Најдобриот македонски тенисер, Калин Ивановски со 2-1 во сетови го победи Украинецот Владислав Орлов и го освои турнирот кој се играше во Скопје.

Ивановски имаше одличен влез во мечот, го доби првиот сет со убедливи 6-1, но следуваше пад, Украинецот го доби вториот сет со 6-0 и израмни на 1-1.

Македонскиот тенисер успеа да се крене и да блесне во третиот решавачки сет кој го доби со 6-2 и ја завери победата.

Покрај Ивановски, на титула на овој турнир се израдуваа и Обрад Марковски и Горазд Србљак кои синоќа победија во финалето во двојки.

Најдобриот македонски тенисер, Калин Ивановски ќе игра во финалето на Macedonian Open турнирот кој се одржува на терените на ТК „Југ“ во Скопје.

Во денешното драматично полуфинале, Ивановски беше подобар од седмиот носител на турнирот, Бугаринот Јанаки Милев со 2:1 (6:4, 2:6, 7:5).

Во финалето, Ивановски ќе игра со победникот од дуелот меѓу Владислав Орлов од Украина и Стефан Поповиќ од Србија.

Ланската финалистка на Вимблдон Американката Аманада Анисимова, која во првото коло ја победи македонската тенисерка Лина Ѓорческа попладнево многу потешко од очекуваното избори трето коло. Таа во рамки на втората рунда ја победи сонародничката Софија Кенин со 2-1 во сетови.

Во првиот сет Анисимова беше сигурна и сетот го доби со 6:2 во гемови. Но, потенцијалното изненадување беше најавено во вториот сет кога Кенин изедначи откако го освои сетот со 6:4.

Во решавачкиот сет се играше тај брејк, а Анисимова во овој дел од играте беше сигурна и ја потврди фаворитската улога добивајќи го „13.тиот гем“ со 10:3 на поени.

Во следната рунда Анисимова ќе игра против уште една Американка Медисон Кејс.

Најдобриот македонски тенисер, Калин Ивановски, се пласираше во четвртфиналето на „Маседониан Опен 2026“ откако го победи Лиам Деликата од Малта со 2-0 во сетови.

Ивановски првиот сет го доби со 6-4, во вториот беше подобар со 6-3. Мечот траше 108 минути.

Утре во четвртфиналето противник на Ивановски ќе му биде Александер Вајс од Италија (носител број 6), кој денеска имаше два меча прво го совлада Амар Хусеиновиќ (Македонија) со 2-0 во сетови, а потоа беше поуспешен од Каспер Симковјак (Полска) со 2-0 во сетови.

Мечот на македонскиот тенисер Обрад Марковски против Владислав Орлов од Украина (носител број 4) е прекинат поради темница во вториот сет при резултат 6-3 во првиот сет и 2-2 во вториот сет. Продолжението на мечот ќе биде утре.

Во конкуренција на двојки Кристијан Јанев и Стефан Мицов го загубија продолжението на мечот со Радослав и Васил Шандаров со 2-0 во сетови (64 64). Македонската комбинација Ѓорѓи Јанкуловски и Дарко Колевски загубија од Никола Керемидџиев и Давид Симеонов од Бугарија со 2-0 во сетови (62 61).

Во второто коло во двојки ќе настапи Амар Хусеиновиќ, кој игра заедно со Роман Постолка од Чешка, нивните ривали Владислав Орлов и Каспер Симковјак го предадоа мечот.

Новак Ѓоковиќ експресно и без поголеми маки ја прескокна и втората пречка на Вимблдон, откако во најавеното дерби на колото рутински го совлада Стефанос Циципас.

Српскиот тенисер доминираше во текот на целиот меч и славеше со убедливи 6-3, 6-4 и 6-2. Со оваа победа Ѓоковиќ обезбеди пласман во следната рунда, каде за противник ќе го има францускиот претставник Риндернех.

Победа во три сета запиша и Јаник Синер против Нуно Боргес, иако Италијанецот мораше многу повеќе да се мачи за да го скрши отпорот на противникот.

Македонските тенисер Калин Ивановски со доминантна игра го совлада првиот носител М25 Скопје Macedonian Open 2026, Андреј Чепелев 2-0 во сетови (6-4 6-2) за два часа и две минути игра.

Во текот на целиот меч Ивановски имаше контрола и доминираше, а предноста ја правеше на почетокот на секој од сетовите.

Во првиот сет Ивановски направи брејк во третиот гем за водство од 2-1 во гемови и предноста ја одржуваше до крајот на сетот, кој го заврши со 6-4 во гемови. Во вториот сет македонскиот тенисер имаше два брејка и водство од 4-0 во гемови. Во седмиот гем се водеше голема борба и по 16 одиграни поени Чепелев намали на 5-2 во гемови, а во следниот гем на свој сервис „ја заврши работата“ и сетот го заврши со 6-2.

Во следното коло противник на Ивановски ќе му биде победникот од мечот Саша Марковиќ и Лиам Деликата.

Од другите македонски тенисери настапот во првото коло го завршија Стефан Мицов и Кристијан Јанев. Мицов за противник го имаше Каспер Симковјак од Полска, кој го доби мечот со 2-0 во сетови (6-2 6-2). Во првиот сет полскиот тенисер имаше три брејка, а Мицов успеа да му „одземе“ еден гем на сервис на ривалот. Во вториот сет Симковјак направи два брејка и поведе со 4-0 во гемови. Во последниот гем Мицов успеа да спаси три меч топки, но сепак противникот се радуваше на победата.

Младиот македонски репрезентативец Кристијан Јанев го загуби мечот со Валентино Конте од Аргентина со 2-0 во сетови (6-3 6-0). Во првиот сет по двата брејка Јанев поведе со 3-2 во гемови, но во продолжението Конте успеа да наметне своја игра и го доби сетот со 6-3, а потоа и следниот со 6-0.

Шестата тенисерка во светот, Аманда Анисимова, која релативно лесно ја победи нашата Лина Ѓорческа, по крајот на мечот ја пофали Македонката.

Анисимова го доби мечот со 6-3 и 6-2, но Лина имаше моменти во мечот во кои покажа дека не случајно се пласираше на Вимблдон.

По мечот доби признание од Анисимова.

„Ѓорческа имаше неколку натпревари тука пред овој меч, таа игра одличен тенис. Јас сум среќна што се вратив тука по ланското финале и што се пласирав во второто коло. Работев напорно за овој турнир и сакам повторно да се покажам во одлично светло“, рече Анисимова по мечот против Ѓорческа.

Прес конференцијата по повод турнирот Macedonian Open што се одржува во Скопје не можеше да ги остави и другите актуелности од тенисот на страна пред се настапот на Лина Ѓорческа на Вимблдон. Покрај директорот на турнирот Горан Шевченко, свое видување имаше и македонскиот Дејвис куп репрезентативец Калин Ивановски.

• Лина и нејзиниот пласман на Вимблдон секако и моја цел е да се пласирам на Вимблдон. Едноставно Лина ми дава инспирација и ако сум здрав верувам дека следната година ќе настапам, барем во квалификациите. Вимблдон е еден од најдобрите турнири. Јас кога игарв на јуниорскиот ми се исполни сонот и целта ми е да настап и на сениорски турнир и навистина тоа е голем турнир и со тоа успех на Лина и мислам да направи резултат, изјави на прес конференцијата Калин Ивановски.

Калин Ивановски има настап на Вимблдон и во 2022 година беше четвртфиналист.

Канадскиот тенисер Денис Шаповалов го заврши настапот на годинашниов Вимблдон, откако поради повреда на рамото го предаде мечот со Шпанецот Пабло Карено Буста. По два одиграни сета шпанскиот тенисер имаше водство од 2-0 во сетови (6:3 и 7:6), кога Шаповалов по нецели два часа го предаде мечот. Инаку, Шаповалов беше полуфиналист на Вимблдон во 2021 година.

Во следната рунда Буста ќе игра против сонародникот Рафаел Ходар, кој без проблем го победи домашниот тенисер Британецот Феликс Хил со 3-0 во сетови.

Денеска на Централниот терен на Вимблдон ќе играат првите носители Јаник Синер кај мажите и Арина Сабаленка кај жени и повеќекратниот победник на овој Гренд слем турнир Новак Ѓоковиќ. Настапите на овие тројца тенисери секако привлекуваат и најголемо влијание.

Првиот носител на Вимблдон, Јаник Синер, добро се испоти за да го победи Миомир Кецмановиќ, Италијанецот го доби мечот во пет сета.

Србинот тргна одлично, го доби првиот сет со 6-4, но Синер возврати со 6-3 и изедначи на 1-1 во сетови.

Третиот сет беше најдраматичен, се играше тајбрејк кој го доби Кецмановиќ со 8-6 и поведе со 2-1 во сетови.

Кога требаше најмногу, Синер се крена, ги доби следните два сета со 6-2 и 6-3 и го доби мечот со 3-2.

Синер во следното коло ќе игра против Боргеш кој со 3-0 беше подобар од квалификантот Бојер.

Од досегашниот дел од турнирот за издвојување е елиминацијата на Каспер Руд кој со 3-0 загуби од Куркач, како и поразот на Рубљов кој беше поразен од Сафулин со 3-2 во сетови.