Јаник Синер се повлече од Мастерсот во Париз, Франција. Италијанскиот тенисер како причина го наведе вирусот.

„Дојдов во Париз уште порано отколку што требаше да се подготвам подобро, но потоа ми се слоши. Сè уште го имам вирусот и моето тело едноставно не е во натпреварувачки режим. Не можам да изразам колку ми е жал. Се гледаме следната година“, им порача Синер на своите фанови во видео порака.

Тој беше прв носител на турнирот, како играч кој сигурно ќе ја заврши 2024 година убедливо на првото место.

На негово место доаѓа домашниот тенисер Артут Казо, кој во второто коло ќе игра со победникот од дуелот помеѓу Бен Шилтон и Корентин Муте.

Лина Ѓорческа и Магдалена Стоилковска по поразите на последните турнири забележаа на најновата ВТа листа објавена денеска.

Ѓорческа која е најдобро рангирана македонска тенисерка се наоѓа на 263. позиција и тоа е пад за осум позиции во однос на минатата недела. Стоилковска пак откако падна за 15 позиции сега е на 1207 место во светот.

На врвот нема промена, Арина Сабаленка е прва, пред Швојнтек и Гоф. Најголемиот скок го направи српската тенисерка Олга Даниловиќ која напредуваше дури 34 места и сега е на 52. позиција.

Македонскиот тенисер Калин Ивановски оствари голем триумф на стартот од квалификациите на на Челинџер 125 турнирот во Братислава (наградниот фонф на турнирот е 148625 евра). Тој во два сета со 2-0 (7-6/4, 7-6/3 го совлада Американецот Александар Ковачевиќ кој се наоѓа на 99.то место на АТП листата. Два сета Ивановски ги доби во тај брејкот, притоа во текот на целиот меч имаше максимална контрола над играта и резултатот, иако за противник имаше тенсер од ТОП 100.

Во првиот сет Американецот Ковачевиќ имаше постојано предност и водство во сетот од причина што прв сервираше. Сетот мина без брејк шанса за некој од тенисерите и се решаваше во тај брејкот. Тогаш на дојдоа моментите на Калин кој веданш направи „мини брејк“ и поведе со 1-0, а потоа со уште еден „мини брејк“ поведе и со 4-1 и водеше со 5-1. При 6-2 на поени Ивановски ја искористи третата сет топка откако две беа на сервис на противникот.

Без брејк шанса изминуваше и вториот сет. Но така беше до 11.тиот гем кога Калин Ивановски успеа да спаси брејк типка и поведе со 6:5 во гемови. Во следниот гем противникот водеше со 40/15, а Ивановски успеа да освои три поени во низа и стигна до брејк и меч топка, но не успеа да ја искористи. Во продолжението на гемот Ковачевиќ имаше дури трипати предност и стигна до 6-6 во гемови и уште еден тај брејк. За разлика од првиот сет, во вториот тај брејк Ивановски направи „мини брејк“ за водство од 4-2 во поени, а вториот „мини брејк“ беше на меч топка што значеше и 7-3 на поени за македонскиот тенисер.

Ивановски мечот го заврши со 8 ас сервиси и две двојни сервис грешки, додека противникот имаше 4 аса и 3 двојни сервис грешки. Двајцата тенисери имаа по една брејк топка која не ја искористија, а Ивановски беше поуспешен и во вкупниот број на поени 80-73.

Денешниот ривал на Ивановски, Ковачевиќ беше рангиран како втор носител во квалификациите. Во следното коло (утре) Калин ќе игра со победникот од мечот меѓу Милош Карол од Словачка и Максим Крејси од САД (мечот се игра подоцна попладнево).

Поради повреда Ивановски во 2024 година го имаше отсуство од тениските терени и ова за него е само втор меч во сезонава.

Церемонијата на прием во Меѓународната тениска куќа на славните ќе се одржи во Њупорт од 21 до 23 август следната година.

Петкратната грен слем победничка, руската тенисерка Марија Шарапова и сопствениците на бројни рекорди во игра на парови, американските близнаци Боб и Мајк Брајан, во 2025 година ќе бидат примени во Меѓународната тениска куќа на славните, која се наоѓа во Њупорт, во американската сојузна држава Род Ајленд.

Во текот на својата речиси 20-годишна кариера, Шарапова се приклучи на ексклузивното друштво од десет тенисерки кои успеаја да освојат индивидуални титули на сите четири Грен слем турнири, а пет пати се искачи и на врвот на поединечната ВТА ранг-листа.

Браќата Брајан освоија рекордни 16 грен слем титули во конкуренција на парови и се најуспешниот тениски тандем во историјата со вкупно 119 заеднички трофеи. Рекордни 438 недели беа на врвот на АТП ранг-листата, а десет пати беа најдобар машки пар на крајот на годината.

Церемонијата на прием во Меѓународната тениска куќа на славните ќе се одржи во Њупорт од 21 до 23 август следната година, со специјална програма и хуманитарен турнир на кој ќе настапат легенди кои веќе влегле во рангот на тениските бесмртници.

Магдалена Стоилковска е поразена во мечот од второто коло на ИТФ фјучрсот на Бол на Брач во Хрватска, што се играше за награден фонд од 15.000 долари. Таа загуби од тенисерка од Чешка Луси Урбанова со 2-0 во сетови (6-1, 7-6/5 за 96 минути игра и успеа да спаси три меч топки, но следната противничката ја реалзираше.

Во меч со два различни сета првиот Стоилковска го загуби лесно и и дозволи на противничката да поведе со 1-0 во сетови. Урбанова на стартот од мечот ги освои првите пет гема за водство од 5-0 во гемови и брзо стигна и до водството со 6-1 во првиот сет.

Во вториот сет имаше многу повеќе резултатска неизвесност, иако тенисерката од Чешка поведе со 3-0. Притоа во првите два гема од вториот сет се играше до 12 поена. Стоилковска негативата успеа да ја анулира во десеттиот гем кога изедначи на 5-5 и притоа ја спаси првата меч топка на противничката. Во дванаесеттиот гем Урбанова повторно дојде овојпат до две меч топки, но македонската тенисерка успеа да го добие гемот и да изедначи на 6-6 и со тоа да се избори за тај брејк.

Во тринаесеттиот гем ново водство за Урбанова од 3-0 во поени, Стоилковска повторно изедначи на 303, а потоа и на 505, но чешката тенисерка успеа да го добие тај брејкот со 705 на поени и со тоа сетот со 706 што значеше победа од 2-0 во сетови.

Рафаел Надал се врати од Саудиска Арабија со 1,5 милиони долари, без да победи никого на турнирот „Six Kings Slem“.

Најпрво беше надигран од сонародникот Карлос Алкараз, а во мечот за третото место Новак Ѓоковиќ „стави точка“ на нивното ривалство, бидејќи Надал ќе се повлече по Дејвис купот.

Доколку „остане без пари“, што тешко дека ќе се случи бидејќи е еден од најбогатите спортисти на сите времиња, Рафаел Надал ќе може да го продаде златниот рекет што го доби од советникот на кралското семејство на Саудиска Арабија, Турки Ал-Шеик.

По финалниот меч во Ријад, Надал доби подарок што не го очекуваше, бидејќи доверлив човек на кралот Салман му пријде и му подари златен рекет, доказ за богатството на владејачкото семејство.

„Задоволство е што си тука со нас, за тебе имаме мал подарок од „сезоната на Ријад“ и ти посакувам добра иднина во животот“, рече тој, а потоа му го покажа рекетот на Надал кој го остави без зборови.

Таа сцена го воодушеви Надал, кој вети дека нема да го загуби рекетот, и дека ќе го „штити како очите во главата“.

Како што пренесуваат медиумите, рекетот е тежок три килограми и е изработен од чисто злато, па наводно вреди околу 250.000 евра. Нема сомнеж дека Надал ќе го најде вистинското место во својот дом за овој фантастичен подарок, еден од највредните што ги добил во кариерата.

После тринаесет години професионално играње на тенис во Виена крај на професионалната кариера стави Австриецот Доминик Тим.

Тим беше и третопласиран на АТП листата, а во кариерата имаше 348 победи од кои пет против Новак Ѓоковиќ, освои 17 турнири од кои еден Грен слем, а се прости како 318-ти на ранг листата на АТП.

Поранешниот уругвајски напаѓач Диего Форлан, следниот месец ќе игра на професионален тениски турнир во родното Монтевидео, објавија организаторите.

Сега 45-годишниот Форлан, кој ја заврши фудбалската кариера во 2018 година, од неодамна активно се занимава со тенис и има настапувано на неколку турнири за ветерани, но во ноември ќе игра на АТП „челинџерот“ во конкуренција на двојки, а партнер ќе му биде Аргентинецот Федерико Корија, моментално 101-от играч во светот.

Форлан и Корија добија покана од организаторите за турнирот кој од 11 до 17 ноември ќе се одржи во главниот град на Уругвај.

Во текот на својата фудбалска кариера, Форлан забележа 112 настапи и постигна 36 гола за репрезентацијата на Уругвај, со која го освои јужноамериканскиот шампионат во 2011 година, а ги носеше и дресовите на европските гиганти Манчестер Јунајтед, Атлетико Мадрид и Интер.

Македонската тенисерка Лина Ѓорческа го загуби мечот од првото коло на ИТФ фјучрс турнирот во Шпанија што се игра во Лес Франкуесес дел Валес (Барселона) за награден фонд од 100.000 долари (тврда подлога – отворено). Таа загуби од Французинката Наиа Берекоечеа со 2-1 во сетови (6-4, 1-6, 6-2) по 2 часа и 9 минути игра.

Самиот меч имаше неизвесен тек. Во првиот сет првиот брејк го напарви македонската тенисерка и поведе со 3-2 во гемови, но потоа следуваше мини-серија од три гема за противничката која поведе со 5-3. И во следните два гема имаше брејк (одземен сервис), но тоа и донесе водство на Берекоечеа (388.мо место на ВТА) од 1-0 во сетови откако сетот заврши со 6-4.

Ѓорческа имаше целосна контрола над играта и резултатот во вториот сет. Поведе со 4-0 во гемови, а единствениот гем Французинката го освои на свој сервис во петтиот гем од сетот кога беа одиграни рекордни 16 поени. На крајот македонската тенисерка го доби сетот со 6-1 во гемови.

Во решавачкиот сет по 1-1 во гемови имаше три брејка и водство за Берекоечеа од 3-2 во гемови, по кое Французинката ја искористи предноста и ги освои следните три гема и го доби сетот со 6-2 во гемови.

Во следната недела Ѓорческа е пријавена за настап на ИТФ фјучрс турнир во Хамбург, Германија.

Најдобриот македонски тенисер Калин Ивановски во неизвесен меч, во кој нијанси решаваа го загуби дуелот со Словенечкиот тенисер Филип Џеф Планиншек со 2-0 во сетови (7-/5, 6-4) за 104 минути игра. Ова беше прв меч за Ивановски во 2024 година, откако поради повреда пропушти поголем дел од сезоната.

Во текот на мечот двајцата тенисери имаа предност во гемовите кога се наоѓаа на сервис, а единствениот брејк го направи Плаиншек во вториот сет што се покажа и како решавачки, додека во првиот сет се играше тај брејк.

Во првиот сет словенечкиот тенисер имаше постојано водство од гем предност, а во единасеттиот гем Ивановски имаше две брејк топки што не ги искористи при резултат 15/40. Во тај брејкот Планиншек поведе со 5-2 во поени, Ивановски намали на 5-4, но не успеа да се избори за пресврт. Во вториот сет поведе македонскиот тенисер со 1-0 во гемови, но во третиот гем Планиншек го направи единствениот брејк во мечот и предноста ја зачува до крајот на мечот. Ова осoбено што двајцата тенисери во следните неколку гемови сервираа и неколку ас сервиси.