до 1 февруари), за што му е потребна посебна покана од организаторите.

Добри вести пристигнаа од Италија, легендарниот тенисер Борис Бекер објави дека повторно станал татко.

Среќната вест ја сподели поранешниот тренер на Новак Ѓоковиќ на социјалните мрежи, на сликата се гледаа рацете на Борис Бекер, неговата сопруга Лилијан де Карваљо Монтеиро и малата рака на неговата новородена ќерка. Тој го наведе и датумот на раѓање, но и името на детето – Зои Виторија Бекер.

Борис Бекер неодамна откри во интервју за „Билд“ дека тој и неговата сопруга решиле да изненадат со полот на детето. Таткото на три сина и една ќерка се пошегува дека е „совршено подготвен“.

Тениската репрезентација на Германија доцна синоќа успеа да постигне победа за пласман во полуфиналето од Дејвис купот.

Во последното четвртфинале Германија ја совлада Аргентина со 2-1 и со пресврт стигна до триумфот.

Во првиот меч водство за Аргентина донесе Томас Етчевери, кој со 2-0 (7:6(3) и 7:6(7)) во сетови го совлада Јан-Ленард Штруф. Очекувано Александер Зверев изедначи на 1-1 со победата над Франциско Серундоло добивајќи го мечот со 2-0 (6-4 и 7-6(3)). Во мечот во двојки Аргентина поведе откако го доби првиот сет со 6-4, а со истиот резултат германската двојка стигна до изедначување. Во решавачкиот сет беше 7-6 (12-10) за германската комбинација Кевин Кравец и Тим Пурц.

Во денешното прво полуфинале играат Италија – Белгија, додека утрее мечот меѓу Шпанија и Германија.

Најуспешната македонска тенисерка Лина Ѓорческа го заврши настапот на W50 ИТФ турнирот во Трнава. Таа денеска во меч од второто коло загуби со 2-0 во сетови (6-2, 6-1) од Британката Амарни Бенкс.

Противничката имаше комплетна контрола во мечот, а во двата сета имаше по два брејка што и донесоа сигурен триумф.

Ѓорческа ја очекува настап на уште еден турнир следната недела во Трнава. Тој турнир е од повисок ранг W75 и наградниот фонд изнесува 60.000 долари.

Поранешниот светски број еден, швајцарскиот тенисер Роџер Федерер, ќе биде примен во Меѓународната тениска сала на славните во 2026 година, објави АТП.

Федерер, којшто беше номиниран на почетокот на октомври, за изборот дознал од други членови на Куќата на славните за време на телефонски разговор со Стефан Едберг и Борис Бекер.

Огромна чест е да бидам избран во Меѓународната тениска сала на славните и да стојам покрај толку многу големи шампиони во овој спорт. Низ целата моја кариера, секогаш ја ценев историјата на тенисот и примерот што го дадоа оние што дојдоа пред мене. Беше големо задоволство да се чуе оваа вест, изјави Федерер.

Швајцарецот освои 103 титули во текот на својата кариера, вклучувајќи 20 грен слем титули. Тој го држи рекордот за најмногу последователни недели на првото место во светот – 237, од февруари 2004 до август 2008 година. Федерер се пензионираше во септември 2022 година.

Официјалната церемонија ќе се одржи од 27 до 29 август 2026 година во Њупорт, Велика Британија.

Канаѓанецот Феликс Оже-Алијасим се искачи на петтото место на најновата ранг-листа на АТП објавена денес.

Претходно тој беше на осмото место.

АТП ранг-листа објавена на 17 ноември 2025 година:

1 (1). Карлос Алкараз (Шпанија) – 12.050 поени
2 (2). Јаник Синер (Италија) – 11.500
3 (3). Александар Зверев (Германија) – 5.160
4 (4). Новак Ѓоковиќ (Србија) — 4.830
5 (8). Феликс Оже-Алијасим (Канада) — 4.245
6 (6). Тејлор Фриц (САД) — 4.135
7 (7). Алекс де Минаур (Австралија) — 4.135
8 (9). Лоренцо Мусети (Италија) — 4.040
9 (5). Бен Шелтон (САД) — 3.970
10 (10). Џек Дрејпер (Велика Британија) — 2.990.

Италијанскиот тенисер Јаник Синер ги сподели своите емоции по победата на АТП финалето во 2025 година во Торино.

Во финалето, вториот тенисер во светот го победи првиот светски рекет Карлос Алкараз со 7:6 (7:4) и 7:5.

„Прославувајќи го овој трофеј на крајот од годината по толку интензивни последни неколку месеци – за мене, нема подобар начин да се заврши сезоната. Беше многу тежок и интензивен натпревар. Мора да играте најдобро што можете против Карлос. Тој е еден од најдобрите, ако не и најдобриот. Секако, и Ѓоковиќ е тука. Многу сум среќен. Многу ми значи што ја завршувам сезоната вака. Неверојатно е“, рече Синер во интервју на теренот.

Дваесет и четиригодишниот Синер го освои Завршниот турнир втора сезона по ред, победувајќи го Американецот Тејлор Фриц во финалето во 2024 година.

За Италијанецот ова беше шеста АТП титула во сингл оваа сезона и 24. во неговата кариера.