Шпанскиот тенисер Рафаел Надал изјави дека се надева дека ќе се врати на теренот, пренесува „Мундо Депортиво“. Тој призна дека искрено верува дека повторно ќе игра, но не може да даде точен датум за враќање.

„Пред неколку недели немав таква доверба. Се надевам дека наскоро ќе можам да кажам нешто поконкретно, рече Надал.

Тенисерот тренира повеќе од претходно и нема да се откаже од враќањето.

Триесет и седумгодишниот Шпанец не учествувал на турнири откако се повреди на Австралија Опен во 2023 година. На почетокот на јуни тој беше опериран на мускул на левата нога. На 11 октомври, директорот на Австралија опен, Крег Тајли, потврди дека Надал ќе игра на турнирот во 2024 година.

Во досегашната кариера Надал има освоено 22 Грен слем титули и 92 АТП титули во сингл.

Седум тенисери од Белгија биле суспендирани поради местени натпревари од страна на Меѓународната агенција за интегритет на тенисот (ИТИА).

Според информациите тие местеле натпревари во својата земја, а потврдено е дека тенисерите ги признале прекршоците, па така полесно биле санкционирани.

Откриени се и имињата на тенисерите, станува збор за: Арзур Де Граф, Џилиен Дубаи, Ромен Барбоса, Максим Аутом, Омар Салман и Алек Витмер.

Тенисерите во зависност од вмешаноста добиле различни суспензии, најмалата е две години и седум месеци, додека најдолгата четири години и десет месеци.

Најдобриот македонски тенисер Калин Ивановски (4.носител  во квалификациите) со победа го почна настапот на Челинџер 75 турнирот во јапонскиот град Кобе што се игра за награден фонд од 80.000 долари. Тој во првото квалификациско коло со 2-1 во сетови (6-7(3), 6-2, 6-2) го победи домашниот тенисер Риуки Мацуда (23 години, 570.место) кој во квалификациите играше со вајлд карта. За влез на главниот турнир Ивановски во понеделник во 2 часот и 30 минути по полноќ ќе игра против уште еден домашен тенисер Џејмс Кент Тротер, кој забележа победа од 2-0 во сетови (6-4, 7-5) против Колин Синклер.

Во мечот со Мацуда македонскиот тенсер стартуваше со загубен гем на свој сервис, но потоа во шестиот гем успеа да направи брејк и да изедначи на 3-3. Во 10. гем Ивановски не реализираше три сет топки, па така сетот се решаваше во тај брејк, кој го освои Мацуда откако поведе со 4-1 со два „мини брејка“. Во вториот сет на почетокот имаше по два брејка за секој од тенисерите, а Ивановски поведе со 4-2 и сетот го заврши со уште еден брејк за 6-2. Во решавачкиот сет македонскиот тенисер ја потврди фаворитската улога и поведе со 3-0 и 5-1 во гемови за сетот да го заврши со 6-2.

Ивановски имаше 14 ас сервиси во мечот, а и двојно повеќе „брејкови“ осум наспроти четири на ривалот. Притоа македонскиот тенисер имаше и подобар процент на ретрн од противникот: на прв сервис (41% наспроти 28%) и на втор сервис (62% наспроти 38). Скоорот на освоени поени беше 105:79 за Ивановски.

Александар Зверев, доби казнена наредба и парична казна од германскиот суд, откако беше обвинет за физичко малтретирање на својата поранешна девојка.

Зверев беше казнет со 450.000 евра објави агенцијата АФП. Зверев ги негира обвиненијата и поднесе приговор против наредбата, што значи дека тој останува законски невин и не е осуден до конечната пресуда.

Казнениот налог во Германија се издава кога судијата, по испитувањето на писмените докази, смета дека може да се донесе одлука без да се оди на судење. Обвинетиот има право да го оспори казнениот налог, што најверојатно ќе доведе до јавно судење.

Во интервју неговата поранешна девојка Бренда откри и детали од нивните расправии кои знаеле да настанат откако тој ќе и го проверел телефонот.

„Зверев е љубоморен човек. Постојано ми го проверуваше телефонот. Понекогаш се каравме поради ‘погрешен лајк’ на Инстаграм, а неговиот гнев често се претвораше во физичко насилство“, изјавила девојката.

Патрик Муратоглу даде нови согледувања за Новак Ѓоковиќ. Муратоглу често на социјалните мрежи ги споделува своите ставови за тенисот, а овој пат коментира колку време Новак е на врвот.

Тој отиде дотаму што истакна дека Ѓоковиќ може да биде на врвот на светот дури и кога ќе влезе во својата петта деценија.

„Никогаш не сум видел 36-годишен играч во таква форма. Фактот што е толку фокусиран и сериозен го прави најдобар спортист на светот. Моето мислење е дека тој е најдобриот спортист во светот. Мислам дека тој може да игра на приближно ниво и по четириесеттата година. Не велам да, но мислам дека може. Секако, зависи од неговата мотивација и можните повреди, бидејќи секако секој може да се повреди“, рече Муратоглу.

Аргентинскиот тенисер Марко Трунхелити, пред четири години на јавноста ѝ откри дека му биле понудени пари за местење мечеви, поради што се нашол на удар. Аргентинецот моментно е 236 тенисер во светот,а за „Ла Насион“ откри дека и Новак Ѓоковиќ му кажал како и нему му било понудено да мести мечеви, на што српскиот ас никогаш не се согласил.

Во тенисот, за жал, местењето мечеви не е толку редок случај, што беше предупредено од Трунхелити во 2019 година, кој одби 100.000 долари по наместен меч. После тоа ја остави кариерата на страна, а сега повторно се врати на терените. Требаше да се пофали за чесноста и одлуката да ја зачува честа, но го критикуваа и коментираа дека е „кодош“ затоа што соработувал и бил сведок на местење мечеви. Тоа го повреди Аргентинецот бидејќи знаеше дека направил добра работа, а подоцна дозна дека слична ситуација имал и најдобриот тенисер на светот, Новак Ѓоковиќ.

„Многу ме повреди. Она за што зборував испадна вистина. Ѓоковиќ изјави дека му било понудено да намести меч. Подоцна излезе и Сергеј Стаховски, кој ме нарече „кодош“, и нему му беше понудено. АТП, Единицата за интегритет на тенисот и ИТФ, едно „боцкање“ по друго. Сите овие организации беа под нивото. Се сретнав со Новак на „УС Опен“ и му се заблагодарив за тоа што го прави за играчите. Зборував и со Поспишил: тој отиде на неколку состаноци и ми кажа дека е повреден неколку месеци, дека почнал да размислува. Тоа што го прави еден дечко кој беше во топ 30 е многу попочитуван од тоа што го прави Федерер, кој го напушти тенисот и се врати само со Лејвер купот“, рече Трунхелити.

Аргентинскиот тенисер Марко Трунхелити, пред четири години на
јавноста ѝ откри дека му биле понудени пари за местење мечеви,
поради што се нашол на удар. Аргентинецот моментно е 236 тенисер
во светот,а за „Ла Насион“ откри дека и Новак Ѓоковиќ му кажал како
и нему му било понудено да мести мечеви, на што српскиот ас
никогаш не се согласил.
Во тенисот, за жал, местењето мечеви не е толку редок случај, што
беше предупредено од Трунхелити во 2019 година, кој одби 100.000
долари по наместен меч. После тоа ја остави кариерата на страна, а
сега повторно се врати на терените. Требаше да се пофали за чесноста
и одлуката да ја зачува честа, но го критикуваа и коментираа дека е
„кодош“ затоа што соработувал и бил сведок на местење мечеви. Тоа
го повреди Аргентинецот бидејќи знаеше дека направил добра работа, а подоцна дозна дека слична ситуација имал и најдобриот тенисер на светот, Новак Ѓоковиќ.
„Многу ме повреди. Она за што зборував испадна вистина. Ѓоковиќ
изјави дека му било понудено да намести меч. Подоцна излезе и
Сергеј Стаховски, кој ме нарече „кодош“, и нему му беше понудено.
АТП, Единицата за интегритет на тенисот и ИТФ, едно „боцкање“ по
друго. Сите овие организации беа под нивото. Се сретнав со Новак на
„УС Опен“ и му се заблагодарив за тоа што го прави за играчите.
Зборував и со Поспишил: тој отиде на неколку состаноци и ми кажа
дека е повреден неколку месеци, дека почнал да размислува. Тоа што
го прави еден дечко кој беше во топ 30 е многу попочитуван од тоа
што го прави Федерер, кој го напушти тенисот и се врати само со
Лејвер купот“, рече Трунхелити.

Грчкиот тенисер Стефанос Циципас, одлучи повторно во својот табор да го врати неговиот екс тренер, неговиот татко Апостол.

Тоа значи дека е прекината досегашната соработка со Марко Филипусис, со кој не бележеше добри резултатити изминатиот период. Стефанос во август одлучи својата кариера да ја продолжи без неговиот татко, но тоа траеше кратко, само два месеци, па сега соработката е повторно обновена.

„Без татко ми како да го губам идентитетот како тенисер“, порача Циципас за неговата одлука.

Циципас одлично ја почна сезоната, играше Австралија Опен финале, но проблем беше што освои само една АТП титула и тоа во Мексико. Моментално е шестопласиран тенисер на АТП листата.

Австралија Опен одлучи дека натпреварувањето во иднина ќе го стартуваат во недела, наместо во понеделник.

„Го слушнавме мислењето на играчите и публиката и возбудени сме што донесовме решение кое ги задоволува сите, со ова ќе се заддржи и фер и изедначен пристап на терените“, порача Крег Тејли.

Австралија Опен ќе се оддржи од 14 до 28 јануари, а титулата ќе ја брани Новак Ѓоковиќ.

„Со оваа одлука ќе го подобриме распоредот и за навивачите и учесниците. Првата рунда ќе се игратри дена, наместо денешните два, со тоа, навивачите ќе имаат уште еден врвен ден тенис“, се надоврза Тејли.

Пред да бидат картите пуштени во продажба на 12. октомври, ќе се дознаат уште неколку големи промени во Мелбурн.

По вчерашниот триумф на фјучерсот во Куршумлиска Бања и освоените 70 поени од турнирот и со вкупно 399 поени се искачи на 186. место на ВТА листата.

Таа е сега многу блиску до својот најдобар ранг кога беше 170-та на ВТА листата (12.јуни 2017). Во конкуренција на двојки Ѓорческа има пад за шест места и сега се наоѓа на 309. место со 256 поени. Магдалена Стоилковска исто така има скок од седум позиции и сега се наоѓа на 1237. место со 8 поени. Во конкуренција на двојки Стоилковска е на 1475. место со 6 поени и таа како и Лина во оваа конкуренција има пад за шест позиции.

Оваа недела активна на тениските турнири ќе биде единствено Стоилковска која ќе настапува на фјучерс турнирот во Шибеник.