Поранешниот светски тениски рекет број еден, Британецот Енди Мареј го освои турнирот во голф BTJA Mike Dickson Golf Day во Хертфордшир.

Турнирот се одржа во спомен на спортскиот новинар Мајк Диксон, кој почина во јануари годинава во Мелбурн додека известуваше од Австралија Опен.

Мареј се преориентира кон голфот откако се повлече од професионалниот тенис ова лето. Мареј во тениската кариера освои три грен слем турнири.

Поранешната американска тенисерка Серена Вилијамс објави дека неодамна била оперирана за отстранување на циста на вратот.

„Во мај забележав грутка на вратот и веднаш се консултирав со лекар. Тие направија магнетна резонанца и открија дека е циста. Иако првично не планирав да го отстранам, тој продолжи да расте“, напиша Вилијамс на социјалните мрежи.

Кога цистата достигнала големина на грејпфрут, Серена решила сепак да ја отстрани. „Лекарите ми рекоа дека може да се инфицира или дури да истече, па се одлучив за операција“. Драго ми е што се помина добро и здрава сум“, додаде американската тенисерка.

Австралискиот тенисер Ник Кирјиос најави враќање на тениските терени по пауза од скоро две години.

Кирјиос ќе се врати на теренот на егзибицискиот турнир во декември во Абу Даби. Поранешниот светски рекет број 13 испадна од светската ранг-листа откако беше рангиран како бр. 470 во октомври 2023 година.

Тој одигра само еден натпревар во изминатите две години поради повреди на коленото, стапалото и зглобот.

Ретко кој очекуваше дека Чехот Томаш Махач ќе може да направи
сензација, но на крајот успеа да слави против Шпанецот, Карлос
Алкараз.
Уште од самиот старт на мечот беше јасно дека Махач ќе биде
незгоден противник за фаворитот во овој дуел. Иако во мечот
влезе нервозно, промашувајќи три последователни форхенди,
многу лесно најде ритам и не дозволуваше на Алкараз да го
наметне својот ритам.
Во првиот сет не видовме ниту еден брејк, па победникот се
решаваше во тај-брејк каде што Махач беше поуспешен.
Во вториот одлучувачки сет дојде до брејк со 2-1 кој во наредниот
сет го потврди, а Алкараз успеа да возврати со израмнувањето на
3-3. Одлучувачкиот брејк чешкиот тенисер го направи за водство
од 6-5 и во продолжение на свој сервис само го заврши мечот за
полуфинале во Шангај.

Американската тенисерка Коко Гоф го освои ВТА турнирот во
Пекинг, откако во финалето ја совлада Чешката тенисерка
Каролина Мухова со 6-1, 6-3.
Натпреварот траеше еден час и 17 минути. Гоф е рангирана на
шестото место во светот, додека Мухова е на 49. место на ВТА
листата. Со триумфот во Пекинг Гоф ја освои осмата титула во
кариерата.
Со освојувањето на турнирот во главниот град на Кина,
американската тенисерка освои парична награда од 1,1 милион
долари, како и 1.000 поени за ВТА листата.
Мухова за ВТА листата доби 585.000 долари и 650 поени. ВТА
турнирот во Пекинг се одигра за награден фонд од 8.955.610
долари.

Во Париз е извршен грабеж на тенискиот комплекс „Ролан Гарос“.

Француските медиуми објавија дека инцидентот се случил ноќта четврток кон петок. Сторителите на делото влегле во комплексот, и упаднале во неколку канцеларии. Украле 11 илјади евра готовина и накит од 20 илјади евра.

Француската тениска федерација соопшти дека полицијата во моментов го истражува грабежот.

Комплексот „Ролан Гарос“ се наоѓа во 16. округ на Париз. Секоја година таму се одржува еден од четирите Грен слема во светот – Отвореното првенство на Франција.

Агентот на Роџер Феререр, Тод Годсик, најави дека славниот швајцарски тенисер би можел после две години од пензионирањето пак да се врати на терен.

Федерер би играл на егзибициски меч против Рафаел Надал, што би било простување на Шпанецот од активното играње тенис.

„Мислам дека нема дилеми околу тоа. Роџер и Рафа сакаат да соработуваат, тоа би било одлична приказна“, изјави Годсик.

Извлечена е жрепката за пласман во финалната фаза од Дејвис Купот што ќе се одржи во Малага од 19 и 24 ноември.

Бранителот на титулата Италија во четвртфиналето ќе се соочи со Аргентина, а според најавите, актуелните шампиони ќе бидат засилени со светскиот рекет број 1 Јаник Синер и Лоренцо Музети, кои ја прескокнаа групната фаза во Болоња.

Победникот од овој натпревар во полуфиналето ќе игра против победникот од пресметката меѓу САД и Австралија.

Германија за пласман во полуфиналето ќе игра против Канада, а домаќинот Шпанија ќе се соочи со селекцијата на Холандија.

Поранешната број еден во женскиот тенис Наоми Осака објави дека соработката со тренерот Вим Фисет заврши.

„Четири години, две Гренд слем титули и многу спомени. Благодарам на Вим што беше одличен тренер и уште попрекрасна личност. Ти посакувам се најдобро!“, напиша Јапонката на социјалните мрежи.

Фисет беше тренер на Осака од 2019 до 2022 година и продолжи да работи со неа откако таа се врати на терените во јули 2023 година по породилното отсуство.

Под водство на белгискиот тренер, Осака освои две од нејзините четири Гренд слем титули – Отвореното првенство на САД во 2020 година и Австралија опен во 2021 година.